ஶ்ரீமத்³வால்மீகீய ராமாயணே யுத்³த⁴காண்ட³ம் ।
அத² ஷட³ஶீதிதமஸ்ஸர்க:³ ।
அத²தஸ்யாமவஸ்தா²யாம்லக்ஷ்மணம்ராவணானுஜ: ।
பரேஷாமஹிதம்வாக்யமர்த²ஸாத⁴கமப்³ரவீத் ॥ 1 ॥
யதே³தத்³ராக்ஷஸானீகம்மேக⁴ஶ்யாமம்விலோக்யதே ।
ஏததா³யோத்⁴யதாம்ஶீக்⁴ரங்கபிபி⁴பாத³பாயுதை⁴: ॥ 2 ॥
அஸ்யானீகஸ்யமஹதோபே⁴த³னேயதலக்ஷ்மண ।
ராக்ஷஸேந்த்³ரஸுதோப்யத்ரபி⁴ன்னேத்³ருஶ்யோப⁴விஷ்யதி ॥ 3 ॥
ஸத்வமிந்த்³ராஶனிப்ரக்²யை:ஶரைரவகிரன்பரான் ।
அபி⁴த்³ரவாஶுயாவத்³வைனைதத்கர்மஸமாப்யதே ॥ 4 ॥
ஜ ஹிவீரது³ராத்மானம்மாயாபரமதா⁴ர்மிகம் ।
ராவணிங்க்ரூரகர்மாணம்ஸர்வலோகப⁴யாவஹம் ॥ 5 ॥
விபீ⁴ஷணவச்ஶ்ருத்வாலக்ஷ்மணஶ்ஶுப⁴லக்ஷண: ।
வவர்ஷஶரவர்ஷாணிராக்ஷஸேந்த்³ரஸுதம்ப்ரதி ॥ 6 ॥
ருக்ஷா:ஶாகா²ம்ருகா³ஶ்சைவத்³ருமத்³ரினக²யோதி⁴ன: ।
அப்⁴யதா⁴வந்தஸஹிதாஸ்தத³னீகமவஸ்தி²தம் ॥ 7 ॥
ராக்ஷஸாஶ்சஶிதைர்பா⁴ணைரஸிபி⁴ஶ்ஶக்திதோமரை: ।
உத்³யதை³ஸஸம் வர்தந்தஸமரேகபிஸைன்யஜிகா⁴ம்ஸவ: ॥ 8 ॥
ஸ ஸம்ப்ரஹாரஸ்துமுல:ஸஞ்ஜஜ்ஞேகபிரக்ஷஸாம் ।
ஶப்³தே³னமஹதாலங்காம்னாத³யன்வைஸமந்தத: ॥ 9 ॥
ஶஸ்த்ரஶ்சவிவிதா⁴காரைஶ்ஶிதைர்பா³ணைஶ்சபாத³பை: ।
உத்³யதைர்கி³ரிஶ்ருங்கை³ஶ்சகோ⁴ரைராகாஶமாவ்ருதம் ॥ 1௦ ॥
தேராக்ஷஸாவானரேஷுவிக்ருதானநபா³ஹவ: ।
நிவேஶயந்த:ஶஸ்த்ராணிசக்ருஸ்தேஸுமஹத்³ப⁴யம் ॥ 11 ॥
ததை²வஸகலைர்வ்ருக்ஷைர்கி³ரிஶ்ருங்கை³ஶ்சவானரா: ।
அபி⁴ஜக்⁴னுஜக்⁴னுஶ்சஸமரேராக்ஷஸர்ஷபா⁴ன் ॥ 12 ॥
ருக்ஷவானரமுக்²யைஶ்சமஹாகாயைர்மஹாப³லை: ।
ரக்ஷஸாம்யுத்⁴யமானானாம்மஹத்³ப⁴யமஜாயத ॥ 13 ॥
ஸ்வமனீகம்விஷண்ணந்துஶ்ருத்வாஶத்ருபி⁴ரர்தி³தம் ।
உத³திஷ்ட²தது³ர்த³ர்ஷ: ஸ கர்மண்யனநுஷ்டி²தே ॥ 14 ॥
வ்ருக்ஷாந்த⁴காரான்னிர்க³ம்யஜாதக்ரோத:⁴ ஸ ராவணி: ।
ஆருரோஹரத²ம்ஸஜ்ஜம்பூர்வயுக்தம்ஸுஸம்யதம் ॥ 15 ॥
ஸ பீ⁴மகார்முகத⁴ர:காலமேக⁴ஸமப்ரப:⁴ ।
ரக்தாஸ்யனயனோக்ருத்³தோ⁴மபௌ⁴ம்ருத்யுரிவாந்தக: ॥ 16 ॥
த்³ருஷ்டவைவதுரத²ஸ்த²ந்தம்பர்யவர்தததத்³ப³லம் ।
ரக்ஷஸாம்பீ⁴மவேகா³னாம்லக்ஷ்மணேனயுயுத்ஸதாம் ॥ 17 ॥
தஸ்மின் காலேதுஹனூமானுத்³யம்யஸுது³ராஸத³ம் ।
த⁴ரணீத⁴ரஸங்காஶோமஹாவ்ருக்ஷமரிந்த³ம: ॥ 18 ॥
ஸ ராக்ஷஸானாந்தத்ஸைன்யங்காலாக்³னிரிவனிர்த³ஹன் ।
சகாரப³ஹுபி⁴ர்வக்ஷைர்னி:ஸஞ்ஜ்ஞம்யுதி⁴வானர: ॥ 19 ॥
வித்⁴வம்ஸந்தந்தரஸாத்³ருஷ்டவைவபவனாத்மஜம் ।
ராக்ஷஸானாம்ஸஹஸ்ராணிஹனூமந்தமவாகிரன் ॥ 2௦ ॥
ஶிதஶூலத⁴ராஶ்ஶூலைரஸிபி⁴ஶ்சாஸிபாணய: ।
ஶக்திஹஸ்தாஶ்சபி⁴ஶ்ஶக்திபட்டஸை: பட்டஸாயுதா⁴: ॥ 21 ॥
பரிகை⁴ஶ்சக³தா³பி⁴ஶ்சகுந்தைஶ்சஶுப⁴த³ர்ஶனை: ।
ஶதஶஶ்சஶதக்⁴னீபி⁴ராயஸைரபிமுத்³க³ரை: ॥ 22 ॥
கோ⁴ரை:பரஶுபி⁴ஶ்சைவபி⁴த³னிபாலைஶ்சராக்ஷஸா: ।
முஷ்டிபி⁴ர்வஜ்ரகல்பைஶ்சதலைரஶனிஸன்னிபை⁴: ॥ 23 ॥
அபி⁴ஜக்⁴னு:ஸமாஸாத்³யஸமந்தாத்பர்வதோபமம் ।
தேஷாமபி ச ஸங்க்³ருத்³த⁴ஶ்சகாரகத³னம்மஹத் ॥ 24 ॥
ஸ த³த³ர்ஶகபிஶ்ரேஷ்ட²மசலோபமமிந்த்³ரஜித் ।
ஸூத³மானமஸந்த்ரஸ்தமமித்ரான் பவனாத்மஜம் ॥ 25 ॥
ஸ ஸாரதி²முவாசேத³ம்யாஹியத்ரைஷவானர: ।
க்ஷயமேவஹின:குர்யாத்³ராக்ஷஸாமுபேக்ஷித: ॥ 26 ॥
இத்யுக்தஸ்ஸாரதி²ஸ்தேனயயௌயத்ர ந மாருதி: ।
வஹன் பரமது³ர்த⁴ர்ஷம்ஸ்தி²தமிந்த்³ரஜிதம்ரதே² ॥ 27 ॥
ஸோப்⁴யுபேத்யஶரான்க²ங்கா³ன்பட்டஸாஸிபரஶ்வதா⁴ன் ।
அப்⁴யவர்ஷதது³ர்த⁴ர்ஷ:கபிமூர்த²னிராக்ஷஸ: ॥ 28 ॥
தானிஶஸ்த்ராணிகோ⁴ராணிப்ரதிக்³ருஹ்ய ஸ மாருதி: ।
ரோஷேணமஹதாவிஷ்டோவாக்யஞ்சேத³முவாச ஹ ॥ 29 ॥
யுத்⁴யஸ்வயதி³ஶூரோஸிராவணாத்மஜது³ர்மதே ।
வாயுபுத்ரம்ஸமாஸாத்³ய ந ஜீவன் ப்ரதியாஸ்யஸி ॥ 3௦ ॥
பா³ஹுப்⁴யாம்ஸம்ப்ரதியுத்⁴யஸ்வயதி³மேத்³வந்த்³வமாஹவே ।
வேக³ம்ஸஹஸ்வது³ர்பு³த்³தே⁴ததஸ்த்வம்ரக்ஷஸாம்வர: ॥ 31 ॥
ஹனூமந்தஞ்ஜிகா⁴ம்ஸந்தம்ஸமுத்³யதஶராஸனம் ।
ராவணாத்மஜமாசஷ்டே லக்ஷ்மணாய விபீ⁴ஷண: ॥ 32 ॥
யஸ்ஸவாஸவனிர்ஜேதாராவணஸ்யாத்மஸம்ப⁴வ: ।
ஸ ஏஷரத²மாஸ்தா²யஹனூமந்தஞ்ஜிகா⁴ம்ஸதி ॥ 33 ॥
தமப்ரதிமஸம்ஸ்தா²னைஶ்ஶரைஶ்ஶத்ருனிவாரணை: ।
ஜீவிதாந்தகரைர்கோ⁴ரை:ஸௌமித்ரேராவணிஞ்ஜஹி ॥ 34 ॥
இத்யேவமுக்தஸ்துததா³மஹாத்மாவிபீ⁴ஷணேனாரிவிபீ⁴ஷணேன ।
த³த³ர்ஶதம்பர்வதஸன்னிகாஶம்ரத²ஸ்தி²தம்பீ⁴மப³லந்து³ராஸத³ம் ॥ 35 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே யுத்³த⁴காண்டே³ ஷட³ஶீதிதமஸ்ஸர்க:³ ॥
