śrīmadvālmīkīya rāmāyaṇē yuddhakāṇḍam ।
atha ṣaṇṇavatitamassargaḥ ।
ārtānāṃrākṣasīnāntulaṅkāyāṃvaikulēkulē ।
rāvaṇaḥkaruṇaṃśabdaṃśuśrāvaparidēvitam ॥ 1 ॥
sa tudīrghaṃviniḥśvasyamuhūrtandhyānamāsthitaḥ ।
babhūvaparamakruddhōrāvaṇōbhīmadarśanaḥ ॥ 2 ॥
sandaśyadaśanairōṣṭhaṅkrōdhasamraktalōchanaḥ ।
rākṣasairapidurdarśaḥkālāgnirivamūrChitaḥ ॥ 3 ॥
uvācha cha samīpasthānrākṣasānrākṣasēśvaraḥ ।
krōdhāvyaktakathastatranirdahannivachakṣuṣā ॥ 4 ॥
mahōdarammahāpārśvaṃvirūpākṣaṃ cha rākṣasam ।
śīghraṃvadatasainyāniniryātētimamājñayā ॥ 5 ॥
tasyatadvachanaṃśrutvārākṣasāstēbhayārditāḥ ।
chōdayāmāsuravyagrānrākṣasāṃstānnṛpājñayā ॥ 6 ॥
tētusarvētathētyuktvārākṣasābhīmadarśanāḥ ।
kṛtasvastvayanāḥsarvētēraṇābhimukhāyayuḥ ॥ 7 ॥
pratipūjyayathānyāyaṃrāvaṇantēmahārathāḥ ।
tasthuḥprāñjalayaḥsarvēbharturvijayakāṅkṣiṇaḥ ॥ 8 ॥
athōvāchaprahasyaitānrāvaṇaḥkrōdhamūrChitaḥ ।
mahōdaramahāpārśvauvirūpākṣaṃ cha rākṣasam ॥ 9 ॥
adyabāṇairdhanurmukssairyugāntādityasannibhaiḥ ।
rāghavaṃlakṣmaṇañchaivanēṣyāmiyamasādanam ॥ 10 ॥
kharasyakumbhakarṇasyaprahasēndrajitōstathā ।
kariṣyāmipratīkāramadyaśatruvadhādaham ॥ 11 ॥
naivāntarikṣaṃ na diśō na nadyaurnāpisāgarāḥ ।
prakāśatvaṅgamiṣyantimadbāṇajaladāvṛtāḥ ॥ 12 ॥
adyavānaramukhyānāntāniyūthānibhāgaśaḥ ।
dhanuṣāśarajālēnavadhiṣyāmipatatriṇā ॥ 13 ॥
adyavānarasainyānirathēnapavanaujasā ।
dhanussamudrādudbhūtairmathiṣyāmiśarōrmibhiḥ ॥ 14 ॥
vyākōśapadmavaktrāṇipadmakēsaravarchasām ।
adyayūthataṭākānigajavatpramathāmyaham ॥ 15 ॥
saśarairadyavadanaissaṅkhyēvānarayūthapāḥ ।
maṇḍayiṣyantivasudhāṃsanālairivapaṅkajaiḥ ॥ 16 ॥
adyayūthaprachaṇḍānāṃharīṇāndrumayōdhinām ।
muktēnaikēṣuṇāyuddhēbhētsyāmi cha śataṃśatam ॥ 17 ॥
hatōbhartāhatōbhrātāyāsāṃ cha chatanayōhataḥ ।
vadhēnādyaripōstāsāṅkarōmyaśrupramārjanam ॥ 18 ॥
adyamadbhāṇanirbhinnaiḥprakīrṇairgatachētanaiḥ ।
karōmivānarairyuddhēyatnāvēkṣyatalāmmahīm ॥ 19 ॥
adyagōmayavōgṛdhrāśchayē cha māṃsāśinō'parē ।
sarvāṃstāṃstarpayiṣyāmiśatrumāṃsaiśśarārditaiḥ ॥ 20 ॥
kalpyatāmmērathaṃśīghraṅkṣipramānīyatāndhanuḥ ।
anuprayāntumāṃyuddhēyē'traśiṣṭāniśācharāḥ ॥ 21 ॥
tasyatadvachanaṃśrutvāmahāpārśvō'bravīdvachaḥ ।
balādhyakṣān sthithāṃstatrabalaṃsantvaryatāmiti ॥ 22 ॥
balādhyakṣāstusamrabdārākṣasāṃstān gṛhēgṛhē ।
chōdayantaḥpariyayurlaṅkāṃlaghuparākramāḥ ॥ 23 ॥
tatōmuhūrtānniṣpētūrākṣasābhīmadarśanāḥ ।
nadantōbhīmavadanānānāpraharaṇairbhujaiḥ ॥ 24 ॥
asibhiḥpaṭṭasaiḥ śūlairgadābhirmusalairhalaiḥ ।
śaktibhistīkṣṇadhārābhirmahadbhiḥ kūṭamudgaraiḥ ॥ 25 ॥
yaṣṭibhirvimalaiśchakrairniśitaiśchaparaśvathaiḥ ।
bhindipālaiḥśataghnībhiranyaiśchāpivarāyudhaiḥ ॥ 26 ॥
athānayadbalādhyakṣassatvarōrāvaṇājñayā ।
drutaṃsūtasamāyuktaṃyuktāṣṭaturagaṃratham ।
ārurōhatadābhīmōdīpyamānaṃsvatējasā ॥ 27 ॥
tataḥprayātassahasārākṣasairbhahubhirvṛtaḥ ॥ 28 ॥
rāvaṇaḥsattvagāmbhīryāddārayannivamēdinīm ।
rāvaṇēnābhyanujñātaumahāpārśvamahōdarau ।
virūpākṣaśchadurdharṣōrathānāruruhustadā ॥ 29 ॥
mōkṣitan chātmanō dṛṣṭvā prahāraṃ tēna rakṣasā ।
sa dadarśāntaran tasya virūpākṣasya vānaraḥ ॥ 30 ॥
tatōyuddhāyatējasvīrakṣōgaṇabalairvṛtaḥ ।
niryayāvudyatadhanuḥkālāntakayamōpamaḥ ॥ 31 ॥
tataḥprajavitāśvēnarathēna sa mahārathaḥ ।
dvārēṇaniryayautēnayatrataurāmalakṣmaṇau ॥ 32 ॥
tatōnaṣṭaprabhaḥsūryōdiśaśchatimirāvṛtāḥ ।
dvijāśchanēdurghōrāśchasañchachāla cha mēdinī ॥ 33 ॥
vavarṣarudhirandēvaśchaskhaluśchaturaṅgamāḥ ।
dhvajāgrēnyapatadgṛdhrōvinēduśchāśivāḥśivāḥ ॥ 34 ॥
nayanañchāsphuradvāmaṃvāmōbāhurakampata ।
vivarṇavadanaśsākatiñchidabhraśyatasvanaḥ ॥ 35 ॥
tatōniṣpatatōyuddhēdaśagrīvasyarakṣasaḥ ।
raṇēnidhanaśaṃsīnirūpāṇyētānijajñirē ॥ 36 ॥
antarikṣātpapātōlkānirāghatasamanirghāsvanā ।
vinēduraśivāgṛdhrāvāyasairabhimiśritāḥ ॥ 37 ॥
ētānachintayanghōrānutpātānsamavasthitān ।
niryayaurāvaṇōmōhādvadhārthaṅkālachōditaḥ ॥ 38 ॥
tēṣānturathaghōṣēṇarākṣasānāmmahātmanām ।
vānarāṇāmapichamūryuddhāyaivābhyavartata ॥ 39 ॥
tēṣāntutumulaṃyuddhambabhūvakapirakṣasām ।
anyōnyamāhvayānānāṅkruddhānāñjayamichChatām ॥ 40 ॥
tataḥkruddhōdaśagrīvaśśaraiḥkāñchanabhūṣaṇaiḥ ।
vānarāṇāmanīkēṣuchakārakadanammahat ॥ 41 ॥
vikṛttaśirasaḥkēchidrāvaṇēnavalīmukhāḥ ।
kēchidvichChinnahṛdayāḥkēchichChrōtravivarjitāḥ ॥ 42 ॥
niruchChavāsāhatāḥkēchitkēchitpārśvēṣudāritāḥ ।
kēchidvibhinnaśirasaḥkēchichchakṣurvinākṛtāḥ ॥ 43 ॥
daśānanaḥkrōdhavivṛttanētrōyatōyatō'bhyētirathēvasaṅkhyē ।
tatastatastasyaśarapravēgaṃsōḍhuṃ na śēkurhariyūthapāstē ॥ 44 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ṣaṇṇavatitamassargaḥ ॥
