শ্রীমদ্বাল্মীকীয় রামাযণে যুদ্ধকাংডম্ ।
অথ ষণ্ণবতিতমস্সর্গঃ ।
আর্তানাংরাক্ষসীনাংতুলংকায়াংবৈকুলেকুলে ।
রাবণঃকরুণংশব্দংশুশ্রাবপরিদেবিতম্ ॥ 1 ॥
স তুদীর্ঘংবিনিঃশ্বস্যমুহূর্তংধ্য়ানমাস্থিতঃ ।
বভূবপরমক্রুদ্ধোরাবণোভীমদর্শনঃ ॥ 2 ॥
সংদশ্যদশনৈরোষ্ঠংক্রোধসম্রক্তলোচনঃ ।
রাক্ষসৈরপিদুর্দর্শঃকালাগ্নিরিবমূর্ছিতঃ ॥ 3 ॥
উবাচ চ সমীপস্থান্রাক্ষসান্রাক্ষসেশ্বরঃ ।
ক্রোধাব্যক্তকথস্তত্রনির্দহন্নিবচক্ষুষা ॥ 4 ॥
মহোদরংমহাপার্শ্বংবিরূপাক্ষং চ রাক্ষসম্ ।
শীঘ্রংবদতসৈন্য়ানিনির্য়াতেতিমমাজ্ঞয়া ॥ 5 ॥
তস্যতদ্বচনংশ্রুত্বারাক্ষসাস্তেভয়ার্দিতাঃ ।
চোদয়ামাসুরব্যগ্রান্রাক্ষসাংস্তান্নৃপাজ্ঞয়া ॥ 6 ॥
তেতুসর্বেতথেত্য়ুক্ত্বারাক্ষসাভীমদর্শনাঃ ।
কৃতস্বস্ত্বযনাঃসর্বেতেরণাভিমুখাযয়ুঃ ॥ 7 ॥
প্রতিপূজ্যযথান্য়ায়ংরাবণংতেমহারথাঃ ।
তস্থুঃপ্রাংজলয়ঃসর্বেভর্তুর্বিজযকাংক্ষিণঃ ॥ 8 ॥
অথোবাচপ্রহস্য়ৈতান্রাবণঃক্রোধমূর্ছিতঃ ।
মহোদরমহাপার্শ্বৌবিরূপাক্ষং চ রাক্ষসম্ ॥ 9 ॥
অদ্যবাণৈর্ধনুর্মুক্স্সৈর্য়ুগাংতাদিত্যসন্নিভৈঃ ।
রাঘবংলক্ষ্মণংচৈবনেষ্য়ামিযমসাদনম্ ॥ 10 ॥
খরস্যকুংভকর্ণস্যপ্রহসেংদ্রজিতোস্তথা ।
করিষ্য়ামিপ্রতীকারমদ্যশত্রুবধাদহম্ ॥ 11 ॥
নৈবাংতরিক্ষং ন দিশো ন নদ্য়ৌর্নাপিসাগরাঃ ।
প্রকাশত্বংগমিষ্য়ংতিমদ্বাণজলদাবৃতাঃ ॥ 12 ॥
অদ্যবানরমুখ্য়ানাংতানিয়ূথানিভাগশঃ ।
ধনুষাশরজালেনবধিষ্য়ামিপতত্রিণা ॥ 13 ॥
অদ্যবানরসৈন্য়ানিরথেনপবনৌজসা ।
ধনুস্সমুদ্রাদুদ্ভূতৈর্মথিষ্য়ামিশরোর্মিভিঃ ॥ 14 ॥
ব্য়াকোশপদ্মবক্ত্রাণিপদ্মকেসরবর্চসাম্ ।
অদ্যয়ূথতটাকানিগজবত্প্রমথাম্যহম্ ॥ 15 ॥
সশরৈরদ্যবদনৈস্সংখ্য়েবানরয়ূথপাঃ ।
মংডয়িষ্য়ংতিবসুধাংসনালৈরিবপংকজৈঃ ॥ 16 ॥
অদ্যয়ূথপ্রচংডানাংহরীণাংদ্রুময়োধিনাম্ ।
মুক্তেনৈকেষুণায়ুদ্ধেভেত্স্য়ামি চ শতংশতম্ ॥ 17 ॥
হতোভর্তাহতোভ্রাতায়াসাং চ চতনয়োহতঃ ।
বধেনাদ্যরিপোস্তাসাংকরোম্যশ্রুপ্রমার্জনম্ ॥ 18 ॥
অদ্যমদ্ভাণনির্ভিন্নৈঃপ্রকীর্ণৈর্গতচেতনৈঃ ।
করোমিবানরৈর্য়ুদ্ধেযত্নাবেক্ষ্যতলাংমহীম্ ॥ 19 ॥
অদ্যগোমযবোগৃধ্রাশ্চয়ে চ মাংসাশিনোঽপরে ।
সর্বাংস্তাংস্তর্পয়িষ্য়ামিশত্রুমাংসৈশ্শরার্দিতৈঃ ॥ 20 ॥
কল্প্যতাংমেরথংশীঘ্রংক্ষিপ্রমানীযতাংধনুঃ ।
অনুপ্রয়াংতুমাংয়ুদ্ধেয়েঽত্রশিষ্টানিশাচরাঃ ॥ 21 ॥
তস্যতদ্বচনংশ্রুত্বামহাপার্শ্বোঽব্রবীদ্বচঃ ।
বলাধ্যক্ষান্ স্থিথাংস্তত্রবলংসংত্বর্যতামিতি ॥ 22 ॥
বলাধ্যক্ষাস্তুসম্রব্দারাক্ষসাংস্তান্ গৃহেগৃহে ।
চোদয়ংতঃপরিযয়ুর্লংকাংলঘুপরাক্রমাঃ ॥ 23 ॥
ততোমুহূর্তান্নিষ্পেতূরাক্ষসাভীমদর্শনাঃ ।
নদংতোভীমবদনানানাপ্রহরণৈর্ভুজৈঃ ॥ 24 ॥
অসিভিঃপট্টসৈঃ শূলৈর্গদাভির্মুসলৈর্হলৈঃ ।
শক্তিভিস্তীক্ষ্ণধারাভির্মহদ্ভিঃ কূটমুদ্গরৈঃ ॥ 25 ॥
যষ্টিভির্বিমলৈশ্চক্রৈর্নিশিতৈশ্চপরশ্বথৈঃ ।
ভিংদিপালৈঃশতঘ্নীভিরন্য়ৈশ্চাপিবরায়ুধৈঃ ॥ 26 ॥
অথানযদ্বলাধ্যক্ষস্সত্বরোরাবণাজ্ঞয়া ।
দ্রুতংসূতসমায়ুক্তংয়ুক্তাষ্টতুরগংরথম্ ।
আরুরোহতদাভীমোদীপ্যমানংস্বতেজসা ॥ 27 ॥
ততঃপ্রয়াতস্সহসারাক্ষসৈর্ভহুভির্বৃতঃ ॥ 28 ॥
রাবণঃসত্ত্বগাংভীর্য়াদ্দারযন্নিবমেদিনীম্ ।
রাবণেনাভ্যনুজ্ঞাতৌমহাপার্শ্বমহোদরৌ ।
বিরূপাক্ষশ্চদুর্ধর্ষোরথানারুরুহুস্তদা ॥ 29 ॥
মোক্ষিতন্ চাত্মনো দৃষ্ট্বা প্রহারং তেন রক্ষসা ।
স দদর্শাংতরন্ তস্য় বিরূপাক্ষস্য় বানরঃ ॥ 30 ॥
ততোয়ুদ্ধাযতেজস্বীরক্ষোগণবলৈর্বৃতঃ ।
নির্যয়াবুদ্যতধনুঃকালাংতকযমোপমঃ ॥ 31 ॥
ততঃপ্রজবিতাশ্বেনরথেন স মহারথঃ ।
দ্বারেণনির্যয়ৌতেনযত্রতৌরামলক্ষ্মণৌ ॥ 32 ॥
ততোনষ্টপ্রভঃসূর্য়োদিশশ্চতিমিরাবৃতাঃ ।
দ্বিজাশ্চনেদুর্ঘোরাশ্চসংচচাল চ মেদিনী ॥ 33 ॥
ববর্ষরুধিরংদেবশ্চস্খলুশ্চতুরংগমাঃ ।
ধ্বজাগ্রেন্যপতদ্গৃধ্রোবিনেদুশ্চাশিবাঃশিবাঃ ॥ 34 ॥
নযনংচাস্ফুরদ্বামংবামোবাহুরকংপত ।
বিবর্ণবদনশ্সাকতিংচিদভ্রশ্যতস্বনঃ ॥ 35 ॥
ততোনিষ্পততোয়ুদ্ধেদশগ্রীবস্যরক্ষসঃ ।
রণেনিধনশংসীনিরূপাণ্য়েতানিজজ্ঞিরে ॥ 36 ॥
অংতরিক্ষাত্পপাতোল্কানিরাঘতসমনির্ঘাস্বনা ।
বিনেদুরশিবাগৃধ্রাবাযসৈরভিমিশ্রিতাঃ ॥ 37 ॥
এতানচিংতযন্ঘোরানুত্পাতান্সমবস্থিতান্ ।
নির্যয়ৌরাবণোমোহাদ্বধার্থংকালচোদিতঃ ॥ 38 ॥
তেষাংতুরথঘোষেণরাক্ষসানাংমহাত্মনাম্ ।
বানরাণামপিচমূর্য়ুদ্ধায়ৈবাভ্যবর্তত ॥ 39 ॥
তেষাংতুতুমুলংয়ুদ্ধংবভূবকপিরক্ষসাম্ ।
অন্য়োন্যমাহ্বয়ানানাংক্রুদ্ধানাংজযমিচ্ছতাম্ ॥ 40 ॥
ততঃক্রুদ্ধোদশগ্রীবশ্শরৈঃকাংচনভূষণৈঃ ।
বানরাণামনীকেষুচকারকদনংমহত্ ॥ 41 ॥
বিকৃত্তশিরসঃকেচিদ্রাবণেনবলীমুখাঃ ।
কেচিদ্বিচ্ছিন্নহৃদয়াঃকেচিচ্ছ্রোত্রবিবর্জিতাঃ ॥ 42 ॥
নিরুচ্ছবাসাহতাঃকেচিত্কেচিত্পার্শ্বেষুদারিতাঃ ।
কেচিদ্বিভিন্নশিরসঃকেচিচ্চক্ষুর্বিনাকৃতাঃ ॥ 43 ॥
দশাননঃক্রোধবিবৃত্তনেত্রোযতোযতোঽভ্য়েতিরথেবসংখ্য়ে ।
ততস্ততস্তস্যশরপ্রবেগংসোঢুং ন শেকুর্হরিয়ূথপাস্তে ॥ 44 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে ষণ্ণবতিতমস্সর্গঃ ॥
