ශ්රීමද්වාල්මීකීය රාමායණේ යුද්ධකාංඩම් ।
අථ ෂණ්ණවතිතමස්සර්ගඃ ।
ආර්තානාංරාක්ෂසීනාංතුලංකායාංවෛකුලේකුලේ ।
රාවණඃකරුණංශබ්දංශුශ්රාවපරිදේවිතම් ॥ 1 ॥
ස තුදීර්ඝංවිනිඃශ්වස්යමුහූර්තංධ්යානමාස්ථිතඃ ।
බභූවපරමක්රුද්ධෝරාවණෝභීමදර්ශනඃ ॥ 2 ॥
සංදශ්යදශනෛරෝෂ්ඨංක්රෝධසම්රක්තලෝචනඃ ।
රාක්ෂසෛරපිදුර්දර්ශඃකාලාග්නිරිවමූර්ඡිතඃ ॥ 3 ॥
උවාච ච සමීපස්ථාන්රාක්ෂසාන්රාක්ෂසේශ්වරඃ ।
ක්රෝධාව්යක්තකථස්තත්රනිර්දහන්නිවචක්ෂුෂා ॥ 4 ॥
මහෝදරංමහාපාර්ශ්වංවිරූපාක්ෂං ච රාක්ෂසම් ।
ශීඝ්රංවදතසෛන්යානිනිර්යාතේතිමමාජ්ඤයා ॥ 5 ॥
තස්යතද්වචනංශ්රුත්වාරාක්ෂසාස්තේභයාර්දිතාඃ ।
චෝදයාමාසුරව්යග්රාන්රාක්ෂසාංස්තාන්නෘපාජ්ඤයා ॥ 6 ॥
තේතුසර්වේතථේත්යුක්ත්වාරාක්ෂසාභීමදර්ශනාඃ ।
කෘතස්වස්ත්වයනාඃසර්වේතේරණාභිමුඛායයුඃ ॥ 7 ॥
ප්රතිපූජ්යයථාන්යායංරාවණංතේමහාරථාඃ ।
තස්ථුඃප්රාංජලයඃසර්වේභර්තුර්විජයකාංක්ෂිණඃ ॥ 8 ॥
අථෝවාචප්රහස්යෛතාන්රාවණඃක්රෝධමූර්ඡිතඃ ।
මහෝදරමහාපාර්ශ්වෞවිරූපාක්ෂං ච රාක්ෂසම් ॥ 9 ॥
අද්යබාණෛර්ධනුර්මුක්ස්සෛර්යුගාංතාදිත්යසන්නිභෛඃ ।
රාඝවංලක්ෂ්මණංචෛවනේෂ්යාමියමසාදනම් ॥ 10 ॥
ඛරස්යකුංභකර්ණස්යප්රහසේංද්රජිතෝස්තථා ।
කරිෂ්යාමිප්රතීකාරමද්යශත්රුවධාදහම් ॥ 11 ॥
නෛවාංතරික්ෂං න දිශෝ න නද්යෞර්නාපිසාගරාඃ ।
ප්රකාශත්වංගමිෂ්යංතිමද්බාණජලදාවෘතාඃ ॥ 12 ॥
අද්යවානරමුඛ්යානාංතානියූථානිභාගශඃ ।
ධනුෂාශරජාලේනවධිෂ්යාමිපතත්රිණා ॥ 13 ॥
අද්යවානරසෛන්යානිරථේනපවනෞජසා ।
ධනුස්සමුද්රාදුද්භූතෛර්මථිෂ්යාමිශරෝර්මිභිඃ ॥ 14 ॥
ව්යාකෝශපද්මවක්ත්රාණිපද්මකේසරවර්චසාම් ।
අද්යයූථතටාකානිගජවත්ප්රමථාම්යහම් ॥ 15 ॥
සශරෛරද්යවදනෛස්සංඛ්යේවානරයූථපාඃ ।
මංඩයිෂ්යංතිවසුධාංසනාලෛරිවපංකජෛඃ ॥ 16 ॥
අද්යයූථප්රචංඩානාංහරීණාංද්රුමයෝධිනාම් ।
මුක්තේනෛකේෂුණායුද්ධේභේත්ස්යාමි ච ශතංශතම් ॥ 17 ॥
හතෝභර්තාහතෝභ්රාතායාසාං ච චතනයෝහතඃ ।
වධේනාද්යරිපෝස්තාසාංකරෝම්යශ්රුප්රමාර්ජනම් ॥ 18 ॥
අද්යමද්භාණනිර්භින්නෛඃප්රකීර්ණෛර්ගතචේතනෛඃ ।
කරෝමිවානරෛර්යුද්ධේයත්නාවේක්ෂ්යතලාංමහීම් ॥ 19 ॥
අද්යගෝමයවෝගෘධ්රාශ්චයේ ච මාංසාශිනෝऽපරේ ।
සර්වාංස්තාංස්තර්පයිෂ්යාමිශත්රුමාංසෛශ්ශරාර්දිතෛඃ ॥ 20 ॥
කල්ප්යතාංමේරථංශීඝ්රංක්ෂිප්රමානීයතාංධනුඃ ।
අනුප්රයාංතුමාංයුද්ධේයේऽත්රශිෂ්ටානිශාචරාඃ ॥ 21 ॥
තස්යතද්වචනංශ්රුත්වාමහාපාර්ශ්වෝऽබ්රවීද්වචඃ ।
බලාධ්යක්ෂාන් ස්ථිථාංස්තත්රබලංසංත්වර්යතාමිති ॥ 22 ॥
බලාධ්යක්ෂාස්තුසම්රබ්දාරාක්ෂසාංස්තාන් ගෘහේගෘහේ ।
චෝදයංතඃපරියයුර්ලංකාංලඝුපරාක්රමාඃ ॥ 23 ॥
තතෝමුහූර්තාන්නිෂ්පේතූරාක්ෂසාභීමදර්ශනාඃ ।
නදංතෝභීමවදනානානාප්රහරණෛර්භුජෛඃ ॥ 24 ॥
අසිභිඃපට්ටසෛඃ ශූලෛර්ගදාභිර්මුසලෛර්හලෛඃ ।
ශක්තිභිස්තීක්ෂ්ණධාරාභිර්මහද්භිඃ කූටමුද්ගරෛඃ ॥ 25 ॥
යෂ්ටිභිර්විමලෛශ්චක්රෛර්නිශිතෛශ්චපරශ්වථෛඃ ।
භිංදිපාලෛඃශතඝ්නීභිරන්යෛශ්චාපිවරායුධෛඃ ॥ 26 ॥
අථානයද්බලාධ්යක්ෂස්සත්වරෝරාවණාජ්ඤයා ।
ද්රුතංසූතසමායුක්තංයුක්තාෂ්ටතුරගංරථම් ।
ආරුරෝහතදාභීමෝදීප්යමානංස්වතේජසා ॥ 27 ॥
තතඃප්රයාතස්සහසාරාක්ෂසෛර්භහුභිර්වෘතඃ ॥ 28 ॥
රාවණඃසත්ත්වගාංභීර්යාද්දාරයන්නිවමේදිනීම් ।
රාවණේනාභ්යනුජ්ඤාතෞමහාපාර්ශ්වමහෝදරෞ ।
විරූපාක්ෂශ්චදුර්ධර්ෂෝරථානාරුරුහුස්තදා ॥ 29 ॥
මෝක්ෂිතන් චාත්මනෝ දෘෂ්ට්වා ප්රහාරං තේන රක්ෂසා ।
ස දදර්ශාංතරන් තස්ය විරූපාක්ෂස්ය වානරඃ ॥ 30 ॥
තතෝයුද්ධායතේජස්වීරක්ෂෝගණබලෛර්වෘතඃ ।
නිර්යයාවුද්යතධනුඃකාලාංතකයමෝපමඃ ॥ 31 ॥
තතඃප්රජවිතාශ්වේනරථේන ස මහාරථඃ ।
ද්වාරේණනිර්යයෞතේනයත්රතෞරාමලක්ෂ්මණෞ ॥ 32 ॥
තතෝනෂ්ටප්රභඃසූර්යෝදිශශ්චතිමිරාවෘතාඃ ।
ද්විජාශ්චනේදුර්ඝෝරාශ්චසංචචාල ච මේදිනී ॥ 33 ॥
වවර්ෂරුධිරංදේවශ්චස්ඛලුශ්චතුරංගමාඃ ।
ධ්වජාග්රේන්යපතද්ගෘධ්රෝවිනේදුශ්චාශිවාඃශිවාඃ ॥ 34 ॥
නයනංචාස්ඵුරද්වාමංවාමෝබාහුරකංපත ।
විවර්ණවදනශ්සාකතිංචිදභ්රශ්යතස්වනඃ ॥ 35 ॥
තතෝනිෂ්පතතෝයුද්ධේදශග්රීවස්යරක්ෂසඃ ।
රණේනිධනශංසීනිරූපාණ්යේතානිජජ්ඤිරේ ॥ 36 ॥
අංතරික්ෂාත්පපාතෝල්කානිරාඝතසමනිර්ඝාස්වනා ।
විනේදුරශිවාගෘධ්රාවායසෛරභිමිශ්රිතාඃ ॥ 37 ॥
ඒතානචිංතයන්ඝෝරානුත්පාතාන්සමවස්ථිතාන් ।
නිර්යයෞරාවණෝමෝහාද්වධාර්ථංකාලචෝදිතඃ ॥ 38 ॥
තේෂාංතුරථඝෝෂේණරාක්ෂසානාංමහාත්මනාම් ।
වානරාණාමපිචමූර්යුද්ධායෛවාභ්යවර්තත ॥ 39 ॥
තේෂාංතුතුමුලංයුද්ධංබභූවකපිරක්ෂසාම් ।
අන්යෝන්යමාහ්වයානානාංක්රුද්ධානාංජයමිච්ඡතාම් ॥ 40 ॥
තතඃක්රුද්ධෝදශග්රීවශ්ශරෛඃකාංචනභූෂණෛඃ ।
වානරාණාමනීකේෂුචකාරකදනංමහත් ॥ 41 ॥
විකෘත්තශිරසඃකේචිද්රාවණේනවලීමුඛාඃ ।
කේචිද්විච්ඡින්නහෘදයාඃකේචිච්ඡ්රෝත්රවිවර්ජිතාඃ ॥ 42 ॥
නිරුච්ඡවාසාහතාඃකේචිත්කේචිත්පාර්ශ්වේෂුදාරිතාඃ ।
කේචිද්විභින්නශිරසඃකේචිච්චක්ෂුර්විනාකෘතාඃ ॥ 43 ॥
දශානනඃක්රෝධවිවෘත්තනේත්රෝයතෝයතෝऽභ්යේතිරථේවසංඛ්යේ ।
තතස්තතස්තස්යශරප්රවේගංසෝඪුං න ශේකුර්හරියූථපාස්තේ ॥ 44 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ෂණ්ණවතිතමස්සර්ගඃ ॥
