View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |
This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

ఆఞ్జనేయ భుజఙ్గ ప్రయాత స్తోత్రమ్

ప్రసన్నాఙ్గరాగం ప్రభాకాఞ్చనాఙ్గం
జగద్భీతశౌర్యం తుషారాద్రిధైర్యమ్ ।
తృణీభూతహేతిం రణోద్యద్విభూతిం
భజే వాయుపుత్రం పవిత్రాప్తమిత్రమ్ ॥ 1 ॥

భజే పావనం భావనా నిత్యవాసం
భజే బాలభాను ప్రభా చారుభాసమ్ ।
భజే చన్ద్రికా కున్ద మన్దార హాసం
భజే సన్తతం రామభూపాల దాసమ్ ॥ 2 ॥

భజే లక్ష్మణప్రాణరక్షాతిదక్షం
భజే తోషితానేక గీర్వాణపక్షమ్ ।
భజే ఘోర సఙ్గ్రామ సీమాహతాక్షం
భజే రామనామాతి సమ్ప్రాప్తరక్షమ్ ॥ 3 ॥

కృతాభీలనాధక్షితక్షిప్తపాదం
ఘనక్రాన్త భృఙ్గం కటిస్థోరు జఙ్ఘమ్ ।
వియద్వ్యాప్తకేశం భుజాశ్లేషితాశ్మం
జయశ్రీ సమేతం భజే రామదూతమ్ ॥ 4 ॥

చలద్వాలఘాతం భ్రమచ్చక్రవాళం
కఠోరాట్టహాసం ప్రభిన్నాబ్జజాణ్డమ్ ।
మహాసింహనాదా ద్విశీర్ణత్రిలోకం
భజే చాఞ్జనేయం ప్రభుం వజ్రకాయమ్ ॥ 5 ॥

రణే భీషణే మేఘనాదే సనాదే
సరోషే సమారోపణామిత్ర ముఖ్యే ।
ఖగానాం ఘనానాం సురాణాం చ మార్గే
నటన్తం సమన్తం హనూమన్తమీడే ॥ 6 ॥

ఘనద్రత్న జమ్భారి దమ్భోళి భారం
ఘనద్దన్త నిర్ధూత కాలోగ్రదన్తమ్ ।
పదాఘాత భీతాబ్ధి భూతాదివాసం
రణక్షోణిదక్షం భజే పిఙ్గళాక్షమ్ ॥ 7 ॥

మహాగ్రాహపీడాం మహోత్పాతపీడాం
మహారోగపీడాం మహాతీవ్రపీడామ్ ।
హరత్యస్తు తే పాదపద్మానురక్తో
నమస్తే కపిశ్రేష్ఠ రామప్రియాయ ॥ 8 ॥

జరాభారతో భూరి పీడాం శరీరే
నిరాధారణారూఢ గాఢ ప్రతాపీ ।
భవత్పాదభక్తిం భవద్భక్తిరక్తిం
కురు శ్రీహనూమత్ప్రభో మే దయాళో ॥ 9 ॥

మహాయోగినో బ్రహ్మరుద్రాదయో వా
న జానన్తి తత్త్వం నిజం రాఘవస్య ।
కథం జ్ఞాయతే మాదృశే నిత్యమేవ
ప్రసీద ప్రభో వానరేన్ద్రో నమస్తే ॥ 10 ॥

నమస్తే మహాసత్త్వవాహాయ తుభ్యం
నమస్తే మహావజ్రదేహాయ తుభ్యమ్ ।
నమస్తే పరీభూత సూర్యాయ తుభ్యం
నమస్తే కృతామర్త్య కార్యాయ తుభ్యమ్ ॥ 11 ॥

నమస్తే సదా బ్రహ్మచర్యాయ తుభ్యం
నమస్తే సదా వాయుపుత్రాయ తుభ్యమ్ ।
నమస్తే సదా పిఙ్గళాక్షాయ తుభ్యం
నమస్తే సదా రామభక్తాయ తుభ్యమ్ ॥ 12 ॥

హనూమద్భుజఙ్గప్రయాతం ప్రభాతే
ప్రదోషేఽపి వా చార్ధరాత్రేఽపి మర్త్యః ।
పఠన్నశ్నతోఽపి ప్రముక్తోఘజాలో
సదా సర్వదా రామభక్తిం ప్రయాతి ॥ 13 ॥

ఇతి శ్రీమదాఞ్జనేయ భుజఙ్గప్రయాత స్తోత్రమ్ ।




Browse Related Categories: