శ్రీమద్వాల్మీకీయ రామాయణే యుద్ధకాణ్డమ్ ।
అథ షట్త్రింశస్సర్గః ।
తత్తుమాల్యవతోవాక్యంహితముక్తన్దశాననః ।
నమర్షయతిదుష్టాత్మాకాలస్యవశమాగతః ॥ 1 ॥
నబద్ ధ్వాభ్రుకుటీంవక్త్రేక్రోధస్యవశమాగతః ।
అమర్షాత్పరివృత్తాక్షోమాల్యవన్తమథాబ్రవీత్ ॥ 2 ॥
హితబుధ్యాయదహితంవచఃపరుషముచ్యతే ।
పరపక్షమ్ప్రనిశ్యైవనైతచ్చ్రోత్రగతమ్మమ ॥ 3 ॥
మానుషఙ్కృపణంరామమేకంశాఖామృగాశ్రయమ్ ।
సమర్థమ్మన్యసేకేనత్యక్తమ్పిత్రావనాలయమ్ ॥ 4 ॥
రక్షసామీశ్వరమ్మాఞ్చదేవానాఞ్చభయఙ్కరమ్ ।
హీనమ్మామ్మన్యసేకేనహ్యహీనంసర్వవిక్రమైః ॥ 5 ॥
వీరద్వేషేణవాశఙ్కేపక్షపాతేనవారిపోః ।
త్వయాహమ్పరుషాణ్యుక్తఃపరప్రోత్సాహనేనవా ॥ 6 ॥
ప్రభవన్తమ్పదస్థంహిపరుషఙ్కోఽభిభాషతే ।
పణ్డితశ్శాస్త్రతత్త్వజ్ఞోవినాప్రోత్సాహనాద్రిపోః ॥ 7 ॥
ఆనీయచవనాసతీతామ్పద్మహీనామివశ్రియమ్ ।
కిమర్థమ్ప్రతిదాస్యామిరాఘవస్యభయాదహమ్ ॥ 8 ॥
వృతంవానరకోటీభిస్ససుగ్రీవంసలక్ష్మణమ్ ।
పశ్యకైశ్చిదహోభిస్త్వంరాఘవన్నిహతమ్మయా ॥ 9 ॥
ద్వన్ద్వేయస్యనతిష్ఠన్తిదైవతాన్యపిసంయుగే ।
సకస్మాద్రావణోయుద్ధేభయమాహారయిష్యతి ॥ 10 ॥
ద్విధాభజ్యేయమప్యేవన్ననమేయన్తుకస్యచిత్ ।
ఏషమేసహజోదోషస్స్వభావోదురతిక్రమః ॥ 11 ॥
యదితావత్సముద్రేతుసేతుర్బద్ధోయదృచ్ఛయా ।
రామేణవిస్మయఃకోఽత్రయేవమేభయమాగతమ్ ॥ 12 ॥
సతుతీర్త్వార్ణవంరామస్సహవానరసేనయా ।
ప్రతిజానామితేసత్యన్నజీవన్ప్రతియాస్యతి ॥ 13 ॥
ఏవం బ్రువాణం సమ్రబ్ధం రుష్టం విజ్నాయ రావణమ్ ।
వ్రీడితో మాల్యవాన్ వాక్యం న ఉత్తరం ప్రత్యపద్యత ॥ 14 ॥
జయాశిషాచరాజానంవర్ధయిత్వాయథోచితమ్ ।
మాల్యవానభ్యనుజ్ఞాతోజగామస్వన్నివేశనమ్ ॥ 15 ॥
రావణస్తుసహామాత్యోమన్త్రయిత్వావిమృశ్యచ ।
లఙ్కాయామతులాఙ్గుప్తిఙ్కారయామాసరాక్షసః ॥ 16 ॥
వ్యాదిదేశసపూర్వస్యామ్ప్రహస్తన్ద్వారిరాక్షసమ్ ।
దక్షిణస్యామ్మహావీర్యౌమహాపార్శ్వమహాదరౌ ॥ 17 ॥
పశ్చిమాయామథోద్వారిపుత్రమిన్ద్రజితన్తదా ।
వ్యాదిదేశమయామాయమ్బహూభీరాక్షసైర్భహుభిర్వృతమ్ ॥ 18 ॥
ఉతరస్యామ్పురద్వారివ్యాదిశ్యశుకసారణౌ ।
స్వయఞ్చాత్రగమిష్యామిమన్త్రిణస్తానువాచహ ॥ 19 ॥
రాక్షసాన్తువిరూపాక్షమ్మహావీర్యపరాక్రమమ్ ।
మధ్యమేఽస్థాపయద్గుల్మేబహుభిస్సహరాక్షసైః ॥ 20 ॥
ఏవంవిధానంలఙ్కాయాఙ్కృత్వారాక్షసపుఙ్గవః ।
కృతకృత్యమివాత్మానమ్మన్యతేకాలచోదితః ॥ 21 ॥
విసర్జయామాసతతస్సమన్త్రిణోవిధానమాజ్ఞాప్యపురస్యపుష్కలమ్ ।
జయాశిషామన్త్రిగణేనపూజితోవివేశచాఽన్తఃపురమృద్ధిమన్మహత్ ॥ 22 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే షట్త్రింశస్సర్గః ॥
