శ్రీమద్వాల్మీకీయ రామాయణే యుద్ధకాణ్డమ్ ।
అథ సప్తసప్తతితమస్సర్గః ।
నికుమ్భోభ్రాతరన్దృష్టవాసుగ్రీవేణనిపాతితమ్ ।
ప్రదహన్నివకోపేనవానరేన్ద్రమవైక్షత ॥ 1 ॥
తతస్స్రగ్దామసన్నద్ధన్దత్తపఞ్చాఙ్గులంశుభమ్ ।
ఆదదేపరిఘంవీరోమహేన్ద్రశిఖరోపమమ్ ॥ 2 ॥
హేమపట్టపరిక్షిప్తంవజ్రవిద్రుమభూషితమ్ ।
యమదణ్డోపమమ్భీమంరక్షసామ్భయనాశనమ్ ॥ 3 ॥
తమావిధ్యమహాతేజాశ్శక్రధ్వజసమన్తదా ।
నిననాదవివృత్తాస్యోనికుమ్భోభీమవిక్రమః ॥ 4 ॥
ఉరోగతేననిష్కేణభుజస్థైరఙ్గదైరపి ।
కుణ్డలాభ్యాం చ చిత్రాభ్యామ్మాలయా చ విచిత్రయా ॥ 5 ॥
నికుమ్భోభూషణైర్భాతితేనస్మపరిఘేణ చ ।
యథేన్ద్రధనుషామేఘస్సవిద్యుత్స్తనయిత్నుమాన్ ॥ 6 ॥
పరిఘాగ్రేణ పుస్ఫోట వాతగ్రన్థిర్మహాత్మనః ।
ప్రజజ్వాల సఘోషశ్చ విధూమ ఇవ పావకః ॥ 7 ॥
నగర్యావిటపావత్యాగన్ధర్వభవనోత్తమైః ।
సతారగ్రహనక్షత్రంసచన్ద్రంసమహాగ్రహమ్ ॥ 8 ॥
నికుమ్భపరిఘాఘూర్ణమ్భ్రమతీవనభస్థ్సలమ్ ।
దురాసదశ్చసఞ్జజ్ఞేపరిఘాభరణప్రభః ॥ 9 ॥
కపీనాంసనికుమ్భాగ్నిర్యుగాన్తాగ్నిరివోత్థితః ।
రాక్షసావానరాశ్చాపి న శేకుస్స్పన్దితుమ్భయాత్ ॥ 10 ॥
హనూమాంస్తువివృత్యోరస్తస్థౌతస్యాగ్రతోబలీ ।
పరిఘోపమబాహుస్తుపరిఘమ్భాస్కరప్రభమ్ ॥ 11 ॥
బలీబలవతస్తస్యపాతయామాసవక్షసి ।
స్థిరేతస్యోరసివ్యూఢేపరిఘశ్శతధాకృతః ॥ 12 ॥
వికీర్యమాణస్సహసాఉల్కాశతమివామ్బరే ।
స తుతేనప్రహారేణవిచచాలమహాకపిః ॥ 13 ॥
పరిఘేణసమాధూతోయథాభూమిచలేఽచలః ।
తథాభిహతస్తేనహనుమాన్ ప్లవగోత్తమః ॥ 14 ॥
ముష్టింసమ్వర్తయామాసబలేనాతిమహాబలః ।
తముద్యమ్యమహాతేజానికుమ్భోరసివీర్యవాన్ ॥ 15 ॥
అభిచిక్షేపవేగేనవేగవాన్ వాయువిక్రమః ।
తతఃపుస్ఫోటచర్మాస్యప్రసుస్రావ చ శోణితమ్ ॥ 16 ॥
ముష్టినాతేనసఞ్జజ్ఞేమేఘేవిద్యుదివోత్థితా ।
సఃతుతేనప్రహారేణనికుమ్భోవిచచాల హ ॥ 17 ॥
స్వస్థశ్చాపినిజగ్రాహహనూమన్తమ్మహాబలమ్ ।
చుక్రుశుస్తదాసఙ్ఖ్యేభీమంలఙ్కానివాసినః ॥ 18 ॥
నికుమ్భేనోద్యతన్దృష్టవాహనూమన్తమ్మహాబలమ్ ।
తదాహ్రియమాణోఽపికుమ్భకర్ణాత్మజేన హ ॥ 19 ॥
ఆజఘానానిలసుతోవజ్రకల్పేనముష్టినా ।
ఆత్మానమ్మోక్షయిత్వాథక్షితావభ్యవపద్యత ॥ 20 ॥
హనూమానున్మమాథాశునికుమ్భమ్మారుతాత్మజః ।
నిక్షిప్యపరమాయత్తోనికుమ్భన్నిష్పిపేష హ ॥ 21 ॥
ఉత్పత్యచాస్యవేగేనపపాతోరసివీర్యవాన్ ।
పరిగృహ్య చ బాహుభ్యామ్పరివృత్యశిరోధరామ్ ॥ 22 ॥
ఉత్పాటయామానశిరోభైరవన్నదతోమహత్ ।
అథనినదతిసాదితేనికుమ్భేపవనసుతేనరణేబభూవయుద్ధమ్ ।
దశరథసుతరాక్షసేన్ద్రసూన్వోర్భృశతరమాగతరోషయోస్సుభీమమ్ ॥ 23 ॥
వ్యపేతేతుజీవేనికుమ్భస్యహృష్టావినేదుఃప్లవఙ్గాదిశస్సస్వనుశ్చ ।
చచాలేవచోర్వీపఫాలేవచద్యౌర్భయంరాక్షసానామ్బలఞ్చావివేశ ॥ 24 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే సప్తసప్తతితమస్సర్గః ॥
