శ్రీమద్వాల్మీకీయ రామాయణే యుద్ధకాణ్డమ్ ।
అథ ద్విషష్టితమస్సర్గః ।
స తురాక్షసశార్దూలోనిద్రామదసమాకులః ।
రాజమార్గంశ్రియాజుష్టంయయౌవిపులవిక్రమః ॥ 1 ॥
రాక్షసానాంసహస్రైశ్చవృతఃపరమదుర్జయః ।
గృహేభ్యఃపుష్పవర్షేణకీర్యమాణస్తదాయయౌ ॥ 2 ॥
స హేమజాలవితతమ్భానుభాస్వరదర్శనమ్ ।
దదర్శవిపులంరమ్యంరాక్షసేన్ద్రనివేశనమ్ ॥ 3 ॥
స తత్తదా సూర్య ఇవాభ్రజాలమ్ ।
ప్రవిశ్య రక్షోధిపతేర్నివేశనమ్ ।
దదర్శ దూరేఽగ్రజమాసనస్థమ్ ।
స్వయమ్భువం శక్ర ఇవాసనస్థమ్ ॥ 4 ॥
భ్రాతుస్సభవనఙ్గచ్ఛన్రక్షోగణసమన్విమ్ ।
కుమ్భకర్ణఃపదన్యాసైరకమ్పయతమేదినీమ్ ॥ 5 ॥
సోఽభిగమ్యగృహమ్భ్రాతుఃకక్ష్యామభివిగాహ్య చ ।
దదర్శోద్విగన్నమాసీనంవిమానేపుష్పకేగురుమ్ ॥ 6 ॥
అథదృష్టవాదశగ్రీవఃకుమ్భకర్ణముపస్థితమ్ ।
తూర్ణముత్థాయసంహృష్టఃసన్నికర్షముపానయత్ ॥ 7 ॥
అథాసీనస్యపర్యఙ్కేకుమ్భకర్ణోమహాబలః ।
భ్రాతుర్వవన్దేచరణౌకిఙ్కృత్యమితిచాబ్రవీత్ ॥ 8 ॥
ఉత్పత్యచైనమ్ముదితోరావణఃపరిషస్వజే ।
స భ్రాత్రాసమ్పరిష్వక్తోయథావచ్ఛాభినన్దితః ॥ 9 ॥
కుమ్భకర్ణశ్శుభన్దివ్యమ్ప్రతిపేదేవరాసనమ్ ।
స తదాసనమాశ్రిత్యకుమ్భకర్ణోమహాబలః ॥ 10 ॥
సంరక్తనయనఃక్రోధాద్రావణంవాక్యమబ్రవీత్ ।
కిమర్థమహమాదృత్యత్వయారాజన్విబోధితః ॥ 11 ॥
శంసకస్మాద్భయన్తేఽత్రకోఽద్యప్రేతోభవిష్యతి ।
భ్రాతరంరావణఃక్రుద్ధఙ్కుమ్భకర్ణమవస్థితమ్ ॥ 12 ॥
ఈషత్తుపరివృత్తాభ్యాన్నేత్రాభ్యాంవాక్యమబ్రవీత్ ।
అద్యతేసుమహాన్కాలశ్శయానస్యమహాబల ॥ 13 ॥
సుఖితస్త్వం న జానీషేమమరామకృతమ్భయమ్ ।
ఏషదాశరథీరామఃసుగ్రీవసహితోబలీ ॥ 14 ॥
సముద్రంసబలస్తీర్త్వామూలన్నఃపరికృన్తతి ।
హన్తపశ్యస్వలఙ్కాయావనాన్యుపవనాని చ ॥ 15 ॥
సేతునాసుఖమాగమ్యవానరైకార్ణవీకృతమ్ ।
యేరాక్షసాముఖ్యతమాహతాస్తేవానరైర్యుధి ॥ 16 ॥
వానరాణాఙ్క్షయంయుద్ధే న పశ్యామికదాచన ।
నచాపివానరాయుద్ధేజితపూర్వాఃకదాచన ॥ 17 ॥
తదేతద్భయముత్పన్నన్త్రాయస్వేమామ్మహబల ।
నాశయత్వమిమానద్యతదర్థమ్బోధితోభవాన్ ॥ 18 ॥
సర్వక్షపితకోశం చ స త్వమభ్యవపద్యమామ్ ।
త్రాయస్వేమామ్పురీంలఙ్కామ్బాలవృద్ధావశేషితామ్ ॥ 19 ॥
భ్రాతురర్థేమహాబాహో కురుకర్మసుదుష్కరమ్ ।
మయైవన్నోక్తపూర్వోహికశ్చిద్భ్రాతః పరన్తప ॥ 20 ॥
త్వయ్యస్తిమమస్నేహఃపరాసమ్భావనా చ మే ।
దైవాసురేషుయుద్ధేషుబహుశోరాక్షసర్షభ ॥ 21 ॥
త్వయాదేవాఃప్రతివ్యూహ్యనిర్జితాశ్చాసురాయుధి ।
తదేతత్సర్వమాతిష్ఠవీర్యమ్భీమపరాక్రమ ॥ 22 ॥
న హి తే సర్వభూతేషు దృశ్యతే సదృశో బలీ ।
కురుష్వ మే ప్రియహితమేతదుత్తమమ్ ।
యథాప్రియం ప్రియరణ బాన్ధవప్రియ ।
స్వతేజసా విధమ సపత్నవాహినీమ్ ।
శరద్ఘనం పవన ఇవోద్యతో మహాన్ ॥ 23 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే ద్విషష్టితమస్సర్గః ॥
