శ్రీమద్వాల్మీకీయ రామాయణే యుద్ధకాణ్డమ్ ।
అథ సప్తమస్సర్గః ।
ఇత్యుక్తారాక్షసేన్ద్రేణరాక్షసాస్తేమహాబలాః ।
ఊచుఃప్రాన్జలయఃసర్వేరావణంరాక్షసేశ్వరమ్ ॥ 1 ॥
ద్విషత్పక్షమవిజ్ఞాయనీతిబాహ్యాస్త్వబుద్ధయః ।
రాజన్పరిఘశక్త్యృష్టిశూలపట్టిశకున్తలమ్ ॥ 2 ॥
ఇత్యుక్తారాక్షసేన్ద్రేణరాక్షసాస్తేమహాబలాః ।
ఊచుఃప్రాన్జలయఃసర్వేరావణంరాక్షసేశ్వరమ్ ॥ 3 ॥
ద్విషత్పక్షమవిజ్ఞాయనీతిబాహ్యాస్త్వబుద్ధయః ।
రాజన్పరిఘశక్త్యృష్టిశూలపట్టిశకున్తలమ్ ॥ 4 ॥
సుమహన్నోబలఙ్కస్మాద్విషాదమ్భజతేభవాన్ ।
త్వయాభోగవతీఙ్గత్వానిర్జితాఃపన్నగాయుధి ॥ 5 ॥
కైలాసశిఖరావాసీయక్షైర్బహుభిరావృతః ।
సుమహత్కదనఙ్కృత్వావశ్యస్తేధనదఃకృతః ॥ 6 ॥
సమహేశ్వరసఖ్యేనశ్లాఘమానస్త్వయావిభో ।
నిర్జితఃసమరేరోషాల్లోకపాలోమహాబలః ॥ 7 ॥
వినిహత్యచయక్షౌఘాన్విక్షోభ్యచవినిగృహ్యచ ।
త్వయాకైలాసశిఖరాద్విమానమిదమాహృతమ్ ॥ 8 ॥
మయేనదానవేన్ద్రేణత్వద్భయాత్సఖ్యమిచ్ఛతా ।
దుహితాతవభార్యార్థేదత్తారాక్షసపుఙ్గవ ॥ 9 ॥
దానవేన్ద్రోమధుర్నామవీర్యోత్సిక్తోదురాసదః ।
విగృహ్యవశమానీతఃకుమ్భీనస్యాఃసుఖావహః ॥ 10 ॥
నిర్జితాస్తేమహాబాహోనాగాగత్వారసాతలమ్ ।
వాసుకిస్తక్షకఃశఙఖోజటీచవశమాహృతాః ॥ 11 ॥
అక్షయాబలవన్తశ్చశూరాలబ్ధవరాఃపునః ।
త్వయాసంవత్సరంయుద్ధ్వాసమరేదానవావిభో ॥ 12 ॥
స్వబలంసముపాశ్రిత్యనీతావశమరిన్దమ ।
మాయాశ్చాధిగతాస్తత్రబహ్వ్యోవైరాక్షసాధిప ॥ 13 ॥
శూరాశ్చబలవన్తశ్చవరుణస్యసుతారణే ।
నిర్జితాస్తేమహాభాగచతుర్విధబలానుగాః ॥ 14 ॥
మృత్యుదణ్డమహాగ్రాహంశాల్మలిద్రుమమణ్డితమ్ ।
కాలపాశమహావీచింయమకిఙ్కరపన్నగమ్ ॥ 15 ॥
మహాజ్వరేణదుర్ధర్షంయమలోకమహార్ణవమ్ ।
అవగాహ్యత్వయారాజన్యమస్యబలసాగరమ్ ॥ 16 ॥
జయశ్చవిపులఃప్రాప్తోమృత్యుశ్చప్రతిషేధితః ।
సుయుద్ధేనచతేసర్వేలోకాస్తత్రసుతోషితాః ॥ 17 ॥
క్షత్రియైర్బహుభిర్వీరైఃశక్రతుల్యపరాక్రమైః ।
ఆసీద్వసుమతీపూర్ణామహద్భిరివపాదపైః ॥ 18 ॥
తేషాంవీర్యగుణోత్సాహైర్నసమోరాఘవోరణే ।
ప్రసహ్యతేత్వయారాజన్హతాఃసమరదుర్జయాః ॥ 19 ॥
తిష్ఠవాకిమ్మహారాజశ్రమే ణతవవానరాన్ ।
అయమేకోమహాబాహురిన్ద్రజిత్క్షపయిష్యతి ॥ 20 ॥
అనేనహిమహారాజమహేశ్వరమనుత్తమమ్ ।
ఇష్ట్వాయజ్ఞంవరోలబ్ధోలోకేపరమదుర్లభః ॥ 21 ॥
శక్తితోమరమీనఞ్చవినికీర్ణాన్త్రశైవలమ్ ।
గజకఛపసమ్బాధమశ్వమణ్డూకసఙ్కులమ్ ॥ 22 ॥
రుద్రాదిత్యమహాగ్రాహమ్మరుద్వసుమహోరగమ్ ।
రథశ్వగజతోయౌఘమ్పదాతిపులినమ్మహత్ ॥ 23 ॥
అనేనహిసమాసాద్యదేవానామ్బలసాగరమ్ ।
గృహీతోదైవతపతిర్లఙ్కాఞ్చాపిప్రవేశితః ॥ 24 ॥
పితామహనియోగాచ్చముక్తఃశమ్బరవృత్రహా ।
గతస్త్రివిష్టపమ్రాజన్సర్వదేవనమస్కృతః ॥ 25 ॥
తమేవత్వమ్మహారాజవిసృజేన్ద్రజితంసుతమ్ ।
యావద్వానరసేనాన్తాంసరామాన్నయతిక్షయమ్ ॥ 26 ॥
రాజన్నాపదయుక్తేయమాగతాప్రాకృతాజ్జనాత్ ।
హృదినైవత్వయాకార్యాత్వంవధిష్యసిరాఘవమ్ ॥ 27 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే సప్తమస్సర్గః ॥
