హనుమ క్ఱ్త శక్తి స్వరూప సీతా రామ మన్త్రమ్

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

అయోధ్యాపురనేతారం మిథిలాపురనాయికామ్ ।
రాఘవాణామలఙ్కారం వైదేహానామలఙ్క్రియామ్ ॥1॥

రఘూణాం కులదీపం చ నిమీనాం కులదీపికామ్ ।
సూర్యవంశసముద్భూతం సోమవంశసముద్భవామ్ ॥2॥

పుత్రం దశరథస్యాద్యం పుత్రీం జనకభూపతేః ।
వశిష్ఠానుమతాచారం శతానన్దమతానుగామ్ ॥3॥

కౌసల్యాగర్భసమ్భూతం వేదిగర్భోదితాం స్వయమ్ ।
పుణ్డరీకవిశాలాక్షం స్ఫురదిన్దీవరేక్షణామ్ ॥4॥

చన్ద్రకాన్తాననామ్భోజం చన్ద్రబిమ్బోపమాననామ్ ।
మత్తమాతఙ్గగమనం మత్తహంసవధూగతామ్ ॥5॥

చన్దనార్ద్రభుజామధ్యం కుఙ్కుమార్ద్రకుచస్థలీమ్ ।
చాపాలఙ్కృతహస్తాబ్జం పద్మాలఙ్కృతపాణికామ్॥6॥

శరణాగతగోప్తారం ప్రణిపాదప్రసాదికామ్ ।
కాలమేఘనిభం రామం కార్తస్వరసమప్రభామ్ ॥7॥

దివ్యసింహాసనాసీనం దివ్యస్రగ్వస్త్రభూషణామ్ ।
అనుక్షణం కటాక్షాభ్యాం అన్యోన్యేక్షణకాఙ్క్షిణౌ ॥8॥

అన్యోన్యసదృశాకారౌ త్రైలోక్యగృహదమ్పతీ ।
ఇమౌ యువాం ప్రణమ్యాహం భజామ్యద్య కృతార్థతామ్ ॥9॥

అనేన స్తౌతి యః స్తుత్యం రామం సీతాం చ భక్తితః ।
తస్య తౌ తనుతాం పుణ్యాస్సమ్పదః సకలార్థదాః ॥10॥

ఏవం శ్రీరాచన్ద్రస్య జానక్యాశ్చ విశేషతః ।
కృతం హనూమతా పుణ్యం స్తోత్రం సద్యో విముక్తిదమ్ ।
యః పఠేత్ప్రాతరుత్థాయ సర్వాన్ కామానవాప్నుయాత్ ॥11॥

Browse Related Categories: