శ్రీమద్వాల్మీకీయ రామాయణే యుద్ధకాణ్డమ్ ।
అథ సప్తనవతితమస్సర్గః ।
తథాతైఃకృత్తగాత్రైస్తుదశగ్రీవేణమార్గణైః ।
బభూవవసుధాతత్రప్రకీర్ణాహరిభిస్తదా ॥ 1 ॥
రావణస్యాప్రసహ్యన్తంశరసమ్పాతమేకతః ।
న శేకుస్సహితున్దీప్తమ్పతఙ్గాజ్వలనంయథా ॥ 2 ॥
తేఽర్దితానిశితైర్బాణైఃక్రోశన్తోవిప్రదుద్రువుః ।
పావకార్చిస్సమావిష్టాదహ్యమానాయథాగజాః ॥ 3 ॥
ప్లవఙ్గనామనీకానిమహాభ్రాణీవమారుతః ।
సయయౌసమరేతస్మిన్విధమన్రావణశ్శరైః ॥ 4 ॥
కదనన్తరసాకృత్వారాక్షసేన్ధ్రోవనౌకసామ్ ।
ఆససాదతతోత్వరితంయుద్ధేరాఘవంస్తదా ॥ 5 ॥
సుగ్రీవస్తాన్కపీన్దృష్టవాభగ్నాన్విద్రావితాన్రణే ।
గుల్మేసుషేణన్నిక్షిప్యచక్రేయుద్ధేఽద్భుతమ్మనః ॥ 6 ॥
ఆత్మనస్సదృశంవీరస్సతన్నిక్షిప్యవానరమ్ ।
సుగ్రీవోఽఽభిముఖశ్శత్రుమ్ప్రతస్థేపాదపాయుధః ॥ 7 ॥
పార్శ్వతఃపృష్ఠతశ్చాస్యసర్వేయూథాధిపాస్స్వయమ్ ।
అనుజహ్రుర్మహాశైలాన్ వివిధాంశ్చమహాద్రుమాన్ ॥ 8 ॥
సనదన్యుధిసుగ్రీవస్స్వరేణమహతామహాన్ ।
పాతయన్వివిధాంశ్చాన్యాన్ఞ్జగామోత్తమరాక్షసాన్ ॥ 9 ॥
మమన్థ చ మహాకాయాన్రాక్షసాన్వానరేశ్వరః ।
యుగాన్తసమయేవాయుఃప్రవృద్ధానగమానివ ॥ 10 ॥
రాక్షసానామనీకేషుశైలవర్షంవవర్ష హ ।
అశ్మవర్షంయథామేఘఃపక్షిసఙ్ఘేషుకాననే ॥ 11 ॥
కపిరాజవిముక్తైస్తైశ్శైలవర్షైస్తురాక్షసాః ।
వికీర్ణశిరసఃపేతుర్నికృత్తాఇవపర్వతాః ॥ 12 ॥
అథసఙ్క్షీయమాణేషురాక్షసేషుసమన్తతః ।
సుగ్రీవేణప్రభగ్నేషుపతత్సునినదత్సు చ ॥ 13 ॥
విరూపాక్షస్స్వకన్నామధన్వీవిశ్రావ్యరాక్షసః ।
రథాదాప్లుత్యదుర్ధర్షోగజస్కన్ధముపారుహత్ ॥ 14 ॥
స తన్ద్విరదమారుహ్యవిరూపాక్షోమహారథః ।
వనర్దభనీమనిర్హ్రాదంవానరానభ్యధావత ॥ 15 ॥
సుగ్రీవే స శరాన్ఘోరాన్విససర్జచమూముఖే ।
స్థాపయామాసచోద్విగ్నాన్రాక్షసాన్ సమ్ప్రహర్షయన్ ॥ 16 ॥
సతువిద్ధశ్శితైర్బాణైఃకపీన్ద్రస్తేనరక్షసా ।
చుక్రోధ స మహాక్రోధోవధేచాస్యమనోదధే ॥ 17 ॥
తతఃపాదపముద్ధృత్యశూరస్సమ్ప్రధనోహరిః ।
అభిపత్యజఘానాస్యప్రముఖేతుమహాగజమ్ ॥ 18 ॥
స తుప్రహారాభిహతస్సుగ్రీవేణమహాగజః ।
అపాసర్పద్ధనుర్మాత్రన్నిషసాదననాద చ ॥ 19 ॥
గజాత్తుమథితాత్తూర్ణమపక్రమ్య స వీర్యవాన్ ।
రాక్షసోఽఽభిముఖశ్శత్రుమ్ప్రత్యుద్గమ్యతతఃకపిమ్ ॥ 20 ॥
ఆర్షభఞ్చర్మఖడగం చ ప్రగృహ్యలఘువిక్రమః ।
భర్త్సయన్నివసుగ్రీవమాససాదవ్యవస్థితమ్ ॥ 21 ॥
స హితస్యాభిసఙ్కృద్ధఃప్రగృహ్యవిపులాంశిలామ్ ।
విరూపాక్షాయచిక్షేపసుగ్రీవోజలదోపమామ్ ॥ 22 ॥
స తాంశిలామాపతన్తీన్దృష్టవారాక్షసపుఙ్గవః ।
అపక్రమ్యసువిక్రాన్తఃఖడగేనప్రాహరత్తదా ॥ 23 ॥
తతో భిన్నప్రహరణౌ ముష్టిభ్యాన్ తౌ సమీయతుః ।
తేజో బలసమావిష్టౌ దీప్తావివ హుతాశనౌ ॥ 24 ॥
స తదా స హసోత్పత్యరాక్షసస్యమహాహవే ।
ముష్టింసన్వర్త్యవేగేనపాతయామాసవక్షసి ॥ 25 ॥
ముష్టిప్రహారాభిహతోవిరూపాక్షోనిశాచరః ।
తేనఖడగేనసఙ్కృద్దస్సుగ్రీవస్యచమూముఖే ॥ 26 ॥
కవచమ్పాతయామాసపద్భ్యామభిహతోఽఽపతత్ ।
స సముత్థాయపతితఃకపిస్తస్యవ్యసర్జయత్ ।
తలప్రహారమశనేస్సమానమ్భీమనిస్స్వనమ్ ॥ 27 ॥
తలప్రహారన్తద్రక్షస్సుగ్రీవేణసముద్యతమ్ ।
నైపుణ్యాన్మోచయిత్వైనమ్ముష్టినోరస్యతాడయత్ ॥ 28 ॥
తస్సుసఙ్కృద్ధతరఃసుగ్రీవోవానరేశ్వరః ॥ 29 ॥
మోక్షితఞ్చాత్మనోదృష్టవాప్రహారన్తేనరక్షసా ।
దదర్శాన్తరన్తస్యవిరూపాక్షస్యవానరః ॥ 30 ॥
తతోన్యపాతయత్క్రోధాచ్ఛఙ్ఖదేశేమహాత్తలమ్ ।
మహేన్ద్రాశనికల్పేనతలేనాభిహతఃక్షితౌ ॥ 31 ॥
పపాతరుధిరక్లిన్నశ్శోణితంసముద్యమన్ ।
స్రోతోభ్యస్తువిరూపాక్షోజలమ్ప్రస్రవణాదివ ॥ 32 ॥
వివృత్తనయనఙ్క్రోధాత్సఫేనంరుధిరాప్లుతమ్ ।
దదృశుస్తేవిరూపాక్షంవిరూపాక్షతరఙ్కృతమ్ ॥ 33 ॥
స్ఫురన్తమ్పరివర్తన్తమ్పార్శ్వేనరుధిరోక్షితమ్ ।
కరుణం చ వినర్దన్తన్దదృశుఃకపయోరిపుమ్ ॥ 34 ॥
తథాతుతౌసమ్మ్యతిసమ్ప్రయుక్తౌ ।
తరస్వినౌవానరరాక్షసానామ్ ॥ 35 ॥
వినాశితమ్ప్రేక్ష్యవిరూపనేత్రమ్మహాబలన్తంహరిపార్థివేన ।
బలంసమస్తఙ్కపిరాక్షసానామున్మత్తగఙ్గాప్రతిమమ్బభూవ ॥ 36 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే సప్తనవతితమస్సర్గః ॥
