శ్రీమద్వాల్మీకీయ రామాయణే యుద్ధకాణ్డమ్ ।
అథ ఏకాదశస్సర్గః ।
సబభూవకృశోరాజామైథిలీకామమోహితః ।
అసన్మానాచ్చసుహృదామ్పాపమ్పాపేనకర్మణా ॥ 1 ॥
అతీతసమయేకాలేతస్మిన్వైయుధిరావణః ।
అమాత్యైశ్చసుహృద్భిశ్చప్రాప్తకాలమమన్యత ॥ 2 ॥
సహేమజాలవితతమ్మణివిద్రుమభూషితమ్ ।
ఉపగమ్యవినీతాశ్వమారురోహమహారథమ్ ॥ 3 ॥
తమాస్థాయరథశ్రేష్ఠమ్మహామేఘసమస్వనమ్ ।
ప్రయయౌరక్షసాంశ్రేష్ఠోదశగ్రీవస్సభామ్ప్రతి ॥ 4 ॥
అసిచర్మధరాయోధాస్సర్వాయుధధరాస్తతః ।
రాక్షసారాక్షసేన్ద్రస్యపురస్తాత్సమ్ప్రతస్థిరే ॥ 5 ॥
నానావికృతవేషాశ్చనానాభూషణభూషితాః ।
పార్శ్వతస్పృష్ఠతశ్చైనమ్పరివార్యయయుస్తతః ॥ 6 ॥
రథైశ్చాతిరథాశ్శీఘ్రమ్మత్తైశ్చవరవారణైః ।
అనూత్పేతుర్దశగ్రీవమాక్రీడద్భిశ్చవాజిభిః ॥ 7 ॥
గదాపరిఘహస్తాశ్చశక్తితోమరపాణయః ।
పరశ్వథధరాశ్చాన్యేతథాఽన్యేశూలపాణయః ॥ 8 ॥
తతస్తూర్యసహస్రాణాంసఞ్జజ్ఞేనిస్స్వనోమహాన్ ।
తుములశ్శఙ్ఖశబ్దశ్చసభాఙ్గచ్ఛతిరావణే ॥ 9 ॥
సనేమిఘోషేణమహాన్సహసాఽభినినాదయన్ ।
రాజమార్గంశ్రియాజుష్టమ్ప్రతిపేదేమహారథః ॥ 10 ॥
విమలఞ్చాతపత్రాణామ్ప్రగృహీతమశోభత ।
పాణ్డురంరాక్షసేన్ద్రస్యపూర్ణస్తారాధిపోయథా ॥ 11 ॥
హేమమఞ్జరిగర్భేచశుద్ధస్ఫటికవిగ్రహే ।
చామరవ్యజనేతస్యరేజతుస్సవ్యదక్షిణే ॥ 12 ॥
తేకృతాఞ్జలయస్సర్వేరథస్థమ్పృథివీస్థితాః ।
రాక్షసారాక్షసశ్రేష్ఠంశిరోభిస్తంవవన్దిరే ॥ 13 ॥
రాక్షసైస్త్సూయమానస్సఞ్జయాశీర్భిరరిన్దమః ।
ఆససాదమహాతేజాస్సభాంవిరచితాన్తదా ॥ 14 ॥
సువర్ణరజతాస్తీర్ణాంవిశుద్ధస్ఫటికాన్తరామ్ ।
విరాజమానోవపుషారుక్మపట్టోత్తరచ్ఛదామ్ ॥ 15 ॥
తామ్పిశాచశతైః షఙ్భిరభిగుప్తాంసదాప్రభామ్ ।
ప్రవివేశమహాతేజాస్సుకృతాంవిశ్వకర్మణా ॥ 16 ॥
తస్యాంసవైడూర్యమయమ్ప్రియకాజినసమ్వృతమ్ ।
మహత్సోపాశ్రయమ్భేజేరావణఃపరమాసనమ్ ॥ 17 ॥
తతః శశాసేశ్వరవద్దూతాన్లఘుపరాక్రమాన్ ।
సమానయతమేక్షిప్రమిహైతాన్రాక్షసానితి ।
కృత్యమస్తిమహజ్జానేకర్తవ్యమితిశత్రుభిః ॥ 18 ॥
రాక్షసాస్తద్వచశ్శ్రుత్వాలఙ్కాయామ్పరిచక్రముః ॥ 19 ॥
అనుగేహమవస్థాయవిహారశయనేషుచ ।
ఉద్యానేషుచరక్షాంసిచోదయన్తోహ్యభీతవత్ ॥ 20 ॥
తేరథాన్ రుచిరానేకేదృప్తానేకేపృథగ్ఘయాన్ ।
నాగానేకేఽధిరురుహుర్జగ్ముశ్చైకేపదాతయః ॥ 21 ॥
సాపురీపరమాకీర్ణారథకుఞ్జరవాజిభిః ।
సమ్పతద్భిర్విరురుచేగరుత్మద్భిరివామ్బరమ్ ॥ 22 ॥
తేవాహనావ్యవస్థాప్యయానానివివిధానిచ ।
సభామ్పద్భిఃప్రవివిశుస్సింహాగిరిగుహామివ ॥ 23 ॥
రాజ్ఞఃపాదౌగృహీత్వాతురాజ్ఞాతేప్రతిపూజితాః ।
పీఠేష్వన్యేబృసీష్వన్యేభూమౌకేచిదుపావిశన్ ॥ 24 ॥
తేసమేత్యసభాయాంవైరాక్షసారాజశాసనాత్ ।
యథార్హముపతస్థుస్తేరావణంరాక్షసాధిపమ్ ॥ 25 ॥
మన్త్రిణశ్చయథాముఖ్యానిశ్చయార్థేషుపణ్డితాః ।
అమాత్యాశ్చగుణోపేతాస్సర్వజ్ఞాబుద్ధిదర్శనాః ॥ 26 ॥
సమీయుస్తత్రశతశశూరాశ్చబహవస్తదా ।
సభాయాంహేమవర్ణాయాంసర్వార్థస్యసుఖాయవై ॥ 27 ॥
తతోమహాత్మావిపులంసుయుగ్యంరథమ్వరంహేమవిచిత్రితాఙ్గమ్ ।
శుభంసమాస్థాయయయౌయశస్వీవిభీషణస్సంసదమగ్రజస్య ॥ 28 ॥
సపూర్వజాయావరజశ్శశంసనామాథపశ్చాశ్చరణౌవవన్దే ।
శుకఃప్రహస్తశ్చతథైవతేభ్యోదదౌయథార్హమ్పృథగాసనాని ॥ 29 ॥
సువర్ణనానామణిభూషణానాంసువాససాంసంసదిరాక్షసానామ్ ।
తేషామ్పరార్ఘ్యాగురుచన్దనానాంస్రజాశ్చగన్ధాఃప్రవవుస్సమన్తాత్ ॥ 30 ॥
నచుక్రుశుర్నానృతమాహకశ్చిత్సభాపదోనాపిజజల్పురుచ్చైః ।
సంసిద్ధార్థాస్సర్వఏవోగ్రవీర్యాభర్తుస్సర్వేదదృశుశ్చాననన్తే ॥ 31 ॥
సరావణశ్శస్త్రభృతామ్మనస్వినామ్మహాబలానాంసమితౌమనస్వీ ।
తస్యాంసభాయామ్ప్రభయాచకాశేమధ్యేవసూనామివవజ్రహస్తేః ॥ 32 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే ఏకాదశస్సర్గః ॥
