శ్రీమద్వాల్మీకీయ రామాయణే యుద్ధకాణ్డమ్ ।
అథ నవమస్సర్గః ।
తతోనికుమ్భోరభసస్సూర్యశత్రుర్మహాబలః ।
సుప్తఘ్నోయజ్ఞహారక్షోమహాపార్శ్వమహోదరౌ ॥ 1 ॥
అగ్నికేతుశ్చదుర్ధర్షోరశ్మికేతుశ్చరాక్షసః ।
ఇన్ద్రజిచ్చమహాతేజాబలవాన్రావణాత్మజః ॥ 2 ॥
ప్రహస్తోఽథవిరూపాక్షోవజ్రదంష్ట్రోమహాబలః ।
ధూమ్రాక్షశ్చాతికాయశ్చదుర్ముఖశ్చైవరాక్షసః ॥ 3 ॥
పరిఘాన్పట్టిశాన్ప్రాసాన్శక్తిశూలపరశ్వధాన్ ।
చాపానిచసబాణానిఖఙ్గాంశ్చవిపులాన్శితాన్ ॥ 4 ॥
ప్రగృహ్యపరమక్రుద్ధాస్సముత్పత్యచరాక్షసాః ।
అబ్రువన్రావణంసర్వేప్రదీప్తాఇవతేజసా ॥ 5 ॥
అద్యరామంవధిష్యామస్సుగ్రీవంసచలక్ష్మణమ్ ।
కృపణఞ్చహనూమన్తంలఙ్కాయేనప్రధర్షితా ॥ 6 ॥
తాన్గృహీతాయుధాన్ సర్వాన్వారయిత్వావిభీషణః ।
అబ్రవీత్ప్రాఞ్జలిర్వాక్యమ్పునఃప్రత్యుపవేశ్యతాన్ ॥ 7 ॥
అప్యుపాయైస్త్రిభిస్తాతయోఽర్థఃప్రాప్తున్నశక్యతే ।
తస్యవిక్రమకాలాంస్తాన్యుక్తానాహుర్మనీషిణః ॥ 8 ॥
ప్రమత్తేష్యభియుక్తేషుదైవేనప్రహతేషుచ ।
విక్రమాస్తాతసిధ్యన్తిపరీక్ష్యవిధినాకృతాః ॥ 9 ॥
అప్రమత్తఙ్కథన్తన్తువిజిగీషుమ్బలేస్థితమ్ ।
జితరోషన్దురాధర్షతమ్ప్రధర్షయితుమిచ్ఛథ ॥ 10 ॥
సముద్రంలఙ్ఘయిత్వాతుఘోరన్నదనదీపతిమ్ ।
గతింహనూమతోలోకేకోవిద్యాత్తర్కయేతవా ॥ 11 ॥
బలాన్యపరిమేయానివీర్యాణిచనిశాచరాః ।
పరేషాంసహసాఽవజ్ఞానకర్తవ్యాకథఞ్చన ॥ 12 ॥
కిఞ్చరాక్షసరాజస్యరామేణాపకృతమ్పురా ।
ఆజహారజనస్థానాద్యస్యభార్యాంయశస్వినః ॥ 13 ॥
ఖరోయద్యతివృత్తస్తురామేణనిహతోరణే ।
అవశ్యమ్ప్రాణినామ్ప్రాణారక్షితవ్యాయథాబలమ్ ॥ 14 ॥
ఏతన్నిమిత్తంవైదేహీభయన్నస్సుమహద్భవేత్ ।
ఆహృతాసాపరిత్యాజ్యాకలహార్థేకృతేనకిమ్ ॥ 15 ॥
నతుక్షమంవీర్యవతాతేనధర్మానువర్తినా ।
వైరన్నిరర్థకఙ్కర్తున్దీయతామస్యమైథిలీ ॥ 16 ॥
యావన్నసగజాంసాశ్వామ్బహురత్నసమాకులామ్ ।
పురీన్దారయతేబాణైర్దీయతామస్యమైథిలీ ॥ 17 ॥
యావత్సుఘోరామహతీదుర్ధర్షాహరివాహినీ ।
నావస్కన్దతినోలఙ్కాన్తావత్సీతాప్రదీయతామ్ ॥ 18 ॥
వినశ్యేద్ధిపురీలఙ్కాశూరాస్సర్వేచరాక్షసాః ।
రామస్యదయితాపత్నీనస్వయన్నయదిదీయతే ॥ 19 ॥
ప్రసాదయేత్వామ్బన్ధుత్వాత్కురుష్యవచనమ్మమ ।
హితన్తథ్యమహమ్బ్రూమిదీయతామస్యమైథిలీ ॥ 20 ॥
పురాశరత్సూర్యమరీచిసన్నిభాన్నవాగ్రపుఙ్ఖాన్ సుదృఢాన్నృపాత్మజః ।
సృజత్యమోఘాన్విశిఖాన్వధాయతేప్రదీయతాన్దశరధాయమైథిలీ ॥ 21 ॥
త్వజస్వకోపంసుఖధర్మనాశనమ్భజస్వధర్మంరతికీర్తివర్ధనమ్ ।
ప్రసీదజీవేమసపుత్రబాన్ధవాఃప్రదీయతాన్దాశరథాయమైథిలీ ॥ 22 ॥
విభీషణవచ్శుత్వారావణోరాక్షసేశ్వరాః ।
విసర్జయిత్వాతాన్సర్వాన్ప్రవివేశస్వకఙ్గృహమ్ ॥ 23 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే నవమస్సర్గః ॥
