శ్రీమద్వాల్మీకీయ రామాయణే యుద్ధకాణ్డమ్ ।
అథ సప్తవింశత్యధికశతతమస్సర్గః ।
పూర్ణేచతుర్దశేవర్షేపఞ్చమ్యాంలక్ష్మణాగ్రజః ।
భరద్వాజాశ్రమమ్ప్రాప్యవవన్దేనియతోమునిమ్ ॥ 1 ॥
సోఽపృచ్ఛదభివాద్యైనమ్భరద్వాజన్తపోధనమ్ ।
శృణోషికచ్చిద్భగవన్సుభిక్షానాయమమ్పురే ॥ 2 ॥
కచ్చిత్సయుక్తోభరతోజీవన్త్యపి చ మాతరః ।
ఏవముక్తస్తురామేణభరద్వాజోమహామునిః ॥ 3 ॥
ప్రత్యువాచరఘుశ్రేష్ఠంస్మితపూర్వమ్ప్రహృష్టవత్ ।
పఙ్కదిగ్ధస్తుభరతోజటిలస్త్వామ్ప్రతీక్షతే ॥ 4 ॥
పాదుకతేపురస్కృత్యసర్వం చ కుశలఙ్గృహే ।
త్వామ్పురాచీరవసనమ్ప్రవిశన్తమ్మహావనమ్ ॥ 5 ॥
స్త్రీతృతీయఞ్చ్యుతంరాజ్యాద్ధర్మకామం చ కేవలమ్ ।
పదాతిన్త్యక్తసర్వస్వమ్పితుర్వచనకారిణమ్ ॥ 6 ॥
సర్వభోగైఃపరిత్యక్తంస్వర్గచ్యుతమివామరమ్ ।
దృష్టాతుకరుణాపూర్వమ్మమాసీత్సమితిఞ్జయః ॥ 7 ॥
కైకేయీవచనేయుక్తంవన్యమూలఫలాశినమ్ ।
సామ్ప్రతన్తుసమృద్ధార్థంసమిత్రగణబాన్ధవమ్ ॥ 8 ॥
సమీక్ష్యవిజితారిం చ సమాభూప్రతీతిరుత్తమా ।
సర్వం చ సుఖదుఃఖన్తేవిదితమ్మమరాఘవ ।
యత్త్వయావిపులమ్ప్రాప్తఞ్జనస్థాన్నవధాదికమ్ ॥ 9 ॥
బ్రాహ్మణార్థేనియుక్తస్యరక్షతఃసర్వతాపసాన్ ।
రావణేనహృతాభార్యాబభూవేయమనితా ॥ 10 ॥
మారీచదర్శనఞ్చైవసీతోన్మధనమేవ చ ।
కబన్ధదర్శనఞ్చైవసమ్పాభిగమనన్తథా ॥ 11 ॥
సుగ్రీవేణ చ తేసఖ్యంయథావాలీహతస్త్వయా ।
మార్గణఞ్చైవవైదేహ్యాఃకర్మవాతాత్మజస్య చ ॥ 12 ॥
విదితాయాం చ సీతాయాన్నలసేతుర్యథాకృతః ।
యథాచాదీపితాలఙ్కాప్రహృష్టైర్హరియూథపైః ॥ 13 ॥
సపుత్రబాన్దవామాత్యఃసబలఃసహావాహనః ।
యథా చ నిహతఃసఙ్ఖ్యేరావణోబలదర్పితః ॥ 14 ॥
యథా చ నిహతేతస్మిన్ రావణేదేవకణ్టకే ।
సమాగమశ్చత్రిదశైర్యథాదత్తశ్చతేవరః ॥ 15 ॥
సర్వమ్మమైతద్విదితన్తపసాధర్మవత్సల ।
సమ్పతన్తి చ మేశిష్యాఃప్రవృత్తాఖ్యాఃపురీమితః ॥ 16 ॥
అహమప్యద్యతేదద్మివరంశస్త్రభృతాంవర ।
అర్ఘ్యమ్ప్రతిగృహాణేదమయోధ్యాంశ్వోగమిష్యసి ॥ 17 ॥
తస్యతచ్ఛిరసావాక్యమ్ప్రతిగృహ్యనృపాత్మజః ।
బాఢమిత్యేవసమ్హృష్టఃశ్రీమాన్వరమయాచత ॥ 18 ॥
అకాలఫలినోవృక్షాస్సర్వేచాపిమధుస్రవాః ।
ఫలాన్యమృతగన్ధీనిబహూనివివిధాని చ ॥ 19 ॥
భవన్తుమార్గేభగవన్నయోధ్యామ్ప్రతిగచ్ఛతః ।
తథేతి చ ప్రతిజ్ఞాతేవచనాత్సమనన్తరమ్ ॥ 20 ॥
అభవన్పాదపాస్తత్రస్వర్గపాదపసన్నిభాః ।
పుష్ఫలాఃఫలినశ్చాసవనిపుష్పాఃపుష్పశాలినః ॥ 21 ॥
శుష్కాస్సమగ్రపత్రాస్తేనగాశ్చైవమధుస్రవాః ।
సర్వతోయోజనాస్త్రిస్రోగచ్ఛతామభవంస్తదా ॥ 22 ॥
తతఃప్రహృష్టాఃప్లవగర్షభాస్తేబహూనిదివ్యానిఫలానిచైవ ।
కామాదుపాశ్నన్తిసహస్రశస్తేముదావనితాస్స్వర్గజితోముదేవ ॥ 23 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే సప్తవింశత్యధికశతతమస్సర్గః ॥
