శ్రీమద్వాల్మీకీయ రామాయణే యుద్ధకాణ్డమ్ ।
అథ పఞ్చవింశత్యధికశతతమస్సర్గః ।
ఉపస్థితన్తుతఙ్కృత్వాపుష్పకమ్పుష్పభూషితమ్ ।
అవిదూరేస్థితోరామమిత్యువాచవిభీషణః ॥ 1 ॥
స తుబద్ధాఞ్జలిః ప్రహ్వోవినీతోరాక్షసేశ్వరః ।
అబ్రవీత్త్వరయోపేతఃకిఙ్కరోమీతిరాఘవమ్ ॥ 2 ॥
తమబ్రవీన్మహాతేజాలక్ష్మణస్యోపశృణ్వతః ।
విమృశ్యరాఘవోవాక్యమిదంస్నేహపురస్కృతమ్ ॥ 3 ॥
కృతప్రయత్నకర్మాణఃసర్వఏవవనేచరాః ।
రత్నైరర్థైశ్చవివిధైస్సమ్పూజ్యన్తాంవిభీషణ ॥ 4 ॥
సహామీభిస్త్వయాలఙ్కానిర్జితారాక్షసేశ్వర ।
హృష్టైఃప్రాణభయన్త్యక్త్వాసఙ్గ్రామేష్వనివర్తిభిః ॥ 5 ॥
త ఇమేకృతకర్మాణస్సర్వఏవవనౌకసః ।
ధనరత్నప్రదానేనకర్మైషాంసఫలఙ్కురు ॥ 6 ॥
ఏవంసమ్మానితాశ్చేతేమానార్హమానదాత్వయా ।
భవిష్యన్తికృతజ్ఞేననిర్వృతాహరియూథపాః ॥ 7 ॥
త్యాగినంసఙ్గ్రహీతారంసానుక్రోశఞ్జితేన్ద్రియమ్ ।
సర్వేతతఃఅవగచ్ఛన్తిసమ్బోధయామితే ॥ 8 ॥
హీనంరతిగుణైస్సర్వైరభిహన్తారమాహవే ।
సేనాత్యజతిసమ్విగ్నానృపతిన్తన్నరేశ్వరా ॥ 9 ॥
ఏవముక్తస్తురామేణవానరాంస్తాన్విభీషణః ।
రత్నార్థసంవిభాగేనసర్వానేవాభ్యపూజయత్ ॥ 10 ॥
తతస్తాన్పూజితాన్దృష్టవారత్నార్థైర్హరియూథపాన్ ।
ఆరురోహతదారామస్తద్విమానమనుత్తమమ్ ॥ 11 ॥
అఙ్కేనాదాయవైదేహీంలజ్జమానాంయశస్వినీమ్ ।
లక్ష్మణేనసహభ్రాత్రావిక్రాన్తేవధనుష్మతా ॥ 12 ॥
అబ్రవీత్సవిమానస్థఃపూజయన్సర్వావానరాన్ ।
సుగ్రీవం చ మహావీర్యఙ్కాకుత్స్థసవిభీషణమ్ ॥ 13 ॥
మిత్రకార్యఙ్కృతమిదమ్భవద్భిద్వానరర్షభాః ।
అనుజ్ఞాతామయాసర్వేయథేష్టమ్ప్రతిగచ్ఛత ॥ 14 ॥
యత్తుకార్యంవయస్యేనస్నిగ్ధేన చ హితేన చ ।
కృతంసుగ్రీవతత్సర్వమ్భవతాధర్మభీరుణా ॥ 15 ॥
కిష్కిన్ధామ్ప్రతియాహ్యావుస్వసైన్యేనాభిసమ్వృతః ।
స్వరాజ్యేవసలఙ్కాయామ్మయాదత్తేవిభీషణ ॥ 16 ॥
న త్వాన్ధర్షయితుంశక్తాస్సేన్ద్రాఅపిదివౌకసః ।
యోధ్యామ్ప్రతియాస్యామిరాజధానీమ్పితుర్మమ ॥ 17 ॥
అభ్యనుజ్ఞాతుమిచ్ఛామిసర్వానామన్త్రయామివః ।
వముక్తాస్తురామేణహరీన్ద్రాహరయస్తథా ॥ 18 ॥
ఊచుఃప్రాఞ్జలయస్సర్వేరాక్షసశ్చవిభీషణః ।
అయోధ్యాఙ్గన్తుమిచ్ఛామఃసర్వన్నయతునోభవాన్ ॥ 19 ॥
ముద్యుక్తావిచరిష్యామోవనాన్యుపననాని చ ।
దృష్టవాత్వామభిషేకార్ధ్రఙ్కౌసల్యామభివాద్య చ ॥ 20 ॥
అచిరాదగమిష్యామఃస్వగృహాన్నృపసత్తమ ।
ఏవముక్తస్సధర్మాత్మావానరైస్సవిభీషణైః ॥ 21 ॥
అబ్రవీద్వానరాన్రామస్ససుగ్రీవవిభీషణాన్ ।
ప్రియయతరంలబ్దంయదహంససుహృజ్జనః ॥ 22 ॥
సర్వైర్భవద్భిఃసహితఃప్రీతింలప్స్యేపురీఙ్గతః ।
క్షిప్రం సుగ్రీవవిమానంవానరైస్సహ ॥ 23 ॥
త్వమప్యారోహసామాత్యోరాక్షసేన్ద్రవిభీషణ ।
తతః స పుష్పకన్దివ్యంసుగ్రీవస్సహవానరైః ॥ 24 ॥
ఆరురోహముదాయుక్తఃసామాత్యశ్చవిభీషణః ।
తేష్వారూఢేషుసర్వేషుకౌబేరమ్పరమాసనమ్ ॥ 25 ॥
రాఘవణాభ్యనుజ్ఞాతముత్పపాతవిహాయసమ్ ।
గతేనవిమానేనహంసయుక్తేనభాస్వతా ॥ 26 ॥
ప్రహృష్టశ్చప్రతీతశ్చబభౌరామఃకుబేరవత్ ।
తేసర్వేవానరర్ర్క్షశ్చరాక్షసాశ్చమహాబలాః ॥ 27 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే పఞ్చవింశత్యధికశతతమస్సర్గః ॥
