శ్రీమద్వాల్మీకీయ రామాయణే యుద్ధకాణ్డమ్ ।
అథ వింశత్యధికశతతమస్సర్గః ।
తతోహిదుర్మనారామ్శ్రుత్వైవంవదతాఙ్గిరః ।
దధ్యౌముహూర్తన్ధర్మాత్మాబాష్పవ్యాకులలోచనః ॥ 1 ॥
తతోవైశ్రవణోరాజాయమశ్చపితృభిఃసహ ।
సహస్రాక్షశ్చదేవేశోవరుణశ్చజలేశ్వరః ॥ 2 ॥
షడర్ధనయన్శ్రీమాన్మహాదేవోవృషధ్వజః ।
కర్తాసర్వస్యలోకస్యబ్రహ్మాబ్రహ్మవిదాంవరః ॥ 3 ॥
ఏతేసర్వేసమాగమ్యవిమానైస్సూర్యసన్నిభైః ।
ఆగమ్యనగరీంలఙ్కామభిజగ్ముశ్చరాఘవమ్ ॥ 4 ॥
తతఃసహస్తాభరణాన్ప్రగృహ్యవిపులాన్భుజాన్ ।
అబ్రువంస్త్రిదశశ్రేష్ఠారాఘవమ్ప్రాఞ్జలింస్థితమ్ ॥ 5 ॥
కర్తాసర్వస్యలోకస్యశ్రేష్ఠోజ్ఞానవతామ్ప్రభుః ।
ఉపేక్షసేకథంసీతామ్పతన్తీంహవ్యవాహనే ॥ 6 ॥
కథన్దేవగణశ్రేష్ఠమాత్మానన్నావబుద్ధ్యసే ।
ఋతధామావసుఃపూర్వంవసూనాం చ ప్రజాపతిః ॥ 7 ॥
త్రయాణామపిలోకానామాదికర్తాస్వయమ్ప్రభుః ।
రుద్రాణామష్టమోరుద్రస్సాధ్యానామపిపఞ్చమః ॥ 8 ॥
అశ్వినౌచాపికర్ణౌతేసూర్యచన్ద్రామసౌదృశౌ ।
అన్తేచాదౌ చ లోకానాన్దృశ్యసే చ పరన్తప ॥ 9 ॥
ఉపేక్షసే చ వైదేహీమ్మానుషఃప్రాకృతోయథా ।
ఇత్యుక్తోలోకపాలైస్తైస్స్వామీలోకస్యరాఘవః ॥ 10 ॥
అబ్రవీత్త్రిదశశ్రేష్ఠాన్రామధర్మభృతాంవరః ।
ఆత్మానమ్మానుషమ్మన్యేరామన్దశరథాత్మజమ్ ॥ 11 ॥
సోఽహంయస్యయతశ్చాహమ్భగవవంస్తద్భ్రవీతుమే ।
ఇతిబ్రువాణఙ్కాకుత్స్థమ్బ్రహ్మాబ్రహ్మవిదాంవరః ॥ 12 ॥
అబ్రవీచ్ఛ్రుణుమేవాక్యంసత్యంసత్యపరాక్రమ ।
భవాన్నారాయణోదేవఃశ్రీమాంశ్చక్రాయుధఃప్రభుః ॥ 13 ॥
ఏకశృఙ్గోవరాహస్త్వమ్భూతభవ్యసపత్నజిత్ ।
అక్షరమ్బ్రహ్మసత్యం చ మధ్యేచాన్తే చ రాఘవ ॥ 14 ॥
లోకానాన్త్వమ్పరోధర్మోవిష్వక్సేనశ్చతుర్భుజః ।
శార్ఙ్గధన్వాహృషీకేశఃపురుషఃపురుషోత్తమః ॥ 15 ॥
అజితఃఖఙ్గదృగ్విష్ణుఃకృష్ణశ్చైవమహాబలః ।
సేనానీర్గ్రామణీశ్చత్వన్త్వమ్బుద్ధిస్త్వఙ్క్షమాదమః ॥ 16 ॥
ప్రభవశ్చాప్యయశ్చత్వముపేన్ద్రోమధుసూదనః ।
ఇన్ద్రకర్మామహేన్ద్రస్త్వమ్పద్మనాభోరణాన్తకృత్ ॥ 17 ॥
శరణ్యంశరణం చ త్వామాహుర్దివ్యామహర్షయః ।
సహస్రశృఙ్గోవేదాత్మాశరశీర్షోమహర్షభః ॥ 18 ॥
త్వన్త్రయాణాంహిలోకానామాదికర్తాస్వయమ్ప్రభుః ।
సిద్ధానామపిసాధ్యానామాశ్రయశ్చాసిపూర్వజః ॥ 19 ॥
త్వమ్యజ్ఞస్త్వంవషటకారస్త్వమోఙ్కారఃపరాత్పరః ॥ 20 ॥
ప్రభవన్నిధనంవాతేనోవిదుఃకోభవానితి ।
దృశ్యసేసర్వభూతేషుగోషు చ బ్రాహ్మణేషు చ ॥ 21 ॥
దిక్షుసర్వాసుగగనేపర్వతేషునదీషు చ ।
సహస్రచరణ్శ్రీమాన్ శతశీర్షస్సహస్రదృక్ ॥ 22 ॥
త్వన్ధారయసిభూతానిపృథివీం చ సపర్వతామ్ ।
అన్తేపృథివ్యాఃసలిలేదృశ్యసేత్వమ్మహోరగః ॥ 23 ॥
త్రీన్లోకాన్ధారయన్ రామ దేవగన్ధర్వదానవాన్ ।
అహన్తేహృదయంరామజిహ్వాదేవీసరస్వతీ ॥ 24 ॥
దేవారోమాణిగాత్రేషుబ్రహ్మణానిర్మితాఃప్రభో ।
నిమేషస్తేస్మృతారాత్రిరున్మేషోదివసస్తథా ॥ 25 ॥
సంస్కారాస్త్వభవన్వేదానైతదస్తిత్వయావినా ।
జగత్సర్వంశరీరన్తేస్థైర్యన్తేవసుథాతలమ్ ॥ 26 ॥
అగ్నిఃకోపఃప్రసాదస్తేసోమ్శ్రీవత్సలక్షణః ।
త్వయాలోకాస్త్రయఃక్రాన్తాఃపురాస్వైర్విక్రమైస్త్రిభిః ॥ 27 ॥
మహేన్ధ్రశ్చకృతోరాజాబలిమ్బద్ధ్వాసుదారుణమ్ ।
సీతాలక్ష్మీర్భవాన్ విష్ణుర్దేవఃకృష్ణఃప్రజాపతిః ॥ 28 ॥
వధార్థంరావణస్యేహప్రవిష్టోమానుషీన్తనుమ్ ।
తదిదన్నస్త్వయాకార్యఙ్కృతన్ధర్మభృతాంవర ॥ 29 ॥
నిహతోరావణోరామప్రహృష్టోదివమాక్రమ ।
అమోఘన్దేవవీర్యన్తే న తేమోఘాఃపరాక్రమాః ॥ 30 ॥
అమోఘన్దర్శనంరామామోఘస్తవసంస్తవః ।
అమోఘాస్తేభవిష్యన్తిభక్తిమన్తోనరాభువి ॥ 31 ॥
యేత్వాన్దేవన్ధ్రువమ్భక్తాఃపురాణమ్పురుషోత్తమమ్ ।
ప్రాప్నువన్తిసదాకామనిహలోకేపరత్ర చ ॥ 32 ॥
ఇమమార్షంస్తవన్దివ్యమితిహాసమ్పురాతనమ్ ॥ 33 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే వింశత్యధికశతతమస్సర్గః ॥
