శ్రీమద్వాల్మీకీయ రామాయణే యుద్ధకాణ్డమ్ ।
అథ చతుస్త్రింశస్సర్గః ।
అథతాఞ్జాతన్తాపాన్తేనవాక్యేనమోహితామ్ ।
సరమాహ్లాదయామాసమహీఙ్ఘౌరీమివామ్భసా ॥ 1 ॥
తతస్తస్యాహితంసఖ్యాశ్చికీర్షన్తీసఖీవచః ।
ఉవాచకాలేకాలజ్ఞాస్మితపూర్వాభిభాషిణీ ॥ 2 ॥
ఉత్సహేయమహఙ్గత్వాత్వద్వాక్యమసితేక్షణేః ।
నివేద్యకుశలంరామేప్రతిచ్ఛన్నానివర్తితుమ్ ॥ 3 ॥
నహిమేక్రమమాణాయానిరాలమ్బేవిహాయసి ।
సమర్థోగతిమన్వేతుమ్పవనోగరుడోఽపివా ॥ 4 ॥
ఏవమ్బ్రువాణాన్తాంసీతాసరమామ్పునరబ్రవీత్ ।
మధురంశ్లక్క్షణయావాచాపూర్వశోకాభిపన్నయా ॥ 5 ॥
సమర్థాగగనఙ్గన్తుమపివాత్వంరసాతలమ్ ।
అవగచ్ఛామ్యకర్తవ్యఙ్కర్తవ్యన్తేమదన్తరే ॥ 6 ॥
మత్ప్రియంయదికర్తవ్యంయదిబుద్ధిః స్థిరాతవ ।
జ్ఞాతుమిచ్ఛామితఙ్గత్వాకిఙ్కరోతీతిరావణః ॥ 7 ॥
సహిమాయాబలఃక్రూరోరావణశ్శత్రురావణః ।
మామ్మోహయతిదుష్టాత్మాపీతామాత్రేవవారుణీ ॥ 8 ॥
తర్జాపయతిమాన్నిత్యమ్భర్త్సాపయతిచాసకృత్ ।
రాక్షసీభిస్సుఘూరాభిర్యామాంరక్షన్తినిత్యశః ॥ 9 ॥
ఉద్విగ్నాశఙ్కితాచాస్మినస్వస్థఞ్చమనోమమ ।
తద్భయాచ్చాహముద్విగ్నాఅశోకవనికాఙ్గతా ॥ 10 ॥
యదినామకథాతస్యనిశ్చితంవాపియద్భవేత్ ।
నివేదయేథాస్సర్వన్తత్పరోమేస్యాదమనుగ్రహః ॥ 11 ॥
సాత్వేవమ్బ్రువతీంసీతాంసరమావల్గుభాషిణీ ।
ఉవాచవదనన్తస్యాస్స్పృశన్తీబాష్పవిక్లబమ్ ॥ 12 ॥
ఏషతేయద్యభిప్రాయస్తదాగచ్ఛామిజానకీః ।
గృహ్యశత్రోరభిప్రాయముపావృత్తాఞ్చపశ్యమామ్ ॥ 13 ॥
ఏవముక్త్వాతతోగత్వాసమీపన్తస్యరక్షసః ।
శుశ్రావకథితన్తస్యరావణస్యసమన్త్రిణః ॥ 14 ॥
సాశ్రుత్వానిశ్చయన్తస్యనిశ్చయజ్ఞాదురాత్మనః ।
పునరేవాగమత్క్షిప్రమశోకవనికాంశుభామ్ ॥ 15 ॥
సాప్రవిష్టాతతస్తత్రదదర్శజనకాత్మజామ్ ।
ప్రతీక్షమాణాంస్వామేవభ్రష్టపద్మామివశ్రియమ్ ॥ 16 ॥
తాన్తుసీతాపునఃప్రాప్తాంసరమాంవల్గుభాషిణీమ్ ।
పరిష్వజ్యచసుస్నిగ్ధన్దదౌచస్వయమాసనమ్ ॥ 17 ॥
ఇహాసీనాసుఖంసర్వమాఖ్యాహిమమతత్త్వతః ।
క్రూరస్యనిశ్చయన్తస్యరావణస్యదురాత్మనః ॥ 18 ॥
దీయతామభిసత్కృత్యమనుజేన్ద్రాయమైథిలీ ।
నిదర్శనన్తేపర్యాప్తఞ్జనస్థానేయదద్భుతమ్ ॥ 19 ॥
లఙ్ఘనఞ్చసముద్రస్యదర్శనఞ్చహనూమతః ।
వధఞ్చరక్షసాంయుద్ధేకఃకుర్యాన్మానుషోభువి ॥ 20 ॥
ఏవంసమన్త్రివృద్ధైశ్చావిద్ధేనబహుభాషితః ।
నత్వాముత్పనిహతేమోక్తుమర్థమర్థపరోయథా ॥ 21 ॥
నోత్సహత్యమృతోమోక్తుంయుద్ధేత్వామితిమైథిలీః ।
సామాత్యస్యనృశంసస్యనిశ్చయోహ్యేషవర్తతే ॥ 22 ॥
తదేషాసుస్థిరాబుద్ధిర్మృత్యులోభాదుపస్థితా ।
భయాన్నశక్తస్త్వామ్మోక్తుమనిరస్తస్సంయుగే ॥ 23 ॥
రక్షసానాఞ్చసర్వేషామాత్మనశ్చవధేనహి ।
నిహత్యరావణంసఙ్ ఖ్యేసర్వథానిశితైశ్శరైః ॥ 24 ॥
ప్రతినేష్యతిరామస్త్వామయోధ్యామసితేక్షణేః ।
ఏతస్మిన్నన్తరేశబ్దోభేరీశఙ్ఖసమాకులః ॥ 25 ॥
శ్రుతోవానరసైన్యానాఙ్కమ్పయన్ ధరణీతలమ్ ।
శ్రుత్వాతుతద్వానరసైన్యశబ్దంలఙ్కాగతారాక్షసరాజభృత్యాః ।
నష్టౌజసోదైన్యరీతచేష్టాఃశ్రేయోనపశ్యన్తినృపస్యదోషైః ॥ 26 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే చతుస్త్రింశస్సర్గః ॥
