శ్రీమద్వాల్మీకీయ రామాయణే యుద్ధకాణ్డమ్ ।
అథ అష్టత్రింశస్సర్గః ।
సతుకృత్వాసువేలస్యమతిమారోహణమ్ప్రతి ।
లక్ష్మణానుగతోరామఃసుగ్రీవమిదమబ్రవీత్ ॥ 1 ॥
విభీషణఞ్చధర్మజ్ఞమనురక్తన్నిశాచరమ్ ।
మన్త్రజ్ఞఞ్చవిధిజ్ఞఞ్చశ్లక్క్ష్ణయాపరయాగిరా ॥ 2 ॥
సువేలంసాధుశైలేన్ద్రమిమన్ధాతుశతైశ్చితమ్ ।
అధ్యారోహామహేసర్వేవత్స్యామోఽత్రనిశామిమామ్ ॥ 3 ॥
లఙ్కాఞ్చాలోకయిష్యామోనిలయన్తస్యరక్షసః ।
యేనమేమరణాన్తాయహృతాభార్యాదురాత్మనా ॥ 4 ॥
యేనధర్మోనవిజ్ఞాతోనతద్వృత్తన్నకులన్తథా ।
రాక్షస్యానీచయాబుద్ ధ్యాయేనతద్గర్హితఙ్కృతమ్ ॥ 5 ॥
తస్మిన్మేవర్తతేరోషఃకీర్తితేరాక్షసాధమే ।
యస్యాపరాధాననీచస్యవధన్ద్రక్ష్యామిరక్షసామ్ ॥ 6 ॥
ఏకోహికురుతేపాపఙ్కాలపాశవశఙ్గతః ।
నీచేనాత్మాపచారేణకులన్తేనవినశ్యతి ॥ 7 ॥
ఏవంసమ్మన్త్రయన్నేవసక్రోధోరావణమ్ప్రతి ।
రామఃసువేలమాసాద్యచిత్రసానుముపారుహత్ ॥ 8 ॥
పృష్ఠతోలక్ష్మణశ్చైవమన్వగచ్ఛత్సమాహితః ।
సశరఞ్చాపముద్యమ్యసుమహద్విక్రమేరతః ॥ 9 ॥
అన్వారోహత్సుగ్రీవస్సామాత్యస్సవిభీషణః ।
హనుమానఙ్గదోనీలోమైన్దోద్వివిదఏవచ ॥ 10 ॥
గజోగవాక్షోగవయశ్శరభోగన్ధమాదనః ।
పనసఃకుముదశ్చైవహరోరమ్భశ్చయూథపః ॥ 11 ॥
జామ్బవాంశ్చసుషేణశ్చఋషభశ్చమహామతిః ।
దుర్ముఖశ్చమహాతేజాస్తథాశతవలిఃకపిః ॥ 12 ॥
ఏతేచాన్యేచబహవోవానరాశశీఘ్రగామినః ।
తేవాయువేగప్రవణాస్తఙ్గిరిగిరిచారిణః ॥ 13 ॥
అధ్యారోహన్తశతశస్సువేలంయత్రరాఘవః ।
తేత్వదీర్ఘేణకాలేనగిరిమారుహ్యసర్వతః ॥ 14 ॥
దదృశుశశిఖరేతస్యవిషక్తామివఖేపురీమ్ ।
తాంశుభామ్ప్రవరద్వారామ్ప్రాకారపరిశోభితామ్ ॥ 15 ॥
లఙ్కాంరాక్షససమ్పూర్ణాన్దదృశుర్హరియూథపాః ।
ప్రాకారవరసంస్థైశ్చతథానీలైశ్చరాక్షసైః ॥ 16 ॥
దదృశుస్తేహరిశ్రేష్ఠాఃప్రాకారమపరఙ్కృతమ్ ।
తేదృష్టవావానరాఃసర్వేరాక్షసాన్ యుద్ధకాఙ్ క్షిణః ॥ 17 ॥
ముముచుర్వివిధాన్నాదాన్తత్రరామస్యపశ్యతః ।
తతోఽస్తమగమత్పూర్యఃసన్ధ్యయాప్రతిరఞ్జితః ॥ 18 ॥
పూర్ణచన్ద్రప్రదీప్తాచక్షపాసమభివర్తతే ।
తతస్సరామోహరివాహినీపతిర్విభీషణేనప్రతినన్ద్యసత్కృతః ।
సలక్ష్మణోయూథపయూథసమ్వృతస్సువేలపృష్ఠేన్యవసద్యథాసుఖమ్ ॥ 19 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే అష్టత్రింశస్సర్గః ॥
