శ్రీమద్వాల్మీకీయ రామాయణే యుద్ధకాణ్డమ్ ।
అథ పఞ్చదశస్సర్గః ।
బృహస్పతేస్తుల్యమతేర్వచస్తన్నిశమ్యయత్నేనవిభీషణస్య ।
తతోమహాత్మావచనమ్బభాషేతత్రేన్ద్రజిన్నైరృతయూథముఖ్యః ॥ 1 ॥
కిన్నామతేతాతకనిష్ఠవాక్యమనర్థకఞ్చేవేసుబసుభీతవచ్చ ।
అస్మిన్కులేయోఽపిభవేన్నజాతస్సోఽపీదృశన్నైవవదేన్నకుర్యాత్ ॥ 2 ॥
సత్త్వేనవీర్యేణపరాక్రమేణశౌర్యేణధైర్యేణచతేజసాచ ।
ఏకఃకులేఽస్మిన్పురుషోవిముక్తోవిభీషణస్తాతకనిష్ఠఏషః ॥ 3 ॥
కిన్నామతౌమానుషరాజపుత్రావస్మాకమేకేనహిరాక్షసేన ।
సుప్రాకృతేనాపిరణేనిహన్తుమేతౌశక్యౌకుతోభీషయసేస్మభీరో ॥ 4 ॥
త్రిలోకనాథోననుదేవరాజశ్శక్రోమయాభూమితలేనివిష్టః ।
భయార్పితాశ్చాపిదిశఃప్రపన్నాస్సర్వేతథాదేవగణాస్సమగ్రాః ॥ 5 ॥
ఐరావతోవిస్వరమున్నదన్ సనిపాతితోభూమితలేమయాతు ।
వికృష్యదన్తౌతుమయాప్రసహ్యవిత్రాసితాదేవగణాస్సమగ్రాః ॥ 6 ॥
సోఽహంసురాణామపిదర్పహన్తాదైత్యోత్తమానామపిశోకదాతా ।
కథన్నరేన్ద్రాత్మజయోర్నశక్తోమనుష్యయోఃప్రాకృతయోస్సువీర్యః ॥ 7 ॥
అథేన్ద్రకల్పస్యదురాసదస్యమహౌజసస్తద్వచనన్నిశమ్య ।
తతోమహార్థవచనమ్బభాషేవిభీషణశ్శస్త్రభృతాంవరిష్ఠః ॥ 8 ॥
నతాతమన్త్రేతవనిశ్చయోఽస్తిబాలస్త్వమద్యాప్యవిపక్వబుద్ధిః ।
తస్మాత్త్వయాప్యాత్మవినాశనాయవచోఽర్ధహీనమ్బహువిప్రలప్తమ్ ॥ 9 ॥
పుత్రప్రవాదేవతురావణస్యత్వమిన్ద్రజిన్మిత్రముఖోఽసిశత్రుః ।
యస్యేదృశంరాఘవతోవినాశన్నిశమ్యమోహాదనుమన్యసేత్వమ్ ॥ 10 ॥
త్వమేవ వధ్యశ్చ సుదుర్మతిశ్చ ।
స చాపి వధ్యో య ఐహానయత్త్వామ్ ।
బాలం దృఢం సాహాసికం చ యోఽద్య ।
ప్రావేశయన్మన్త్రక్Rతాం సమీపమ్ ॥ 11 ॥
మూఢోఽప్రగల్భోఽవినయోపపన్నస్తీక్షణస్వభావోఽల్పమతిర్దురాత్మా ।
మూర్ఖస్త్వమత్యర్థసుదుర్మతిశ్చత్వమిన్ద్రజిద్బాలతయాబ్రవీషి ॥ 12 ॥
కోబ్రహ్మదణ్డప్రతిమప్రకాశానర్చిష్మతఃకాలనికాశరూపాన్ ।
సహేతబాణాన్యమదణ్డకల్పాన్సమక్షముక్తాన్యుధిరాఘవేణ ॥ 13 ॥
ధనానిరత్నానిసుభూషణానివాసాంసిదివ్యానిమణీంశ్చ ।
చిత్రాన్ సీతాఞ్చరామాయనివేద్యదేవీంవసేమరాజన్ నిహవీతశోకాః ॥ 14 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే పఞ్చదశస్సర్గః ॥
