శ్రీమద్వాల్మీకీయ రామాయణే యుద్ధకాణ్డమ్ ।
అథ పఞ్చదశాధికశతతమస్సర్గః ।
తేరావణవధన్దృష్టవాదేవగన్ధర్వదానవాః ।
జగ్ముస్స్వైస్వైర్విమానైస్తేకథయన్తశ్శుభాఃకథాః ॥ 1 ॥
రావణస్యవధఙ్ఘోరంరాఘవస్యపరాక్రమమ్ ।
సుయుద్ధంవానరాణాం చ సుగ్రీవస్య చ మన్త్రితమ్ ॥ 2 ॥
అనురాగం చ వీర్యం చ సౌమిత్రేర్లక్ష్మణస్య చ ।
పతివ్రతాత్వంసీతాయాహనూమతిపరాక్రమమ్ ॥ 3 ॥
కథయన్తోమహాభాగాజగ్ముర్హష్టాయథాగతమ్ ।
రాఘవస్తురథన్దివ్యమిన్ద్రదత్తంశిఖిప్రభమ్ ॥ 4 ॥
అనుజ్ఞాయమహాభాగోర్మాతలిమ్ప్రత్యపూజయత్ ।
రాఘవేణాభ్యనుజ్ఞాతోమాతలిశ్శక్రసారథిః ॥ 5 ॥
దివ్యన్తంరథమాస్థాయదివమేవారూరోహసహ ।
తస్మింస్తుదివమారూఢేసుసారథిసన్తమే ॥ 6 ॥
రాఘవఃపరమప్రీతస్సుగ్రీవమ్పరిషస్వజే ।
పరిష్వజ్య చ సుగ్రీవంలక్ష్మణేనాభివాదితః ॥ 7 ॥
పూజ్యమానోహరిగణైరాజగామబలాలయమ్ ।
అథోవాచ స కాకుత్స్థస్సమీపపరివర్తినమ్ ॥ 8 ॥
సౌమిత్రింసత్త్వసమ్పన్నంలక్ష్మణంశుభలక్షణమ్ ।
భీషణమిమంసౌమ్య లఙ్కాయామభిషేచయ ॥ 9 ॥
అనురక్తం చ భక్తం చ తథాపూర్వోపకారిణమ్ ।
ఏషమేపరమఃకామోయదిమంరావణానుజమ్ ॥ 10 ॥
లఙ్కాయాంసౌమ్య పశ్యేమభిషిక్తంవిభీషణమ్ ।
ఏవముక్తస్తుసౌమిత్రీరాఘవేణమహాత్మనా ॥ 11 ॥
తథేత్యుక్త్వాసుసమ్హృష్టఃసౌవర్ణఙ్ఘటమాదదే ।
తమ్ఘటంవానరేన్ద్రాణాంహస్తేదత్త్వామనోజవాన్ ॥ 12 ॥
వ్యాదిదేశమహాసత్త్వః సముద్రసలిలన్తదా ।
అతిశీఘ్రన్తతోగత్వావానరాస్తేమనోజవాః ॥ 13 ॥
ఆగతాస్తుజలఙ్గృహ్యసముద్రాద్వానరోత్తమాః ।
తతఃస్త్వేకఙ్ఘటఙ్గృహ్యసమ్స్థాప్యపరమాసనే ॥ 14 ॥
ఘటేనతేనసౌమిత్రిరభ్యషిఞ్చద్విభీషణమ్ ।
లఙ్కాయాంరక్షసామ్మధ్యేరాజానంరామశాసనాత్ ॥ 15 ॥
విధినామన్త్రదృష్టేనసుహృద్గణసమావృతః ।
అభ్యషిఞ్చంస్తదాసర్వేరాక్షసావానరాస్తథా ॥ 16 ॥
ప్రహర్షమతులఙ్గత్వాతుష్టువూరామమవే హ ।
తస్యామాత్యాజహృషిరేభక్తాయేచాస్యరాక్షసాః ॥ 17 ॥
దృష్టవాభిషిక్తంలఙ్కాయాంరాక్షసేన్ద్రంవిభీషణమ్ ।
రాఘవఃపరమామ్ప్రీతిఞ్జగామసహలక్ష్మణః ॥ 18 ॥
స తద్రాజ్యమ్మహత్ప్రాప్యరామదత్తంవిభీషణః ।
ప్రకృతయస్సాన్త్వయిత్వా చ తతోరామముపాగమత్ ॥ 19 ॥
దధ్యక్షతాన్మోదకాంశ్చలాజాస్సుమనసస్తథా ।
ఆజహ్రురథసన్తుష్టాఃపౌరాస్తస్మైనిశాచరాః ॥ 20 ॥
సఃతాన్ గృహీత్వాదుర్ధర్షోరాఘవాయన్యవేదయత్ ॥ 21 ॥
మాఙ్గల్యమ్మఙ్గలంసర్వంలక్ష్మణాయ చ వీర్యవాన్ ।
కృతకార్యంసమృద్ధార్థన్దృష్టవారామోవిభీషణమ్ ॥ 22 ॥
ప్రతిజగ్రాహతత్సర్వన్తస్యైవప్రియకామ్యయా ।
తతఃశైలోపమంవీరమ్ప్రాఞ్జలిమ్ప్రణతంస్థితమ్ ॥ 23 ॥
ఉవాచేదంవచోరామోహనూమన్తమ్ప్లవఙ్గమమ్ ।
అనుజ్ఞాప్యమహారాజమిమంసౌమ్య విభీషణమ్ ॥ 24 ॥
ప్రవిశ్యనగరీంలఙ్కాఙ్కౌశలమ్బ్రూహిమైథిలీమ్ ।
వైదేహ్యైమాఙ్కుశలినంసుగ్రీవం చ సలక్ష్మణమ్ ॥ 25 ॥
ఆచక్ష్వవదతాంశ్రేష్ఠరావణం చ హతంరణే ।
ప్రియమేతదుదాహృత్యవైదేహ్యాస్త్వంహరీశ్వర ॥ 26 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే పఞ్చదశాధికశతతమస్సర్గః ॥
