శ్రీమద్వాల్మీకీయ రామాయణే యుద్ధకాణ్డమ్ ।
అథ ఏకవింశత్యధికశతతమస్సర్గః ।
ఏతచ్ఛ్రుత్వాశుభంవాక్యమ్పితామహసమీరితమ్ ।
అఙ్కేనాదాయవైదేహిముత్పపాతవిభావసుః ॥ 1 ॥
నవిధూయాథచితాన్తాన్తువైదేహీంహవ్యవాహనః ।
ఉత్తస్థౌమూర్తిమానాశుగృహీత్వాజనకాత్మజామ్ ॥ 2 ॥
తరుణాదిత్యసఙ్కాశన్తప్తకాఞ్చనభూషణామ్ ।
రక్తామ్బరధరామ్బాలాంసీలకుఞ్చితమూర్థజామ్ ॥ 3 ॥
అక్లిష్టమాల్యాభరణాన్తథారూపామనిన్దితామ్ ।
దదౌరామాయవైదేహీమఙ్కేకృత్వావిభావసుః ॥ 4 ॥
అబ్రవీత్తుతదారామంసాక్షీలోకస్యపావకః ।
ఏషాతేరామ వైదేహీపాపమస్యాం న విద్యతే ॥ 5 ॥
నైవవాచా న మనసానైవబుద్ధ్యా న చక్షుషా ।
సువృత్తావృత్తశౌణ్డీరన త్వామత్యచరచ్ఛుభా ॥ 6 ॥
రావణేనాపనీతైషావీర్యోసతిక్తేనరక్షసా ।
త్వయావిరహితాదీనావివశానిర్జనాద్వనాత్ ॥ 7 ॥
రుద్ధాచాన్తఃపురేగుప్తాత్వచ్ఛిత్తాత్వత్పరాయణా ।
రక్షితారాక్షసీభిశ్చఘోరాభిర్ఘోరబుద్ధిభిః ॥ 8 ॥
ప్రలోభ్యమానావివిధమ్భర్త్స్యమానా చ మైథిలీ ।
నాచిన్తయతతద్రక్షస్త్వద్గతేనాన్తరాత్మనా ॥ 9 ॥
విశుద్ధభావాన్నిష్పాపామ్ప్రతిగృహ్ణీష్వమైథిలీమ్ ।
న కిఞ్చిరభిధాతవ్యాఅహమాజ్ఞాపయామితే ॥ 10 ॥
తతఃప్రీతిమానారామఃశ్రుత్యైవంవదతాంవరః ।
దధ్యౌముహూర్తన్ధర్మాత్మాబాష్పవ్యాకులలోచనః ॥ 11 ॥
ఏవముక్తోమహాతేజాధృతిమాన్దృఢవిక్రమః ।
ఉవాచత్రిదశశ్రేష్ఠంరామోధర్మభృతాంవరః ॥ 12 ॥
అవశ్యన్త్రిషులోకేషు న సీతాపాపమర్హతి ।
దీర్ఘకాలోషితాహీయంరావణాన్తఃపురేశుభా ॥ 13 ॥
బాలిశోఖలుకామాత్మారామోదశరథాత్మజః ।
ఇతివక్ష్యన్తిమాంసన్తోజానకీమవిశోధ్యహి ॥ 14 ॥
అనన్యహృదయామ్భక్తామ్మచ్చిత్తపరివర్తినీమ్ ।
అహమప్యవగచ్ఛామిమైథిలీఞ్జనకాత్మజామ్ ॥ 15 ॥
ఇమామపివిశాలాక్షీంరక్షితాంస్వేనతేజసా ।
రావణోనాతివర్తేతవేలామివమహోదధిః ॥ 16 ॥
ప్రత్యయార్థన్తులోకానాన్త్రయాణాంసత్యసంశ్రయః ।
ఉపేక్షేచాపివైదేహీమ్ప్రవిశన్తీంహుతాశనమ్ ॥ 17 ॥
న హిశక్తఃసుదుష్టాత్మామనసాపిహిమైథిలీమ్ ।
ప్రధర్షయితుమప్రాప్యాన్దీప్తామగ్నిశిఖామివ ॥ 18 ॥
నేయమర్హతిచైశ్వర్యంరావణాన్తఃపురేశుభా ।
అనన్యాహిమయాసీతాభాస్కరేణప్రభాయథా ॥ 19 ॥
విశుద్ధాత్రిషులోకేషుమైథిలీజనకాత్మజా ।
న విహాతుమ్మయాశక్యాకీర్తిరాత్వవతాయథా ॥ 20 ॥
అవశ్యం చ మయాకార్యంసర్వేషాంవోవచోహితమ్ ।
స్నిగ్ధానాంలోకనాధానామేవం చ వదతాంహితమ్ ॥ 21 ॥
ఇత్యేవమ్విజయీమహాబలఃప్రశస్యమానఃస్వకృతేనకర్మణా ।
సమేత్యరామఃప్రియయామహాయశాఃసుఖంసుఖార్హోఽనుబభూవరాఘవః ॥ 22 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే ఏకవింశత్యధికశతతమస్సర్గః ॥
