శ్రీమద్వాల్మీకీయ రామాయణే యుద్ధకాణ్డమ్ ।
అథ ఏకాశీతితమస్సర్గః ।
విజ్ఞాయతుమనస్తస్యరాఘవస్యమహాత్మనః ।
స నివృత్యాహవాత్తస్మాత్ ప్రవివేశపురీన్తతః ॥ 1 ॥
సోఽనుస్మృత్యవధన్తేషాంరాక్షసానాన్తరస్వినామ్ ।
క్రోధతామ్రేక్షణశ్శూరోనిర్జగామాహాద్యుతిః ॥ 2 ॥
స పశ్చిమేవద్వారేణనిర్యయౌరాక్షసైర్వృతః ।
ఇన్ద్రజిత్సుమహావీర్యఃపౌలస్త్యోదేవకణ్టకః ॥ 3 ॥
ఇన్ద్రజిత్తుతతోదృష్టవాభ్రాతరౌరామలక్ష్మణౌ ।
రణాయాభ్యుద్యతౌవీరౌమాయామ్ప్రాదుష్కరోత్తదా ॥ 4 ॥
ఇన్ద్రజిత్తురథేస్థాప్యసీతామ్మాయామయీన్తదా ।
బలేనమహతావృత్యతస్యావధమరోచయత్ ॥ 5 ॥
మోహనార్థన్తుసర్వేషామ్బుద్ధిఙ్కృత్వాసుదుర్మతిః ।
హన్తుంసీతాంవ్యవసితోవానరాభిముఖోయయౌ ॥ 6 ॥
తమ్దృష్టవాత్వభినిర్యాన్తంసర్వేతేకాననౌకసః ।
ఉత్పేతురభిసఙ్క్రుద్ధాశ్శిలాహస్తాయుయుత్సవః ॥ 7 ॥
హనూమాన్ పురతస్తేషాఞ్జగామకపికుఞ్జరః ।
ప్రగృహ్యసుమహచ్ఛృఙ్గమ్పర్వతస్యదురాసదమ్ ॥ 8 ॥
స దదర్శహతానన్దాంసీతామిన్ద్రజితోరథే ।
ఏకవేణీధరాన్దీనాముపవాసకృశాననామ్ ॥ 9 ॥
పరిక్లిష్టైకవసనామమృజాంరాఘవప్రియామ్ ।
రజోమలాభ్యామాలిప్తైస్సర్వగాత్రైర్వరస్త్రియమ్ ॥ 10 ॥
తాన్నిరీక్ష్యముహూర్తన్తుమైథిలీత్యధ్యవస్యతు ।
బభూవాచిరదృష్టాహితేనసాజనకాత్మజా ॥ 11 ॥
అబ్రవీత్తాన్తుశోకార్తాన్నిరానన్దాన్తపస్వినీమ్ ।
దృష్టవారథోస్థితాన్దృష్ట్వారాక్షసేన్ద్రసుతశ్రితామ్ ॥ 12 ॥
కంసమర్థితమస్యేతిచిన్తయన్సమహాకపిః ।
సహతైర్వానరశ్రేష్ఠైరభ్యధావతరావణిమ్ ॥ 13 ॥
తద్వానరబలన్దృష్టవారావణిఃక్రోధమూర్ఛితః ।
కృత్వావికోశన్నిస్త్రింశమ్మూర్ధ్నిసీతామకర్షయత్ ॥ 14 ॥
తాంస్త్రియమ్పశ్యతాన్తేషాన్తాడయామాసరావణిః ।
క్రోశన్తీంరామరామేతిమాయయాయోజితాంరథే ॥ 15 ॥
గృహీతమూర్ధజాన్దృష్టవాహనుమాన్ దైన్యమాగతః ।
శోకజంవారినేత్రాభ్యాముత్సృజన్మారుతాత్మజః ॥ 16 ॥
తాన్దృష్టవాచారుసర్వాఙ్గీంరామస్యమహిషీమ్ప్రియామ్ ।
అబ్రవీత్పురుషంవాక్యఙ్క్రోధాద్రక్షోధిపాత్మజమ్ ॥ 17 ॥
దురాత్మన్నాత్మనాశాయకేశపక్షేపరామృశః ।
బ్రహ్మర్షీణాఙ్కులేజాతోరాక్షసీంయోనిమాశ్రితః ॥ 18 ॥
ధిక్త్వామ్పాపసమాచారంయస్యతేమతిరిదృశీ ।
నృశంసానార్య దుర్వృత్త క్షుద్ర పాపపరాక్రమ ॥ 19 ॥
అనార్యస్యేదృశఙ్కర్మఘృణాతేనాస్తినిర్ఘృణ ।
చ్యుతాగృహాచ్చరాజ్యాచ్చరామహస్తాచ్చమైథిలీ ॥ 20 ॥
కిన్తవైషాపరాద్ధాహియదేనాంహన్తుమిచ్ఛసి ।
సీతాంహత్వాతు న చిరఞ్జీవిష్యసికథఞ్చన ॥ 21 ॥
వధార్హకర్మణానేనమమహస్తగతోహ్యసి ।
యేచ స్త్రీఘాతినాంలోకాలోకవధ్యైషుకుసతితాః ॥ 22 ॥
ఇహజీవితముత్సృజ్యప్రేత్యతాన్ప్రతిపత్స్యసే ।
తిబ్రువాణోహనుమాన్ సాయుధైర్హరిభిర్వృతః ॥ 23 ॥
అభ్యదావత్ ససుఙ్కృద్ధోరాక్షసేన్ద్రసుతమ్ప్రతి ।
పతన్తమ్మహావీర్యన్తదనీకంవనౌకసామ్ ॥ 24 ॥
రక్షసామ్భీమకోపానామనీకన్తున్యవారయత్ ।
సఃతామ్బాణసహస్రేణవిక్షోభ్యహరివాహినీమ్ ॥ 25 ॥
హనూమన్తంహరిశ్రేష్ఠమిన్ద్రజిత్ ప్రత్యువాచ హ ।
సుగ్రీవస్త్వం చ రామశ్చయన్నిమిత్తమిహాగతాః ॥ 26 ॥
తాంవధిష్యామివైదేహీమద్యైవతవపశ్యతః ।
ఇమాంహత్వాతతోరామంలక్ష్మణన్త్వాం చ వానర ॥ 27 ॥
సుగ్రీవం చ వధిష్యామితఞ్చానార్యంవిభీషణమ్ ।
న హన్తవ్యాఃస్త్రియశ్చేతియద్ బ్రవీషిప్లవఙ్గమ ॥ 28 ॥
పీడాకరమమిత్రాణాంయత్స్యాత్కర్తవ్యమేవతత్ ।
తమేవముక్త్వారుదతీంసీతామ్మయామయీం చ తామ్ ॥ 29 ॥
శితధారేణఖఙ్గేననిజఘానేన్ద్రజిత్స్వయమ్ ।
యజ్ఞోపవీతమార్గేణభిన్నాతేనతపస్వినీ ॥ 30 ॥
సాపృథివ్యామ్పృథుశ్రోణీపపాతప్రియదర్శనా ।
త్తామిన్ద్రజిత్ స్త్రియంహత్వాహనూమన్తమువాచ హ ॥ 31 ॥
మయారామస్యపశ్యేమాఙ్కోపేన చ ।
ఏషావిశస్తావైదేహీనిష్ఫలోవఃపరిశ్రమః ॥ 32 ॥
తతఃఖడగేనమహతాహత్వాతామిన్ద్రజిత్ స్వయమ్ ।
హృష్టస్సరథమాస్థాయననాద చ మహాస్వనమ్ ॥ 33 ॥
వానరాశ్శుశ్రువుశ్శబ్దమదూరేప్రత్యవస్థితాః ।
వ్యాదితాస్యస్యనదతస్తద్దుర్గంసంశ్రితస్యతు ॥ 34 ॥
తథాతుసీతాంవినిహత్యదుర్మతిఃప్రహృష్టచేతాస్సబభూవరావణిః ।
తంహృష్టరూపంసముదీక్ష్యవానరావిషణ్ణరూపాస్సహసాప్రదదుద్రువుః ॥ 35 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే ఏకాశీతితమస్సర్గః ॥
