శ్రీమద్వాల్మీకీయ రామాయణే యుద్ధకాణ్డమ్ ।
అథ సప్తాధికశతతమస్సర్గః ।
తతోయుద్ధపరిశ్రాన్తంసమరేచిన్తయాస్థితమ్ ।
రావణఞ్చాగ్రతోదృష్టవాయుద్ధాయసముపస్థితమ్ ॥ 1 ॥
దైవతైశ్చసమాగమ్యద్రష్టుమభ్యాగతోరణమ్ ।
ఉపాగమ్యాబ్రవీద్రామమగస్త్యోభగవాన్ ఋషిః ॥ 2 ॥
రామ రామ మహాబాహో శృణుగుహ్యంసనాతనమ్ ।
యేనసర్వానరీస్వత్ససమరేవిజయిష్యసే ॥ 3 ॥
ఆదిత్యహృదయమ్పుణ్యంసర్వశత్రువినాశనమ్ ।
జయావహఞ్జపేన్నిత్యమక్షయ్యమ్పరమంశివమ్ ॥ 4 ॥
సర్వమఙ్గలమఙ్గల్యంసర్వపాపప్రణాశనమ్ ।
చిన్తాశోకప్రశమనమాయుర్వర్ధనముత్తమమ్ ॥ 5 ॥
రస్మీమన్తంసముద్యన్తన్దేవాసురనమస్కృతమ్ ।
పూజయస్వవివస్త్వన్తమ్భాస్కరమ్భువనేశ్వరమ్ ॥ 6 ॥
సర్వదేవాత్మకోహ్యేషతేజస్వీరస్మీభావనః ।
ఏషదేవాసురగణాన్లోకాన్పాతిగభస్తిభిః ॥ 7 ॥
ఏషబ్రహ్మా చ విష్ణుశ్చశివఃస్కన్ధఃప్రజాపతిః ।
మహేన్ద్రోధనదఃకాలోయమఃసోమోహ్యపామ్పతిః ॥ 8 ॥
పితరోవసవస్సాధ్యాఅశ్వినౌమరుతోమనుః ।
వాయుర్వహ్నిఃప్రజాఃప్రాణఋతుకర్తాప్రభాకరః ॥ 9 ॥
ఆదిత్యఃసవితాసూర్యఃఖగఃపూషాగభస్తిమాన్ ।
సువర్ణసదృశోభానుర్హిరణ్యరేతాదివాకరః ॥ 10 ॥
హరిదశ్వస్సహస్రార్చిస్సప్తసప్తిర్మరీచిమాన్ ।
తిమిరోన్మథనశ్శమ్భుస్త్వష్టామార్తణ్డకోఽంశుమాన్ ॥ 11 ॥
హిరణ్యగర్భశ్శిశిరస్తపనోభాస్కరోరవిః ।
అగ్నిగర్భోఽదితేఃపుత్రఃశఙ్ఘశ్శిశిరనాశనః ॥ 12 ॥
వ్యోమనాథస్తమోభేదీఋగ్యజుస్సామపారగః ।
ఘనవృష్టిరపామ్మిత్రోవిన్ధ్యవీథీప్లవఙ్గమః ॥ 13 ॥
ఆతపీమణ్డలేమృత్యుఃపిఙ్గలస్సర్వతాపనః ।
కవిర్విశ్వోమహాతేజారక్తస్సర్వభవోద్భవః ॥ 14 ॥
నక్షత్రగ్రహతారాణామధిపోవిశ్వభావనః ।
తేజసామపితేజస్వీద్వాదశాత్మన్నమోఽస్తుతే ॥ 15 ॥
నమఃపూర్వాయగిరయేపశ్చిమాయాద్రయేనమః ।
జ్యోతిర్గణానామ్పతయేదినాధిపతయేనమః ॥ 16 ॥
జయాయజయభద్రాయహర్యశ్వాయనమోనమః ।
నమోనమస్సహస్రాంశోఆదిత్యాయనమోనమః ॥ 17 ॥
గిరిశృఙ్గాణి వృక్షాంశ్చ తథా శూలపరశ్వధాన్ ।
మాయా విహితమేతత్తు శస్త్రవర్షమపాతయత్ ॥ 18 ॥
బ్రహ్మేశానాచ్యుతేశాయసూర్యాయాదిత్యవర్చసే ।
భాస్వతేసర్వభక్షాయరౌద్రాయవపుషేనమః ॥ 19 ॥
తమోఘ్నాయహిమఘ్నాయశత్రుఘ్నాయామితాత్మనే ।
కృతఘ్నఘ్నాయదేవాయజ్యోతిషామ్పతయేనమః ॥ 20 ॥
ఏషసుప్తేషుజాగర్తిభూతేషుపరినిష్ఠితః ।
ఏషచైవాగ్నిహోత్రం చ ఫలఞ్చైవాగ్నిహోత్రిణామ్ ॥ 21 ॥
వేదశ్చక్రతవశ్చైవక్రతూనామ్ఫలమేవ చ ।
యానికృత్యానిలోకేషుసర్వేషుపరమప్రభుః ॥ 22 ॥
ఏనమాపత్సుకృచ్ఛ్రేషుకాన్తారేషుభయేషు చ ।
కీర్తయన్పురుషఃకశ్చినావసీదతిరాఘవ ॥ 23 ॥
పూజయస్వైనమేకాగ్రోదేవదేవఞ్జగత్పతిమ్ ।
ఏతత్త్రిగుణితఞ్జప్త్వాయుద్ధేషువిజయిష్యసి ॥ 24 ॥
అస్మిన్ క్షణేమహాబాహోరావణన్త్వంవధిష్యసి ।
ఏవముక్త్వాతతోఽగస్త్యోజగామ స యథాగతమ్ ॥ 25 ॥
ఏతచ్ఛ్రుత్వామహాతేజానష్టశోకోఽభవత్తదా ।
ధారయామాససుప్రీతోరాఘవఃప్రయతాత్మవాన్ ॥ 26 ॥
ఆదిత్యమ్ప్రేక్ష్యజప్త్వాతుపరంహర్షమవాప్తవాన్ ।
త్రిరాచమ్యశుచిర్భూత్వాధనురాదాయవీర్యవాన్ ॥ 27 ॥
రావణమ్ప్రేక్ష్యహృష్టాత్మాయుద్ధార్థంసముపాగమత్ ।
సర్వయత్నేనమహతావధేతస్యధృతోఽభవత్ ॥ 28 ॥
అథరవిరవదన్నిరీక్ష్యరామమ్ముదితమనాఃపరమమ్ప్రహృష్యమాణః ।
నిశిచరపతిసఙ్క్ష్యంవిదిత్వాసురగణమధ్యగతోవచస్త్వరేతి ॥ 29 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే సప్తాధికశతతమస్సర్గః ॥
