శ్రీమద్వాల్మీకీయ రామాయణే యుద్ధకాణ్డమ్ ।
అథ సప్తత్రింశస్సర్గః ।
నరవానరరాజౌతౌసతువాయుసుతఃకపిః ।
జామ్బవానృక్షరాజశ్చరాక్షసశ్చవిభీషణః ॥ 1 ॥
అఙ్గదోవాలిపుత్రశ్చసౌమిత్రిశ్శరభఃకపిః ।
సుషేణస్సహదాయాదోమైన్దోద్వివిదఏవచ ॥ 2 ॥
గజోగవాక్షఃకుముదోనలోఽథపనసస్తథా ।
అమిత్రవిషయమ్ప్రాప్తాస్సమవేతాస్సమర్ధయన్ ॥ 3 ॥
ఇయంసాలక్షయతేలఙ్కాపురీరావణపాలితా ।
సాసురోరగగన్ధర్వైరమరైరపిదుర్జయా ॥ 4 ॥
కార్యసిద్ధిమ్పురస్కృత్యమన్ద్రయధ్వంవినిర్ణయే ।
నిత్యంసన్నిహితోహ్యత్రరావణోరాక్షసాధిపః ॥ 5 ॥
తథాతేషుబ్రువాణేషురావణావరజోఽబ్రవీత్ ।
వాక్యమగ్రామ్యపదవత్పుష్కలార్ధంవిభీషణః ॥ 6 ॥
అనలశ్శరభశ్చైవసమ్పాతిఃప్రఘసస్తథా ।
గత్వాలఙ్కామ్మమామాత్యాఃపురీమ్పునరిహాగతాః ॥ 7 ॥
భూత్వాశకునయస్సర్వేప్రవిష్టాశ్చరిపోర్భలమ్ ।
విధానంవిహితంయచ్చతద్ధృష్టవాసముపస్థితాః ॥ 8 ॥
సంవిధానంయథాహుస్తేరావణస్యదురాత్మనః ।
రామ తద్బ్రువతస్సర్వంయథాత్త్వేనమేశృణు ॥ 9 ॥
పూర్వమ్ప్రహస్తస్సబలోద్వారమాసాద్యతిష్ఠతి ।
దక్షిణఞ్చమహావీర్యౌమహాపార్శ్వమహోదరౌ ॥ 10 ॥
ఇన్ద్రజిత్పశ్చిమన్ద్వారంరాక్షసైర్భహుభిర్వృతః ।
పట్టసాసిధనుష్మద్భిశ్శూలముద్గరపాణిభిః ॥ 11 ॥
నానాప్రహరణైశ్శూరైరావృతోరావణాత్మజః ।
రాక్షసానాంసహస్రైస్తుబహుభిశ్శస్త్రపాణిభిః ॥ 12 ॥
యుక్తఃపరమసంవిగ్నోరాక్షర్భహుభిర్వృతః ।
ఉత్తరన్నగరద్వారంరావణస్స్వయమాస్థితః ॥ 13 ॥
విరూపాక్షస్తుమహతాశూలఖడగధనుష్మతా ।
బలేనరాక్షసైస్సార్థమ్మధ్యమఙ్గుల్మమాస్థితః ॥ 14 ॥
ఏతానేవంవిధాన్గుల్మాన్ లఙ్కాయాంసముదీక్ష్యతే ।
మామకామన్త్రిణస్సర్వేపునశశీఘ్రమిహాగతాః ॥ 15 ॥
గజానాఞ్చసాహస్రఞ్చరథానామయుతమ్పురే ।
హయానామయుతేద్వేచసాగ్రాకోటీచరక్షసామ్ ॥ 16 ॥
విక్రాన్తాబలవన్తశ్చసంయుగేష్వాతతాయినః ।
ఇష్టారాక్షసరాజస్యనిత్యమేతేనిశాచరాః ॥ 17 ॥
ఏకైకస్యాత్రయుద్ధార్థేరాక్షసస్యవిశామ్పతే ।
పరీవారస్సహస్రాణాంసహస్రముపతిష్ఠతే ॥ 18 ॥
ఏతామ్ప్రవృత్తింలఙ్కాయామ్మన్త్రిప్రోక్తాంవిభీషణః ।
ఏవముక్త్వామహాబాహూరాక్షసాంస్తానదర్శయత్ ॥ 19 ॥
లఙ్కాయాంసచివైస్సర్వంరామాయప్రత్యవేదయత్ ।
రామఙ్కమలపత్రాక్షమిదముత్తరమబ్రవీత్ ॥ 20 ॥
రావణావరజఃశ్రీమాన్ రామప్రియచికీర్షయా ।
కుబేరన్తుయదారామ రావణఃప్రత్యయుధ్యత ॥ 21 ॥
షష్టిశ్శతసహస్రాణితదానిర్యాన్తిరక్షసాః ।
రాక్రమేణవీర్యేణతేజసాసత్త్వగౌరవాత్ ॥ 22 ॥
సదృశాయ్యేఽత్రదర్పేణరావణస్యదురాత్మనః ।
అత్రమన్యుర్నకర్తవ్యోరోషయేత్వాన్నభీషయే ॥ 23 ॥
సమర్థోహ్యసివీర్యేణసురాణామపినిగ్రహే ।
తద్భవాంశ్చతురఙ్గేణబలేనమహాతావృతః ॥ 24 ॥
వ్యూహ్యేదంవానరానీకన్నిర్మథిష్యతిరావణమ్ ।
రావణావరజేవాక్యమేవమ్బ్రువతిరాఘవః ॥ 25 ॥
శత్రూణామ్ప్రతిఘాతార్థమిదంవచనమబ్రవీత్ ।
పూర్వద్వారేతులఙ్కాయానీలోవానరపుఙ్గవః ॥ 26 ॥
ప్రహస్తప్రతియోద్ధాస్యాద్వానరైర్బహుభిర్వృతః ।
అఙ్గదోవాలిపుత్రస్తుబలేనమహతావృతః ॥ 27 ॥
దక్షిణేబాధతాన్ద్వారేమహాపార్శ్వమహోదరౌ ।
హనుమాన్పశ్చిమద్వారన్నిపీడ్యపవనాత్మజః ॥ 28 ॥
ప్రవిశత్వప్రమేయాత్మాబహుభిఃకపిభిర్వృతః ।
దైత్యదావనసఙ్ఘానామృషీణాఞ్చమహాత్మనామ్ ॥ 29 ॥
విప్రకారప్రియఃక్షుద్రోవరదానబలాన్వితః ।
పరిక్రమతియఃసర్వాన్లోకాన్సన్తాపయన్ప్రజాః ॥ 30 ॥
తస్యాహంరాక్షసేన్ద్రస్యస్వయమేవవధేధృతః ।
ఉత్తరన్నగరద్వారమహంసౌమిత్రిణాసహ ॥ 31 ॥
నిపీడ్యాభిప్రవేక్ష్యామిసబలోయత్రరావణః ।
వానరేన్ద్రశ్చబలవానృక్షరాజశ్చవీర్యవాన్ ॥ 32 ॥
రాక్షసేన్ద్రానుజశ్చైవగులోభవతుమధ్యమః ।
నచైవమానుషంరూపఙ్కార్యంహరిభిరాహవే ॥ 33 ॥
ఏషాభవతుసంఙఞాన్ యుద్ధేఽస్మిన్ వానరేబలే ।
వానరాఏవనశ్చిహ్నంస్వజనేఽస్మిన్ భవిష్యతి ॥ 34 ॥
వయన్తుమానుషేణైవసప్తయోత్ప్యామహేపరాన్ ।
అహమేషమమభ్రాత్రాలక్ష్మణేనమహౌజసౌ ॥ 35 ॥
ఆత్మనాపఞ్చమశ్చాయంసఖామమవిభీషణః ।
సరామఃకృత్యసిధ్యర్థఏవముక్త్వావిభీషణమ్ ॥ 36 ॥
సువేలారోహణేబుద్ధిశ్చకారమతిమాన్మతిమ్ ।
రమణీయతరన్దృష్టవాసువేలస్యగిరేస్తటమ్ ॥ 37 ॥
తతస్తురామోమహతాబలేనప్రచ్ఛాద్యసర్వామ్పృథివీమ్మహాత్మా ।
ప్రహృష్టరూపోఽభిజగామలఙ్కాఙ్కృత్వామతింసోఽరివధేమహాత్మా ॥ 38 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే సప్తత్రింశస్సర్గః ॥
