శ్రీమద్వాల్మీకీయ రామాయణే యుద్ధకాణ్డమ్ ।
అథ షడధికశతతమస్సర్గః ।
సతుమోహాత్సుసఙ్క్రుద్ధఃకృతాన్తబలచోదితః ।
క్రోధసంరక్తనయనోరావణంసూతమబ్రవీత్ ॥ 1 ॥
హీనవీర్యమివాశక్తమ్పౌరుషేణవివర్జితమ్ ।
భీరుంలఘుమివాసత్త్వంవిహీనమివతేజసా ॥ 2 ॥
విముక్తమివమాయాభిరస్త్రైరివబహిష్కృతమ్ ।
మామవజ్ఞాయదుర్బుద్ధేస్వయాబుద్ధ్యావిచేష్టసే ॥ 3 ॥
కిమర్థమ్మామవజ్ఞాయమచ్ఛన్దమనవేక్ష్య చ ।
త్వయాశత్రుసమక్షమ్మేరథోఽయమపవాహితః ॥ 4 ॥
త్వయాద్యహిమమానార్య చిరకాలసమార్జితమ్ ।
యశోవీర్యం చ తేజశ్చప్రత్యయశ్చవినాశితః ॥ 5 ॥
ప్రఖ్యాతవీర్యస్యరఞ్జనీయస్యవిక్రమైః ।
పశ్యతోయుద్ధలుబ్ధోఽహఙ్కృతఙ్కాపురుషస్త్వయా ॥ 6 ॥
యస్త్వంరథమిదమ్మోహాన్నచేద్వహసిదుర్మతే ।
సత్యోఽప్రతితర్కోమేపరేణత్వముపస్కృతః ॥ 7 ॥
న హితద్విద్యతేకర్మసుహృదోహితకాఙ్క్షిణః ।
రిపూణాంసదృశన్త్వేతద్యతత్త్వయైతదనుష్ఠితమ్ ॥ 8 ॥
నివర్తయరథంశీఘ్రంయావన్నాపైతిమేరిపుః ।
యదివాధ్యుషితోఽసిత్వంస్మర్యతేయదిమేగుణః ॥ 9 ॥
ఏవమ్పురుషముక్తస్తుహితబుద్ధిబుద్ధినా ।
అబ్రవీద్రావణంసూతోహితంసానునయంవచః ॥ 10 ॥
న భీతోఽస్మి న మూఢోఽస్మినోపజప్తోఽస్మిశత్రుభిః ।
న ప్రమత్తో న నిఃస్నేహోవిస్మృతా న చ సత్క్రియా ॥ 11 ॥
మయాతుహితకామేవయశశ్చపరిరక్షతా ।
స్నేహప్రసన్నమనసాహితమిత్యప్రియఙ్కృతమ్ ॥ 12 ॥
నాస్మిన్నర్థేమహారాజ త్వమ్మామ్ప్రియహితేరతమ్ ।
కశ్చిల్లఘురివానార్యోదోషతోగన్తుమర్హసి ॥ 13 ॥
పరితుష్టః స రామస్య తేన వాక్యేన మాతలిః ।
ప్రచోదయామాస రథన్ సురసారథిసత్తమః ॥ 14 ॥
శ్రమన్తవావగచ్ఛామిమహతారణకర్మణా ।
న హితేవీర్యసౌముఖ్యమ్ప్రకర్షంవోపధారయే ॥ 15 ॥
రథోద్వహనఖిన్నాశ్చభగ్నామేరథవాజినః ।
దీనాఘర్మపరిశ్రాన్తాగావోవర్షహతాఇవ ॥ 16 ॥
నిమిత్తాని చ భూయిష్ఠంయానిప్రాదుర్భవన్తినః ।
తేషుతేష్వభిపన్నేషులక్ష్యామ్యప్రదక్షిణమ్ ॥ 17 ॥
దేశకాలౌ చ విజ్ఞేయౌలక్షణానీఙ్గితాని చ ।
దైన్యంహర్షశ్చఖేదశ్చరథినశ్చబలాబలమ్ ॥ 18 ॥
స్థలనిమ్నానిభూమేశ్చసమానివిషమాణి చ ।
యుద్ధకాలశ్చవిజ్ఞేయఃపరస్యాన్తరదర్శనమ్ ॥ 19 ॥
ఉపయానాపయానే చ స్థానమ్ప్రత్యపసర్పణమ్ ।
సర్వమేతద్రథస్థేనజ్ఞేయంరథకుటుమ్భినా ॥ 20 ॥
తవవిశ్రామహేతోస్తుతథైషాంరథవాజినామ్ ।
రౌద్రంవర్జయతాఖేదఙ్క్షమఙ్కృతమిదమ్మయా ॥ 21 ॥
స్వేచ్ఛయాన మయావీరరథోఽయమపవాహితః ।
భర్తృస్నేహపరీతేనమయేదంయత్కృతమ్ప్రభో ॥ 22 ॥
ఆజ్ఞాపయయథాతత్త్వంవక్ష్యస్యరినిషూదన ।
తత్కరిష్యామ్యహంవీరగతానృణ్యేనచేతసా ॥ 23 ॥
సన్తుష్టస్తేనవాక్యేనరావణస్తస్యసారథేః ।
ప్రశస్యైనమ్బహువిధంయుద్ధలుబ్ధోఽబ్రవీదిదమ్ ॥ 24 ॥
రథంశీఘ్రమిదంసూతరాఘవాభిముఖన్నయ ।
నాహత్వాసమరేశత్రూన్నివర్తిష్యతిరావణః ॥ 25 ॥
ఏవముక్త్వాతతస్తుష్టోరావణోరాక్షసేశ్వరః ।
దదౌతస్యశుభంహ్యేకంహస్తాభరణముత్తమమ్ ॥ 26 ॥
శ్రుత్వారావణవాక్యానిసారథిస్సన్యవర్తత ।
తతోద్రుతంరావణవాక్యచోదితఃప్రచోదయామాసహయాన్ససారథిః ।
స రాక్షసేన్ద్రస్య తతో మహారథఃక్షణేనరామస్యరథాగ్రతోఽభవత్ ॥ 27 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాణ్డే షడధికశతతమస్సర్గః ॥
