VR 5.8 Sundara Kanda - Sarga 8 - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

5.8 సున్దరకాణ్డ - అష్టమ సర్గః

శ్రీమద్వాల్మీకీయ రామాయణే సున్దరకాణ్డమ్ ।
అథ అష్టమస్సర్గః ।

స తస్య మధ్యే భవనస్య సంస్థితం మహద్విమానం మణివజ్రచిత్రితమ్ ।
ప్రతప్తజామ్బూనదజాలకృత్రిమం దదర్శ వీరః పవనాత్మజః కపిః ॥ 1 ॥

తదప్రమేయాప్రతికారకృత్రిమం కృతం స్వయం సాధ్వితి విశ్వకర్మణా ।
దివం గతం వాయుపథప్రతిష్ఠితం వ్యరాజతాదిత్యపథస్య లక్ష్మవత్ ॥ 2 ॥

న తత్ర కిఞ్చిన్న కృతం ప్రయత్నతో న తత్ర కిఞ్చిన్న మహార్హరత్నవత్ ।
న తే విశేషా నియతాః సురేష్వపి న తత్ర కిఞ్చిన్న మహావిశేషవత్ ॥ 3 ॥

తపః సమాధానపరాక్రమార్జితం మనః సమాధానవిచారచారిణమ్ ।
అనేకసంస్థానవిశేషనిర్మితం తతస్తతస్తుల్యవిశేషదర్శనమ్ ॥ 4 ॥

విశేషమాలమ్బ్య విశేషసంస్థితం విచిత్రకూటం బహుకూటమణ్డితమ్ ।
మనోఽభిరామం శరదిన్దునిర్మలం విచిత్రకూటం శిఖరం గిరేర్యథా ॥ 5 ॥

వహన్తి యం కుణ్డలశోభితాననాః మహాశనా వ్యోమచరా నిశాచరాః ।
వివృత్తవిధ్వస్తవిశాలలోచనాః మహాజవా భూతగణాః సహస్రశః ॥ 6 ॥

వసన్తపుష్పోత్కరచారుదర్శనం వసన్తమాసాదపి కాన్తదర్శనమ్ ।
స పుష్పకం తత్ర విమానముత్తమం దదర్శ తద్వానరవీరసత్తమః ॥ 7 ॥

ఇత్యార్షే శ్రీమద్రామాయణే వాల్మీకీయ ఆదికావ్యే సున్దరకాణ్డే అష్టమస్సర్గః ॥

Browse Related Categories: