ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਅਰਣ੍ਯਕਾਂਡਮ੍ ।
ਅਥ ਪਂਚਾਸ਼ਸ੍ਸਰ੍ਗਃ ।
ਤਂ ਸ਼ਬ੍ਦਮਵਸੁਪ੍ਤਸ੍ਤੁ ਜਟਾਯੁਰਥ ਸ਼ੁਸ਼੍ਰੁਵੇ ।
ਨਿਰੀਕ੍ਸ਼੍ਯ ਰਾਵਣਂ ਕ੍ਸ਼ਿਪ੍ਰਂ ਵੈਦੇਹੀਂ ਚ ਦਦਰ੍ਸ਼ ਸਃ ॥ 1 ॥
ਤਤਃ ਪਰ੍ਵਤਕੂਟਾਭਸ੍ਤੀਕ੍ਸ਼੍ਣਤੁਂਡਃ ਖਗੋਤ੍ਤਮਃ ।
ਵਨਸ੍ਪਤਿਗਤਸ਼੍ਸ਼੍ਰੀਮਾਨ੍ਵ੍ਯਾਜਹਾਰ ਸ਼ੁਭਾਂ ਗਿਰਮ੍ ॥ 2 ॥
ਦਸ਼ਗ੍ਰੀਵ ਸ੍ਥਿਤੋ ਧਰ੍ਮੇ ਪੁਰਾਣੇ ਸਤ੍ਯਸਂਸ਼੍ਰਯਃ ।
ਜਟਾਯੁਰ੍ਨਾਮ ਨਾਮ੍ਨਾਹਂ ਗ੍ਰੁਰੁਇਧ੍ਰਰਾਜੋ ਮਹਾਬਲਃ ॥ 3 ॥
ਰਾਜਾ ਸਰ੍ਵਸ੍ਯ ਲੋਕਸ੍ਯ ਮਹੇਂਦ੍ਰਵਰੁਣੋਪਮਃ ।
ਲੋਕਾਨਾਂ ਚ ਹਿਤੇ ਯੁਕ੍ਤੋ ਰਾਮੋ ਦਸ਼ਰਥਾਤ੍ਮਜਃ ॥ 4 ॥
ਤਸ੍ਯੈਸ਼ਾ ਲੋਕਨਾਥਸ੍ਯ ਧਰ੍ਮਪਤ੍ਨੀ ਯਸ਼ਸ੍ਵਿਨੀ ।
ਸੀਤਾ ਨਾਮ ਵਰਾਰੋਹਾ ਯਾਂ ਤ੍ਵਂ ਹਰ੍ਤੁਮਿਹੇਚ੍ਛਸਿ ॥ 5 ॥
ਕਥਂ ਰਾਜਾਸ੍ਥਿਤੋ ਧਰ੍ਮੇ ਪਰਦਾਰਾਨ੍ਪਰਾਮ੍ਰੁਰੁਇਸ਼ੇਤ੍ ।
ਰਕ੍ਸ਼ਣੀਯਾ ਵਿਸ਼ੇਸ਼ੇਣ ਰਾਜਦਾਰਾ ਮਹਾਬਲ ॥ 6 ॥
ਨਿਵਰ੍ਤਯ ਮਤਿਂ ਨੀਚਾਂ ਪਰਦਾਰਾਭਿਮਰ੍ਸ਼ਨਾਤ੍ ।
ਨ ਤਤ੍ਸਮਾਚਰੇਦ੍ਧੀਰੋ ਯਤ੍ਪਰੋਸ੍ਯ ਵਿਗਰ੍ਹਯੇਤ੍ ॥ 7 ॥
ਯਥਾਤ੍ਮਨਸ੍ਤਥਾਨ੍ਯੇਸ਼ਾਂ ਦਾਰਾ ਰਕ੍ਸ਼੍ਯਾ ਵਿਪਸ਼੍ਚਿਤਾ ।
ਧਰ੍ਮਮਰ੍ਥਂ ਵਾ ਕਾਮਂ ਵਾ ਸ਼ਿਸ਼੍ਟਾਸ਼੍ਸ਼ਾਸ੍ਤ੍ਰੇਸ਼੍ਵਨਾਗਤਮ੍ ॥ 8 ॥
ਵ੍ਯਵਸ੍ਯਂਤ੍ਯਨੁ ਰਾਜਾਨਂ ਧਰ੍ਮਂ ਪੌਲਸ੍ਤ੍ਯਨਂਦਨ ।
ਰਾਜਾ ਧਰ੍ਮਸ੍ਯ ਕਾਮਸ੍ਯ ਦ੍ਰਵ੍ਯਾਣਾਂ ਚੋਤ੍ਤਮੋ ਨਿਧਿਃ ॥ 9 ॥
ਧਰ੍ਮਸ਼੍ਸ਼ੁਭਂ ਵਾ ਪਾਪਂ ਵਾ ਰਾਜਮੂਲਂ ਪ੍ਰਵਰ੍ਤਤੇ ।
ਪਾਪਸ੍ਵਭਾਵਸ਼੍ਚਪਲਃ ਕਥਂ ਤ੍ਵਂ ਰਕ੍ਸ਼ਸਾਂ ਵਰ ॥ 10 ॥
ਐਸ਼੍ਵਰ੍ਯਮਭਿਸਂਪ੍ਰਾਪ੍ਤੋ ਵਿਮਾਨਮਿਵ ਦੁਸ਼੍ਕ੍ਰੁਰੁਇਤਿਃ ।
ਕਾਮਂ ਸ੍ਵਭਾਵੋ ਯੋ ਯਸ੍ਯ ਨ ਸ਼ਕ੍ਯਃ ਪਰਿਮਾਰ੍ਜਿਤੁਮ੍ ॥ 11 ॥
ਨ ਹਿ ਦੁਸ਼੍ਟਾਤ੍ਮਨਾਮਾਰ੍ਯਮਾਵਸਤ੍ਯਾਲਯੇ ਚਿਰਮ੍ ।
ਵਿਸ਼ਯੇ ਵਾ ਪੁਰੇ ਵਾ ਤੇ ਯਦਾ ਰਾਮੋ ਮਹਾਬਲਃ ॥ 12 ॥
ਨਾਪਰਾਧ੍ਯਤਿ ਧਰ੍ਮਾਤ੍ਮਾ ਕਥਂ ਤਸ੍ਯਾਪਰਾਧ੍ਯਸਿ ।
ਯਦਿ ਸ਼ੂਰ੍ਪਣਖਾਹੇਤੋਰ੍ਜਨਸ੍ਥਾਨਗਤਃ ਖਰਃ ॥ 13 ॥
ਅਤਿਵ੍ਰੁਰੁਇਤ੍ਤੋ ਹਤਃ ਪੂਰ੍ਵਂ ਰਾਮੇਣਾਕ੍ਲਿਸ਼੍ਟਕਰ੍ਮਣਾ ।
ਅਤ੍ਰ ਬ੍ਰੂਹਿ ਯਥਾਤਤ੍ਤ੍ਵਂ ਕੋ ਰਾਮਸ੍ਯ ਵ੍ਯਤਿਕ੍ਰਮਃ ॥ 14 ॥
ਯਸ੍ਯ ਤ੍ਵਂ ਲੋਕਨਾਥਸ੍ਯ ਭਾਰ੍ਯਾਂ ਹ੍ਰੁਰੁਇਤ੍ਵਾ ਗਮਿਸ਼੍ਯਸਿ ।
ਕ੍ਸ਼ਿਪ੍ਰਂ ਵਿਸ੍ਰੁਰੁਇਜ ਵੈਦੇਹੀਂ ਮਾ ਤ੍ਵਾ ਘੋਰੇਣ ਚਕ੍ਸ਼ੁਸ਼ਾ ॥ 15 ॥
ਦਹੇਦ੍ਦਹਨਭੂਤੇਨ ਵ੍ਰੁਰੁਇਤ੍ਰਮਿਂਦ੍ਰਾਸ਼ਨਿਰ੍ਯਥਾ ।
ਸਰ੍ਪਮਾਸ਼ੀਵਿਸ਼ਂ ਬਦ੍ਧ੍ਵਾ ਵਸ੍ਤ੍ਰਾਂਤੇ ਨਾਵਬੁਧ੍ਯਸੇ ॥ 16 ॥
ਗ੍ਰੀਵਾਯਾਂ ਪ੍ਰਤਿਸਕ੍ਤਂ ਚ ਕਾਲਪਾਸ਼ਂ ਨ ਪਸ਼੍ਯਸਿ ।
ਸ ਭਾਰਸ੍ਸੌਮ੍ਯ ਭਰ੍ਤਵ੍ਯੋ ਯੋ ਨਰਂ ਨਾਵਸਾਦਯੇਤ੍ ॥ 17 ॥
ਤਦਨ੍ਨਮਪਿ ਭੋਕ੍ਤਵ੍ਯਂ ਜੀਰ੍ਯਤੇ ਯਦਨਾਮਯਮ੍ ।
ਯਤ੍ਕ੍ਰੁਰੁਇਤ੍ਵਾ ਨ ਭਵੇਦ੍ਧਰ੍ਮੋ ਨ ਕੀਰ੍ਤਿਰ੍ਨ ਯਸ਼ੋ ਭੁਵਿ ॥ 18 ॥
ਸ਼ਰੀਰਸ੍ਯ ਭਵੇਤ੍ਖੇਦਃ ਕਸ੍ਤਤ੍ਕਰ੍ਮ ਸਮਾਚਰੇਤ੍ ।
ਸ਼ਸ਼੍ਟਿਰ੍ਵਰ੍ਸ਼ਸਹਸ੍ਰਾਣਿ ਮਮ ਜਾਤਸ੍ਯ ਰਾਵਣ ॥ 19 ॥
ਪਿਤ੍ਰੁਰੁਇਪੈਤਾਮਹਂ ਰਾਜ੍ਯਂ ਯਥਾਵਦਨੁਤਿਸ਼੍ਠਤਃ ।
ਵ੍ਰੁਰੁਇਦ੍ਧੋਹਂ ਤ੍ਵਂ ਯੁਵਾ ਧਨ੍ਵੀ ਸਸ਼ਰਃ ਕਵਚੀ ਰਥੀ ॥ 20 ॥
ਤਥਾਪ੍ਯਾਦਾਯ ਵੈਦੇਹੀਂ ਕੁਸ਼ਲੀ ਨ ਗਮਿਸ਼੍ਯਸਿ ।
ਨ ਸ਼ਕ੍ਤਸ੍ਤ੍ਵਂ ਬਲਾਦ੍ਧਰ੍ਤੁਂ ਵੈਦੇਹੀਂ ਮਮ ਪਸ਼੍ਯਤਃ ॥ 21 ॥
ਹੇਤੁਭਿਰ੍ਨ੍ਯਾਯਸਂਸਿਦ੍ਧੈਦ੍ਧ੍ਰੁਰੁਇਵਾਂ ਵੇਦਸ਼੍ਰੁਤੀਮਿਵ ।
ਯੁਦ੍ਧ੍ਯਸ੍ਵ ਯਦਿ ਸ਼ੂਰੋਸਿ ਮੁਹੂਰ੍ਤਂ ਤਿਸ਼੍ਠ ਰਾਵਣ ॥ 22 ॥
ਸ਼ਯਿਸ਼੍ਯਸੇ ਹਤੋ ਭੂਮੌ ਯਥਾਪੂਰ੍ਵਂ ਖਰਸ੍ਤਥਾ ।
ਅਸਕ੍ਰੁਰੁਇਤ੍ਸਂਯੁਗੇ ਯੇਨ ਨਿਹਤਾ ਦੈਤ੍ਯਦਾਨਵਾਃ ॥ 23 ॥
ਨਚਿਰਾਚ੍ਚੀਰਵਾਸਾਸ੍ਤ੍ਵਾਂ ਰਾਮੋ ਯੁਧਿ ਵਧਿਸ਼੍ਯਤਿ ।
ਕਿਂ ਨੁ ਸ਼ਕ੍ਯਂ ਮਯਾ ਕਰ੍ਤੁਂ ਗਤੌਦੂਰਂ ਨ੍ਰੁਰੁਇਪਾਤ੍ਮਜੌ ॥ 24 ॥
ਕ੍ਸ਼ਿਪ੍ਰਂ ਤ੍ਵਂ ਨਸ਼੍ਯਸੇ ਨੀਚ ਤਯੋਰ੍ਭੀਤੋ ਨ ਸਂਸ਼ਯਃ ।
ਨ ਹਿ ਮੇ ਜੀਵਮਾਨਸ੍ਯ ਨਯਿਸ਼੍ਯਸਿ ਸ਼ੁਭਾਮਿਮਾਮ੍ ॥ 25 ॥
ਸੀਤਾਂ ਕਮਲਪਤ੍ਰਾਕ੍ਸ਼ੀਂ ਰਾਮਸ੍ਯ ਮਹਿਸ਼ੀਂ ਪ੍ਰਿਯਾਮ੍ ।
ਅਵਸ਼੍ਯਂ ਤੁ ਮਯਾ ਕਾਰ੍ਯਂ ਪ੍ਰਿਯਂ ਤਸ੍ਯ ਮਹਾਤ੍ਮਨਃ ॥ 26 ॥
ਜੀਵਿਤੇਨਾਪਿ ਰਾਮਸ੍ਯ ਤਥਾ ਦਸ਼ਰਥਸ੍ਯ ਚ ।
ਤਿਸ਼੍ਠ ਤਿਸ਼੍ਠ ਦਸ਼ਗ੍ਰੀਵ ਮੁਹੂਰ੍ਤਂ ਪਸ਼੍ਯ ਰਾਵਣ ॥ 27 ॥
ਯੁਦ੍ਧਾਤਿਥ੍ਯਂ ਪ੍ਰਦਾਸ੍ਯਾਮਿ ਯਥਾਪ੍ਰਾਣਂ ਨਿਸ਼ਾਚਰ ।
ਵ੍ਰੁਰੁਇਂਤਾਦਿਵ ਫਲਂ ਤ੍ਵਾਂ ਤੁ ਪਾਤਯੇਯਂ ਰਥੋਤ੍ਤਮਾਤ੍ ॥ 28 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਅਰਣ੍ਯਕਾਂਡੇ ਪਂਚਾਸ਼ਸ੍ਸਰ੍ਗਃ ॥
