ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਬਾਲਕਾਂਡਮ੍ ।
ਅਥ ਚਤੁਸ੍ਤ੍ਰਿਂਸ਼ਸ੍ਸਰ੍ਗਃ ।
ਕ੍ਰੁਰੁਇਤੋਦ੍ਵਾਹੇ ਗਤੇ ਤਸ੍ਮਿਨ੍ ਬ੍ਰਹ੍ਮਦਤ੍ਤੇ ਚ ਰਾਘਵ ।
ਅਪੁਤ੍ਰਃ ਪੁਤ੍ਰਲਾਭਾਯ ਪੌਤ੍ਰੀਮਿਸ਼੍ਟਿਮਕਲ੍ਪਯਤ੍ ॥ 1 ॥
ਇਸ਼੍ਟ੍ਯਾਂ ਤੁ ਵਰ੍ਤਮਾਨਾਯਾਂ ਕੁਸ਼ਨਾਭਂ ਮਹੀਪਤਿਮ੍ ।
ਉਵਾਚ ਪਰਮੋਦਾਰਃ ਕੁਸ਼ੋ ਬ੍ਰਹ੍ਮਸੁਤਸ੍ਤਦਾ ॥ 2 ॥
ਪੁਤ੍ਰਸ੍ਤੇ ਸਦ੍ਰੁਰੁਇਸ਼ਃ ਪੁਤ੍ਰ ਭਵਿਸ਼੍ਯਤਿ ਸੁਧਾਰ੍ਮਿਕਃ ।
ਗਾਧਿਂ ਪ੍ਰਾਪ੍ਸ੍ਯਸਿ ਤੇਨ ਤ੍ਵਂ ਕੀਰ੍ਤਿਂ ਲੋਕੇ ਚ ਸ਼ਾਸ਼੍ਵਤੀਮ੍ ॥ 3 ॥
ਏਵਮੁਕ੍ਤ੍ਵਾ ਕੁਸ਼ੋ ਰਾਮ ਕੁਸ਼ਨਾਭਂ ਮਹੀਪਤਿਮ੍ ।
ਜਗਾਮਾਕਾਸ਼ਮਾਵਿਸ਼੍ਯ ਬ੍ਰਹ੍ਮਲੋਕਂ ਸਨਾਤਨਾਮ੍ ॥ 4 ॥
ਕਸ੍ਯ ਚਿਤ੍ਤ੍ਵਥ ਕਾਲਸ੍ਯ ਕੁਸ਼ਨਾਭਸ੍ਯ ਧੀਮਤਃ ।
ਜਜ੍ਞੇ ਪਰਮਧਰ੍ਮਿਸ਼੍ਠੋ ਗਾਧਿਰਿਤ੍ਯੇਵ ਨਾਮਤਃ ॥ 5 ॥
ਸ ਪਿਤਾ ਮਮ ਕਾਕੁਤ੍ਸ੍ਥ ਗਾਧਿਃ ਪਰਮਧਾਰ੍ਮਿਕਃ ।
ਕੁਸ਼ਵਂਸ਼ਪ੍ਰਸੂਤੋਸ੍ਮਿ ਕੌਸ਼ਿਕੋ ਰਘੁਨਂਦਨ ॥ 6 ॥
ਪੂਰ੍ਵਜਾ ਭਗਿਨੀ ਚਾਪਿ ਮਮ ਰਾਘਵ ਸੁਵ੍ਰਤਾ ।
ਨਾਮ੍ਨਾ ਸਤ੍ਯਵਤੀ ਨਾਮ ਰੁਰੁਇਚੀਕੇ ਪ੍ਰਤਿਪਾਦਿਤਾ ॥ 7 ॥
ਸਸ਼ਰੀਰਾ ਗਤਾ ਸ੍ਵਰ੍ਗਂ ਭਰ੍ਤਾਰਮਨੁਵਰ੍ਤਿਨੀ ।
ਕੌਸ਼ਿਕੀ ਪਰਮੋਦਾਰਾ ਪ੍ਰਵ੍ਰੁਰੁਇਤ੍ਤਾ ਚ ਮਹਾਨਦੀ ॥ 8 ॥
ਦਿਵ੍ਯਾ ਪੁਣ੍ਯੋਦਕਾ ਰਮ੍ਯਾ ਹਿਮਵਂਤਮੁਪਾਸ਼੍ਰਿਤਾ ।
ਲੋਕਸ੍ਯ ਹਿਤਕਾਮਾਰ੍ਥਂ ਪ੍ਰਵ੍ਰੁਰੁਇਤ੍ਤਾ ਭਗਿਨੀ ਮਮ ॥ 9 ॥
ਤਤੋਹਂ ਹਿਮਵਤ੍ਪਾਰ੍ਸ਼੍ਵੇ ਵਸਾਮਿ ਨਿਰਤਸ੍ਸੁਖਮ੍ ।
ਭਗਿਨ੍ਯਾਂ ਸ੍ਨੇਹਸਂਯੁਕ੍ਤਃ ਕੌਸ਼ਿਕ੍ਯਾਂ ਰਘੁਨਂਦਨ ॥ 10 ॥
ਸਾ ਤੁ ਸਤ੍ਯਵਤੀ ਪੁਣ੍ਯਾ ਸਤ੍ਯੇ ਧਰ੍ਮੇ ਪ੍ਰਤਿਸ਼੍ਠਿਤਾ ।
ਪਤਿਵ੍ਰਤਾ ਮਹਾਭਾਗਾ ਕੌਸ਼ਿਕੀ ਸਰਿਤਾਂ ਵਰਾ ॥ 11 ॥
ਅਹਂ ਹਿ ਨਿਯਮਾਦ੍ਰਾਮ ਹਿਤ੍ਵਾ ਤਾਂ ਸਮੁਪਾਗਤਃ ।
ਸਿਦ੍ਧਾਸ਼੍ਰਮਮਨੁਪ੍ਰਾਪ੍ਯ ਸਿਦ੍ਧੋਸ੍ਮਿ ਤਵ ਤੇਜਸਾ ॥ 12 ॥
ਏਸ਼ਾ ਰਾਮ ਮਮੋਤ੍ਪਤ੍ਤਿਸ੍ਸ੍ਵਸ੍ਯ ਵਂਸ਼ਸ੍ਯ ਕੀਰ੍ਤਿਤਾ ।
ਦੇਸ਼ਸ੍ਯ ਚ ਮਹਾਬਾਹੋ ਯਨ੍ਮਾਂ ਤ੍ਵਂ ਪਰਿਪ੍ਰੁਰੁਇਚ੍ਛਸਿ ॥ 13 ॥
ਗਤੋਰ੍ਧਰਾਤ੍ਰਃ ਕਾਕੁਤ੍ਸ੍ਥ ਕਥਾਃ ਕਥਯਤੋ ਮਮ ।
ਨਿਦ੍ਰਾਮਭ੍ਯੇਹਿ ਭਦ੍ਰਂ ਤੇ ਮਾ ਭੂਦ੍ਵਿਘ੍ਨੋਧ੍ਵਨੀਹ ਨਃ ॥ 14 ॥
ਨਿਸ਼੍ਪਂਦਾਸ੍ਤਰਵਸ੍ਸਰ੍ਵੇ ਨਿਲੀਨਮ੍ਰੁਰੁਇਗਪਕ੍ਸ਼ਿਣਃ ।
ਨੈਸ਼ੇਨ ਤਮਸਾ ਵ੍ਯਾਪ੍ਤਾ ਦਿਸ਼ਸ਼੍ਚ ਰਘੁਨਂਦਨ ॥ 15 ॥
ਸ਼ਨੈਰ੍ਵਿਯੁਜ੍ਯਤੇ ਸਂਧ੍ਯਾ ਨਭੋ ਨੇਤ੍ਰੈਰਿਵਾਵ੍ਰੁਰੁਇਤਮ੍ ।
ਨਕ੍ਸ਼ਤ੍ਰਤਾਰਾਗਹਨਂ ਜ੍ਯੋਤਿਰ੍ਭਿਰਿਵ ਭਾਸਤੇ ॥ 16 ॥
ਉਤ੍ਤਿਸ਼੍ਠਤਿ ਚ ਸ਼ੀਤਾਂਸ਼ੁਸ਼੍ਸ਼ਸ਼ੀ ਲੋਕਤਮੋਨੁਦਃ ।
ਹ੍ਲਾਦਯਨ੍ ਪ੍ਰਾਣਿਨਾਂ ਲੋਕੇ ਮਨਾਂਸਿ ਪ੍ਰਭਯਾ ਵਿਭੋ ॥ 17 ॥
ਨੈਸ਼ਾਨਿ ਸਰ੍ਵਭੂਤਾਨਿ ਪ੍ਰਚਰਂਤਿ ਤਤਸ੍ਤਤਃ ।
ਯਕ੍ਸ਼ਰਾਕ੍ਸ਼ਸਸਂਘਾਸ਼੍ਚ ਰੌਦ੍ਰਾਸ਼੍ਚ ਪਿਸ਼ਿਤਾਸ਼ਨਾਃ ॥ 18 ॥
ਏਵਮੁਕ੍ਤ੍ਵਾ ਮਹਾਤੇਜਾ ਵਿਰਰਾਮ ਮਹਾਮੁਨਿਃ ।
ਸਾਧੁ ਸਾਧ੍ਵਿਤਿ ਤਂ ਸਰ੍ਵੇ ਰੁਰੁਇਸ਼ਯੋ ਹ੍ਯਭ੍ਯਪੂਜਯਨ੍ ॥ 19 ॥
ਕੁਸ਼ਿਕਾਨਾਮਯਂ ਵਂਸ਼ੋ ਮਹਾਨ੍ ਧਰ੍ਮਪਰਸ੍ਸਦਾ ।
ਬ੍ਰਹ੍ਮੋਪਮਾ ਮਹਾਤ੍ਮਾਨਃ ਕੁਸ਼ਵਂਸ਼੍ਯਾ ਨਰੋਤ੍ਤਮਾਃ ॥ 20 ॥
ਵਿਸ਼ੇਸ਼ੇਣ ਭਵਾਨੇਵ ਵਿਸ਼੍ਵਾਮਿਤ੍ਰੋ ਮਹਾਯਸ਼ਾਃ ।
ਕੌਸ਼ਿਕੀ ਸਰਿਤਾਂ ਸ਼੍ਰੇਸ਼੍ਠਾ ਕੁਲੋਦ੍ਯੋਤਕਰੀ ਤਵ ॥ 21 ॥
ਇਤਿ ਤੈਰ੍ਮੁਨਿਸ਼ਾਰ੍ਦੂਲੈਃ ਪ੍ਰਸ਼ਸ੍ਤਃ ਕੁਸ਼ਿਕਾਤ੍ਮਜਃ ।
ਨਿਦ੍ਰਾਮੁਪਾਗਮਚ੍ਛ੍ਰੀਮਾਨ੍ ਅਸ੍ਤਂਗਤ ਇਵਾਂਸ਼ੁਮਾਨ੍ ॥ 22 ॥
ਰਾਮੋਪਿ ਸਹਸੌਮਿਤ੍ਰਿਃ ਕਿਂਚਿਦਾਗਤਵਿਸ੍ਮਯਃ ।
ਪ੍ਰਸ਼ਸ੍ਯ ਮੁਨਿਸ਼ਾਰ੍ਦੂਲਂ ਨਿਦ੍ਰਾਂ ਸਮੁਪਸੇਵਤੇ ॥ 23 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਬਾਲਕਾਂਡੇ ਚਤੁਸ੍ਤ੍ਰਿਂਸ਼ਸ੍ਸਰ੍ਗਃ ॥
