ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਸੁਂਦਰਕਾਂਡਮ੍ ।
ਅਥ ਏਕੋਨਪਂਚਾਸ਼ਸ੍ਸਰ੍ਗਃ ।
ਤਤਸ੍ਸ ਕਰ੍ਮਣਾ ਤਸ੍ਯ ਵਿਸ੍ਮਿਤੋ ਭੀਮਵਿਕ੍ਰਮਃ ।
ਹਨੁਮਾਨ੍ਰੋਸ਼ਤਾਮ੍ਰਾਕ੍ਸ਼ੋ ਰਕ੍ਸ਼ੋਧਿਪਮਵੈਕ੍ਸ਼ਤ ॥ 1 ॥
ਭ੍ਰਾਜਮਾਨਂ ਮਹਾਰ੍ਹੇਣ ਕਾਂਚਨੇਨ ਵਿਰਾਜਤਾ ।
ਮੁਕ੍ਤਾਜਾਲਾਵ੍ਰੁਰੁਇਤੇਨਾਥ ਮਕੁਟੇਨ ਮਹਾਦ੍ਯੁਤਿਮ੍ ॥ 2 ॥
ਵਜ੍ਰਸਂਯੋਗਸਂਯੁਕ੍ਤੈਰ੍ਮਹਾਰ੍ਹਮਣਿਵਿਗ੍ਰਹੈਃ ।
ਹੈਮੈਰਾਭਰਣੈਸ਼੍ਚਿਤ੍ਰੈਰ੍ਮਨਸੇਵ ਪ੍ਰਕਲ੍ਪਿਤੈਃ ॥ 3 ॥
ਮਹਾਰ੍ਹਕ੍ਸ਼ੌਮਸਂਵੀਤਂ ਰਕ੍ਤਚਂਦਨਰੂਸ਼ਿਤਮ੍ ।
ਸ੍ਵਾਨੁਲਿਪ੍ਤਂ ਵਿਚਿਤ੍ਰਾਭਿਰ੍ਵਿਵਿਧਾਭਿਸ਼੍ਚ ਭਕ੍ਤਿਭਿਃ ॥ 4 ॥
ਵਿਚਿਤ੍ਰੈਰ੍ਦਰ੍ਸ਼ਨੀਯੈਸ਼੍ਚ ਰਕ੍ਤਾਕ੍ਸ਼ੈਰ੍ਭੀਮਦਰ੍ਸ਼ਨੈਃ ।
ਦੀਪ੍ਤਤੀਕ੍ਸ਼੍ਣਮਹਾਦਂਸ਼੍ਟ੍ਰੈਃ ਪ੍ਰਲਂਬਦਸ਼ਨਚ੍ਛਦੈਃ ॥ 5 ॥
ਸ਼ਿਰੋਭਿਰ੍ਦਸ਼ਭਿਰ੍ਵੀਰਂ ਭ੍ਰਾਜਮਾਨਂ ਮਹੌਜਸਮ੍ ।
ਨਾਨਾਵ੍ਯਾਲਸਮਾਕੀਰ੍ਣੈਸ਼੍ਸ਼ਿਖਰੈਰਿਵ ਮਂਦਰਮ੍ ॥ 6 ॥
ਨੀਲਾਂਜਨਚਯਪ੍ਰਖ੍ਯਂ ਹਾਰੇਣੋਰਸਿ ਰਾਜਤਾ ।
ਪੂਰ੍ਣਚਂਦ੍ਰਾਭਵਕ੍ਤ੍ਰੇਣ ਸਬਲਾਕਮਿਵਾਂਬੁਦਮ੍ ॥ 7 ॥
ਬਾਹੁਭਿਰ੍ਬਦ੍ਧਕੇਯੂਰੈਸ਼੍ਚਂਦਨੋਤ੍ਤਮਰੂਸ਼ਿਤੈਃ ।
ਭ੍ਰਾਜਮਾਨਾਂਗਦੈਃ ਪੀਨੈਃ ਪਂਚਸ਼ੀਰ੍ਸ਼ੈਰਿਵੋਰਗੈਃ ॥ 8 ॥
ਮਹਤਿਸ੍ਫਾਟਿਕੇ ਚਿਤ੍ਰੇ ਰਤ੍ਨਸਂਯੋਗਸਂਸ੍ਕ੍ਰੁਰੁਇਤੇ ।
ਉਤ੍ਤਮਾਸ੍ਤਰਣਾਸ੍ਤੀਰ੍ਣੇ ਸੂਪਵਿਸ਼੍ਟਂ ਵਰਾਸਨੇ ॥ 9 ॥
ਅਲਂਕ੍ਰੁਰੁਇਤਾਭਿਰਤ੍ਯਰ੍ਥਂ ਪ੍ਰਮਦਾਭਿਃ ਸਮਂਤਤਃ ।
ਵਾਲਵ੍ਯਜਨਹਸ੍ਤਾਭਿਰਾਰਾਤ੍ਸਮੁਪਸੇਵਿਤਮ੍ ॥ 10 ॥
ਦੁਰ੍ਧਰੇਣ ਪ੍ਰਹਸ੍ਤੇਨ ਮਹਾਪਾਰ੍ਸ਼੍ਵੇਨ ਰਕ੍ਸ਼ਸਾ ।
ਮਂਤ੍ਰਿਭਿਰ੍ਮਂਤ੍ਰਤਤ੍ਤ੍ਵਜ੍ਞੈਰ੍ਨਿਕੁਂਭੇਨ ਚ ਮਂਤ੍ਰਿਣਾ ॥ 11 ॥
ਸੁਖੋਪਵਿਸ਼੍ਟਂ ਰਕ੍ਸ਼ੋਭਿਸ਼੍ਚਤੁਰ੍ਭਿਰ੍ਬਲਦਰ੍ਪਿਤੈਃ ।
ਕ੍ਰੁਰੁਇਤ੍ਸ੍ਨਂ ਪਰਿਵ੍ਰੁਰੁਇਤਂ ਲੋਕਂ ਚਤੁਰ੍ਭਿਰਿਵ ਸਾਗਰੈਃ ॥ 12 ॥
ਮਂਤ੍ਰਿਭਿਰ੍ਮਂਤ੍ਰਤਤ੍ਤ੍ਵਜ੍ਞੈਰਨ੍ਯੈਸ਼੍ਚ ਸ਼ੁਭਬੁਦ੍ਧਿਭਿਃ ।
ਅਨ੍ਵਾਸ੍ਯਮਾਨਂ ਰਕ੍ਸ਼ੋਭਿਃ ਸੁਰੈਰਿਵ ਸੁਰੇਸ਼੍ਵਰਮ੍ ॥ 13 ॥
ਅਪਸ਼੍ਯਦ੍ਰਾਕ੍ਸ਼ਸਪਤਿਂ ਹਨੁਮਾਨਤਿਤੇਜਸਮ੍ ।
ਵਿਸ਼੍ਠਿਤਂ ਮੇਰੁਸ਼ਿਖਰੇ ਸਤੋਯਮਿਵ ਤੋਯਦਮ੍ ॥ 14 ॥
ਸ ਤੈਸ੍ਸਂਪੀਡ੍ਯਮਾਨੋਪਿ ਰਕ੍ਸ਼ੋਭਿਰ੍ਭੀਮਵਿਕ੍ਰਮੈਃ ।
ਵਿਸ੍ਮਯਂ ਪਰਮਂ ਗਤ੍ਵਾ ਰਕ੍ਸ਼ੋਧਿਪਮਵੈਕ੍ਸ਼ਤ ॥ 15 ॥
ਭ੍ਰਾਜਮਾਨਂ ਤਤੋ ਦ੍ਰੁਰੁਇਸ਼੍ਟ੍ਵਾ ਹਨੁਮਾਨ੍ਰਾਕ੍ਸ਼ਸੇਸ਼੍ਵਰਮ੍ ।
ਮਨਸਾ ਚਿਂਤਯਾਮਾਸ ਤੇਜਸਾ ਤਸ੍ਯ ਮੋਹਿਤਃ ॥ 16 ॥
ਅਹੋ ਰੂਪਮਹੋ ਧੈਰ੍ਯਮਹੋ ਸਤ੍ਤ੍ਵਮਹੋ ਦ੍ਯੁਤਿਃ ।
ਅਹੋ ਰਾਕ੍ਸ਼ਸਰਾਜਸ੍ਯ ਸਰ੍ਵਲਕ੍ਸ਼ਣਯੁਕ੍ਤਤਾ ॥ 17 ॥
ਯਦ੍ਯਧਰ੍ਮੋ ਨ ਬਲਵਾਨ੍ ਸ੍ਯਾਦਯਂ ਰਾਕ੍ਸ਼ਸੇਸ਼੍ਵਰਃ ।
ਸ੍ਯਾਦਯਂ ਸੁਰਲੋਕਸ੍ਯ ਸਸ਼ਕ੍ਰਸ੍ਯਾਪਿ ਰਕ੍ਸ਼ਿਤਾ ॥ 18 ॥
ਅਸ੍ਯ ਕ੍ਰੂਰੈਰ੍ਨ੍ਰੁਰੁਇਸ਼ਂਸੈਸ਼੍ਚ ਕਰ੍ਮਭਿਰ੍ਲੋਕਕੁਤ੍ਸਿਤੈਃ ।
ਸਰ੍ਵੇ ਬਿਭ੍ਯਤਿ ਖਲ੍ਵਸ੍ਮਾਲ੍ਲੋਕਾਸ੍ਸਾਮਰਦਾਨਵਾਃ ॥ 19 ॥
ਅਯਂ ਹ੍ਯੁਤ੍ਸਹਤੇ ਕ੍ਰੁਦ੍ਧਃ ਕਰ੍ਤੁਮੇਕਾਰ੍ਣਵਂ ਜਗਤ੍ ।
ਇਤਿ ਚਿਂਤਾਂ ਬਹੁਵਿਧਾਮਕਰੋਨ੍ਮਤਿਮਾਨ੍ ਹਰਿਃ ॥ 20 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਸੁਂਦਰਕਾਂਡੇ ਏਕੋਨਪਂਚਾਸ਼ਸ੍ਸਰ੍ਗਃ ॥
