ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਅਯੋਧ੍ਯਾਕਾਂਡਮ੍ ।
ਅਥ ਸਪ੍ਤਵਿਂਸ਼ਸ੍ਸਰ੍ਗਃ ।
ਏਵਮੁਕ੍ਤਾ ਤੁ ਵੈਦੇਹੀ ਪ੍ਰਿਯਾਰ੍ਹਾ ਪ੍ਰਿਯਵਾਦਿਨੀ ।
ਪ੍ਰਣਯਾਦੇਵ ਸਂਕ੍ਰੁਦ੍ਧਾ ਭਰ੍ਤਾਰਮਿਦਮਬ੍ਰਵੀਤ੍ ॥ 1 ॥
ਕਿਮਿਦਂ ਭਾਸ਼ਸੇ ਰਾਮ ਵਾਕ੍ਯਂ ਲਘੁਤਯਾ ਧ੍ਰੁਵਮ੍ ।
ਤ੍ਵਯਾ ਯਦਪਹਾਸ੍ਯਂ ਮੇ ਸ਼੍ਰੁਤ੍ਵਾ ਨਰਵਰਾਤ੍ਮਜ ॥ 2 ॥
ਆਰ੍ਯਪੁਤ੍ਰ ਪਿਤਾ ਮਾਤਾ ਭ੍ਰਾਤਾ ਪੁਤ੍ਰਸ੍ਤਥਾ ਸ੍ਨੁਸ਼ਾ ।
ਸ੍ਵਾਨਿ ਪੁਣ੍ਯਾਨਿ ਭੁਂਜਾਨਾਃ ਸ੍ਵਂ ਸ੍ਵਂ ਭਾਗ੍ਯਮੁਪਾਸਤੇ ॥ 3 ॥
ਭਰ੍ਤੁਰ੍ਭਾਗ੍ਯਂ ਤੁ ਭਾਰ੍ਯੈਕਾ ਪ੍ਰਾਪ੍ਨੋਤਿ ਪੁਰੁਸ਼ਰ੍ਸ਼ਭ ।
ਅਤਸ਼੍ਚੈਵਾਹਮਾਦਿਸ਼੍ਟਾ ਵਨੇ ਵਸ੍ਤਵ੍ਯਮਿਤ੍ਯਪਿ ॥ 4 ॥
ਨ ਪਿਤਾ ਨਾਤ੍ਮਜੋ ਨਾਤ੍ਮਾ ਨ ਮਾਤਾ ਨ ਸਖੀਜਨਃ ।
ਇਹ ਪ੍ਰੇਤ੍ਯ ਚ ਨਾਰੀਣਾਂ ਪਤਿਰੇਕੋ ਗਤਿਸ੍ਸਦਾ ॥ 5 ॥
ਯਦਿ ਤ੍ਵਂ ਪ੍ਰਸ੍ਥਿਤੋ ਦੁਰ੍ਗਂ ਵਨਮਦ੍ਯੈਵ ਰਾਘਵ ।
ਅਗ੍ਰਤਸ੍ਤੇ ਗਮਿਸ਼੍ਯਾਮਿ ਮ੍ਰੁਰੁਇਦ੍ਨਂਤੀ ਕੁਸ਼ਕਂਟਕਾਨ੍ ॥ 6 ॥
ਈਰ੍ਸ਼੍ਯਾਰੋਸ਼ੌ ਬਹਿਸ਼੍ਕ੍ਰੁਰੁਇਤ੍ਯ ਭੁਕ੍ਤਸ਼ੇਸ਼ਮਿਵੋਦਕਮ੍ ।
ਨਯ ਮਾਂ ਵੀਰ ਵਿਸ੍ਰਬ੍ਧਃ ਪਾਪਂ ਮਯਿ ਨ ਵਿਦ੍ਯਤੇ ॥ 7 ॥
ਪ੍ਰਾਸਾਦਾਗ੍ਰੈਰ੍ਵਿਮਾਨੈਰ੍ਵਾ ਵੈਹਾਯਸਗਤੇਨ ਵਾ ।
ਸਰ੍ਵਾਵਸ੍ਥਾਗਤਾ ਭਰ੍ਤੁਃ ਪਾਦਚ੍ਛਾਯਾ ਵਿਸ਼ਿਸ਼੍ਯਤੇ ॥ 8 ॥
ਅਨੁਸ਼ਿਸ਼੍ਟਾਸ੍ਮਿ ਮਾਤ੍ਰਾ ਚ ਪਿਤ੍ਰਾ ਚ ਵਿਵਿਧਾਸ਼੍ਰਯਮ੍ ।
ਨਾਸ੍ਮਿ ਸਂਪ੍ਰਤਿ ਵਕ੍ਤਵ੍ਯਾ ਵਰ੍ਤਿਤਵ੍ਯਂ ਯਥਾ ਮਯਾ ॥ 9 ॥
ਅਹਂ ਦੁਰ੍ਗਂ ਗਮਿਸ਼੍ਯਾਮਿ ਵਨਂ ਪੁਰੁਸ਼ਵਰ੍ਜਿਤਮ੍ ।
ਨਾਨਾਮ੍ਰੁਰੁਇਗਗਣਾਕੀਰ੍ਣਂ ਸ਼ਾਰ੍ਦੂਲਵ੍ਰੁਰੁਇਕਸੇਵਿਤਮ੍ ॥ 10 ॥
ਸੁਖਂ ਵਨੇ ਨਿਵਤ੍ਸ੍ਯਾਮਿ ਯਥੈਵ ਭਵਨੇ ਪਿਤੁਃ ।
ਅਚਿਂਤਯਂਤੀ ਤ੍ਰੀਨ੍ਲੋਕਾਂਸ਼੍ਚ੍ਚਿਂਤਯਂਤੀ ਪਤਿਵ੍ਰਤਮ੍ ॥ 11 ॥
ਸ਼ੁਸ਼੍ਰੂਸ਼ਮਾਣਾ ਤੇ ਨਿਤ੍ਯਂ ਨਿਯਤਾ ਬ੍ਰਹ੍ਮਚਾਰਿਣੀ ।
ਸਹ ਰਂਸ੍ਯੇ ਤ੍ਵਯਾ ਵੀਰ ਵਨੇਸ਼ੁ ਮਧੁਗਂਧਿਸ਼ੁ ॥ 12 ॥
ਤ੍ਵਂ ਹਿ ਸ਼ਕ੍ਤੋ ਵਨੇ ਕਰ੍ਤੁਂ ਰਾਮ ਸਂਪਰਿਪਾਲਨਮ੍ ।
ਅਨ੍ਯਸ੍ਯਾਪਿ ਜਨਸ੍ਯੇਹ ਕਿਂ ਪੁਨਰ੍ਮਮ ਮਾਨਦ ॥ 13 ॥
ਸਹ ਤ੍ਵਯਾ ਗਮਿਸ਼੍ਯਾਮਿ ਵਨਮਦ੍ਯ ਨ ਸਂਸ਼ਯਃ ।
ਨਾਹਂ ਸ਼ਕ੍ਯਾ ਮਹਾਭਾਗ ਨਿਵਰ੍ਤਯਿਤੁਮੁਦ੍ਯਤਾ ॥ 14 ॥
ਫਲਮੂਲਾਸ਼ਨਾ ਨਿਤ੍ਯਂ ਭਵਿਸ਼੍ਯਾਮਿ ਨ ਸਂਸ਼ਯਃ ।
ਨ ਤੇ ਦੁਃਖਂ ਕਰਿਸ਼੍ਯਾਮਿ ਨਿਵਸਂਤੀ ਸਹ ਤ੍ਵਯਾ ॥ 15 ॥
ਇਚ੍ਛਾਮਿ ਸਰਿਤਸ਼੍ਸ਼ੈਲਾਨ੍ਪਲ੍ਵਲਾਨਿ ਵਨਾਨਿ ਚ ।
ਦ੍ਰਸ਼੍ਟੁਂ ਸਰ੍ਵਤ੍ਰ ਨਿਰ੍ਭੀਤਾ ਤ੍ਵਯਾ ਨਾਥੇਨ ਧੀਮਤਾ ॥ 16 ॥
ਹਂਸਕਾਰਂਡਵਾਕੀਰ੍ਣਾਃ ਪਦ੍ਮਿਨੀਸ੍ਸਾਧੁਪੁਸ਼੍ਪਿਤਾਃ ।
ਇਚ੍ਛੇਯਂ ਸੁਖਿਨੀ ਦ੍ਰਸ਼੍ਟੁਂ ਤ੍ਵਯਾ ਵੀਰੇਣ ਸਂਗਤਾ ॥ 17 ॥
ਅਭਿਸ਼ੇਕਂ ਕਰਿਸ਼੍ਯਾਮਿ ਤਾਸੁ ਨਿਤ੍ਯਂ ਯਤਵ੍ਰਤਾ ।
ਸਹ ਤ੍ਵਯਾ ਵਿਸ਼ਾਲਾਕ੍ਸ਼ ਰਂਸ੍ਯੇ ਪਰਮਨਂਦਿਨੀ ॥ 18 ॥
ਏਵਂ ਵਰ੍ਸ਼ਸਹਸ੍ਰਾਣਾਂ ਸ਼ਤਂ ਵਾਹਂ ਤ੍ਵਯਾ ਸਹ ।
ਵ੍ਯਤਿਕ੍ਰਮਂ ਨ ਵੇਤ੍ਸ੍ਯਾਮਿ ਸ੍ਵਰ੍ਗੋਪਿ ਨ ਹਿ ਮੇ ਮਤਃ ॥ 19 ॥
ਸ੍ਵਰ੍ਗੇਪਿ ਚ ਵਿਨਾ ਵਾਸੋ ਭਵਿਤਾ ਯਦਿ ਰਾਘਵ ।
ਤ੍ਵਯਾ ਮਮ ਨਰਵ੍ਯਾਘ੍ਰ ਨਾਹਂ ਤਮਪਿ ਰੋਚਯੇ ॥ 20 ॥
ਅਹਂ ਗਮਿਸ਼੍ਯਾਮਿ ਵਨਂ ਸੁਦੁਰ੍ਗਮਂ ਮ੍ਰੁਰੁਇਗਾਯੁਤਂ ਵਾਨਰਵਾਰਣੈਰ੍ਯੁਤਮ੍ ।
ਵਨੇ ਨਿਵਤ੍ਸ੍ਯਾਮਿ ਯਥਾ ਪਿਤੁਰ੍ਗ੍ਰੁਰੁਇਹੇ ਤਵੈਵ ਪਾਦਾਵੁਪਗ੍ਰੁਰੁਇਹ੍ਯ ਸਂਯਤਾ ॥ 21 ॥
ਅਨਨ੍ਯਭਾਵਾਮਨੁਰਕ੍ਤਚੇਤਸਂ ਤ੍ਵਯਾ ਵਿਯੁਕ੍ਤਾਂ ਮਰਣਾਯਨਿਸ਼੍ਚਿਤਾਮ੍ ।
ਨਯਸ੍ਵ ਮਾਂ ਸਾਧੁ ਕੁਰੁਸ਼੍ਵ ਯਾਚਨਾਂ ਨ ਤੇ ਮਯਾਤੋ ਗੁਰੁਤਾ ਭਵਿਸ਼੍ਯਤਿ ॥ 22 ॥
ਤਥਾ ਬ੍ਰੁਵਾਣਾਮਪਿ ਧਰ੍ਮਵਤ੍ਸਲੋ ਨ ਚ ਸ੍ਮ ਸੀਤਾਂ ਨ੍ਰੁਰੁਇਵਰੋ ਨਿਨੀਸ਼ਤਿ ।
ਉਵਾਚ ਚੈਨਾਂ ਬਹੁ ਸਨ੍ਨਿਵਰ੍ਤਨੇ ਵਨੇ ਨਿਵਾਸਸ੍ਯ ਚ ਦੁਃਖਿਤਾਂ ਪ੍ਰਤਿ ॥ 23 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਅਯੋਧ੍ਯਾਕਾਂਡੇ ਸਪ੍ਤਵਿਂਸ਼ਸ੍ਸਰ੍ਗਃ ॥
