ஶ்ரீமத்³வால்மீகீய ராமாயணே அரண்யகாண்ட³ம் ।
அத² பஞ்சாஶஸ்ஸர்க:³ ।
தம் ஶப்³த³மவஸுப்தஸ்து ஜடாயுரத² ஶுஶ்ருவே ।
நிரீக்ஷ்ய ராவணம் க்ஷிப்ரம் வைதே³ஹீம் ச த³த³ர்ஶ ஸ: ॥ 1 ॥
தத: பர்வதகூடாப⁴ஸ்தீக்ஷ்ணதுண்ட:³ க²கோ³த்தம: ।
வனஸ்பதிக³தஶ்ஶ்ரீமான்வ்யாஜஹார ஶுபா⁴ம் கி³ரம் ॥ 2 ॥
த³ஶக்³ரீவ ஸ்தி²தோ த⁴ர்மே புராணே ஸத்யஸம்ஶ்ரய: ।
ஜடாயுர்னாம நாம்னாஹம் க்³ருத்⁴ரராஜோ மஹாப³ல: ॥ 3 ॥
ராஜா ஸர்வஸ்ய லோகஸ்ய மஹேந்த்³ரவருணோபம: ।
லோகானாம் ச ஹிதே யுக்தோ ராமோ த³ஶரதா²த்மஜ: ॥ 4 ॥
தஸ்யைஷா லோகனாத²ஸ்ய த⁴ர்மபத்னீ யஶஸ்வினீ ।
ஸீதா நாம வராரோஹா யாம் த்வம் ஹர்துமிஹேச்ச²ஸி ॥ 5 ॥
கத²ம் ராஜாஸ்தி²தோ த⁴ர்மே பரதா³ரான்பராம்ருஶேத் ।
ரக்ஷணீயா விஶேஷேண ராஜதா³ரா மஹாப³ல ॥ 6 ॥
நிவர்தய மதிம் நீசாம் பரதா³ராபி⁴மர்ஶனாத் ।
ந தத்ஸமாசரேத்³தீ⁴ரோ யத்பரோஸ்ய விக³ர்ஹயேத் ॥ 7 ॥
யதா²த்மனஸ்ததா²ன்யேஷாம் தா³ரா ரக்ஷ்யா விபஶ்சிதா ।
த⁴ர்மமர்த²ம் வா காமம் வா ஶிஷ்டாஶ்ஶாஸ்த்ரேஷ்வனாக³தம் ॥ 8 ॥
வ்யவஸ்யந்த்யனு ராஜானம் த⁴ர்மம் பௌலஸ்த்யனந்த³ன ।
ராஜா த⁴ர்மஸ்ய காமஸ்ய த்³ரவ்யாணாம் சோத்தமோ நிதி⁴: ॥ 9 ॥
த⁴ர்மஶ்ஶுப⁴ம் வா பாபம் வா ராஜமூலம் ப்ரவர்ததே ।
பாபஸ்வபா⁴வஶ்சபல: கத²ம் த்வம் ரக்ஷஸாம் வர ॥ 1௦ ॥
ஐஶ்வர்யமபி⁴ஸம்ப்ராப்தோ விமானமிவ து³ஷ்க்ருதி: ।
காமம் ஸ்வபா⁴வோ யோ யஸ்ய ந ஶக்ய: பரிமார்ஜிதும் ॥ 11 ॥
ந ஹி து³ஷ்டாத்மனாமார்யமாவஸத்யாலயே சிரம் ।
விஷயே வா புரே வா தே யதா³ ராமோ மஹாப³ல: ॥ 12 ॥
நாபராத்⁴யதி த⁴ர்மாத்மா கத²ம் தஸ்யாபராத்⁴யஸி ।
யதி³ ஶூர்பணகா²ஹேதோர்ஜனஸ்தா²னக³த: க²ர: ॥ 13 ॥
அதிவ்ருத்தோ ஹத: பூர்வம் ராமேணாக்லிஷ்டகர்மணா ।
அத்ர ப்³ரூஹி யதா²தத்த்வம் கோ ராமஸ்ய வ்யதிக்ரம: ॥ 14 ॥
யஸ்ய த்வம் லோகனாத²ஸ்ய பா⁴ர்யாம் ஹ்ருத்வா க³மிஷ்யஸி ।
க்ஷிப்ரம் விஸ்ருஜ வைதே³ஹீம் மா த்வா கோ⁴ரேண சக்ஷுஷா ॥ 15 ॥
த³ஹேத்³த³ஹனபூ⁴தேன வ்ருத்ரமிந்த்³ராஶனிர்யதா² ।
ஸர்பமாஶீவிஷம் ப³த்³த்⁴வா வஸ்த்ராந்தே நாவபு³த்⁴யஸே ॥ 16 ॥
க்³ரீவாயாம் ப்ரதிஸக்தம் ச காலபாஶம் ந பஶ்யஸி ।
ஸ பா⁴ரஸ்ஸௌம்ய ப⁴ர்தவ்யோ யோ நரம் நாவஸாத³யேத் ॥ 17 ॥
தத³ன்னமபி போ⁴க்தவ்யம் ஜீர்யதே யத³னாமயம் ।
யத்க்ருத்வா ந ப⁴வேத்³த⁴ர்மோ ந கீர்திர்ன யஶோ பு⁴வி ॥ 18 ॥
ஶரீரஸ்ய ப⁴வேத்கே²த:³ கஸ்தத்கர்ம ஸமாசரேத் ।
ஷஷ்டிர்வர்ஷஸஹஸ்ராணி மம ஜாதஸ்ய ராவண ॥ 19 ॥
பித்ருபைதாமஹம் ராஜ்யம் யதா²வத³னுதிஷ்ட²த: ।
வ்ருத்³தோ⁴ஹம் த்வம் யுவா த⁴ன்வீ ஸஶர: கவசீ ரதீ² ॥ 2௦ ॥
ததா²ப்யாதா³ய வைதே³ஹீம் குஶலீ ந க³மிஷ்யஸி ।
ந ஶக்தஸ்த்வம் ப³லாத்³த⁴ர்தும் வைதே³ஹீம் மம பஶ்யத: ॥ 21 ॥
ஹேதுபி⁴ர்ன்யாயஸம்ஸித்³தை⁴த்³த்⁴ருவாம் வேத³ஶ்ருதீமிவ ।
யுத்³த்⁴யஸ்வ யதி³ ஶூரோஸி முஹூர்தம் திஷ்ட² ராவண ॥ 22 ॥
ஶயிஷ்யஸே ஹதோ பூ⁴மௌ யதா²பூர்வம் க²ரஸ்ததா² ।
அஸக்ருத்ஸம்யுகே³ யேன நிஹதா தை³த்யதா³னவா: ॥ 23 ॥
நசிராச்சீரவாஸாஸ்த்வாம் ராமோ யுதி⁴ வதி⁴ஷ்யதி ।
கிம் நு ஶக்யம் மயா கர்தும் க³தௌதூ³ரம் ந்ருபாத்மஜௌ ॥ 24 ॥
க்ஷிப்ரம் த்வம் நஶ்யஸே நீச தயோர்பீ⁴தோ ந ஸம்ஶய: ।
ந ஹி மே ஜீவமானஸ்ய நயிஷ்யஸி ஶுபா⁴மிமாம் ॥ 25 ॥
ஸீதாம் கமலபத்ராக்ஷீம் ராமஸ்ய மஹிஷீம் ப்ரியாம் ।
அவஶ்யம் து மயா கார்யம் ப்ரியம் தஸ்ய மஹாத்மன: ॥ 26 ॥
ஜீவிதேனாபி ராமஸ்ய ததா² த³ஶரத²ஸ்ய ச ।
திஷ்ட² திஷ்ட² த³ஶக்³ரீவ முஹூர்தம் பஶ்ய ராவண ॥ 27 ॥
யுத்³தா⁴தித்²யம் ப்ரதா³ஸ்யாமி யதா²ப்ராணம் நிஶாசர ।
வ்ருந்தாதி³வ ப²லம் த்வாம் து பாதயேயம் ரதோ²த்தமாத் ॥ 28 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ பஞ்சாஶஸ்ஸர்க:³ ॥
