ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਅਯੋਧ੍ਯਾਕਾਂਡਮ੍ ।
ਅਥ ਏਕੋਨਸ਼ਸ਼੍ਟਿਤਮਸ੍ਸਰ੍ਗਃ ।
ਇਤਿ ਬ੍ਰੁਵਂਤਂ ਤਂ ਸੂਤਂ ਸੁਮਂਤ੍ਰਂ ਮਂਤ੍ਰਿਸਤ੍ਤਮਮ੍ ।
ਬ੍ਰੂਹਿ ਸ਼ੇਸ਼ਂ ਪੁਨਰਿਤਿ ਰਾਜਾ ਵਚਨਮਬ੍ਰਵੀਤ੍ ॥ 1 ॥
ਤਸ੍ਯ ਤਦ੍ਵਚਨਂ ਸ਼੍ਰੁਤ੍ਵਾ ਸੁਮਂਤ੍ਰੋ ਬਾਸ਼੍ਪਵਿਕ੍ਲਬਃ ।
ਕਥਯਾਮਾਸ ਭੂਯੋਪਿ ਰਾਮਸਂਦੇਸ਼ਵਿਸ੍ਤਰਮ੍ ॥ 2 ॥
ਜਟਾਃ ਕ੍ਰੁਰੁਇਤ੍ਵਾ ਮਹਾਰਾਜ ਚੀਰਵਲ੍ਕਲਧਾਰਿਣੌ ।
ਗਂਗਾਮੁਤ੍ਤੀਰ੍ਯ ਤੌ ਵੀਰੌ ਪ੍ਰਯਾਗਾਭਿਮੁਖੌ ਗਤੌ ॥ 3 ॥
ਅਗ੍ਰਤੋ ਲਕ੍ਸ਼੍ਮਣੋ ਯਾਤਃ ਪਾਲਯਨ੍ਰਘੁਨਂਦਨਮ੍ ।
ਤਾਂਸ੍ਤਥਾ ਗਚ੍ਛਤੋ ਦ੍ਰੁਰੁਇਸ਼੍ਟ੍ਵਾ ਨਿਵ੍ਰੁਰੁਇਤ੍ਤੋਸ੍ਮ੍ਯਵਸ਼ਸ੍ਤਦਾ ॥ 4 ॥
ਮਮਤ੍ਵਸ਼੍ਵਾ ਨਿਵ੍ਰੁਰੁਇਤ੍ਤਸ੍ਯ ਨ ਪ੍ਰਾਵਰ੍ਤਂਤ ਵਰ੍ਤ੍ਮਨਿ ।
ਉਸ਼੍ਣਮਸ਼੍ਰੁ ਪ੍ਰਮੁਂਚਂਤੋ ਰਾਮੇ ਸਂਪ੍ਰਸ੍ਥਿਤੇ ਵਨਮ੍ ॥ 5 ॥
ਉਭਾਭ੍ਯਾਂ ਰਾਜਪੁਤ੍ਰਾਭ੍ਯਾਮਥ ਕ੍ਰੁਰੁਇਤ੍ਵਾਹਮਂਜਲਿਮ੍ ।
ਪ੍ਰਸ੍ਥਿਤੋ ਰਥਮਾਸ੍ਥਾਯ ਤਦ੍ਦੁਃਖਮਪਿ ਧਾਰਯਨ੍ ॥ 6 ॥
ਗੁਹੇਨ ਸਾਰ੍ਧਂ ਤਤ੍ਰੈਵ ਸ੍ਥਿਤੋਸ੍ਮਿ ਦਿਵਸਾਨ੍ਬਹੂਨ੍ ।
ਆਸ਼ਯਾ ਯਦਿ ਮਾਂ ਰਾਮਃ ਪੁਨ ਸ਼੍ਸ਼ਬ੍ਦਾਪਯੇਦਿਤਿ ॥ 7 ॥
ਵਿਸ਼ਯੇ ਤੇ ਮਹਾਰਾਜ ਰਾਮਵ੍ਯਸਨਕਰ੍ਸ਼ਿਤਾਃ ।
ਅਪਿ ਵ੍ਰੁਰੁਇਕ੍ਸ਼ਾਃ ਪਰਿਮ੍ਲਾਨਾਸ੍ਸਪੁਸ਼੍ਪਾਂਕੁਰਕੋਰਕਾਃ ॥ 8 ॥
ਉਪਤਪ੍ਤੋਦਕਾ ਨਦ੍ਯਃ ਪਲ੍ਵਲਾਨਿ ਸਰਾਂਸਿ ਚ ।
ਪਰਿਸ਼ੁਸ਼੍ਕਪਲਾਸ਼ਾਨਿ ਵਨਾਨ੍ਯੁਪਵਨਾਨਿ ਚ ॥ 9 ॥
ਨ ਚ ਸਰ੍ਪਂਤਿ ਸਤ੍ਤ੍ਵਾਨਿ ਵ੍ਯਾਸਾ ਨ ਪ੍ਰਚਰਂਤਿ ਚ ।
ਰਾਮਸ਼ੋਕਾਭਿਭੂਤਂ ਤਨ੍ਨਿਸ਼੍ਕੂਜਮਭਵਦ੍ਵਨਮ੍ ॥ 10 ॥
ਲੀਨਪੁਸ਼੍ਕਰਪਤ੍ਰਾਸ਼੍ਚ ਨਰੇਂਦ੍ਰ ਕਲੁਸ਼ੋਦਕਾਃ ।
ਸਂਤਪ੍ਤਪਦ੍ਮਾਃ ਪਦ੍ਮਿਨ੍ਯੋ ਲੀਨਮੀਨਵਿਹਂਗਮਾਃ ॥ 11 ॥
ਜਲਜਾਨਿ ਚ ਪੁਸ਼੍ਪਾਣਿ ਮਾਲ੍ਯਾਨਿ ਸ੍ਥਲਜਾਨਿ ਚ ।
ਨਾਦ੍ਯ ਭਾਂਤ੍ਯਲ੍ਪਗਂਧੀਨਿ ਫਲਾਨਿ ਚ ਯਥਾਪੁਰਮ੍ ॥ 12 ॥
ਅਤ੍ਰੋਦ੍ਯਾਨਾਨਿ ਸ਼ੂਨ੍ਯਾਨਿ ਪ੍ਰਲੀਨਵਿਹਗਨਿ ਚ ।
ਨ ਚਾਭਿਰਾਮਾ ਨਾਰਾਮਾਨ੍ਪਸ਼੍ਯਾਮਿ ਮਨੁਜਰ੍ਸ਼ਭ ॥ 13 ॥
ਪ੍ਰਵਿਸ਼ਂਤਮਯੋਧ੍ਯਾਂ ਮਾਂ ਨ ਕਸ਼੍ਚਿਦਭਿਨਂਦਤਿ ।
ਨਰਾ ਰਾਮਮਪਸ਼੍ਯਂਤੋ ਨਿਸ਼੍ਸ਼੍ਵਸਂਤਿ ਮੁਹੁਰ੍ਮੁਹੁਃ ॥ 14 ॥
ਦੇਵ ਰਾਜਰਥਂ ਦ੍ਰੁਰੁਇਸ਼੍ਟ੍ਵਾ ਵਿਨਾ ਰਾਮਮਿਹਾਗਤਮ੍ ।
ਦੁਃਖਾਦਸ਼੍ਰੁਮੁਖਸ੍ਸਰ੍ਵੋ ਰਾਜਮਾਰ੍ਗਗਤੋ ਜਨਃ ॥ 15 ॥
ਹਰ੍ਮ੍ਯੈਰ੍ਵਿਮਾਨੈਃ ਪ੍ਰਾਸਾਦੈਰਵੇਕ੍ਸ਼੍ਯਰਥਮਾਗਤਮ੍ ।
ਹਾਹਾਕਾਰਕ੍ਰੁਰੁਇਤਾਨਾਰ੍ਯੋ ਰਾਮਾਦਰ੍ਸ਼ਨਕਰ੍ਸ਼ਿਤਾਃ ॥ 16 ॥
ਆਯਤੈਰ੍ਵਿਮਲੈਰ੍ਨੇਤ੍ਰੈਰਸ਼੍ਰੁਵੇਗਪਰਿਪ੍ਲੁਤੈਃ ।
ਅਨ੍ਯੋਨ੍ਯਮਭਿਵੀਕ੍ਸ਼ਂਤੇਵ੍ਯਕ੍ਤਮਾਰ੍ਤਤਰਾਃ ਸ੍ਤ੍ਰਿਯਃ ॥ 17 ॥
ਨਾਮਿਤ੍ਰਾਣਾਂ ਨ ਮਿਤ੍ਰਾਣਾਮੁਦਾਸੀਨਜਨਸ੍ਯ ਚ ।
ਅਹਮਾਰ੍ਤਤਯਾ ਕਿਂਚਿਦ੍ਵਿਸ਼ੇਸ਼ਮੁਪਲਕ੍ਸ਼ਯੇ ॥ 18 ॥
ਅਪ੍ਰਹ੍ਰੁਰੁਇਸ਼੍ਟਮਨੁਸ਼੍ਯਾ ਚ ਦੀਨਨਾਗਤੁਰਂਗਮਾ ।
ਆਰ੍ਤਸ੍ਵਰਪਰਿਮ੍ਲਾਨਾ ਵਿਨਿਸ਼੍ਸ਼੍ਵਸਿਤਨਿਸ੍ਸ੍ਵਨਾ ॥ 19 ॥
ਨਿਰਾਨਂਦਾ ਮਹਾਰਾਜ ਰਾਮਪ੍ਰਵ੍ਰਾਜਨਾਤੁਰਾ ।
ਕੌਸਲ੍ਯਾ ਪੁਤ੍ਰਹੀਨੇਵ ਅਯੋਧ੍ਯਾ ਪ੍ਰਤਿਭਾਤਿ ਮਾ ॥ 20 ॥
ਸੂਤਸ੍ਯ ਵਚਨਂ ਸ਼੍ਰੁਤ੍ਵਾ ਵਾਚਾ ਪਰਮਦੀਨਯਾ ।
ਬਾਸ਼੍ਪੋਪਹਤਯਾ ਰਾਜਾ ਤਂ ਸੂਤਮਿਦਮਬ੍ਰਵੀਤ੍ ॥ 21 ॥
ਕੈਕੇਯ੍ਯਾ ਵਿਨਿਯੁਕ੍ਤੇਨ ਪਾਪਾਭਿਜਨਭਾਵਯਾ ।
ਮਯਾ ਨ ਮਂਤ੍ਰਕੁਸ਼ਲੈਰ੍ਵ੍ਰੁਰੁਇਦ੍ਧੈਸ੍ਸਹ ਸਮਰ੍ਥਿਤਮ੍ ॥ 22 ॥
ਨ ਸੁਹ੍ਰੁਰੁਇਦ੍ਭਿਰ੍ਨਚਾਮਾਤ੍ਯੈਰ੍ਮਂਤ੍ਰਯਿਤ੍ਵਾ ਨ ਨੈਗਮੈਃ ।
ਮਯਾਯਮਰ੍ਥਸ੍ਸਮ੍ਮੋਹਾਤ੍ ਸ੍ਤ੍ਰੀਹੇਤੋ ਸ੍ਸਹਸਾ ਕ੍ਰੁਰੁਇਤਃ ॥ 23 ॥
ਭਵਿਤਵ੍ਯਤਯਾ ਨੂਨਮਿਦਂ ਵਾ ਵ੍ਯਸਨਂ ਮਹਤ੍ ।
ਕੁਲਸ੍ਯਾਸ੍ਯ ਵਿਨਾਸ਼ਾਯ ਪ੍ਰਾਪ੍ਤਂ ਸੂਤ ਯਦ੍ਰੁਰੁਇਚ੍ਛਯਾ ॥ 24 ॥
ਸੂਤ ਯਦ੍ਯਸ੍ਤਿ ਤੇ ਕਿਂਚਿਨ੍ਮਯਾ ਤੁ ਸੁਕ੍ਰੁਰੁਇਤਂ ਕ੍ਰੁਰੁਇਤਮ੍ ।
ਤ੍ਵਂ ਪ੍ਰਾਪਯਾਸ਼ੁ ਮਾਂ ਰਾਮਂ ਪ੍ਰਾਣਾਸ੍ਸਂਤ੍ਵਰਯਂਤਿਮਾਮ੍ ॥ 25 ॥
ਯਦ੍ਯਦ੍ਯਾਪਿ ਮਮੈਵਾਜ੍ਞਾ ਨਿਵਰ੍ਤਯਤੁ ਰਾਘਵਮ੍ ।
ਨ ਸ਼ਕ੍ਸ਼੍ਯਾਮਿ ਵਿਨਾ ਰਾਮਂ ਮੁਹੂਰ੍ਤਮਪਿ ਜੀਵਿਤੁਮ੍ ॥ 26 ॥
ਵ੍ਰੁਰੁਇਤ੍ਤਦਂਸ਼੍ਟ੍ਰੋ ਮਹੇਸ਼੍ਵਾਸਃ ਕ੍ਵਾਸੌ ਲਕ੍ਸ਼੍ਮਣਪੂਰ੍ਵਜਃ ।
ਯਦਿ ਜੀਵਾਮਿ ਸਾਧ੍ਵੇਨਂ ਪਸ਼੍ਯੇਯਂ ਸੀਤਯਾ ਸਹ ॥ 27 ॥
ਲੋਹਿਤਾਕ੍ਸ਼ਂ ਮਹਾਬਾਹੁਮਾਮੁਕ੍ਤਮਣਿਕੁਂਡਲਮ੍ ।
ਰਾਮਂ ਯਦਿ ਨ ਪਸ਼੍ਯੇਯਂ ਗਮਿਸ਼੍ਯਾਮਿ ਯਮਕ੍ਸ਼ਯਮ੍ ॥ 28 ॥
ਅਤੋ ਨੁ ਕਿਂ ਦੁਃਖਤਰਂ ਸੋਹਮਿਕ੍ਸ਼੍ਵਾਕੁਨਂਦਨਮ੍ ।
ਇਮਾਮਵਸ੍ਥਾਮਾਪਨ੍ਨੋ ਨੇਹ ਪਸ਼੍ਯਾਮਿ ਰਾਘਵਮ੍ ॥ 29 ॥
ਹਾ ਰਾਮ ਰਾਮਾਨੁਜ ਹਾ ਹਾ ਵੈਦੇਹਿ ਤਪਸ੍ਵਿਨਿ ।
ਨ ਮਾਂ ਜਾਨੀਤ ਦੁਃਖੇਨ ਮ੍ਰਿਯਮਾਣਤਮਨਾਥਵਤ੍ ॥ 30 ॥
ਸ ਤੇਨ ਰਾਜਾ ਦੁਃਖੇਨ ਭ੍ਰੁਰੁਇਸ਼ਮਰ੍ਪਿਤਚੇਤਨਃ ।
ਅਵਗਾਢਸ੍ਸੁਦੁਸ਼੍ਪਾਰਂ ਸ਼ੋਕਸਾਗਰਮਬ੍ਰਵੀਤ੍ ॥ 31 ॥
ਰਾਮਸ਼ੋਕਮਹਾਭੋਗਸ੍ਸੀਤਾਵਿਰਹਪਾਰਗਃ ।
ਸ਼੍ਵਸਿਤੋਰ੍ਮਿ ਮਹਾਵਰ੍ਤੋ ਬਾਸ਼੍ਪਫੇਨਜਾਲਾਵਿਲਃ ॥ 32 ॥
ਬਾਹੁਵਿਕ੍ਸ਼ੇਪਮੀਨੌਘੋ ਵਿਕ੍ਰਂਦਿਤ ਮਹਾਸ੍ਵਨਃ ।
ਪ੍ਰਕੀਰ੍ਣਕੇਸ਼ਸ਼ੈਵਾਲਃ ਕੈਕੇਯੀਬਡਬਾਮੁਖਃ ॥ 33 ॥
ਮਮਾਸ਼੍ਰੁਵੇਗਪ੍ਰਭਵਃ ਕੁਬ੍ਜਾਵਾਕ੍ਯਮਹਾਗ੍ਰਹਃ ।
ਵਰਵੇਲੋ ਨ੍ਰੁਰੁਇਸ਼ਂਸਾਯਾ ਰਾਮਪ੍ਰਵ੍ਰਾਜਨਾਯਤਃ ॥ 34 ॥
ਯਸ੍ਮਿਨ੍ਬਤ ਨਿਮਗ੍ਨੋਹਂ ਕੌਸਲ੍ਯੇ ਰਾਘਵਂ ਵਿਨਾ ।
ਦੁਸ੍ਤਰੋ ਜੀਵਤਾ ਦੇਵਿ ਮਯਾਯਂ ਸ਼ੋਕਸਾਗਰਃ ॥ 35 ॥
ਅਸ਼ੋਭਨਂ ਯੋਹਮਿਹਾਦ੍ਯ ਰਾਘਵਂ ਦਿਦ੍ਰੁਰੁਇਕ੍ਸ਼ਮਾਣੋ ਨ ਲਭੇ ਸਲਕ੍ਸ਼੍ਮਣਮ੍ ।
ਇਤੀਵ ਰਾਜਾ ਵਿਲਪਨ੍ਮਹਾਯਸ਼ਾਃ ਪਪਾਤ ਤੂਰ੍ਣਂ ਸ਼ਯਨੇ ਸਮੂਰ੍ਛਿਤਃ ॥ 36 ॥
ਇਤਿ ਵਿਲਪਤਿ ਪਾਰ੍ਥਿਵੇ ਪ੍ਰਣਸ਼੍ਟੇ ਕਰੁਣਤਰਂ ਦ੍ਵਿਗੁਣਂ ਚ ਰਾਮਹੇਤੋਃ ।
ਵਚਨਮਨੁਨਿਸ਼ਮ੍ਯ ਤਸ੍ਯ ਦੇਵੀ ਭਯਮਗਮਤ੍ਪੁਨਰੇਵ ਰਾਮਮਾਤਾ ॥ 37 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਅਯੋਧ੍ਯਾਕਾਂਡੇ ਏਕੋਨਸ਼ਸ਼੍ਟਿਤਮਸ੍ਸਰ੍ਗਃ ॥
