ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਅਰਣ੍ਯਕਾਂਡਮ੍ ।
ਅਥ ਏਕੋਨਪਂਚਾਸ਼ਸ੍ਸਰ੍ਗਃ ।
ਸੀਤਾਯਾ ਵਚਨਂ ਸ਼੍ਰੁਤ੍ਵਾ ਦਸ਼ਗ੍ਰੀਵਃ ਪ੍ਰਤਾਪਵਾਮ੍ ।
ਹਸ੍ਤੇ ਹਸ੍ਤਂ ਸਮਾਹਤ੍ਯ ਚਕਾਰ ਸੁਮਹਦ੍ਵਪੁਃ ॥ 1 ॥
ਸ ਮੈਥਿਲੀਂ ਪੁਨਰ੍ਵਾਕ੍ਯਂ ਬਭਾਸ਼ੇ ਚ ਤਤੋ ਭ੍ਰੁਰੁਇਸ਼ਮ੍ ।
ਨੋਨ੍ਮਤ੍ਤਯਾ ਸ਼੍ਰੁਤੌ ਮਨ੍ਯੇ ਮਮ ਵੀਰ੍ਯਪਰਾਕ੍ਰਮੌ ॥ 2 ॥
ਉਦ੍ਵਹੇਯਂ ਭੁਜਾਭ੍ਯਾਂ ਤੁ ਮੇਦਿਨੀਮਂਬਰੇ ਸ੍ਥਿਤਃ ।
ਆਪਿਬੇਯਂ ਸਮੁਦ੍ਰਂ ਚ ਹਨ੍ਯਾਂ ਮ੍ਰੁਰੁਇਤ੍ਯੁਂ ਰਣੇ ਸ੍ਥਿਤਃ ॥ 3 ॥
ਅਰ੍ਕਂ ਤੁਂਦ੍ਯਾਂ ਸ਼ਰੈਃ ਤੀਕ੍ਸ਼੍ਣੈਰ੍ ਵਿਭਿਂਦ੍ਯਾਂ ਹਿ ਮਹੀਤਲਮ੍ ।
ਕਾਮ ਰੂਪਿਣਂ ਉਨ੍ਮਤ੍ਤੇ ਪਸ਼੍ਯ ਮਾਂ ਕਾਮਦਂ ਪਤਿਮ੍ ॥ 4 ॥
ਏਵਮੁਕ੍ਤਵਤਸ੍ਤਸ੍ਯ ਸੂਰ੍ਯਕਲ੍ਪੇ ਸ਼ਿਖਿਪ੍ਰਭੇ ।
ਕ੍ਰੁਦ੍ਧਸ੍ਯ ਹਰਿਪਰ੍ਯਂਤੇ ਰਕ੍ਤੇ ਨੇਤ੍ਰੇ ਬਭੂਵਤੁਃ ॥ 5 ॥
ਸਦ੍ਯਸ੍ਸੌਮ੍ਯਂ ਪਰਿਤ੍ਯਜ੍ਯ ਭਿਕ੍ਸ਼ੁਰੂਪਂ ਸ ਰਾਵਣਃ ।
ਸ੍ਵਂ ਰੂਪਂ ਕਾਲਰੂਪਾਭਂ ਭੇਜੇ ਵੈਸ਼੍ਰਵਣਾਨੁਜਃ ॥ 6 ॥
ਸਂਰਕ੍ਤਨਯਨਸ਼੍ਸ਼੍ਰੀਮਾਂਸ੍ਤਪ੍ਤਕਾਂਚਨਭੂਸ਼ਣਃ ।
ਕ੍ਰੋਧੇਨ ਮਹਤਾਵਿਸ਼੍ਟੋ ਨੀਲਜੀਮੂਤਸਨ੍ਨਿਭਃ ॥ 7 ॥
ਦਸ਼ਾਸ੍ਯਃ ਕਾਰ੍ਮੁਕੀ ਬਾਣੀ ਬਭੂਵ ਕ੍ਸ਼ਣਦਾਚਰਃ ।
ਸ ਪਰਿਵ੍ਰਾਜਕਚ੍ਛਦ੍ਮ ਮਹਾਕਾਯੋ ਵਿਹਾਯ ਤਤ੍ ॥ 8 ॥
ਪ੍ਰਤਿਪਦ੍ਯ ਸ੍ਵਕਂ ਰੂਪਂ ਰਾਵਣੋ ਰਾਕ੍ਸ਼ਸਾਧਿਪਃ ।
ਸਂਰਕ੍ਤਨਯਨਃ ਕ੍ਰੋਧਾਜ੍ਜੀਮੂਤਨਿਚਯਪ੍ਰਭਃ ॥ 9 ॥
ਰਕ੍ਤਾਂਬਰਧਰਸ੍ਤਸ੍ਥੌ ਸ੍ਤ੍ਰੀਰਤ੍ਨਂ ਪ੍ਰੇਕ੍ਸ਼੍ਯ ਮੈਥਿਲੀਮ੍ ।
ਸ ਤਾਮਸਿਤਕੇਸ਼ਾਂਤਾਂ ਭਾਸ੍ਕਰਸ੍ਯ ਪ੍ਰਭਾਮਿਵ ॥ 10 ॥
ਵਸਨਾਭਰਣੋਪੇਤਾਂ ਮੈਥਿਲੀਂ ਰਾਵਣੋਬ੍ਰਵੀਤ੍ ।
ਤ੍ਰਿਸ਼ੁ ਲੋਕੇਸ਼ੁ ਵਿਖ੍ਯਾਤਂ ਯਦਿ ਭਰ੍ਤਾਰਮਿਚ੍ਛਸਿ ॥ 11 ॥
ਮਾਮਾਸ਼੍ਰਯ ਵਰਾਰੋਹੇ ਤਵਾਹਂ ਸਦ੍ਰੁਰੁਇਸ਼ਃ ਪਤਿਃ ।
ਮਾਂ ਭਜਸ੍ਵ ਚਿਰਾਯ ਤ੍ਵਮਹਂ ਸ਼੍ਲਾਘ੍ਯਃ ਪ੍ਰਿਯਸ੍ਤਵ ॥ 12 ॥
ਨੈਵ ਚਾਹਂ ਕ੍ਵਚਿਦ੍ਭਦ੍ਰੇ ਕਰਿਸ਼੍ਯੇ ਤਵ ਵਿਪ੍ਰਿਯਮ੍ ।
ਤ੍ਯਜ੍ਯਤਾਂ ਮਾਨੁਸ਼ੇ ਭਾਵੋ ਮਯਿ ਭਾਵਃ ਪ੍ਰਣੀਯਤਾਮ੍ ॥ 13 ॥
ਰਾਜ੍ਯਾਚ੍ਚ੍ਯੁਤਮਸਿਦ੍ਧਾਰ੍ਥਂ ਰਾਮਂ ਪਰਿਮਿਤਾਯੁਸ਼ਮ੍ ।
ਕੈਰ੍ਗੁਣੈਰਨੁਰਕ੍ਤਾਸਿ ਮੂਢੇ ਪਂਡਿਤਮਾਨਿਨਿ ॥ 14 ॥
ਯਃ ਸ੍ਤ੍ਰਿਯਾ ਵਚਨਾਦ੍ਰਾਜ੍ਯਂ ਵਿਹਾਯ ਸਸੁਹ੍ਰੁਰੁਇਜ੍ਜਨਮ੍ ।
ਅਸ੍ਮਿਨ੍ਵ੍ਯਾਲਾਨੁਚਰਿਤੇ ਵਨੇ ਵਸਤਿ ਦੁਰ੍ਮਤਿਃ ॥ 15 ॥
ਇਤ੍ਯੁਕ੍ਤ੍ਵਾ ਮੈਥਿਲੀਂ ਵਾਕ੍ਯਂ ਪ੍ਰਿਯਾਰ੍ਹਾਂ ਪ੍ਰਿਯਵਾਦਿਨੀਮ੍ ।
ਅਭਿਗਮ੍ਯ ਸੁਦੁਸ਼੍ਟਾਤ੍ਮਾ ਰਾਕ੍ਸ਼ਸਃ ਕਾਮਮੋਹਿਤਃ ॥ 16 ॥
ਜਗ੍ਰਾਹ ਰਾਵਣਸ੍ਸੀਤਾਂ ਬੁਧਃ ਖੇ ਰੋਹਿਣੀਮਿਵ ।
ਵਾਮੇਨ ਸੀਤਾਂ ਪਦ੍ਮਾਕ੍ਸ਼ੀਂ ਮੂਰ੍ਧਜੇਸ਼ੁ ਕਰੇਣ ਸਃ ॥ 17 ॥
ਊਰ੍ਵੋਸ੍ਤੁ ਦਕ੍ਸ਼ਿਣੇਨੈਵ ਪਰਿਜਗ੍ਰਾਹ ਪਾਣਿਨਾ ।
ਤਂ ਦ੍ਰੁਰੁਇਸ਼੍ਟ੍ਵਾ ਮ੍ਰੁਰੁਇਤ੍ਯੁਸਂਕਾਸ਼ਂ ਤੀਕ੍ਸ਼੍ਣਦਂਸ਼੍ਟ੍ਰਂ ਮਹਾਭੁਜਮ੍ ॥ 18 ॥
ਪ੍ਰਾਦ੍ਰਵਨ੍ਗਿਰਿਸਂਕਾਸ਼ਂ ਭਯਾਰ੍ਤਾ ਵਨਦੇਵਤਾਃ ।
ਸ ਚ ਮਾਯਾਮਯੋ ਦਿਵ੍ਯਃ ਖਰਯੁਕ੍ਤਃ ਖਰਸ੍ਵਨਃ ॥ 19 ॥
ਪ੍ਰਤ੍ਯਦ੍ਰੁਰੁਇਸ਼੍ਯਤ ਹੇਮਾਂਗੋ ਰਾਵਣਸ੍ਯ ਮਹਾਰਥਃ ।
ਤਤਸ੍ਤਾਂ ਪਰੁਸ਼ੈਰ੍ਵਾਕ੍ਯੈਰ੍ਭਰ੍ਤ੍ਸਯਨ੍ਸ ਮਹਾਸ੍ਵਨਃ ॥ 20 ॥
ਅਂਕੇਨਾਦਾਯ ਵੈਦੇਹੀਂ ਰਥਮਾਰੋਪਯਤ੍ਤਦਾ ।
ਸਾ ਗ੍ਰੁਰੁਇਹੀਤਾ ਵਿਚੁਕ੍ਰੋਸ਼ ਰਾਵਣੇਨ ਯਸ਼ਸ੍ਸ੍ਵਿਨੀ ॥ 21 ॥
ਰਾਮੇਤਿ ਸੀਤਾ ਦੁਃਖਾਰ੍ਤਾ ਰਾਮਂ ਦੂਰਗਤਂਵਨੇ ।
ਤਾਮਕਾਮਾਂ ਸ ਕਾਮਾਰ੍ਤਃ ਪਨ੍ਨਗੇਂਦ੍ਰਵਧੂਮਿਵ ॥ 22 ॥
ਵਿਵੇਸ਼੍ਟਮਾਨਾਮਾਦਾਯ ਉਤ੍ਪਪਾਤਾਥ ਰਾਵਣਃ ।
ਤਤਸ੍ਸਾ ਰਾਕ੍ਸ਼ਸੇਂਦ੍ਰੇਣ ਹ੍ਰਿਯਮਾਣਾ ਵਿਹਾਯਸਾ ॥ 23 ॥
ਭ੍ਰੁਰੁਇਸ਼ਂ ਚੁਕ੍ਰੋਸ਼ ਮਤ੍ਤੇਵ ਭ੍ਰਾਂਤਚਿਤ੍ਤਾ ਯਥਾਤੁਰਾ ।
ਹਾ ਲਕ੍ਸ਼੍ਮਣ ਮਹਾਬਾਹੋ ਗੁਰੁਚਿਤ੍ਤਪ੍ਰਸਾਦਕ ॥ 24 ॥
ਹ੍ਰਿਯਮਾਣਾਂ ਨ ਜਾਨੀਸ਼ੇ ਰਕ੍ਸ਼ਸਾ ਮਾਮਮਰ੍ਸ਼ਿਣਾ ।
ਜੀਵਿਤਂ ਸੁਖਮਰ੍ਥਾਂਸ਼੍ਚ ਧਰ੍ਮਹੇਤੋਃ ਪਰਿਤ੍ਯਜਨ੍ ॥ 25 ॥
ਹ੍ਰਿਯਮਾਣਾਮਧਰ੍ਮੇਣ ਮਾਂ ਰਾਘਵ ਨ ਪਸ਼੍ਯਸਿ ।
ਨਨੁ ਨਾਮਾਵਿਨੀਤਾਨਾਂ ਵਿਨੇਤਾਸਿ ਪਰਂਤਪ ॥ 26 ॥
ਕਥਮੇਵਂਵਿਧਂ ਪਾਪਂ ਨ ਤ੍ਵਂ ਸ਼ਾਸਿ ਹਿ ਰਾਵਣਮ੍ ।
ਨਨੁ ਸਦ੍ਯੋਵਿਨੀਤਸ੍ਯ ਦ੍ਰੁਰੁਇਸ਼੍ਯਤੇ ਕਰ੍ਮਣਃਫਲਮ੍ ॥ 27 ॥
ਕਾਲੋਪ੍ਯਂਗੀਭਵਤ੍ਯਤ੍ਰ ਸਸ੍ਯਾਨਾਮਿਵ ਪਕ੍ਤਯੇ ।
ਤ੍ਵਂ ਕਰ੍ਮ ਕ੍ਰੁਰੁਇਤਵਾਨੇਤਤ੍ਕਾਲੋਪਹਤਚੇਤਨਃ ॥ 28 ॥
ਜੀਵਿਤਾਂਤਕਰਂ ਘੋਰਂ ਰਾਮਾਦ੍ਵ੍ਯਸਨਮਾਪ੍ਨੁਹਿ ।
ਹਂਤੇਦਾਨੀਂ ਸਕਾਮਾਸ੍ਤੁ ਕੈਕੇਯੀ ਸਹ ਬਾਂਧਵੈਃ ॥ 29 ॥
ਹ੍ਰਿਯੇ ਯਦ੍ਧਰ੍ਮਕਾਮਸ੍ਯ ਧਰ੍ਮਪਤ੍ਨੀ ਯਸ਼ਸ੍ਵਿਨਃ ।
ਆਮਂਤ੍ਰਯੇ ਜਨਸ੍ਥਾਨੇ ਕਰ੍ਣਿਕਾਰਾਨ੍ਸੁਪੁਸ਼੍ਪਿਤਾਨ੍ ॥ 30 ॥
ਕ੍ਸ਼ਿਪ੍ਰਂ ਰਾਮਾਯ ਸ਼ਂਸਧ੍ਵਂ ਸੀਤਾਂ ਹਰਤਿ ਰਾਵਣਃ ।
ਮਾਲ੍ਯਵਂਤਂ ਸ਼ਿਖਰਿਣਂ ਵਂਦੇ ਪ੍ਰਸ੍ਰਵਣਂ ਗਿਰਿਮ੍ ॥ 31 ॥
ਕ੍ਸ਼ਿਪ੍ਰਂ ਰਾਮਾਯ ਸ਼ਂਸ ਤ੍ਵਂ ਸੀਤਾਂ ਹਰਤਿ ਰਾਵਣਃ ।
ਹਂਸਕਾਰਂਡਵਾਕੀਰ੍ਣਾਂ ਵਂਦੇ ਗੋਦਾਵਰੀਂ ਨਦੀਮ੍ ॥ 32 ॥
ਕ੍ਸ਼ਿਪ੍ਰਂ ਰਾਮਾਯ ਸ਼ਂਸ ਤ੍ਵਂ ਸੀਤਾਂ ਹਰਤਿ ਰਾਵਣਃ ।
ਦੈਵਤਾਨਿ ਚ ਯਾਨ੍ਯਸ੍ਮਿਨ੍ਵਨੇ ਵਿਵਿਧਪਾਦਪੇ ॥ 33 ॥
ਨਮਸ੍ਕਰੋਮ੍ਯਹਂ ਤੇਭ੍ਯੋਭਰ੍ਤੁਸ਼੍ਸ਼ਂਸਤ ਮਾਂ ਹ੍ਰੁਰੁਇਤਾਮ੍ ।
ਯਾਨਿ ਕਾਨਿ ਚਿਦਪ੍ਯਤ੍ਰ ਸਤ੍ਤ੍ਵਾਨਿ ਨਿਵਸਂਤ੍ਯੁਤ ॥ 34 ॥
ਸਰ੍ਵਾਣਿ ਸ਼ਰਣਂ ਯਾਮਿ ਮ੍ਰੁਰੁਇਗਪਕ੍ਸ਼ਿਗਣਾਨਪਿ ।
ਹ੍ਰਿਯਮਾਣਾਂ ਪ੍ਰਿਯਾਂ ਭਰ੍ਤੁਃ ਪ੍ਰਾਣੇਭ੍ਯੋਪਿ ਗਰੀਯਸੀਮ੍ ॥ 35 ॥
ਵਿਵਸ਼ਾਪਹ੍ਰੁਰੁਇਤਾ ਸੀਤਾ ਰਾਵਣੇਨੇਤਿ ਸ਼ਂਸਤ ।
ਵਿਦਿਤ੍ਵਾ ਮਾਂ ਮਹਾਬਾਹੁਰਮੁਤ੍ਰਾਪਿ ਮਹਾਬਲਃ ॥ 36 ॥
ਆਨੇਸ਼੍ਯਤਿ ਪਰਾਕ੍ਰਮ੍ਯ ਵੈਵਸ੍ਵਤਹ੍ਰੁਰੁਇਤਾਮਪਿ ।
ਸਾ ਤਦਾ ਕਰੁਣਾ ਵਾਚੋ ਵਿਲਪਂਤੀ ਸੁਦੁਃਖਿਤਾ ॥ 37 ॥
ਵਨਸ੍ਪਤਿਗਤਂ ਗ੍ਰੁਰੁਇਧ੍ਰਂ ਦਦਰ੍ਸ਼ਾਯਤਲੋਚਨਾ ।
ਸਾ ਤਮੁਦ੍ਵੀਕ੍ਸ਼੍ਯ ਸੁਸ਼੍ਰੋਣੀ ਰਾਵਣਸ੍ਯ ਵਸ਼ਂ ਗਤਾ ॥ 38 ॥
ਸਮਾਕ੍ਰਂਦਦ੍ਭਯਪਰਾ ਦੁਃਖੋਪਹਤਯਾ ਗਿਰਾ ।
ਜਟਾਯੋ ਪਸ਼੍ਯ ਮਾਮਦ੍ਯ ਹ੍ਰਿਯਮਾਣਾਮਨਾਥਵਤ੍ ॥ 39 ॥
ਅਨੇਨ ਰਾਕ੍ਸ਼ਸੇਂਦ੍ਰੇਣ ਕਰੁਣਂ ਪਾਪਕਰ੍ਮਣਾ ।
ਨੈਸ਼ ਵਾਰਯਿਤੁਂ ਸ਼ਕ੍ਯਸ੍ਤਵ ਕ੍ਰੂਰੋ ਨਿਸ਼ਾਚਰਃ ॥ 40 ॥
ਸਤ੍ਤ੍ਵਾਂਜਿਤਕਾਸ਼ੀ ਚ ਸਾਯੁਧਸ਼੍ਚੈਵ ਦੁਰ੍ਮਤਿਃ ।
ਰਾਮਾਯ ਤੁ ਯਥਾਤਤ੍ਤ੍ਵਂ ਜਟਾਯੋ ਹਰਣਂ ਮਮ ॥ 41 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਅਰਣ੍ਯਕਾਂਡੇ ਏਕੋਨਪਂਚਾਸ਼ਸ੍ਸਰ੍ਗਃ ॥
