ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਸੁਂਦਰਕਾਂਡਮ੍ ।
ਅਥ ਸਪ੍ਤਚਤ੍ਵਾਰਿਂਸ਼ਸ੍ਸਰ੍ਗਃ ।
ਸੇਨਾਪਤੀਨ੍ਪਂਚ ਸ ਤੁ ਪ੍ਰਮਾਪਿਤਾਨ੍ ਹਨੂਮਤਾ ਸਾਨੁਚਰਾਨ੍ਸਵਾਹਨਾਨ੍ ।
ਸਮੀਕ੍ਸ਼੍ਯ ਰਾਜਾ ਸਮਰੋਦ੍ਧਤੋਨ੍ਮੁਖਂ ਕੁਮਾਰਮਕ੍ਸ਼ਂ ਪ੍ਰਸਮੈਕ੍ਸ਼ਤਾਗ੍ਰਤਃ ॥ 1 ॥
ਸ ਤਸ੍ਯ ਦ੍ਰੁਰੁਇਸ਼੍ਟ੍ਯਰ੍ਪਣਸਂਪ੍ਰਚੋਦਿਤਃ ਪ੍ਰਤਾਪਵਾਨ੍ਕਾਂਚਨਚਿਤ੍ਰਕਾਰ੍ਮੁਕਃ ।
ਸਮੁਤ੍ਪਪਾਤਾਥ ਸਦਸ੍ਯੁਦੀਰਿਤੋ ਦ੍ਵਿਜਾਤਿਮੁਖ੍ਯੈਰ੍ਹਵਿਸ਼ੇਵ ਪਾਵਕਃ ॥ 2 ॥
ਤਤੋ ਮਹਦ੍ਬਾਲਦਿਵਾਕਰਪ੍ਰਭਂ ਪ੍ਰਤਪ੍ਤਜਾਂਬੂਨਦਜਾਲਸਂਤਤਮ੍ ।
ਰਥਂ ਸਮਾਸ੍ਥਾਯ ਯਯੌ ਸ ਵੀਰ੍ਯਵਾਨ੍ਮਹਾਹਰਿਂ ਤਂ ਪ੍ਰਤਿ ਨੈਰ੍ਰੁਰੁਇਤਰ੍ਸ਼ਭਃ ॥ 3 ॥
ਤਤਸ੍ਤਪਸ੍ਸਂਗ੍ਰਹਸਂਚਯਾਰ੍ਜਿਤਂ ਪ੍ਰਤਪ੍ਤਜਾਂਬੂਨਦਜਾਲਸ਼ੋਭਿਤਮ੍ ।
ਪਤਾਕਿਨਂ ਰਤ੍ਨਵਿਭੂਸ਼ਿਤਧ੍ਵਜਂ ਮਨੋਜਵਾਸ਼੍ਟਾਸ਼੍ਵਵਰੈਃ ਸੁਯੋਜਿਤਮ੍ ॥ 4 ॥
ਸੁਰਾਸੁਰਾਧ੍ਰੁਰੁਇਸ਼੍ਯਮਸਂਗਚਾਰਿਣਂ ਰਵਿਪ੍ਰਭਂ ਵ੍ਯੋਮਚਰਂ ਸਮਾਹਿਤਮ੍ ।
ਸਤੂਣਮਸ਼੍ਟਾਸਿਨਿਬਦ੍ਧਬਂਧੁਰਂ ਯਥਾਕ੍ਰਮਾਵੇਸ਼ਿਤਸ਼ਕ੍ਤਿਤੋਮਰਮ੍ ॥ 5 ॥
ਵਿਰਾਜਮਾਨਂ ਪ੍ਰਤਿਪੂਰ੍ਣਵਸ੍ਤੁਨਾ ਸਹੇਮਦਾਮ੍ਨਾ ਸ਼ਸ਼ਿਸੂਰ੍ਯਵਰ੍ਚਸਾ ।
ਦਿਵਾਕਰਾਭਂ ਰਥਮਾਸ੍ਥਿਤਸ੍ਤਤਸ੍ਸ ਨਿਰ੍ਜਗਾਮਾਮਰਤੁਲ੍ਯਵਿਕ੍ਰਮਃ ॥ 6 ॥
ਸ ਪੂਰਯਨ੍ਖਂ ਚ ਮਹੀਂ ਚ ਸਾਚਲਾਂ ਤੁਰਂਗਮਾਤਂਗਮਹਾਰਥਸ੍ਵਨੈਃ ।
ਬਲੈਸ੍ਸਮੇਤੈਸ੍ਸਹਿ ਤੋਰਣਸ੍ਥਿਤਂ ਸਮਰ੍ਥਮਾਸੀਨਮੁਪਾਗਮਤ੍ਕਪਿਮ੍ ॥ 7 ॥
ਸ ਤਂ ਸਮਾਸਾਦ੍ਯ ਹਰਿਂ ਹਰੀਕ੍ਸ਼ਣੋ ਯੁਗਾਂਤਕਾਲਾਗ੍ਨਿਮਿਵ ਪ੍ਰਜਾਕ੍ਸ਼ਯੇ ।
ਅਵਸ੍ਥਿਤਂ ਵਿਸ੍ਮਿਤਜਾਤਸਂਭ੍ਰਮ ਸ੍ਸਮੈਕ੍ਸ਼ਤਾਕ੍ਸ਼ੋ ਬਹੁਮਾਨਚਕ੍ਸ਼ੁਸ਼ਾ ॥ 8 ॥
ਸ ਤਸ੍ਯ ਵੇਗਂ ਚ ਕਪੇਰ੍ਮਹਾਤ੍ਮਨਃ ਪਰਾਕ੍ਰਮਂ ਚਾਰਿਸ਼ੁ ਪਾਰ੍ਥਿਵਾਤ੍ਮਜਃ ।
ਵਿਚਾਰਯਨ੍ਸ੍ਵਂ ਚ ਬਲਂ ਮਹਾਬਲੋ ਹਿਮਕ੍ਸ਼ਯੇ ਸੂਰ੍ਯ ਇਵਾਭਿਵਰ੍ਧਤੇ ॥ 9 ॥
ਸ ਜਾਤਮਨ੍ਯੁਃ ਪ੍ਰਸਮੀਕ੍ਸ਼੍ਯ ਵਿਕ੍ਰਮਂ ਸ੍ਥਿਰਂ ਸ੍ਥਿਰਸ੍ਸਮ੍ਯਤਿ ਦੁਰ੍ਨਿਵਾਰਣਮ੍ ।
ਸਮਾਹਿਤਾਤ੍ਮਾ ਹਨੁਮਂਤਮਾਹਵੇ ਪ੍ਰਚੋਦਯਾਮਾਸ ਸ਼ਰੈਸ੍ਤ੍ਰਿਭਿ ਸ਼੍ਸ਼ਿਤੈਃ ॥ 10 ॥
ਤਤਃ ਕਪਿਂ ਤਂ ਪ੍ਰਸਮੀਕ੍ਸ਼੍ਯ ਗਰ੍ਵਿਤਂ ਜਿਤਸ਼੍ਰਮਂ ਸ਼ਤ੍ਰੁਪਰਾਜਯੋਰ੍ਜਿਤਮ੍ ।
ਅਵੈਕ੍ਸ਼ਤਾਕ੍ਸ਼ਸ੍ਸਮੁਦੀਰ੍ਣਮਾਨਸਸ੍ਸਬਾਣਪਾਣਿਃ ਪ੍ਰਗ੍ਰੁਰੁਇਹੀਤਕਾਰ੍ਮੁਕਃ ॥ 11 ॥
ਸ ਹੇਮਨਿਸ਼੍ਕਾਂਗਦਚਾਰੁਕੁਂਡਲ ਸ੍ਸਮਾਸਸਾਦਾਸ਼ੁਪਰਾਕ੍ਰਮਃ ਕਪਿਮ੍ ।
ਤਯੋਰ੍ਬਭੂਵਾਪ੍ਰਤਿਮਸ੍ਸਮਾਗਮ ਸ੍ਸੁਰਾਸੁਰਾਣਾਮਪਿ ਸਂਭ੍ਰਮਪ੍ਰਦਃ ॥ 12 ॥
ਰਰਾਸ ਭੂਮਿਰ੍ਨ ਤਤਾਪ ਭਾਨੁਮਾ ਨ੍ਵਨੌ ਨ ਵਾਯੁਃ ਪ੍ਰਚਾਚਲ ਚਾਚਲਃ ।
ਕਪੇਃ ਕੁਮਾਰਸ੍ਯ ਚ ਵੀਕ੍ਸ਼੍ਯ ਸਂਯੁਗਂ ਨਨਾਦ ਚ ਦ੍ਯੌਰੁਦਧਿਸ਼੍ਚ ਚੁਕ੍ਸ਼ੁਭੇ ॥ 13 ॥
ਤਤਸ੍ਸ ਵੀਰਸ੍ਸੁਮੁਖਾਨ੍ ਪਤਤ੍ਰਿਣਸ੍ਸੁਵਰ੍ਣਪੁਂਖਾਨ੍ਸਵਿਸ਼ਾਨਿਵੋਰਗਾਨ੍ ।
ਸਮਾਧਿਸਮ੍ਯੋਗਵਿਮੋਕ੍ਸ਼ਤਤ੍ਤ੍ਵਵਿਚ੍ਛਰਾਨਥ ਤ੍ਰੀਨ੍ਕਪਿਮੂਰ੍ਧ੍ਨ੍ਯਪਾਤਯਤ੍ ॥ 14 ॥
ਸ ਤੈ ਸ਼੍ਸ਼ਰੈਰ੍ਮੂਰ੍ਧ੍ਨਿ ਸਮਂ ਨਿਪਾਤਿਤੈਃ ਕ੍ਸ਼ਰਨ੍ਨਸ੍ਰੁਰੁਇਗ੍ਦਿਗ੍ਧਵਿਵ੍ਰੁਰੁਇਤ੍ਤਲੋਚਨਃ ।
ਨਵੋਦਿਤਾਦਿਤ੍ਯਨਿਭ ਸ਼੍ਸ਼ਰਾਂਸ਼ੁਮਾਨ੍ ਵ੍ਯਰਾਜਤਾਦਿਤ੍ਯ ਇਵਾਂਸ਼ੁਮਾਲਿਕਃ ॥ 15 ॥
ਤਤਸ੍ਸ ਪਿਂਗਾਧਿਪਮਂਤ੍ਰਿਸਤ੍ਤਮਃ ਸਮੀਕ੍ਸ਼੍ਯ ਤਂ ਰਾਜਵਰਾਤ੍ਮਜਂ ਰਣੇ ।
ਉਦਗ੍ਰਚਿਤ੍ਰਾਯੁਧਚਿਤ੍ਰਕਾਰ੍ਮੁਕਂ ਜਹਰ੍ਸ਼ ਚਾਪੂਰ੍ਯਤ ਚਾਹਵੋਨ੍ਮੁਖਃ ॥ 16 ॥
ਸ ਮਂਦਰਾਗ੍ਰਸ੍ਥ ਇਵਾਂਸ਼ੁਮਾਲਿਕੋ ਵਿਵ੍ਰੁਰੁਇਦ੍ਧਕੋਪੋ ਬਲਵੀਰ੍ਯਸਂਯੁਤਃ ।
ਕੁਮਾਰਮਕ੍ਸ਼ਂ ਸਬਲਂ ਸਵਾਹਨਂ ਦਦਾਹ ਨੇਤ੍ਰਾਗ੍ਨਿਮਰੀਚਿਭਿਸ੍ਤਦਾ ॥ 17 ॥
ਤਤਸ੍ਸ ਬਾਣਾਸਨਚਿਤ੍ਰਕਾਰ੍ਮੁਕ ਸ਼੍ਸ਼ਰਪ੍ਰਵਰ੍ਸ਼ੋ ਯੁਧਿ ਰਾਕ੍ਸ਼ਸਾਂਬੁਦਃ ।
ਸ਼ਰਾਨ੍ਮੁਮੋਚਾਸ਼ੁ ਹਰੀਸ਼੍ਵਰਾਚਲੇ ਵਲਾਹਕੋ ਵ੍ਰੁਰੁਇਸ਼੍ਟਿਮਿਵਾਚਲੋਤ੍ਤਮੇ ॥ 18 ॥
ਤਤਃ ਕਪਿਸ੍ਤਂ ਰਣਚਂਡਵਿਕ੍ਰਮਂ ਵਿਵ੍ਰੁਰੁਇਦ੍ਧਤੇਜੋਬਲਵੀਰ੍ਯਸਂਯੁਤਮ੍ ।
ਕੁਮਾਰਮਕ੍ਸ਼ਂ ਪ੍ਰਸਮੀਕ੍ਸ਼੍ਯ ਸਂਯੁਗੇ ਨਨਾਦ ਹਰ੍ਸ਼ਾਦ੍ ਘਨਤੁਲ੍ਯਵਿਕ੍ਰਮਮ੍ ॥ 19 ॥
ਸ ਬਾਲਭਾਵਾਦ੍ਯੁਧਿ ਵੀਰ੍ਯਦਰ੍ਪਿਤਃ ਪ੍ਰਵ੍ਰੁਰੁਇਦ੍ਧਮਨ੍ਯੁਃ ਕ੍ਸ਼ਤਜੋਪਮੇਕ੍ਸ਼ਣਃ ।
ਸਮਾਸਸਾਦਾਪ੍ਰਤਿਮਂ ਕਪਿਂ ਰਣੇ ਗਜੋ ਮਹਾਕੂਪਮਿਵਾਵ੍ਰੁਰੁਇਤਂ ਤ੍ਰੁਰੁਇਣੈਃ ॥ 20 ॥
ਸ ਤੇਨ ਬਾਣੈਃ ਪ੍ਰਸਭਂ ਨਿਪਾਤਿਤੈਸ਼੍ਚਕਾਰ ਨਾਦਂ ਘਨਨਾਦਨਿਸ੍ਸ੍ਵਨਃ ।
ਸਮੁਤ੍ਪਪਾਤਾਸ਼ੁ ਨਭਸ੍ਸ ਮਾਰੁਤਿਰ੍ਭੁਜੋਰੁਵਿਕ੍ਸ਼ੇਪਣਘੋਰਦਰ੍ਸ਼ਨਃ ॥ 21 ॥
ਸਮੁਤ੍ਪਤਂਤਂ ਸਮਭਿਦ੍ਰਵਦ੍ਬਲੀ ਸ ਰਾਕ੍ਸ਼ਸਾਨਾਂ ਪ੍ਰਵਰਃ ਪ੍ਰਤਾਪਵਾਨ੍ ।
ਰਥੀ ਰਥਿਸ਼੍ਰੇਸ਼੍ਠਤਮਃ ਕਿਰਨ੍ਸ਼ਰੈਃ ਪਯੋਧਰਸ਼੍ਸ਼ੈਲਮਿਵਾਸ਼੍ਮਵ੍ਰੁਰੁਇਸ਼੍ਟਿਭਿਃ ॥ 22 ॥
ਸ ਤਾਨ੍ਸ਼ਰਾਂਸ੍ਤਸ੍ਯ ਹਰਿਰ੍ਵਿਮੋਕ੍ਸ਼ਯਂਸ਼੍ਚਚਾਰ ਵੀਰਃ ਪਥਿ ਵਾਯੁਸੇਵਿਤੇ ।
ਸ਼ਰਾਂਤਰੇ ਮਾਰੁਤਵਦ੍ਵਿਨਿਸ਼੍ਪਤਨ੍ਮਨੋਜਵਸ੍ਸਂਯਤਿ ਚਂਡਵਿਕ੍ਰਮਃ ॥ 23 ॥
ਤਮਾਤ੍ਤਬਾਣਾਸਨਮਾਹਵੋਨ੍ਮੁਖਂ ਖਮਾਸ੍ਤ੍ਰੁਰੁਇਣਂਤਂ ਵਿਸ਼ਿਖੈਸ਼੍ਸ਼ਰੋਤ੍ਤਮੈਃ ।
ਅਵੈਕ੍ਸ਼ਤਾਕ੍ਸ਼ਂ ਬਹੁਮਾਨਚਕ੍ਸ਼ੁਸ਼ਾ ਜਗਾਮ ਚਿਂਤਾਂ ਚ ਸ ਮਾਰੁਤਾਤ੍ਮਜਃ ॥ 24 ॥
ਤਤਸ਼੍ਸ਼ਰੈਰ੍ਭਿਨ੍ਨਭੁਜਾਂਤਰਃ ਕਪਿਃ ਕੁਮਾਰਵੀਰੇਣ ਮਹਾਤ੍ਮਨਾ ਨਦਨ੍ ।
ਮਹਾਭੁਜਃ ਕਰ੍ਮਵਿਸ਼ੇਸ਼ਤਤ੍ਤ੍ਵਵਿ ਦ੍ਵਿਚਿਂਤਯਾਮਾਸ ਰਣੇ ਪਰਾਕ੍ਰਮਮ੍ ॥ 25 ॥
ਅਬਾਲਵਦ੍ਬਾਲਦਿਵਾਕਰਪ੍ਰਭਃ ਕਰੋਤ੍ਯਯਂ ਕਰ੍ਮ ਮਹਨ੍ਮਹਾਬਲਃ ।
ਨ ਚਾਸ੍ਯ ਸਰ੍ਵਾਹਵਕਰ੍ਮਸ਼ੋਭਿਨਃ ਪ੍ਰਮਾਪਣੇ ਮੇ ਮਤਿਰਤ੍ਰ ਜਾਯਤੇ ॥ 26 ॥
ਅਯਂ ਮਹਾਤ੍ਮਾ ਚ ਮਹਾਂਸ਼੍ਚ ਵੀਰ੍ਯਤ ਸ੍ਸਮਾਹਿਤਸ਼੍ਚਾਤਿਸਹਸ਼੍ਚ ਸਂਯੁਗੇ ।
ਅਸਂਸ਼ਯਂ ਕਰ੍ਮਗੁਣੋਦਯਾਦਯਂ ਸਨਾਗਯਕ੍ਸ਼ੈਰ੍ਮੁਨਿਭਿਸ਼੍ਚ ਪੂਜਿਤਃ ॥ 27 ॥
ਪਰਾਕ੍ਰਮੋਤ੍ਸਾਹਵਿਵ੍ਰੁਰੁਇਦ੍ਧਮਾਨਸ ਸ੍ਸਮੀਕ੍ਸ਼ਤੇ ਮਾਂ ਪ੍ਰਮੁਖਾਗ੍ਰਤਃਸ੍ਥਿਤਃ ।
ਪਰਾਕ੍ਰਮੋ ਹ੍ਯਸ੍ਯ ਮਨਾਂਸਿ ਕਂਪਯੇਤ੍ਸੁਰਾਸੁਰਾਣਾਮਪਿ ਸ਼ੀਘ੍ਰਗਾਮਿਨਃ ॥ 28 ॥
ਨ ਖਲ੍ਵਯਂ ਨਾਭਿਭਵੇਦੁਪੇਕ੍ਸ਼ਿਤਃ ਪਰਾਕ੍ਰਮੋ ਹ੍ਯਸ੍ਯ ਰਣੇ ਵਿਵਰ੍ਧਤੇ ।
ਪ੍ਰਮਾਪਣਂ ਤ੍ਵੇਵ ਮਮਾਦ੍ਯ ਰੋਚਤੇ ਨ ਵਰ੍ਧਮਾਨੋਗ੍ਨਿਰੁਪੇਕ੍ਸ਼ਿਤੁਂ ਕ੍ਸ਼ਮਃ ॥ 29 ॥
ਇਤਿ ਪ੍ਰਵੇਗਂ ਤੁ ਪਰਸ੍ਯ ਚਿਂਤਯਨ੍ਸ੍ਵਕਰ੍ਮਯੋਗਂ ਚ ਵਿਧਾਯ ਵੀਰ੍ਯਵਾਨ੍ ।
ਚਕਾਰ ਵੇਗਂ ਤੁ ਮਹਾਬਲਸ੍ਤਦਾ ਮਤਿਂ ਚ ਚਕ੍ਰੇਸ੍ਯ ਵਧੇ ਮਹਾਕਪਿਃ ॥ 30 ॥
ਸ ਤਸ੍ਯ ਤਾਨਸ਼੍ਟਹਯਾਨ੍ਮਹਾਜਵਾਨ੍ ਸਮਾਹਿਤਾਨ੍ਭਾਰਸਹਾਨ੍ਵਿਵਰ੍ਤਨੇ ।
ਜਘਾਨ ਵੀਰਃ ਪਥਿ ਵਾਯੁਸੇਵਿਤੇ ਤਲਪ੍ਰਹਾਰੈਃ ਪਵਨਾਤ੍ਮਜਃ ਕਪਿਃ ॥ 31 ॥
ਤਤਸ੍ਤਲੇਨਾਭਿਹਤੋ ਮਹਾਰਥ ਸ੍ਸ ਤਸ੍ਯ ਪਿਂਗਾਧਿਪਮਂਤ੍ਰਿਨਿਰ੍ਜਿਤਃ ।
ਪ੍ਰਭਗ੍ਨਨੀਡਃ ਪਰਿਮੁਕ੍ਤਕੂਬਰਃ ਪਪਾਤ ਭੂਮੌ ਹਤਵਾਜਿਰਂਬਰਾਤ੍ ॥ 32 ॥
ਸ ਤਂ ਪਰਿਤ੍ਯਜ੍ਯ ਮਹਾਰਥੋ ਰਥਂ ਸਕਾਰ੍ਮੁਕਃ ਖਂਗਧਰਃ ਖਮੁਤ੍ਪਤਨ੍ ।
ਤਪੋਭਿਯੋਗਾਦ੍ਰੁਰੁਇਸ਼ਿਰੁਗ੍ਰਵੀਰ੍ਯਵਾਨ੍ਵਿਹਾਯ ਦੇਹਂ ਮਰੁਤਾਮਿਵਾਲਯਮ੍ ॥ 33 ॥
ਤਤਃ ਕਪਿਸ੍ਤਂ ਵਿਚਰਂਤਮਂਬਰੇ ਪਤਤ੍ਰਿਰਾਜਾਨਿਲਸਿਦ੍ਧਸੇਵਿਤੇ ।
ਸਮੇਤ੍ਯ ਤਂ ਮਾਰੁਤਤੁਲ੍ਯਵਿਕ੍ਰਮਃ ਕ੍ਰਮੇਣ ਜਗ੍ਰਾਹ ਸ ਪਾਦਯੋਰ੍ਦ੍ਰੁਰੁਇਢਮ੍ ॥ 34 ॥
ਸ ਤਂ ਸਮਾਵਿਧ੍ਯ ਸਹਸ੍ਰਸ਼ਃ ਕਪਿਰ੍ਮਹੋਰਗਂ ਗ੍ਰੁਰੁਇਹ੍ਯ ਇਵਾਂਡਜੇਸ਼੍ਵਰਃ ।
ਮੁਮੋਚ ਵੇਗਾਤ੍ਪਿਤ੍ਰੁਰੁਇਤੁਲ੍ਯਵਿਕ੍ਰਮੋ ਮਹੀਤਲੇ ਸਂਯਤਿ ਵਾਨਰੋਤ੍ਤਮਃ ॥ 35 ॥
ਸ ਭਗ੍ਨਬਾਹੂਰੁਕਟੀਸ਼ਿਰੋਧਰਃ ਕ੍ਸ਼ਰਨ੍ਨਸ੍ਰੁਰੁਇਙਿਨਰ੍ਮਥਿਤਾਸ੍ਥਿਲੋਚਨਃ ।
ਸਂਭਗ੍ਨਸਂਧਿਃ ਪ੍ਰਵਿਕੀਰ੍ਣਬਂਧਨੋ ਹਤਃ ਕ੍ਸ਼ਿਤੌ ਵਾਯੁਸੁਤੇਨ ਰਾਕ੍ਸ਼ਸਃ ॥ 36 ॥
ਮਹਾਕਪਿਰ੍ਭੂਮਿਤਲੇ ਨਿਪੀਡ੍ਯ ਤਂ ਚਕਾਰ ਰਕ੍ਸ਼ੋਧਿਪਤੇਰ੍ਮਹਦ੍ਭਯਮ੍ ।
ਮਹਰ੍ਸ਼ਿਭਿਸ਼੍ਚਕ੍ਰਚਰੈਰ੍ਮਹਾਵ੍ਰਤੈ ਸ੍ਸਮੇਤ੍ਯ ਭੂਤੈਸ਼੍ਚ ਸਯਕ੍ਸ਼ਪਨ੍ਨਗੈਃ ॥ 37 ॥
ਸੁਰੈਸ਼੍ਚ ਸੇਂਦ੍ਰੈਰ੍ਭ੍ਰੁਰੁਇਸ਼ਜਾਤਵਿਸ੍ਮਯੈ ਰ੍ਹਤੇ ਕੁਮਾਰੇ ਸ ਕਪਿਰ੍ਨਿਰੀਕ੍ਸ਼ਿਤਃ ।
ਨਿਹਤ੍ਯ ਤਂ ਵਜ੍ਰਿਸੁਤੋਪਮਪ੍ਰਭਂ ਕੁਮਾਰਮਕ੍ਸ਼ਂ ਕ੍ਸ਼ਤਜੋਪਮੇਕ੍ਸ਼ਣਮ੍ ।
ਤਮੇਵ ਵੀਰੋਭਿਜਗਾਮ ਤੋਰਣਂ ਕ੍ਰੁਰੁਇਤਕ੍ਸ਼ਣਃ ਕਾਲ ਇਵ ਪ੍ਰਜਾਕ੍ਸ਼ਯੇ ॥ 38 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਸੁਂਦਰਕਾਂਡੇ ਸਪ੍ਤਚਤ੍ਵਾਰਿਂਸ਼ਸ੍ਸਰ੍ਗਃ ॥
