ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਬਾਲਕਾਂਡਮ੍ ।
ਅਥ ਤ੍ਰਿਪਂਚਾਸ਼ਸ੍ਸਰ੍ਗਃ ।
ਏਵਮੁਕ੍ਤਾ ਵਸਿਸ਼੍ਠੇਨ ਸ਼ਬਲਾ ਸ਼ਤ੍ਰੁਸੂਦਨ ।
ਵਿਦਧੇ ਕਾਮਧੁਕ੍ਕਾਮਾਨ੍ਯਸ੍ਯ ਯਸ੍ਯ ਯਥੇਪ੍ਸਿਤਮ੍ ॥ 1 ॥
ਇਕ੍ਸ਼ੂਨ੍ਮਧੂਂ ਸ੍ਤਥਾ ਲਾਜਾਨ੍ਮੈਰੇਯਾਂਸ਼੍ਚ ਵਰਾਸਨਾਨ੍ ।
ਪਾਨਾਨਿ ਚ ਮਹਾਰ੍ਹਾਣਿ ਭਕ੍ਸ਼੍ਯਾਂਸ਼੍ਚੋਚ੍ਚਾਵਚਾਂ ਸ੍ਤਥਾ ॥ 2 ॥
ਉਸ਼੍ਣਾਢ੍ਯਸ੍ਯੋਦਨਸ੍ਯਾਤ੍ਰ ਰਾਸ਼ਯਃ ਪਰ੍ਵਤੋਪਮਾਃ ।
ਮ੍ਰੁਰੁਇਸ਼੍ਟਾਨ੍ਨਾਨਿ ਚ ਸੂਪਾਸ਼੍ਚ ਦਧਿਕੁਲ੍ਯਾਸ੍ਤਥੈਵ ਚ ॥ 3 ॥
ਨਾਨਾਸ੍ਵਾਦੁਰਸਾਨਾਂ ਚ ਸ਼ਾਡਬਾਨਾਂ ਤਥੈਵ ਚ ।
ਭਾਜਨਾਨਿ ਸੁਪੂਰ੍ਣਾਨਿ ਗੌਡਾਨਿ ਚ ਸਹਸ੍ਰਸ਼ਃ ॥ 4 ॥
ਸਰ੍ਵਮਾਸੀਤ੍ਸੁਸਂਤੁਸ਼੍ਠਂ ਹ੍ਰੁਰੁਇਸ਼੍ਟਪੁਸ਼੍ਟਜਨਾਯੁਤਮ੍ ।
ਵਿਸ਼੍ਵਾਮਿਤ੍ਰਬਲਂ ਰਾਮ ਵਸਿਸ਼੍ਠੇਨਾਭਿਤਰ੍ਪਿਤਮ੍ ॥ 5 ॥
ਵਿਸ਼੍ਵਾਮਿਤ੍ਰੋਪਿ ਰਾਜਰ੍ਸ਼ਿਰ੍ਹ੍ਰੁਰੁਇਸ਼੍ਟਃ ਪੁਸ਼੍ਟਸ੍ਤਦਾਭਵਤ੍ ।
ਸਾਂਤਃਪੁਰਵਰੋ ਰਾਜਾ ਸਬ੍ਰਾਹ੍ਮਣਪੁਰੋਹਿਤਃ ॥ 6 ॥
ਸਾਮਾਤ੍ਯੋ ਮਂਤ੍ਰਿਸਹਿਤਸ੍ਸਭ੍ਰੁਰੁਇਤ੍ਯਃ ਪੂਜਿਤਸ੍ਤਦਾ ।
ਯੁਕ੍ਤਃ ਪਰਮਹਰ੍ਸ਼ੇਣ ਵਸਿਸ਼੍ਠਮਿਦਮਬ੍ਰਵੀਤ੍ ॥ 7 ॥
ਪੂਜਿਤੋਹਂ ਤ੍ਵਯਾ ਬ੍ਰਹ੍ਮਨ੍ ਪੂਜਾਰ੍ਹੇਣ ਸੁਸਤ੍ਕ੍ਰੁਰੁਇਤਃ ।
ਸ਼੍ਰੂਯਤਾਮਭਿਧਾਸ੍ਯਾਮਿ ਵਾਕ੍ਯਂ ਵਾਕ੍ਯਵਿਸ਼ਾਰਦ ॥ 8 ॥
ਗਵਾਂ ਸ਼ਤਸਹਸ੍ਰੇਣ ਦੀਯਤਾਂ ਸ਼ਬਲਾ ਮਮ ।
ਰਤ੍ਨਂ ਹਿ ਭਗਵਨ੍ਨੇਤਦ੍ਰਤ੍ਨਹਾਰੀ ਚ ਪ੍ਰਾਰ੍ਥਿਵਃ ॥ 9 ॥
ਤਸ੍ਮਾਨ੍ਮੇ ਸ਼ਬਲਾਂ ਦੇਹਿ ਮਮੈਸ਼ਾ ਧਰ੍ਮਤੋ ਦ੍ਵਿਜ ।
ਏਵਮੁਕ੍ਤਸ੍ਤੁ ਭਗਵਾਨ੍ਵਸਿਸ਼੍ਠੋ ਮੁਨਿਸਤ੍ਤਮਃ ।
ਵਿਸ਼੍ਵਾਮਿਤ੍ਰੇਣ ਧਰ੍ਮਾਤ੍ਮਾ ਪ੍ਰਤ੍ਯੁਵਾਚ ਮਹੀਪਤਿਮ੍ ॥ 10 ॥
ਨਾਹਂ ਸ਼ਤਸਹਸ੍ਰੇਣ ਨਾਪਿ ਕੋਟਿਸ਼ਤੈਰ੍ਗਵਾਮ੍ ।
ਰਾਜਨ੍ ਦਾਸ੍ਯਾਮਿ ਸ਼ਬਲਾਂ ਰਾਸ਼ਿਭੀ ਰਜਤਸ੍ਯ ਚ ॥ 11 ॥
ਨ ਪਰਿਤ੍ਯਾਗਮਰ੍ਹੇਯਂ ਮਤ੍ਸਕਾਸ਼ਾਦਰਿਂਦਮ ।
ਸ਼ਾਸ਼੍ਵਤੀ ਸ਼ਬਲਾ ਮਹ੍ਯਂ ਕੀਰ੍ਤਿਰਾਤ੍ਮਵਤੋ ਯਥਾ ॥ 12 ॥
ਅਸ੍ਯਾਂ ਹਵ੍ਯਂ ਚ ਕਵ੍ਯਂ ਚ ਪ੍ਰਾਣਯਾਤ੍ਰਾ ਤਥੈਵ ਚ ।
ਆਯਤ੍ਤਮਗ੍ਨਿਹੋਤ੍ਰਂ ਚ ਬਲਿਰ੍ਹੋਮਸ੍ਤਥੈਵ ਚ ॥ 13 ॥
ਸ੍ਵਾਹਾਕਾਰਵਸ਼ਟ੍ਕਾਰੌ ਵਿਦ੍ਯਾਸ਼੍ਚ ਵਿਵਿਧਾ ਸ੍ਤਥਾ ।
ਆਯਤ੍ਤਮਤ੍ਰ ਰਾਜਰ੍ਸ਼ੇ ਸਰ੍ਵਮੇਤਨ੍ਨ ਸਂਸ਼ਯਃ ॥ 14 ॥
ਸਰ੍ਵਸ੍ਵਮੇਤਤ੍ਸਤ੍ਯੇਨ ਮਮ ਤੁਸ਼੍ਟਿਕਰੀ ਸਦਾ ।
ਕਾਰਣੈਰ੍ਬਹੁਭੀ ਰਾਜਨ੍ਨ ਦਾਸ੍ਯੇ ਸ਼ਬਲਾਂ ਤਵ ॥ 15 ॥
ਵਸਿਸ਼੍ਠੇਨੈਵਮੁਕ੍ਤਸ੍ਤੁ ਵਿਸ਼੍ਵਾਮਿਤ੍ਰੋਬ੍ਰਵੀਤ੍ਤਤਃ ।
ਸਂਰਬ੍ਧਤਰਮਤ੍ਯਰ੍ਥਂ ਵਾਕ੍ਯਂ ਵਾਕ੍ਯਵਿਸ਼ਾਰਦਃ ॥ 16 ॥
ਹੈਰਣ੍ਯਕਕ੍ਸ਼੍ਯਾਗ੍ਰੈਵੇਯਾਨ੍ ਸੁਵਰ੍ਣਾਂਕੁਸ਼ਭੂਸ਼ਿਤਾਨ੍ ।
ਦਦਾਮਿ ਕੁਂਜਰਾਂਸ੍ਤੇਸ਼ਾਂ ਸਹਸ੍ਰਾਣਿ ਚਤੁਰ੍ਦਸ਼ ॥ 17 ॥
ਹੈਰਣ੍ਯਾਨਾਂ ਰਥਾਨਾਂ ਚ ਸ਼੍ਵੇਤਾਸ਼੍ਵਾਨਾਂ ਚਤੁਰ੍ਯੁਜਾਮ੍ ।
ਦਦਾਮਿ ਤੇ ਸ਼ਤਾਨ੍ਯਸ਼੍ਟੌ ਕਿਂਕਿਣੀਕਵਿਭੂਸ਼ਿਤਾਨ੍ ॥ 18 ॥
ਹਯਾਨਾਂ ਦੇਸ਼ਜਾਤਾਨਾਂ ਕੁਲਜਾਨਾਂ ਮਹੌਜਸਾਮ੍ ।
ਸਹਸ੍ਰਮੇਕਂ ਦਸ਼ ਚ ਦਦਾਮਿ ਤਵ ਸੁਵ੍ਰਤ ॥ 19 ॥
ਨਾਨਾਵਰ੍ਣਵਿਭਕ੍ਤਾਨਾਂ ਵਯਸ੍ਸ੍ਥਾਨਾਂ ਤਥੈਵ ਚ ।
ਦਦਾਮ੍ਯੇਕਾਂ ਗਵਾਂ ਕੋਟਿਂ ਸ਼ਬਲਾ ਦੀਯਤਾਂ ਮਮ ॥ 20 ॥
ਯਾਵਦਿਚ੍ਛਸਿ ਰਤ੍ਨਂ ਵਾ ਹਿਰਣ੍ਯਂ ਵਾ ਦ੍ਵਿਜੋਤ੍ਤਮ ।
ਤਾਵਦ੍ਦਦਾਮਿ ਤਤ੍ਸਰ੍ਵਂ ਸ਼ਬਲਾ ਦੀਯਤਾਂ ਮਮ ॥ 21 ॥
ਏਵਮੁਕ੍ਤਸ੍ਤੁ ਭਗਵਾਨ੍ ਵਿਸ਼੍ਵਾਮਿਤ੍ਰੇਣ ਧੀਮਤਾ ।
ਨ ਦਾਸ੍ਯਾਮੀਤਿ ਸ਼ਬਲਾਂ ਪ੍ਰਾਹ ਰਾਜਨ੍ ਕਥਂਚਨ ॥ 22 ॥
ਏਤਦੇਵ ਹਿ ਮੇ ਰਤ੍ਨਮੇਤਦੇਵ ਹਿ ਮੇ ਧਨਮ੍ ।
ਏਤਦੇਵ ਹਿ ਸਰ੍ਵਸ੍ਵਮੇਤਦੇਵ ਹਿ ਜੀਵਿਤਮ੍ ॥ 23 ॥
ਦਰ੍ਸ਼ਸ਼੍ਚ ਪੂਰ੍ਣਮਾਸਸ਼੍ਚ ਯਜ੍ਞਾਸ਼੍ਚੈਵਾਪ੍ਤਦਕ੍ਸ਼ਿਣਾਃ ।
ਏਤਦੇਵ ਹਿ ਮੇ ਰਾਜਨ੍ ਵਿਵਿਧਾਸ਼੍ਚ ਕ੍ਰਿਯਾਸ੍ਤਥਾ ॥ 24 ॥
ਅਦੋਮੂਲਾਃ ਕ੍ਰਿਯਾਸ੍ਸਰ੍ਵਾ ਮਮ ਰਾਜਨ੍ਨ ਸਂਸ਼ਯਃ ।
ਬਹੁਨਾ ਕਿਂ ਪ੍ਰਲਾਪੇਨ ਨ ਦਾਸ੍ਯੇ ਕਾਮਦੋਹਿਨੀਮ੍ ॥ 25 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਬਾਲਕਾਂਡੇ ਤ੍ਰਿਪਂਚਾਸ਼ਸ੍ਸਰ੍ਗਃ ॥
