ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਅਰਣ੍ਯਕਾਂਡਮ੍ ।
ਅਥ ਸਪ੍ਤਮਸ੍ਸਰ੍ਗਃ ।
ਰਾਮਸ੍ਤੁ ਸਹਿਤੋ ਭ੍ਰਾਤ੍ਰਾ ਸੀਤਯਾ ਚ ਪਰਂਤਪਃ ।
ਸੁਤੀਕ੍ਸ਼੍ਣਸ੍ਯਾਸ਼੍ਰਮਪਦਂ ਜਗਾਮ ਸਹ ਤੈਰ੍ਦ੍ਵਿਜੈਃ ॥ 1 ॥
ਸ ਗਤ੍ਵਾ ਦੀਰ੍ਘਮਧ੍ਵਾਨਂ ਨਦੀਸ੍ਤੀਰ੍ਤ੍ਵਾ ਬਹੂਦਕਾਃ ।
ਦਦਰ੍ਸ਼ ਵਿਮਲਂ ਸ਼ੈਲਂ ਮਹਾਮੇਘਮਿਵੋਨ੍ਨਤਮ੍ ॥ 2 ॥
ਤਤ ਸ੍ਤਦਿਕ੍ਸ਼੍ਵਾਕੁਵਰੌ ਸਂਤਤਂ ਵਿਵਿਧੈਰ੍ਦ੍ਰੁਮੈਃ ।
ਕਾਨਨਂ ਤੌ ਵਿਵਿਸ਼ਤੁਸ੍ਸੀਤਯਾ ਸਹ ਰਾਘਵੌ ॥ 3 ॥
ਪ੍ਰਵਿਸ਼੍ਟਸ੍ਤੁ ਵਨਂ ਘੋਰਂ ਬਹੁਪੁਸ਼੍ਪਫਲਦ੍ਰੁਮਮ੍ ।
ਦਦਰ੍ਸ਼ਾਸ਼੍ਰਮਮੇਕਾਂਤੇ ਚੀਰਮਾਲਾਪਰਿਸ਼੍ਕ੍ਰੁਰੁਇਤਮ੍ ॥ 4 ॥
ਤਤ੍ਰ ਤਾਪਸਮਾਸੀਨਂ ਮਲਪਂਕਜਟਾਧਰਮ੍ ।
ਰਾਮਸ੍ਸੁਤੀਕ੍ਸ਼੍ਣਂ ਵਿਧਿਵਤ੍ਤਪੋਵ੍ਰੁਰੁਇਦ੍ਧਮਭਾਸ਼ਤ ॥ 5 ॥
ਰਾਮੋਹਮਸ੍ਮਿ ਭਗਵਨ੍ਭਵਂਤਂ ਦ੍ਰਸ਼੍ਟੁਮਾਗਤਃ ।
ਤ੍ਵਂ ਮਾਭਿਵਦ ਧਰ੍ਮਜ੍ਞ ਮਹਰ੍ਸ਼ੇ ਸਤ੍ਯਵਿਕ੍ਰਮ ॥ 6 ॥
ਸ ਨਿਰੀਕ੍ਸ਼੍ਯ ਤਤੋ ਧੀਰੋ ਰਾਮਂ ਧਰ੍ਮਭ੍ਰੁਰੁਇਤਾਂ ਵਰਮ੍ ।
ਸਮਾਸ਼੍ਲਿਸ਼੍ਯ ਚ ਬਾਹੁਭ੍ਯਾਮਿਦਂ ਵਚਨਮਬ੍ਰਵੀਤ੍ ॥ 7 ॥
ਸ੍ਵਾਗਤਂ ਤੇ ਰਘੁਸ਼੍ਰੇਸ਼੍ਠ ਰਾਮ ਸਤ੍ਯਭ੍ਰੁਰੁਇਤਾਂ ਵਰ ।
ਆਸ਼੍ਰਮੋਯਂ ਤ੍ਵਯਾਕ੍ਰਾਂਤਸ੍ਸਨਾਥ ਇਵ ਸਾਂਪ੍ਰਤਮ੍ ॥ 8 ॥
ਪ੍ਰਤੀਕ੍ਸ਼ਮਾਣਸ੍ਤ੍ਵਾਮੇਵ ਨਾਰੋਹੇਹਂ ਮਹਾਯਸ਼ਃ ।
ਦੇਵਲੋਕਮਿਤੋ ਵੀਰ ਦੇਹਂ ਤ੍ਯਕ੍ਤ੍ਵਾ ਮਹੀਤਲੇ ।
ਚਿਤ੍ਰਕੂਟਮੁਪਾਦਾਯ ਰਾਜ੍ਯਭ੍ਰਸ਼੍ਟੋਸਿ ਮੇ ਸ਼੍ਰੁਤਃ ॥ 9 ॥
ਇਹੋਪਯਾਤਃ ਕਾਕੁਤ੍ਥ੍ਸ ਦੇਵਰਾਜਸ਼੍ਸ਼ਤਕ੍ਰਤੁਃ ॥ 10 ॥
ਉਪਾਗਮ੍ਯ ਚ ਮੇ ਦੇਵੋ ਮਹਾਦੇਵਸ੍ਸੁਰੇਸ਼੍ਵਰਃ ।
ਸਰ੍ਵਾਨ੍ ਲੋਕਾਂਜਿਤਾਨਾਹ ਮਮ ਪੁਣ੍ਯੇਨ ਕਰ੍ਮਣਾ ॥ 11 ॥
ਤੇਸ਼ੁ ਦੇਵਰ੍ਸ਼ਿਜੁਸ਼੍ਟੇਸ਼ੁ ਜਿਤੇਸ਼ੁ ਤਪਸਾ ਮਯਾ ।
ਮਤ੍ਪ੍ਰਸਾਦਾਤ੍ਸਭਾਰ੍ਯਸ੍ਤ੍ਵਂ ਵਿਹਰਸ੍ਵ ਸਲਕ੍ਸ਼੍ਮਣਃ ॥ 12 ॥
ਤਮੁਗ੍ਰਤਪਸਾਯੁਕ੍ਤਂ ਮਹਰ੍ਸ਼ਿਂ ਸਤ੍ਯਵਾਦਿਨਮ੍ ।
ਪ੍ਰਤ੍ਯੁਵਾਚਾਤ੍ਮਵਾਨ੍ਰਾਮੋ ਬ੍ਰਹ੍ਮਾਣਮਿਵ ਕਾਸ਼੍ਯਪਃ ॥ 13 ॥
ਅਹਮੇਵਾਹਰਿਸ਼੍ਯਾਮਿ ਸਰ੍ਵਾਨ੍ ਲੋਕਾਨ੍ਮਹਾਮੁਨੇ ।
ਆਵਾਸਂ ਤ੍ਵਹਮਿਚ੍ਛਾਮਿ ਪ੍ਰਦਿਸ਼੍ਟਮਿਹ ਕਾਨਨੇ ॥ 14 ॥
ਭਵਾਨ੍ਸਰ੍ਵਤ੍ਰ ਕੁਸ਼ਲਸ੍ਸਰ੍ਵਭੂਤਹਿਤੇ ਰਤਃ ।
ਆਖ੍ਯਾਤਸ਼੍ਸ਼ਰਭਂਗੇਣ ਗੌਤਮੇਨ ਮਹਾਤ੍ਮਨਾ ॥ 15 ॥
ਏਵਮੁਕ੍ਤਸ੍ਤੁ ਰਾਮੇਣ ਮਹਰ੍ਸ਼ਿਰ੍ਲੋਕਵਿਸ਼੍ਰੁਤਃ ।
ਅਬ੍ਰਵੀਨ੍ਮਧੁਰਂ ਵਾਕ੍ਯਂ ਹਰ੍ਸ਼ੇਣ ਮਹਤਾਪ੍ਲੁਤਃ ॥ 16 ॥
ਅਯਮੇਵਾਸ਼੍ਰਮੋ ਰਾਮ ਗੁਣਵਾਨ੍ਰਮ੍ਯਤਾਮਿਹ ।
ਰੁਰੁਇਸ਼ਿਸਂਘਾਨੁਚਰਿਤਸ੍ਸਦਾ ਮੂਲਫਲੈਰ੍ਯੁਤਃ ॥ 17 ॥
ਇਮਮਾਸ਼੍ਰਮਮਾਗਮ੍ਯ ਮ੍ਰੁਰੁਇਗਸਂਘਾ ਮਹਾਯਸ਼ਃ ।
ਅਹਤ੍ਵਾ ਪ੍ਰਤਿਗਚ੍ਛਂਤਿ ਲੋਭਯਿਤ੍ਵਾਕੁਤੋਭਯਾਃ ॥ 18 ॥
ਨਾਨ੍ਯਦ੍ਧੋਸ਼ਂ ਭਵੇਦਤ੍ਰ ਮ੍ਰੁਰੁਇਗੇਭ੍ਯੋਨ੍ਯਤ੍ਰ ਵਿਦ੍ਧਿ ਵੈ ।
ਤਚ੍ਛ੍ਰੁਰੁਇਤ੍ਵਾ ਵਚਨਂ ਤਸ੍ਯ ਮਹਰ੍ਸ਼ੇਰ੍ਲਕ੍ਸ਼੍ਮਣਾਗ੍ਰਜਃ ॥ 19 ॥
ਉਵਾਚ ਵਚਨਂ ਧੀਰੋ ਵਿਕ੍ਰੁਰੁਇਸ਼੍ਯ ਸਸ਼ਰਂ ਧਨੁਃ ।
ਤਾਨਹਂ ਸੁਮਹਾਭਾਗ ਮ੍ਰੁਰੁਇਗਸਂਘਾਨ੍ਸਮਾਗਤਾਨ੍ ॥ 20 ॥
ਹਨ੍ਯਾਂ ਨਿਸ਼ਿਤਧਾਰੇਣ ਸ਼ਰੇਣਾਸ਼ਨਿਵਰ੍ਚਸਾ ।
ਭਵਾਂਸ੍ਤਤ੍ਰਾਭਿਸ਼ਜ੍ਯੇਤ ਕਿਂਸ੍ਯਾਤ੍ਕ੍ਰੁਰੁਇਚ੍ਛ੍ਰਤਰਂ ਤਤਃ ॥ 21 ॥
ਏਤਸ੍ਮਿਨ੍ਨਾਸ਼੍ਰਮੇ ਵਾਸਂ ਚਿਰਂ ਤੁ ਨ ਸਮਰ੍ਥਯੇ ।
ਤਮੇਵਮੁਕ੍ਤ੍ਵੋਪਰਮਂ ਰਾਮਸ੍ਸਂਧ੍ਯਾਮੁਪਾਗਮਤ੍ ॥ 22 ॥
ਅਨ੍ਵਾਸ੍ਯ ਪਸ਼੍ਚਿਮਾਂ ਸ੍ਨਧ੍ਯਾਂ ਤਤ੍ਰ ਵਾਸਮਕਲ੍ਪਯਤ੍ ।
ਸੁਤੀਕ੍ਸ਼੍ਣਸ੍ਯਾਸ਼੍ਰਮੇ ਰਮ੍ਯੇ ਸੀਤਯਾ ਲਕ੍ਸ਼੍ਮਣੇਨ ਚ ॥ 23 ॥
ਤਮੇਵਮੁਕ੍ਤ੍ਵੋਪਰਮਂ ਰਾਮਸ੍ਸਂਧ੍ਯਾਮੁਪਾਗਮਤ੍ ॥ 24 ॥
ਅਨ੍ਵਾਸ੍ਯ ਪਸ਼੍ਚਿਮਾਂ ਸਂਂਧ੍ਯਾਂ ਤਤ੍ਰ ਵਾਸਮਕਲ੍ਪਯਤ੍ ।
ਸੁਤੀਕ੍ਸ਼੍ਣਸ੍ਯਾਸ਼੍ਰਮੇ ਰਮ੍ਯੇ ਸੀਤਯਾ ਲਕ੍ਸ਼੍ਮਣੇਨ ਚ ॥ 25 ॥
ਤਤਸ਼੍ਸ਼ੁਭਂ ਤਾਪਸਭੋਜ੍ਯਮਨ੍ਨਂ ਸ੍ਵਯਂ ਸੁਤੀਕ੍ਸ਼੍ਣਃ ਪੁਰੁਸ਼ਰ੍ਸ਼ਭਾਭ੍ਯਾਮ੍ ।
ਤਾਭ੍ਯਾਂ ਸੁਸਤ੍ਕ੍ਰੁਰੁਇਤ੍ਯ ਦਦੌ ਮਹਾਤ੍ਮਾ ਸਂਧ੍ਯਾਨਿਵ੍ਰੁਰੁਇਤ੍ਤੌ ਰਜਨੀਂ ਮਵੇਕ੍ਸ਼੍ਯ ॥ 26 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਅਰਣ੍ਯਕਾਂਡੇ ਸਪ੍ਤਮਸ੍ਸਰ੍ਗਃ ॥
