ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਬਾਲਕਾਂਡਮ੍ ।
ਅਥ ਸ਼ਡ੍ਵਿਂਸ਼ਸ੍ਸਰ੍ਗਃ ।
ਮੁਨੇਰ੍ਵਚਨਮਕ੍ਲੀਬਂ ਸ਼੍ਰੁਤ੍ਵਾ ਨਰਵਰਾਤ੍ਮਜਃ ।
ਰਾਘਵਃ ਪ੍ਰਾਂਜਲਿਰ੍ਭੂਤ੍ਵਾ ਪ੍ਰਤ੍ਯੁਵਾਚ ਦ੍ਰੁਰੁਇਢਵ੍ਰਤਃ ॥ 1 ॥
ਪਿਤੁਰ੍ਵਚਨਨਿਰ੍ਦੇਸ਼ਾਤ੍ਪਿਤੁਰ੍ਵਚਨਗੌਰਵਾਤ੍ ।
ਵਚਨਂ ਕੌਸ਼ਿਕਸ੍ਯੇਤਿ ਕਰ੍ਤਵ੍ਯਮਵਿਸ਼ਂਕਯਾ ॥ 2 ॥
ਅਨੁਸ਼ਿਸ਼੍ਟੋਸ੍ਮ੍ਯਯੋਧ੍ਯਾਯਾਂ ਗੁਰੁਮਧ੍ਯੇ ਮਹਾਤ੍ਮਨਾ ।
ਪਿਤ੍ਰਾ ਦਸ਼ਰਥੇਨਾਹਂ ਨਾਵਜ੍ਞੇਯਂ ਹਿ ਤਦ੍ਵਚਃ ॥ 3 ॥
ਸੋਹਂ ਪਿਤੁਰ੍ਵਚਸ਼੍ਸ਼੍ਰੁਤ੍ਵਾ ਸ਼ਾਸਨਾਦ੍ਬ੍ਰਹ੍ਮਵਾਦਿਨਃ ।
ਕਰਿਸ਼੍ਯਾਮਿ ਨ ਸਂਦੇਹਸ੍ਤਾਟਕਾਵਧਮੁਤ੍ਤਮਮ੍ ॥ 4 ॥
ਗੋਬ੍ਰਾਹ੍ਮਣਹਿਤਾਰ੍ਥਾਯ ਦੇਸ਼ਸ੍ਯਾਸ੍ਯ ਸੁਖਾਯ ਚ ।
ਤਵ ਚੈਵਾਪ੍ਰਮੇਯਸ੍ਯ ਵਚਨਂ ਕਰ੍ਤੁਮੁਦ੍ਯਤਃ ॥ 5 ॥
ਏਵਮੁਕ੍ਤ੍ਵਾ ਧਨੁਰ੍ਮਧ੍ਯੇ ਬਧ੍ਵਾ ਮੁਸ਼੍ਟਿਮਰਿਂਦਮਃ ।
ਜ੍ਯਾਸ਼ਬ੍ਦਮਕਰੋਤ੍ਤੀਵ੍ਰਂ ਦਿਸ਼ਸ਼੍ਸ਼ਬ੍ਦੇਨ ਨਾਦਯਨ੍ ॥ 6 ॥
ਤੇਨ ਸ਼ਬ੍ਦੇਨ ਵਿਤ੍ਰਸ੍ਤਾਸ੍ਤਾਟਕਾਵਨਵਾਸਿਨਃ ।
ਤਾਟਕਾ ਚ ਸੁਸਂਕ੍ਰੁਦ੍ਧਾ ਤੇਨ ਸ਼ਬ੍ਦੇਨ ਮੋਹਿਤਾ ॥ 7 ॥
ਤਂ ਸ਼ਬ੍ਦਮਭਿਨਿਧ੍ਯਾਯ ਰਾਕ੍ਸ਼ਸੀ ਕ੍ਰੋਧਮੂਰ੍ਛਿਤਾ ।
ਸ਼੍ਰੁਤ੍ਵਾ ਚਾਭ੍ਯਦ੍ਰਵਦ੍ਵੇਗਾਦ੍ਯਤਸ਼੍ਸ਼ਬ੍ਦੋ ਵਿਨਿਸ੍ਸ੍ਰੁਰੁਇਤਃ ॥ 8 ॥
ਤਾਂ ਦ੍ਰੁਰੁਇਸ਼੍ਟ੍ਵਾ ਰਾਘਵਃ ਕ੍ਰੁਦ੍ਧਾਂ ਵਿਕ੍ਰੁਰੁਇਤਾਂ ਵਿਕ੍ਰੁਰੁਇਤਾਨਨਾਮ੍ ।
ਪ੍ਰਮਾਣੇਨਾਤਿਵ੍ਰੁਰੁਇਦ੍ਧਾਂ ਚ ਲਕ੍ਸ਼੍ਮਣਂ ਸੋਭ੍ਯਭਾਸ਼ਤ ॥ 9 ॥
ਪਸ਼੍ਯ ਲਕ੍ਸ਼੍ਮਣ ਯਕ੍ਸ਼ਿਣ੍ਯਾ ਭੈਰਵਂ ਦਾਰੁਣਂ ਵਪੁਃ ।
ਭਿਦ੍ਯੇਰਨ੍ ਦਰ੍ਸ਼ਨਾਦਸ੍ਯਾ ਭੀਰੂਣਾਂ ਹ੍ਰੁਰੁਇਦਯਾਨਿ ਚ ॥ 10 ॥
ਏਨਾਂ ਪਸ਼੍ਯ ਦੁਰਾਧਰ੍ਸ਼ਾਂ ਮਾਯਾਬਲਸਮਨ੍ਵਿਤਾਮ੍ ।
ਵਿਨਿਵ੍ਰੁਰੁਇਤ੍ਤਾਂ ਕਰੋਮ੍ਯਦ੍ਯ ਹ੍ਰੁਰੁਇਤਕਰ੍ਣਾਗ੍ਰਨਾਸਿਕਾਮ੍ ॥ 11 ॥
ਨ ਹ੍ਯੇਨਾਮੁਤ੍ਸਹੇ ਹਂਤੁਂ ਸ੍ਤ੍ਰੀਸ੍ਵਭਾਵੇਨ ਰਕ੍ਸ਼ਿਤਾਮ੍ ।
ਵੀਰ੍ਯਂ ਚਾਸ੍ਯਾਂ ਗਤਿਂ ਚਾਪਿ ਹਨਿਸ਼੍ਯਾਮੀਤਿ ਮੇ ਮਤਿਃ ॥ 12 ॥
ਏਵਂ ਬ੍ਰੁਵਾਣੇ ਰਾਮੇ ਤੁ ਤਾਟਕਾ ਕ੍ਰੋਧਮੂਰ੍ਛਿਤਾ ।
ਉਦ੍ਯਮ੍ਯ ਬਾਹੂ ਗਰ੍ਜਂਤੀ ਰਾਮਮੇਵਾਭ੍ਯਧਾਵਤ ॥ 13 ॥
ਵਿਸ਼੍ਵਾਮਿਤ੍ਰਸ੍ਤੁ ਬ੍ਰਹ੍ਮਰ੍ਸ਼ਿਰ੍ਹੁਂਕਾਰੇਣਾਭਿਭਰ੍ਤ੍ਸ੍ਯਤਾਮ੍ ।
ਸ੍ਵਸ੍ਤਿ ਰਾਘਵਯੋਰਸ੍ਤੁ ਜਯਂ ਚੈਵਾਭ੍ਯਭਾਸ਼ਤ ॥ 14 ॥
ਉਦ੍ਧੂਨ੍ਵਾਨਾ ਰਜੋ ਘੋਰਂ ਤਾਟਕਾ ਰਾਘਵਾਵੁਭੌ ।
ਰਜੋਮੋਹੇਨ ਮਹਤਾ ਮੁਹੂਰ੍ਤਂ ਸਾ ਵ੍ਯਮੋਹਯਤ੍ ॥ 15 ॥
ਤਤੋ ਮਾਯਾਂ ਸਮਾਸ੍ਥਾਯ ਸ਼ਿਲਾਵਰ੍ਸ਼ੇਣ ਰਾਘਵੌ ।
ਅਵਾਕਿਰਤ੍ਸੁਮਹਤਾ ਤਤਸ਼੍ਚੁਕ੍ਰੋਧ ਰਾਘਵਃ ॥ 16 ॥
ਸ਼ਿਲਾਵਰ੍ਸ਼ਂ ਮਹਤ੍ਤਸ੍ਯਾਸ਼੍ਸ਼ਰਵਰ੍ਸ਼ੇਣ ਰਾਘਵਃ ।
ਪ੍ਰਤਿਹਤ੍ਯੋਪਧਾਵਂਤ੍ਯਾਃ ਕਰੌ ਚਿਚ੍ਛੇਦ ਪਤ੍ਰਿਭਿਃ ॥ 17 ॥
ਤਤਸ਼੍ਛਿਨ੍ਨਭੁਜਾਂ ਸ਼੍ਰਾਂਤਾਮਭ੍ਯਾਸ਼ੇ ਪਰਿਗਰ੍ਜਤੀਮ੍ ।
ਸੌਮਿਤ੍ਰਿਰਕਰੋਤ੍ਕ੍ਰੋਧਾਦ੍ਧ੍ਰੁਰੁਇਤਕਰ੍ਣਾਗ੍ਰਨਾਸਿਕਾਮ੍ ॥ 18 ॥
ਕਾਮਰੂਪਧਰਾ ਸਦ੍ਯਃ ਕ੍ਰੁਰੁਇਤ੍ਵਾ ਰੂਪਾਣ੍ਯਨੇਕਸ਼ਃ ।
ਅਂਤਰ੍ਧਾਨਂ ਗਤਾ ਯਕ੍ਸ਼ੀ ਮੋਹਯਂਤੀਵ ਮਾਯਯਾ ॥ 19 ॥
ਅਸ਼੍ਮਵਰ੍ਸ਼ਂ ਵਿਮੁਂਚਂਤੀ ਭੈਰਵਂ ਵਿਚਚਾਰ ਹ ।
ਤਤਸ੍ਤਾਵਸ਼੍ਮਵਰ੍ਸ਼ੇਣ ਕੀਰ੍ਯਮਾਣੌ ਸਮਂਤਤਃ ॥ 20 ॥
ਦ੍ਰੁਰੁਇਸ਼੍ਟ੍ਵਾ ਗਾਧਿਸੁਤਸ਼੍ਸ਼੍ਰੀਮਾਨਿਦਂ ਵਚਨਮਬ੍ਰਵੀਤ੍ ।
ਅਲਂ ਤੇ ਘ੍ਰੁਰੁਇਣਯਾ ਰਾਮ ਪਾਪੈਸ਼ਾ ਦੁਸ਼੍ਟਚਾਰਿਣੀ ॥ 21 ॥
ਯਜ੍ਞਵਿਘ੍ਨਕਰੀ ਯਕ੍ਸ਼ੀ ਪੁਰਾਵਰ੍ਧਤਿ ਮਾਯਯਾ ।
ਵਧ੍ਯਤਾਂ ਤਾਵਦੇਵੈਸ਼ਾ ਪੁਰਾ ਸਂਧ੍ਯਾ ਪ੍ਰਵਰ੍ਤਤੇ ॥ 22 ॥
ਰਕ੍ਸ਼ਾਂਸਿ ਸਂਧ੍ਯਾਕਾਲੇਸ਼ੁ ਦੁਰ੍ਧਰ੍ਸ਼ਾਣਿ ਭਵਂਤਿ ਵੈ ।
ਇਤ੍ਯੁਕ੍ਤਸ੍ਤੁ ਤਦਾ ਯਕ੍ਸ਼ੀ ਅਸ਼੍ਮਵ੍ਰੁਰੁਇਸ਼੍ਟ੍ਯਾਭਿਵਰ੍ਸ਼ਤੀਮ੍ ॥ 23 ॥
ਦਰ੍ਸ਼ਯਨ੍ ਸ਼ਬ੍ਦਵੇਧਿਤ੍ਵਂ ਤਾਂ ਰੁਰੋਧ ਸ ਸਾਯਕੈਃ ।
ਸਾ ਰੁਦ੍ਧਾ ਸ਼ਰਜਾਲੇਨ ਮਾਯਾਬਲਸਮਨ੍ਵਿਤਾ ॥ 24 ॥
ਅਭਿਦੁਦ੍ਰਾਵ ਕਾਕੁਤ੍ਸ੍ਥਂ ਲਕ੍ਸ਼੍ਮਣਂ ਚ ਵਿਨੇਦੁਸ਼ੀ ।
ਤਾਮਾਪਤਂਤੀਂ ਵੇਗੇਨ ਵਿਕ੍ਰਾਂਤਾਮਸ਼ਨੀਮਿਵ ॥ 25 ॥
ਸ਼ਰੇਣੋਰਸਿ ਵਿਵ੍ਯਾਥ ਸਾ ਪਪਾਤ ਮਮਾਰ ਚ ।
ਤਾਂ ਹਤਾਂ ਭੀਮਸਂਕਾਸ਼ਾਂ ਦ੍ਰੁਰੁਇਸ਼੍ਟ੍ਵਾ ਸੁਰਪਤਿਸ੍ਤਦਾ ॥ 26 ॥
ਸਾਧੁ ਸਾਧ੍ਵਿਤਿ ਕਾਕੁਤ੍ਸ੍ਥਂ ਸੁਰਾਸ਼੍ਚ ਸਮਪੂਜਯਨ੍ ।
ਉਵਾਚ ਪਰਮਪ੍ਰੀਤ ਸ੍ਸਹਸ੍ਰਾਕ੍ਸ਼ਃ ਪੁਰਂਦਰਃ ॥ 27 ॥
ਸੁਰਾਸ਼੍ਚ ਸਰ੍ਵੇ ਸਂਹ੍ਰੁਰੁਇਸ਼੍ਟਾ ਵਿਸ਼੍ਵਾਮਿਤ੍ਰਮਥਾਬ੍ਰੁਵਨ੍ ।
ਮੁਨੇ ਕੌਸ਼ਿਕ ਭਦ੍ਰਂ ਤੇ ਸੇਂਦ੍ਰਾਸ੍ਸਰ੍ਵੇ ਮਰੁਦ੍ਗਣਾਃ ॥ 28 ॥
ਤੋਸ਼ਿਤਾਃ ਕਰ੍ਮਣਾਨੇਨ ਸ੍ਨੇਹਂ ਦਰ੍ਸ਼ਯ ਰਾਘਵੇ ।
ਪ੍ਰਜਾਪਤੇਰ੍ਭ੍ਰੁਰੁਇਸ਼ਾਸ਼੍ਵਸ੍ਯ ਪੁਤ੍ਰਾਨ੍ ਸਤ੍ਯਪਰਾਕ੍ਰਮਾਨ੍ ॥ 29 ॥
ਤਪੋਬਲਭ੍ਰੁਰੁਇਤੋ ਬ੍ਰਹ੍ਮਨ੍ ਰਾਘਵਾਯ ਨਿਵੇਦਯ ।
ਪਾਤ੍ਰਭੂਤਸ਼੍ਚ ਤੇ ਬ੍ਰਹ੍ਮਂਸ੍ਤਵਾਨੁਗਮਨੇ ਧ੍ਰੁਰੁਇਤਃ ॥ 30 ॥
ਕਰ੍ਤਵ੍ਯਂ ਚ ਮਹਤ੍ਕਰ੍ਮ ਸੁਰਾਣਾਂ ਰਾਜਸੂਨੁਨਾ ।
ਏਵਮੁਕ੍ਤ੍ਵਾ ਸੁਰਾਸ੍ਸਰ੍ਵੇ ਹ੍ਰੁਰੁਇਸ਼੍ਟਾ ਜਗ੍ਮੁਰ੍ਯਥਾਗਤਮ੍ ॥ 31 ॥
ਵਿਸ਼੍ਵਾਮਿਤ੍ਰਂ ਪੁਰਸ੍ਕ੍ਰੁਰੁਇਤ੍ਯ ਤਤਸ੍ਸਂਧ੍ਯਾ ਪ੍ਰਵਰ੍ਤਤੇ ।
ਤਤੋ ਮੁਨਿਵਰਃ ਪ੍ਰੀਤਸ੍ਤਾਟਕਾਵਧਤੋਸ਼ਿਤਃ ॥ 32 ॥
ਮੂਰ੍ਧ੍ਨਿ ਰਾਮਮੁਪਾਘ੍ਰਾਯ ਇਦਂ ਵਚਨਮਬ੍ਰਵੀਤ੍ ।
ਇਹਾਦ੍ਯ ਰਜਨੀਂ ਰਾਮ ਵਸੇਮ ਸ਼ੁਭਦਰ੍ਸ਼ਨ ॥ 33 ॥
ਸ਼੍ਵਃ ਪ੍ਰਭਾਤੇ ਗਮਿਸ਼੍ਯਾਮਸ੍ਤਦਾਸ਼੍ਰਮਪਦਂ ਮਮ ।
ਵਿਸ਼੍ਵਾਮਿਤ੍ਰਵਚਃ ਸ਼੍ਰੁਤ੍ਵਾ ਹ੍ਰੁਰੁਇਸ਼੍ਟੋ ਦਸ਼ਰਥਾਤ੍ਮਜਃ ॥ 34 ॥
ਉਵਾਸ ਰਜਨੀਂ ਤਤ੍ਰ ਤਾਟਕਾਯਾ ਵਨੇ ਸੁਖਮ੍ ।
ਮੁਕ੍ਤਸ਼ਾਪਂ ਵਨਂ ਤਚ੍ਚ ਤਸ੍ਮਿਨ੍ਨੇਵ ਤਦਾਹਨਿ ॥ 35 ॥
ਰਮਣੀਯਂ ਵਿਬਭ੍ਰਾਜ ਯਥਾ ਚੈਤ੍ਰਰਥਂ ਵਨਮ੍ ।
ਨਿਹਤ੍ਯ ਤਾਂ ਯਕ੍ਸ਼ਸੁਤਾਂ ਸ ਰਾਮਃ ਪ੍ਰਸ਼ਸ੍ਯਮਾਨਸ੍ਸੁਰਸਿਦ੍ਧਸਂਘੈਃ ।
ਉਵਾਸ ਤਸ੍ਮਿਨ੍ਮੁਨਿਨਾ ਸਹੈਵ ਪ੍ਰਭਾਤਵੇਲਾਂ ਪ੍ਰਤਿਬੋਧ੍ਯਮਾਨਃ ॥ 36 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਬਾਲਕਾਂਡੇ ਸ਼ਡ੍ਵਿਂਸ਼ਸ੍ਸਰ੍ਗਃ ॥
