ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਅਯੋਧ੍ਯਾਕਾਂਡਮ੍ ।
ਅਥ ਸ਼ਡਸ਼ੀਤਿਤਮਸ੍ਸਰ੍ਗਃ ।
ਆਚਚਕ੍ਸ਼ੇਥ ਸਦ੍ਭਾਵਂ ਲਕ੍ਸ਼੍ਮਣਸ੍ਯ ਮਹਾਤ੍ਮਨਃ ।
ਭਰਤਾਯਾਪ੍ਰਮੇਯਾਯ ਗੁਹੋ ਗਹਨਗੋਚਰਃ ॥ 1 ॥
ਤਂ ਜਾਗ੍ਰਤਂ ਗੁਣੈਰ੍ਯੁਕ੍ਤਂ ਸ਼ਰਚਾਪਾਸਿਧਾਰਿਣਮ੍ ।
ਭ੍ਰਾਤ੍ਰੁਰੁਇਗੁਪ੍ਤ੍ਯਰ੍ਥਮਤ੍ਯਂਤਮਹਂ ਲਕ੍ਸ਼੍ਮਣਮਬ੍ਰੁਰੁਇਵਮ੍ ॥ 2 ॥
ਇਯਂ ਤਾਤ ਸੁਖਾ ਸ਼ਯ੍ਯਾ ਤ੍ਵਦਰ੍ਥਮੁਪਕਲ੍ਪਿਤਾ ।
ਪ੍ਰਤ੍ਯਾਸ਼੍ਵਸਿਹਿ ਸ਼ੇਸ਼੍ਵਾਸ੍ਯਾਂ ਸੁਖਂ ਰਾਘਵਨਂਦਨ ॥ 3 ॥
ਉਚਿਤੋਯਂ ਜਨਸ੍ਸਰ੍ਵੋ ਦੁਃਖਾਨਾਂ ਤ੍ਵਂ ਸੁਖੋਚਿਤਃ ।
ਧਰ੍ਮਾਤ੍ਮਂਸ੍ਤਸ੍ਯ ਗੁਪ੍ਤ੍ਯਰ੍ਥਂ ਜਾਗਰਿਸ਼੍ਯਾਮਹੇ ਵਯਮ੍ ॥ 4 ॥
ਨਹਿ ਰਾਮਾਤ੍ਪ੍ਰਿਯਤਰੋ ਮਮਾਸ੍ਤਿ ਭੁਵਿ ਕਸ਼੍ਚਨ ।
ਮੋਤ੍ਸੁਕੋਭੂਰ੍ਬ੍ਰਵੀਮ੍ਯੇਤਦਪ੍ਯਸਤ੍ਯਂ ਤਵਾਗ੍ਰਤਃ ॥ 5 ॥
ਅਸ੍ਯ ਪ੍ਰਸਾਦਾਦਾਸ਼ਂਸੇ ਲੋਕੇਸ੍ਮਿਨ੍ ਸੁਮਹਦ੍ਯਸ਼ਃ ।
ਧਰ੍ਮਾਵਾਪ੍ਤਿਂ ਚ ਵਿਪੁਲਾਮਰ੍ਥਕਾਮੌ ਚ ਕੇਵਲਮ੍ ॥ 6 ॥
ਸੋਹਂ ਪ੍ਰਿਯਸਖਂ ਰਾਮਂ ਸ਼ਯਾਨਂ ਸਹ ਸੀਤਯਾ ।
ਰਕ੍ਸ਼ਿਸ਼੍ਯਾਮਿ ਧਨੁਸ਼੍ਪਾਣਿ ਸ੍ਸਰ੍ਵੈ ਸ੍ਸ੍ਵੈਰ੍ਜ੍ਞਾਤਿਭਿਸ੍ਸਹ ॥ 7 ॥
ਨ ਹਿ ਮੇਵਿਦਿਤਂ ਕਿਂਚਿਦ੍ਵਨੇਸ੍ਮਿਂਸ਼੍ਚਰਤ ਸ੍ਸਦਾ ।
ਚਤੁਰਂਗਂ ਹ੍ਯਪਿ ਬਲਂ ਪ੍ਰਸਹੇਮ ਵਯਂ ਯੁਧਿ ॥ 8 ॥
ਏਵਮਸ੍ਮਾਭਿਰੁਕ੍ਤੇਨ ਲਕ੍ਸ਼੍ਮਣੇਨ ਮਹਾਤ੍ਮਨਾ ।
ਅਨੁਨੀਤਾ ਵਯਂ ਸਰ੍ਵੇ ਧਰ੍ਮਮੇਵਾਨੁਪਸ਼੍ਯਤਾ ॥ 9 ॥
ਕਥਂ ਦਾਸ਼ਰਥੌ ਭੂਮੌ ਸ਼ਯਾਨੇ ਸਹ ਸੀਤਯਾ ।
ਸ਼ਕ੍ਯਾ ਨਿਦ੍ਰਾ ਮਯਾ ਲਬ੍ਧੁਂ ਜੀਵਿਤਂ ਵਾ ਸੁਖਾਨਿ ਵਾ ॥ 10 ॥
ਯੋ ਨ ਦੇਵਾਸੁਰੈਸ੍ਸਰ੍ਵੈਸ਼੍ਸ਼ਕ੍ਯਃ ਪ੍ਰਸਹਿਤੁਂ ਯੁਧਿ ।
ਤਂ ਪਸ਼੍ਯ ਗੁਹ ਸਂਵਿਸ਼੍ਟਂ ਤ੍ਰੁਰੁਇਣੇਸ਼ੁ ਸਹ ਸੀਤਯਾ ॥ 11 ॥
ਮਹਤਾ ਤਪਸਾ ਲਬ੍ਧੋ ਵਿਵਿਧੈਸ਼੍ਚ ਪਰਿਸ਼੍ਰਮੈਃ ।
ਏਕੋ ਦਸ਼ਰਥਸ੍ਯੈਸ਼ ਪੁਤ੍ਰਸ੍ਸਦ੍ਰੁਰੁਇਸ਼ਲਕ੍ਸ਼ਣਃ ॥ 12 ॥
ਅਸ੍ਮਿਨ੍ਪ੍ਰਵ੍ਰਾਜਿਤੇ ਰਾਜਾ ਨ ਚਿਰਂ ਵਰ੍ਤਯਿਸ਼੍ਯਤਿ ।
ਵਿਧਵਾ ਮੇਦਿਨੀ ਨੂਨਂ ਕ੍ਸ਼ਿਪ੍ਰਮੇਵ ਭਵਿਸ਼੍ਯਤਿ ॥ 13 ॥
ਵਿਨਦ੍ਯ ਸੁਮਹਾਨਾਦਂ ਸ਼੍ਰਮੇਣੋਪਰਤਾਃ ਸ੍ਤ੍ਰਿਯਃ ।
ਨਿਰ੍ਘੋਸ਼ੋ ਵਿਰਤੋ ਨੂਨਮਧ੍ਯ ਰਾਜਨਿਵੇਸ਼ਨੇ ॥ 14 ॥
ਕੌਸਲ੍ਯਾ ਚੈਵ ਰਾਜਾ ਚ ਤਥੈਵ ਜਨਨੀ ਮਮ ।
ਨਾਸ਼ਂਸੇ ਯਦਿ ਜੀਵੇਯੁਸ੍ਸਰ੍ਵੇ ਤੇ ਸ਼ਰ੍ਵਰੀਮਿਮਾਮ੍ ॥ 15 ॥
ਜੀਵੇਦਪਿ ਚ ਮੇ ਮਾਤਾ ਸ਼ਤ੍ਰੁਘ੍ਨਸ੍ਯਾਨ੍ਵਵੇਕ੍ਸ਼ਯਾ ।
ਦੁਃਖਿਤਾ ਯਾ ਤੁ ਕੌਸਲ੍ਯਾ ਵੀਰਸੂਰ੍ਵਿਨਸ਼ਿਸ਼੍ਯਤਿ ॥ 16 ॥
ਅਤਿਕ੍ਰਾਂਤਮਤਿਕ੍ਰਾਂਤਮਨਵਾਪ੍ਯ ਮਨੋਰਥਮ੍ ।
ਰਾਜ੍ਯੇ ਰਾਮਮਨਿਕ੍ਸ਼ਿਪ੍ਯ ਪਿਤਾ ਮੇ ਵਿਨਸ਼ਿਸ਼੍ਯਤਿ ॥ 17 ॥
ਸਿਦ੍ਧਾਰ੍ਥਾਃ ਪਿਤਰਂ ਵ੍ਰੁਰੁਇਤ੍ਤਂ ਤਸ੍ਮਿਨ੍ਕਾਲੇ ਹ੍ਯੁਪਸ੍ਥਿਤੇ ।
ਪ੍ਰੇਤਕਾਰ੍ਯੇਸ਼ੁ ਸਰ੍ਵੇਸ਼ੁ ਸਂਸ੍ਕਰਿਸ਼੍ਯਂਤਿ ਭੂਮਿਪਮ੍ ॥ 18 ॥
ਰਮ੍ਯਚਤ੍ਵਰਸਂਸ੍ਥਾਨਾਂ ਸੁਵਿਭਕ੍ਤਮਹਾਪਥਾਮ੍ ।
ਹਰ੍ਮ੍ਯਪ੍ਰਾਸਾਦਂਪਨ੍ਨਾਂ ਸਰ੍ਵਰਤ੍ਨਵਿਭੂਸ਼ਿਤਾਮ੍ ॥ 19 ॥
ਗਜਾਸ਼੍ਵਰਥਸਂਬਾਧਾਂ ਤੂਰ੍ਯਨਾਦਵਿਨਾਦਿਤਾਮ੍ ।
ਸਰ੍ਵਕਲ੍ਯਾਣਸਂਪੂਰ੍ਣਾਂ ਹ੍ਰੁਰੁਇਸ਼੍ਟਪੁਸ਼੍ਟਜਨਾਕੁਲਾਮ੍ ॥ 20 ॥
ਆਰਾਮੋਦ੍ਯਾਨਸਂਪੂਰ੍ਣਾਂ ਸਮਾਜੋਤ੍ਸਵਸ਼ਾਲਿਨੀਮ੍ ।
ਸੁਖਿਤਾ ਵਿਚਰਿਸ਼੍ਯਂਤਿ ਰਾਜਧਾਨੀਂ ਪਿਤੁਰ੍ਮਮ ॥ 21 ॥
ਅਪਿਸਤ੍ਯਪ੍ਰਤਿਜ੍ਞੇਨ ਸਾਰ੍ਧਂ ਕੁਸ਼ਲਿਨਾ ਵਯਮ੍ ।
ਨਿਵ੍ਰੁਰੁਇਤ੍ਤੇ ਸਮਯੇ ਹ੍ਯਸ੍ਮਿਨ੍ ਸੁਖਿਤਾਃ ਪ੍ਰਵਿਸ਼ੇਮਹਿ ॥ 22 ॥
ਪਰਿਦੇਵਯਮਾਨਸ੍ਯ ਤਸ੍ਯੈਵਂ ਸੁਮਹਾਤ੍ਮਨਃ ।
ਤਿਸ਼੍ਠਤੋ ਰਾਜਪੁਤ੍ਰਸ੍ਯ ਸ਼ਰ੍ਵਰੀ ਸਾਤ੍ਯਵਰ੍ਤਤ ॥ 23 ॥
ਪ੍ਰਭਾਤੇ ਵਿਮਲੇ ਸੂਰ੍ਯੇ ਕਾਰਯਿਤ੍ਵਾ ਜਟਾ ਉਭੌ ।
ਅਸ੍ਮਿਨ੍ ਭਾਗੀਰਥੀਤੀਰੇ ਸੁਖਂ ਸਂਤਾਰਿਤੌ ਮਯਾ ॥ 24 ॥
ਜਟਾਧਰੌ ਤੌ ਦ੍ਰੁਮਚੀਰਵਾਸਸੌ ਮਹਾਬਲੌ ਕੁਂਜਰਯੂਥਪੋਪਮੌ ।
ਵਰੇਸ਼ੁਚਾਪਾਸਿਧਰੌ ਪਰਂਤਪੌ ਵ੍ਯਪੇਕ੍ਸ਼ਮਾਣੌ ਸਹ ਸੀਤਯਾ ਗਤੌ ॥ 25 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਅਯੋਧ੍ਯਾਕਾਂਡੇ ਸ਼ਡਸ਼ੀਤਿਤਮਸ੍ਸਰ੍ਗਃ ॥
