ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਬਾਲਕਾਂਡਮ੍ ।
ਅਥ ਦ੍ਵਾਵਿਂਸ਼ਸ੍ਸਰ੍ਗਃ ।
ਤਥਾ ਵਸਿਸ਼੍ਠੇ ਬ੍ਰੁਵਤਿ ਰਾਜਾ ਦਸ਼ਰਥਸ੍ਸੁਤਮ ਪ੍ਰਹ੍ਰੁਰੁਇਸ਼੍ਟਵਦਨੋ ਰਾਮਮਾਜੁਹਾਵ ਸਲਕ੍ਸ਼੍ਮਣਮ੍ ॥ 1 ॥
ਕ੍ਰੁਰੁਇਤਸ੍ਵਸ੍ਤ੍ਯਯਨਂ ਮਾਤ੍ਰਾ ਪਿਤ੍ਰਾ ਦਸ਼ਰਥੇਨ ਚ ।
ਪੁਰੋਧਸਾ ਵਸਿਸ਼੍ਠੇਨ ਮਂਗਲੈਰਭਿਮਂਤ੍ਰਿਤਮ੍ ॥ 2 ॥
ਸ ਪੁਤ੍ਰਂ ਮੂਰ੍ਧ੍ਨ੍ਯੁਪਾਘ੍ਰਾਯ ਰਾਜਾ ਦਸ਼ਰਥਃ ਪ੍ਰਿਯਮ੍ ।
ਦਦੌ ਕੁਸ਼ਿਕਪੁਤ੍ਰਾਯ ਸੁਪ੍ਰੀਤੇਨਾਂਤਰਾਤ੍ਮਨਾ ॥ 3 ॥
ਤਤੋ ਵਾਯੁਸ੍ਸੁਖਸ੍ਪਰ੍ਸ਼ੋ ਨੀਰਜਸ੍ਕੋ ਵਵੌ ਤਦਾ ।
ਵਿਸ਼੍ਵਾਮਿਤ੍ਰਗਤਂ ਦ੍ਰੁਰੁਇਸ਼੍ਟ੍ਵਾ ਰਾਮਂ ਰਾਜੀਵਲੋਚਨਮ੍ ॥ 4 ॥
ਪੁਸ਼੍ਪਵ੍ਰੁਰੁਇਸ਼੍ਟਿਰ੍ਮਹਤ੍ਯਾਸੀਦ੍ਦੇਵਦੁਂਦੁਭਿਨਿਸ੍ਵਨੈਃ ।
ਸ਼ਂਖਦੁਂਦੁਭਿਨਿਰ੍ਘੋਸ਼ਃ ਪ੍ਰਯਾਤੇ ਤੁ ਮਹਾਤ੍ਮਨਿ ॥ 5 ॥
ਵਿਸ਼੍ਵਾਮਿਤ੍ਰੋ ਯਯਾਵਗ੍ਰੇ ਤਤੋ ਰਾਮੋ ਧਨੁਰ੍ਧਰਃ ।
ਕਾਕਪਕ੍ਸ਼ਧਰੋ ਧਨ੍ਵੀ ਤਂ ਚ ਸੌਮਿਤ੍ਰਿਰਨ੍ਵਗਾਤ੍ ॥ 6 ॥
ਕਲਾਪਿਨੌ ਧਨੁਸ਼੍ਪਾਣੀ ਸ਼ੋਭਮਾਨੌ ਦਿਸ਼ੋ ਦਸ਼ ।
ਵਿਸ਼੍ਵਾਮਿਤ੍ਰਂ ਮਹਾਤ੍ਮਾਨਂ ਤ੍ਰਿਸ਼ੀਰ੍ਸ਼ਾਵਿਵ ਪਨ੍ਨਗੌ ॥ 7 ॥
ਅਨੁਜਗ੍ਮਤੁਰਕ੍ਸ਼ੁਦ੍ਰੌ ਪਿਤਾਮਹਮਿਵਾਸ਼੍ਵਿਨੌ ।
ਤਦਾ ਕੁਸ਼ਿਕਪੁਤ੍ਰਂ ਤੁ ਧਨੁਸ਼੍ਪਾਣੀ ਸ੍ਵਲਂਕ੍ਰੁਰੁਇਤੌ ॥ 8 ॥
ਬਦ੍ਧਗੋਧਾਂਗੁਲਿਤ੍ਰਾਣੌ ਖਡ੍ਗਵਂਤੌ ਮਹਾਦ੍ਯੁਤੀ ।
ਕੁਮਾਰੌ ਚਾਰੁਵਪੁਸ਼ੌ ਭ੍ਰਾਤਰੌ ਰਾਮਲਕ੍ਸ਼੍ਮਣੌ ॥ 9 ॥
ਅਨੁਯਾਤੌ ਸ਼੍ਰਿਯਾ ਦੀਪ੍ਤੌ ਸ਼ੋਭਯੇਤਾਮਨਿਂਦਿਤੌ ।
ਸ੍ਥਾਣੁਂ ਦੇਵਮਿਵਾਚਿਂਤ੍ਯਂ ਕੁਮਾਰਾਵਿਵ ਪਾਵਕੀ ॥ 10 ॥
ਅਧ੍ਯਰ੍ਧਯੋਜਨਂ ਗਤ੍ਵਾ ਸਰਯ੍ਵਾ ਦਕ੍ਸ਼ਿਣੇ ਤਟੇ ।
ਰਾਮੇਤਿ ਮਧੁਰਾਂ ਵਾਣੀਂ ਵਿਸ਼੍ਵਾਮਿਤ੍ਰੋਭ੍ਯਭਾਸ਼ਤ ॥ 11 ॥
ਗ੍ਰੁਰੁਇਹਾਣ ਵਤ੍ਸ ਸਲਿਲਂ ਮਾ ਭੂਤ੍ਕਾਲਸ੍ਯ ਪਰ੍ਯਯਃ ।
ਮਂਤ੍ਰਗ੍ਰਾਮਂ ਗ੍ਰੁਰੁਇਹਾਣ ਤ੍ਵਂ ਬਲਾਮਤਿਬਲਾਂ ਤਥਾ ॥ 12 ॥
ਨ ਸ਼੍ਰਮੋ ਨ ਜ੍ਵਰੋ ਵਾ ਤੇ ਨ ਰੂਪਸ੍ਯ ਵਿਪਰ੍ਯਯਃ ।
ਨ ਚ ਸੁਪ੍ਤਂ ਪ੍ਰਮਤ੍ਤਂ ਵਾ ਧਰ੍ਸ਼ਯਿਸ਼੍ਯਂਤਿ ਨੈਰ੍ਰੁਰੁਇਤਾਃ ॥ 13 ॥
ਨ ਬਾਹ੍ਵੋਸ੍ਸਦ੍ਰੁਰੁਇਸ਼ੋ ਵੀਰ੍ਯੇ ਪ੍ਰੁਰੁਇਥਿਵ੍ਯਾਮਸ੍ਤਿ ਕਸ਼੍ਚਨ ।
ਤ੍ਰਿਸ਼ੁ ਲੋਕੇਸ਼ੁ ਵੈ ਰਾਮ ਨ ਭਵੇਤ੍ਸਦ੍ਰੁਰੁਇਸ਼ਸ੍ਤਵ ॥ 14 ॥
ਨ ਸੌਭਾਗ੍ਯੇ ਨ ਦਾਕ੍ਸ਼ਿਣ੍ਯੇ ਨ ਜ੍ਞਾਨੇ ਬੁਦ੍ਧਿਨਿਸ਼੍ਚਯੇ ।
ਨੋਤ੍ਤਰੇ ਪ੍ਰਤਿਵਕ੍ਤਵ੍ਯੇ ਸਮੋ ਲੋਕੇ ਤਵਾਨਘ ॥ 15 ॥
ਏਤਦ੍ਵਿਦ੍ਯਾਦ੍ਵਯੇ ਲਬ੍ਧੇ ਭਵਿਤਾ ਨਾਸ੍ਤਿ ਤੇ ਸਮਃ ।
ਬਲਾਤ੍ਵਤਿਬਲਾ ਚੈਵ ਸਰ੍ਵਜ੍ਞਾਨਸ੍ਯ ਮਾਤਰੌ ॥ 16 ॥
ਕ੍ਸ਼ੁਤ੍ਪਿਪਾਸੇ ਨ ਤੇ ਰਾਮ ਭਵਿਸ਼੍ਯੇਤੇ ਨਰੋਤ੍ਤਮ ।
ਬਲਾਮਤਿਬਲਾਂ ਚੈਵ ਪਠਤਃ ਪਥਿ ਰਾਘਵ ॥ 17 ॥
ਵਿਦ੍ਯਾਦ੍ਵਯਮਧੀਯਾਨੇ ਯਸ਼ਸ਼੍ਚਾਪ੍ਯਤੁਲਂ ਤ੍ਵਯਿ ।
ਪਿਤਾਮਹਸੁਤੇ ਹ੍ਯੇਤੇ ਵਿਦ੍ਯੇ ਤੇਜਸ੍ਸਮਨ੍ਵਿਤੇ ॥ 18 ॥
ਪ੍ਰਦਾਤੁਂ ਤਵ ਕਾਕੁਤ੍ਸ੍ਥ ਸਦ੍ਰੁਰੁਇਸ਼ਸ੍ਤ੍ਵਂ ਹਿ ਧਾਰ੍ਮਿਕ ।
ਕਾਮਂ ਬਹੁਗੁਣਾਸ੍ਸਰ੍ਵੇ ਤ੍ਵਯ੍ਯੇਤੇ ਨਾਤ੍ਰ ਸਂਸ਼ਯਃ ।
ਤਪਸਾ ਸਂਭ੍ਰੁਰੁਇਤੇ ਚੈਤੇ ਬਹੁਰੂਪੇ ਭਵਿਸ਼੍ਯਤਃ ॥ 19 ॥
ਤਤੋ ਰਾਮੋ ਜਲਂ ਸ੍ਪ੍ਰੁਰੁਇਸ਼੍ਟ੍ਵਾ ਪ੍ਰਹ੍ਰੁਰੁਇਸ਼੍ਟਵਦਨਸ਼੍ਸ਼ੁਚਿਃ ।
ਪ੍ਰਤਿਜਗ੍ਰਾਹ ਤੇ ਵਿਦ੍ਯੇ ਮਹਰ੍ਸ਼ੇਰ੍ਭਾਵਿਤਾਤ੍ਮਨਃ ॥ 20 ॥
ਵਿਦ੍ਯਾਸਮੁਦਿਤੋ ਰਾਮਸ਼੍ਸ਼ੁਸ਼ੁਭੇ ਭੂਰਿਵਿਕ੍ਰਮਃ ।
ਸਹਸ੍ਰਰਸ਼੍ਮਿਰ੍ਭਗਵਾਨ੍ ਸ਼ਰਦੀਵ ਦਿਵਾਕਰਃ ॥ 21 ॥
ਗੁਰੁਕਾਰ੍ਯਾਣਿ ਸਰ੍ਵਾਣਿ ਨਿਯੁਜ੍ਯ ਕੁਸ਼ਿਕਾਤ੍ਮਜੇ ।
ਊਸ਼ੁਸ੍ਤਾਂ ਰਜਨੀਂ ਤਤ੍ਰ ਸਰਯ੍ਵਾਂ ਸੁਸੁਖਂ ਤ੍ਰਯਃ ॥ 22 ॥
ਦਸ਼ਰਥਨ੍ਰੁਰੁਇਪਸੂਨੁਸਤ੍ਤਮਾਭ੍ਯਾਂ ਤ੍ਰੁਰੁਇਣਸ਼ਯਨੇਨੁਚਿਤੇ ਸਹੋਸ਼ਿਤਾਭ੍ਯਾਮ੍ ।
ਕੁਸ਼ਿਕਸੁਤਵਚੋਨੁਲਾਲਿਤਾਭ੍ਯਾਂ ਸੁਖਮਿਵ ਸਾ ਵਿਬਭੌ ਵਿਭਾਵਰੀ ਚ ॥ 23 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਬਾਲਕਾਂਡੇ ਦ੍ਵਾਵਿਂਸ਼ਸ੍ਸਰ੍ਗਃ ॥
