ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਕਿਸ਼੍ਕਿਂਧਾਕਾਂਡਮ੍ ।
ਅਥ ਪਂਚਚਤ੍ਵਾਰਿਂਸ਼ਸ੍ਸਰ੍ਗਃ ।
ਸਰ੍ਵਾਂਸ਼੍ਚਾਹੂਯ ਸੁਗ੍ਰੀਵਃ ਪ੍ਲਵਗਾਨ੍ ਪ੍ਲਵਗਰ੍ਸ਼ਭਃ ।
ਸਮਸ੍ਤਾਨਬ੍ਰਵੀਦ੍ਭੂਯੋ ਰਾਮਕਾਰ੍ਯਰ੍ਥਸਿਦ੍ਧਯੇ ॥ 1 ॥
ਏਵਮੇਤਦ੍ਵਿਚੇਤਵ੍ਯਂ ਯਨ੍ਮਯਾ ਪਰਿਕੀਰ੍ਤਿਤਮ੍ ।
ਤਦੁਗ੍ਰਸ਼ਾਸਨਂ ਭਰ੍ਤੁਰ੍ਵਿਜ੍ਞਾਯ ਹਰਿਪੁਂਗਵਾਃ ॥ 2 ॥
ਸ਼ਲਭਾ ਇਵ ਸਂਛਾਦ੍ਯ ਮੇਦਿਨੀਂ ਸਂਪ੍ਰਤਸ੍ਥਿਰੇ ।
ਰਾਮਃ ਪ੍ਰਸ੍ਰਵਣੇ ਤਸ੍ਮਿਨ੍ਯਵਸਤ੍ਸਹਲਕ੍ਸ਼੍ਮਣਃ ॥ 3 ॥
ਪ੍ਰਤੀਕ੍ਸ਼ਮਾਣਸ੍ਤਂ ਮਾਸਂ ਯਸ੍ਸੀਤਾਧਿਗਮੇ ਕ੍ਰੁਰੁਇਤਃ ।
ਉਤ੍ਤਰਾਂ ਤੁ ਦਿਸ਼ਂ ਰਮ੍ਯਾਂ ਗਿਰਿਰਾਜਸਮਾਵ੍ਰੁਰੁਇਤਾਮ੍ ॥ 4 ॥
ਪ੍ਰਤਸ੍ਥੇ ਸਹਸਾ ਵੀਰੋ ਹਰਿਸ਼੍ਸ਼ਤਵਲਿਸ੍ਤਦਾ ।
ਪੂਰ੍ਵਾਂ ਦਿਸ਼ਂ ਪ੍ਰਤਿਯਯੌ ਵਿਨਤੋ ਹਰਿਯੂਥਪਃ ॥ 5 ॥
ਤਾਰਾਂਗਦਾਦਿਸਹਿਤਃ ਪ੍ਲਵਂਗੋ ਮਾਰੁਤਾਤ੍ਮਜਃ ।
ਅਗਤ੍ਯਾਚਰਿਤਾਮਾਸ਼ਾਂ ਦਕ੍ਸ਼ਿਣਾਂ ਹਰਿਯੂਥਪਃ ॥ 6 ॥
ਪਸ਼੍ਚਿਮਾਂ ਤੁ ਭ੍ਰੁਰੁਇਸ਼ਂ ਘੋਰਾਂ ਸੁਸ਼ੇਣਃ ਪ੍ਲਵਗੇਸ਼੍ਵਰਃ ।
ਪ੍ਰਤਸ੍ਥੇ ਹਰਿਸ਼ਾਰ੍ਦੂਲੋ ਦਿਸ਼ਂ ਵਰੁਣਪਾਲਿਤਾਮ੍ ॥ 7 ॥
ਤਤਸ੍ਸਰ੍ਵਾ ਦਿਸ਼ੋ ਰਾਜਾ ਚੋਦਯਿਤ੍ਵਾ ਯਥਾਤਥਮ੍ ।
ਕਪਿਸੇਨਾਪਤੀਨ੍ਮੁਖ੍ਯਾਨ੍ਮੁਮੋਦ ਸੁਖਿਤਸ੍ਸੁਖਮ੍ ॥ 8 ॥
ਏਵਂ ਸਂਬੋਧਿਤਾਸ੍ਸਰ੍ਵੇ ਰਾਜ੍ਞਾ ਵਾਨਰਯੂਥਪਾਃ ।
ਸ੍ਵਾਂ ਸ੍ਵਾਂ ਦਿਸ਼ਮਭਿਪ੍ਰਤ੍ਤ੍ਯ ਤ੍ਵਰਿਤਾ ਸਂਪ੍ਰਤਸ੍ਥਿਰੇ ॥ 9 ॥
ਨਦਂਤਸ਼੍ਚੋਨ੍ਨਦਂਤਸ਼੍ਚ ਗਰ੍ਜਂਤਸ਼੍ਚ ਪ੍ਲਵਂਗਮਾਃ ।
ਕ੍ਸ਼੍ਵੇਲਂਤੋ ਧਾਵਮਾਨਾਸ਼੍ਚ ਵਿਨਦਂਤੋ ਮਹਾਬਲਾਃ ॥ 10 ॥
ਏਵਂ ਸਂਬੋਦਿਤਾਸ੍ਸਰ੍ਵੇ ਰਾਜ੍ਞਾ ਵਾਨਰਯੂਥਪਾਃ ।
ਆਨਯਿਸ਼੍ਯਾਮਹੇ ਸੀਤਾਂ ਹਨਿਸ਼੍ਯਾਮਸ਼੍ਚ ਰਾਵਣਮ੍ ॥ 11 ॥
ਅਹਮੇਕੋ ਹਨਿਸ਼੍ਯਾਮਿ ਰਾਵਣਂ ਪ੍ਰਾਪ੍ਤਮਾਹਵੇ ।
ਤਤਸ਼੍ਚੋਨ੍ਮਥ੍ਯ ਸਹਸਾ ਹਰਿਸ਼੍ਯੇ ਜਨਕਾਤ੍ਮਜਾਮ੍ ॥ 12 ॥
ਵੇਪਮਾਨਾਂ ਸ਼੍ਰਮੇਣਾਦ੍ਯ ਭਵਦ੍ਭਿਃ ਸ੍ਥੀਯਤਾਮਿਤਿ ।
ਏਕ ਏਵਾਹਰਿਸ਼੍ਯਾਮਿ ਪਾਤਾਲਾਦਪਿ ਜਾਨਕੀਮ੍ ॥ 13 ॥
ਵਧਿਸ਼੍ਯਾਮ੍ਯਹਂ ਵ੍ਰੁਰੁਇਕ੍ਸ਼ਾਨ੍ ਦਾਰਯਿਸ਼੍ਯਾਮ੍ਯਹਂ ਗਿਰੀਨ੍ ।
ਧਰਣੀਂ ਦਾਰਯਿਸ਼੍ਯਾਮਿ ਕ੍ਸ਼ੋਭਯਿਸ਼੍ਯਾਮਿ ਸਾਗਰਾਨ੍ ॥ 14 ॥
ਅਹਂ ਯੋਜਨਸਂਖ੍ਯਾਯਾਃ ਪ੍ਲਵਿਤਾ ਨਾਤ੍ਰ ਸਂਸ਼ਯਃ ।
ਸ਼ਤਂ ਯੋਜਨਸਂਖ੍ਯਾਯਾਸ਼੍ਸ਼ਤਂ ਸਮਧਿਕਂ ਹ੍ਯਹਮ੍ ॥ 15 ॥
ਭੂਤਲੇ ਸਾਗਰੇ ਵਾਪਿ ਸ਼ੈਲੇਸ਼ੁ ਚ ਵਨੇਸ਼ੁ ਚ ।
ਪਾਤਾਲਸ੍ਯਾਪਿ ਵਾ ਮਧ੍ਯੇ ਨ ਮਮਾਚ੍ਛਿਦ੍ਯਤੇ ਗਤਿਃ ॥ 16 ॥
ਇਤ੍ਯੇਕੈਕਂ ਤਦਾ ਤਤ੍ਰ ਵਾਨਰਾ ਬਲਦਰ੍ਪਿਤਾਃ ।
ਊਚੁਸ਼੍ਚ ਵਚਨਂ ਤਤ੍ਰ ਹਰਿਰਾਜਸ੍ਯ ਸਨ੍ਨਿਧੌ ॥ 17 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਕਿਸ਼੍ਕਿਂਧਾਕਾਂਡੇ ਪਂਚਚਤ੍ਵਾਰਿਂਸ਼ਸ੍ਸਰ੍ਗਃ ॥
