ශ්රීමද්වාල්මීකීය රාමායණේ බාලකාංඩම් ।
අථ චතුස්ත්රිංශස්සර්ගඃ ।
කෘතෝද්වාහේ ගතේ තස්මින් බ්රහ්මදත්තේ ච රාඝව ।
අපුත්රඃ පුත්රලාභාය පෞත්රීමිෂ්ටිමකල්පයත් ॥ 1 ॥
ඉෂ්ට්යාං තු වර්තමානායාං කුශනාභං මහීපතිම් ।
උවාච පරමෝදාරඃ කුශෝ බ්රහ්මසුතස්තදා ॥ 2 ॥
පුත්රස්තේ සදෘශඃ පුත්ර භවිෂ්යති සුධාර්මිකඃ ।
ගාධිං ප්රාප්ස්යසි තේන ත්වං කීර්තිං ලෝකේ ච ශාශ්වතීම් ॥ 3 ॥
ඒවමුක්ත්වා කුශෝ රාම කුශනාභං මහීපතිම් ।
ජගාමාකාශමාවිශ්ය බ්රහ්මලෝකං සනාතනාම් ॥ 4 ॥
කස්ය චිත්ත්වථ කාලස්ය කුශනාභස්ය ධීමතඃ ।
ජජ්ඤේ පරමධර්මිෂ්ඨෝ ගාධිරිත්යේව නාමතඃ ॥ 5 ॥
ස පිතා මම කාකුත්ස්ථ ගාධිඃ පරමධාර්මිකඃ ।
කුශවංශප්රසූතෝऽස්මි කෞශිකෝ රඝුනංදන ॥ 6 ॥
පූර්වජා භගිනී චාපි මම රාඝව සුව්රතා ।
නාම්නා සත්යවතී නාම ඍචීකේ ප්රතිපාදිතා ॥ 7 ॥
සශරීරා ගතා ස්වර්ගං භර්තාරමනුවර්තිනී ।
කෞශිකී පරමෝදාරා ප්රවෘත්තා ච මහානදී ॥ 8 ॥
දිව්යා පුණ්යෝදකා රම්යා හිමවංතමුපාශ්රිතා ।
ලෝකස්ය හිතකාමාර්ථං ප්රවෘත්තා භගිනී මම ॥ 9 ॥
තතෝऽහං හිමවත්පාර්ශ්වේ වසාමි නිරතස්සුඛම් ।
භගින්යාං ස්නේහසංයුක්තඃ කෞශික්යාං රඝුනංදන ॥ 10 ॥
සා තු සත්යවතී පුණ්යා සත්යේ ධර්මේ ප්රතිෂ්ඨිතා ।
පතිව්රතා මහාභාගා කෞශිකී සරිතාං වරා ॥ 11 ॥
අහං හි නියමාද්රාම හිත්වා තාං සමුපාගතඃ ।
සිද්ධාශ්රමමනුප්රාප්ය සිද්ධෝऽස්මි තව තේජසා ॥ 12 ॥
ඒෂා රාම මමෝත්පත්තිස්ස්වස්ය වංශස්ය කීර්තිතා ।
දේශස්ය ච මහාබාහෝ යන්මාං ත්වං පරිපෘච්ඡසි ॥ 13 ॥
ගතෝऽර්ධරාත්රඃ කාකුත්ස්ථ කථාඃ කථයතෝ මම ।
නිද්රාමභ්යේහි භද්රං තේ මා භූද්විඝ්නෝऽධ්වනීහ නඃ ॥ 14 ॥
නිෂ්පංදාස්තරවස්සර්වේ නිලීනමෘගපක්ෂිණඃ ।
නෛශේන තමසා ව්යාප්තා දිශශ්ච රඝුනංදන ॥ 15 ॥
ශනෛර්වියුජ්යතේ සංධ්යා නභෝ නේත්රෛරිවාවෘතම් ।
නක්ෂත්රතාරාගහනං ජ්යෝතිර්භිරිව භාසතේ ॥ 16 ॥
උත්තිෂ්ඨති ච ශීතාංශුශ්ශශී ලෝකතමෝනුදඃ ।
හ්ලාදයන් ප්රාණිනාං ලෝකේ මනාංසි ප්රභයා විභෝ ॥ 17 ॥
නෛශානි සර්වභූතානි ප්රචරංති තතස්තතඃ ।
යක්ෂරාක්ෂසසංඝාශ්ච රෞද්රාශ්ච පිශිතාශනාඃ ॥ 18 ॥
ඒවමුක්ත්වා මහාතේජා විරරාම මහාමුනිඃ ।
සාධු සාධ්විති තං සර්වේ ඍෂයෝ හ්යභ්යපූජයන් ॥ 19 ॥
කුශිකානාමයං වංශෝ මහාන් ධර්මපරස්සදා ।
බ්රහ්මෝපමා මහාත්මානඃ කුශවංශ්යා නරෝත්තමාඃ ॥ 20 ॥
විශේෂේණ භවානේව විශ්වාමිත්රෝ මහායශාඃ ।
කෞශිකී සරිතාං ශ්රේෂ්ඨා කුලෝද්යෝතකරී තව ॥ 21 ॥
ඉති තෛර්මුනිශාර්දූලෛඃ ප්රශස්තඃ කුශිකාත්මජඃ ।
නිද්රාමුපාගමච්ඡ්රීමාන් අස්තංගත ඉවාංශුමාන් ॥ 22 ॥
රාමෝऽපි සහසෞමිත්රිඃ කිංචිදාගතවිස්මයඃ ।
ප්රශස්ය මුනිශාර්දූලං නිද්රාං සමුපසේවතේ ॥ 23 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ චතුස්ත්රිංශස්සර්ගඃ ॥
