ஶ்ரீமத்³வால்மீகீய ராமாயணே பா³லகாண்ட³ம் ।
அத² சதுஸ்த்ரிம்ஶஸ்ஸர்க:³ ।
க்ருதோத்³வாஹே க³தே தஸ்மின் ப்³ரஹ்மத³த்தே ச ராக⁴வ ।
அபுத்ர: புத்ரலாபா⁴ய பௌத்ரீமிஷ்டிமகல்பயத் ॥ 1 ॥
இஷ்ட்யாம் து வர்தமானாயாம் குஶனாப⁴ம் மஹீபதிம் ।
உவாச பரமோதா³ர: குஶோ ப்³ரஹ்மஸுதஸ்ததா³ ॥ 2 ॥
புத்ரஸ்தே ஸத்³ருஶ: புத்ர ப⁴விஷ்யதி ஸுதா⁴ர்மிக: ।
கா³தி⁴ம் ப்ராப்ஸ்யஸி தேன த்வம் கீர்திம் லோகே ச ஶாஶ்வதீம் ॥ 3 ॥
ஏவமுக்த்வா குஶோ ராம குஶனாப⁴ம் மஹீபதிம் ।
ஜகா³மாகாஶமாவிஶ்ய ப்³ரஹ்மலோகம் ஸனாதனாம் ॥ 4 ॥
கஸ்ய சித்த்வத² காலஸ்ய குஶனாப⁴ஸ்ய தீ⁴மத: ।
ஜஜ்ஞே பரமத⁴ர்மிஷ்டோ² கா³தி⁴ரித்யேவ நாமத: ॥ 5 ॥
ஸ பிதா மம காகுத்ஸ்த² கா³தி⁴: பரமதா⁴ர்மிக: ।
குஶவம்ஶப்ரஸூதோஸ்மி கௌஶிகோ ரகு⁴னந்த³ன ॥ 6 ॥
பூர்வஜா ப⁴கி³னீ சாபி மம ராக⁴வ ஸுவ்ரதா ।
நாம்னா ஸத்யவதீ நாம ருசீகே ப்ரதிபாதி³தா ॥ 7 ॥
ஸஶரீரா க³தா ஸ்வர்க³ம் ப⁴ர்தாரமனுவர்தினீ ।
கௌஶிகீ பரமோதா³ரா ப்ரவ்ருத்தா ச மஹானதீ³ ॥ 8 ॥
தி³வ்யா புண்யோத³கா ரம்யா ஹிமவந்தமுபாஶ்ரிதா ।
லோகஸ்ய ஹிதகாமார்த²ம் ப்ரவ்ருத்தா ப⁴கி³னீ மம ॥ 9 ॥
ததோஹம் ஹிமவத்பார்ஶ்வே வஸாமி நிரதஸ்ஸுக²ம் ।
ப⁴கி³ன்யாம் ஸ்னேஹஸம்யுக்த: கௌஶிக்யாம் ரகு⁴னந்த³ன ॥ 1௦ ॥
ஸா து ஸத்யவதீ புண்யா ஸத்யே த⁴ர்மே ப்ரதிஷ்டி²தா ।
பதிவ்ரதா மஹாபா⁴கா³ கௌஶிகீ ஸரிதாம் வரா ॥ 11 ॥
அஹம் ஹி நியமாத்³ராம ஹித்வா தாம் ஸமுபாக³த: ।
ஸித்³தா⁴ஶ்ரமமனுப்ராப்ய ஸித்³தோ⁴ஸ்மி தவ தேஜஸா ॥ 12 ॥
ஏஷா ராம மமோத்பத்திஸ்ஸ்வஸ்ய வம்ஶஸ்ய கீர்திதா ।
தே³ஶஸ்ய ச மஹாபா³ஹோ யன்மாம் த்வம் பரிப்ருச்ச²ஸி ॥ 13 ॥
க³தோர்த⁴ராத்ர: காகுத்ஸ்த² கதா²: கத²யதோ மம ।
நித்³ராமப்⁴யேஹி ப⁴த்³ரம் தே மா பூ⁴த்³விக்⁴னோத்⁴வனீஹ ந: ॥ 14 ॥
நிஷ்பந்தா³ஸ்தரவஸ்ஸர்வே நிலீனம்ருக³பக்ஷிண: ।
நைஶேன தமஸா வ்யாப்தா தி³ஶஶ்ச ரகு⁴னந்த³ன ॥ 15 ॥
ஶனைர்வியுஜ்யதே ஸந்த்⁴யா நபோ⁴ நேத்ரைரிவாவ்ருதம் ।
நக்ஷத்ரதாராக³ஹனம் ஜ்யோதிர்பி⁴ரிவ பா⁴ஸதே ॥ 16 ॥
உத்திஷ்ட²தி ச ஶீதாம்ஶுஶ்ஶஶீ லோகதமோனுத:³ ।
ஹ்லாத³யன் ப்ராணினாம் லோகே மனாம்ஸி ப்ரப⁴யா விபோ⁴ ॥ 17 ॥
நைஶானி ஸர்வபூ⁴தானி ப்ரசரந்தி ததஸ்தத: ।
யக்ஷராக்ஷஸஸங்கா⁴ஶ்ச ரௌத்³ராஶ்ச பிஶிதாஶனா: ॥ 18 ॥
ஏவமுக்த்வா மஹாதேஜா விரராம மஹாமுனி: ।
ஸாது⁴ ஸாத்⁴விதி தம் ஸர்வே ருஷயோ ஹ்யப்⁴யபூஜயன் ॥ 19 ॥
குஶிகானாமயம் வம்ஶோ மஹான் த⁴ர்மபரஸ்ஸதா³ ।
ப்³ரஹ்மோபமா மஹாத்மான: குஶவம்ஶ்யா நரோத்தமா: ॥ 2௦ ॥
விஶேஷேண ப⁴வானேவ விஶ்வாமித்ரோ மஹாயஶா: ।
கௌஶிகீ ஸரிதாம் ஶ்ரேஷ்டா² குலோத்³யோதகரீ தவ ॥ 21 ॥
இதி தைர்முனிஶார்தூ³லை: ப்ரஶஸ்த: குஶிகாத்மஜ: ।
நித்³ராமுபாக³மச்ச்²ரீமான் அஸ்தங்க³த இவாம்ஶுமான் ॥ 22 ॥
ராமோபி ஸஹஸௌமித்ரி: கிஞ்சிதா³க³தவிஸ்மய: ।
ப்ரஶஸ்ய முனிஶார்தூ³லம் நித்³ராம் ஸமுபஸேவதே ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ சதுஸ்த்ரிம்ஶஸ்ஸர்க:³ ॥
