ஶ்ரீமத்³வால்மீகீய ராமாயணே பா³லகாண்ட³ம் ।
அத² ஷட்³விம்ஶஸ்ஸர்க:³ ।
முனேர்வசனமக்லீப³ம் ஶ்ருத்வா நரவராத்மஜ: ।
ராக⁴வ: ப்ராஞ்ஜலிர்பூ⁴த்வா ப்ரத்யுவாச த்³ருட⁴வ்ரத: ॥ 1 ॥
பிதுர்வசனநிர்தே³ஶாத்பிதுர்வசனகௌ³ரவாத் ।
வசனம் கௌஶிகஸ்யேதி கர்தவ்யமவிஶங்கயா ॥ 2 ॥
அனுஶிஷ்டோஸ்ம்யயோத்⁴யாயாம் கு³ருமத்⁴யே மஹாத்மனா ।
பித்ரா த³ஶரதே²னாஹம் நாவஜ்ஞேயம் ஹி தத்³வச: ॥ 3 ॥
ஸோஹம் பிதுர்வசஶ்ஶ்ருத்வா ஶாஸனாத்³ப்³ரஹ்மவாதி³ன: ।
கரிஷ்யாமி ந ஸந்தே³ஹஸ்தாடகாவத⁴முத்தமம் ॥ 4 ॥
கோ³ப்³ராஹ்மணஹிதார்தா²ய தே³ஶஸ்யாஸ்ய ஸுகா²ய ச ।
தவ சைவாப்ரமேயஸ்ய வசனம் கர்துமுத்³யத: ॥ 5 ॥
ஏவமுக்த்வா த⁴னுர்மத்⁴யே ப³த்⁴வா முஷ்டிமரிந்த³ம: ।
ஜ்யாஶப்³த³மகரோத்தீவ்ரம் தி³ஶஶ்ஶப்³தே³ன நாத³யன் ॥ 6 ॥
தேன ஶப்³தே³ன வித்ரஸ்தாஸ்தாடகாவனவாஸின: ।
தாடகா ச ஸுஸங்க்ருத்³தா⁴ தேன ஶப்³தே³ன மோஹிதா ॥ 7 ॥
தம் ஶப்³த³மபி⁴னித்⁴யாய ராக்ஷஸீ க்ரோத⁴மூர்சி²தா ।
ஶ்ருத்வா சாப்⁴யத்³ரவத்³வேகா³த்³யதஶ்ஶப்³தோ³ வினிஸ்ஸ்ருத: ॥ 8 ॥
தாம் த்³ருஷ்ட்வா ராக⁴வ: க்ருத்³தா⁴ம் விக்ருதாம் விக்ருதானநாம் ।
ப்ரமாணேனாதிவ்ருத்³தா⁴ம் ச லக்ஷ்மணம் ஸோப்⁴யபா⁴ஷத ॥ 9 ॥
பஶ்ய லக்ஷ்மண யக்ஷிண்யா பை⁴ரவம் தா³ருணம் வபு: ।
பி⁴த்³யேரன் த³ர்ஶனாத³ஸ்யா பீ⁴ரூணாம் ஹ்ருத³யானி ச ॥ 1௦ ॥
ஏனாம் பஶ்ய து³ராத⁴ர்ஷாம் மாயாப³லஸமன்விதாம் ।
வினிவ்ருத்தாம் கரோம்யத்³ய ஹ்ருதகர்ணாக்³ரனாஸிகாம் ॥ 11 ॥
ந ஹ்யேனாமுத்ஸஹே ஹந்தும் ஸ்த்ரீஸ்வபா⁴வேன ரக்ஷிதாம் ।
வீர்யம் சாஸ்யாம் க³திம் சாபி ஹனிஷ்யாமீதி மே மதி: ॥ 12 ॥
ஏவம் ப்³ருவாணே ராமே து தாடகா க்ரோத⁴மூர்சி²தா ।
உத்³யம்ய பா³ஹூ க³ர்ஜந்தீ ராமமேவாப்⁴யதா⁴வத ॥ 13 ॥
விஶ்வாமித்ரஸ்து ப்³ரஹ்மர்ஷிர்ஹுங்காரேணாபி⁴ப⁴ர்த்ஸ்யதாம் ।
ஸ்வஸ்தி ராக⁴வயோரஸ்து ஜயம் சைவாப்⁴யபா⁴ஷத ॥ 14 ॥
உத்³தூ⁴ன்வானா ரஜோ கோ⁴ரம் தாடகா ராக⁴வாவுபௌ⁴ ।
ரஜோமோஹேன மஹதா முஹூர்தம் ஸா வ்யமோஹயத் ॥ 15 ॥
ததோ மாயாம் ஸமாஸ்தா²ய ஶிலாவர்ஷேண ராக⁴வௌ ।
அவாகிரத்ஸுமஹதா ததஶ்சுக்ரோத⁴ ராக⁴வ: ॥ 16 ॥
ஶிலாவர்ஷம் மஹத்தஸ்யாஶ்ஶரவர்ஷேண ராக⁴வ: ।
ப்ரதிஹத்யோபதா⁴வந்த்யா: கரௌ சிச்சே²த³ பத்ரிபி⁴: ॥ 17 ॥
ததஶ்சி²ன்னபு⁴ஜாம் ஶ்ராந்தாமப்⁴யாஶே பரிக³ர்ஜதீம் ।
ஸௌமித்ரிரகரோத்க்ரோதா⁴த்³த்⁴ருதகர்ணாக்³ரனாஸிகாம் ॥ 18 ॥
காமரூபத⁴ரா ஸத்³ய: க்ருத்வா ரூபாண்யனேகஶ: ।
அந்தர்தா⁴னம் க³தா யக்ஷீ மோஹயந்தீவ மாயயா ॥ 19 ॥
அஶ்மவர்ஷம் விமுஞ்சந்தீ பை⁴ரவம் விசசார ஹ ।
ததஸ்தாவஶ்மவர்ஷேண கீர்யமாணௌ ஸமந்தத: ॥ 2௦ ॥
த்³ருஷ்ட்வா கா³தி⁴ஸுதஶ்ஶ்ரீமானித³ம் வசனமப்³ரவீத் ।
அலம் தே க்⁴ருணயா ராம பாபைஷா து³ஷ்டசாரிணீ ॥ 21 ॥
யஜ்ஞவிக்⁴னகரீ யக்ஷீ புராவர்த⁴தி மாயயா ।
வத்⁴யதாம் தாவதே³வைஷா புரா ஸந்த்⁴யா ப்ரவர்ததே ॥ 22 ॥
ரக்ஷாம்ஸி ஸந்த்⁴யாகாலேஷு து³ர்த⁴ர்ஷாணி ப⁴வந்தி வை ।
இத்யுக்தஸ்து ததா³ யக்ஷீ அஶ்மவ்ருஷ்ட்யாபி⁴வர்ஷதீம் ॥ 23 ॥
த³ர்ஶயன் ஶப்³த³வேதி⁴த்வம் தாம் ருரோத⁴ ஸ ஸாயகை: ।
ஸா ருத்³தா⁴ ஶரஜாலேன மாயாப³லஸமன்விதா ॥ 24 ॥
அபி⁴து³த்³ராவ காகுத்ஸ்த²ம் லக்ஷ்மணம் ச வினேது³ஷீ ।
தாமாபதந்தீம் வேகே³ன விக்ராந்தாமஶனீமிவ ॥ 25 ॥
ஶரேணோரஸி விவ்யாத² ஸா பபாத மமார ச ।
தாம் ஹதாம் பீ⁴மஸங்காஶாம் த்³ருஷ்ட்வா ஸுரபதிஸ்ததா³ ॥ 26 ॥
ஸாது⁴ ஸாத்⁴விதி காகுத்ஸ்த²ம் ஸுராஶ்ச ஸமபூஜயன் ।
உவாச பரமப்ரீத ஸ்ஸஹஸ்ராக்ஷ: புரந்த³ர: ॥ 27 ॥
ஸுராஶ்ச ஸர்வே ஸம்ஹ்ருஷ்டா விஶ்வாமித்ரமதா²ப்³ருவன் ।
முனே கௌஶிக ப⁴த்³ரம் தே ஸேந்த்³ராஸ்ஸர்வே மருத்³க³ணா: ॥ 28 ॥
தோஷிதா: கர்மணானேன ஸ்னேஹம் த³ர்ஶய ராக⁴வே ।
ப்ரஜாபதேர்ப்⁴ருஶாஶ்வஸ்ய புத்ரான் ஸத்யபராக்ரமான் ॥ 29 ॥
தபோப³லப்⁴ருதோ ப்³ரஹ்மன் ராக⁴வாய நிவேத³ய ।
பாத்ரபூ⁴தஶ்ச தே ப்³ரஹ்மம்ஸ்தவானுக³மனே த்⁴ருத: ॥ 3௦ ॥
கர்தவ்யம் ச மஹத்கர்ம ஸுராணாம் ராஜஸூனுனா ।
ஏவமுக்த்வா ஸுராஸ்ஸர்வே ஹ்ருஷ்டா ஜக்³முர்யதா²க³தம் ॥ 31 ॥
விஶ்வாமித்ரம் புரஸ்க்ருத்ய ததஸ்ஸந்த்⁴யா ப்ரவர்ததே ।
ததோ முனிவர: ப்ரீதஸ்தாடகாவத⁴தோஷித: ॥ 32 ॥
மூர்த்⁴னி ராமமுபாக்⁴ராய இத³ம் வசனமப்³ரவீத் ।
இஹாத்³ய ரஜனீம் ராம வஸேம ஶுப⁴த³ர்ஶன ॥ 33 ॥
ஶ்வ: ப்ரபா⁴தே க³மிஷ்யாமஸ்ததா³ஶ்ரமபத³ம் மம ।
விஶ்வாமித்ரவச: ஶ்ருத்வா ஹ்ருஷ்டோ த³ஶரதா²த்மஜ: ॥ 34 ॥
உவாஸ ரஜனீம் தத்ர தாடகாயா வனே ஸுக²ம் ।
முக்தஶாபம் வனம் தச்ச தஸ்மின்னேவ ததா³ஹனி ॥ 35 ॥
ரமணீயம் விப³ப்⁴ராஜ யதா² சைத்ரரத²ம் வனம் ।
நிஹத்ய தாம் யக்ஷஸுதாம் ஸ ராம: ப்ரஶஸ்யமானஸ்ஸுரஸித்³த⁴ஸங்கை⁴: ।
உவாஸ தஸ்மின்முனினா ஸஹைவ ப்ரபா⁴தவேலாம் ப்ரதிபோ³த்⁴யமான: ॥ 36 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஷட்³விம்ஶஸ்ஸர்க:³ ॥
