শ্রীমদ্বাল্মীকীয় রামাযণে বালকাংডম্ ।
অথ ষড্বিংশস্সর্গঃ ।
মুনের্বচনমক্লীবং শ্রুত্বা নরবরাত্মজঃ ।
রাঘবঃ প্রাংজলির্ভূত্বা প্রত্য়ুবাচ দৃঢব্রতঃ ॥ 1 ॥
পিতুর্বচননির্দেশাত্পিতুর্বচনগৌরবাত্ ।
বচনং কৌশিকস্য়েতি কর্তব্যমবিশংকয়া ॥ 2 ॥
অনুশিষ্টোঽস্ম্যয়োধ্য়ায়াং গুরুমধ্য়ে মহাত্মনা ।
পিত্রা দশরথেনাহং নাবজ্ঞেয়ং হি তদ্বচঃ ॥ 3 ॥
সোঽহং পিতুর্বচশ্শ্রুত্বা শাসনাদ্ব্রহ্মবাদিনঃ ।
করিষ্য়ামি ন সংদেহস্তাটকাবধমুত্তমম্ ॥ 4 ॥
গোব্রাহ্মণহিতার্থায় দেশস্য়াস্য় সুখায় চ ।
তব চৈবাপ্রমেযস্য় বচনং কর্তুমুদ্যতঃ ॥ 5 ॥
এবমুক্ত্বা ধনুর্মধ্য়ে বধ্বা মুষ্টিমরিংদমঃ ।
জ্য়াশব্দমকরোত্তীব্রং দিশশ্শব্দেন নাদযন্ ॥ 6 ॥
তেন শব্দেন বিত্রস্তাস্তাটকাবনবাসিনঃ ।
তাটকা চ সুসংক্রুদ্ধা তেন শব্দেন মোহিতা ॥ 7 ॥
তং শব্দমভিনিধ্য়ায় রাক্ষসী ক্রোধমূর্ছিতা ।
শ্রুত্বা চাভ্যদ্রবদ্বেগাদ্যতশ্শব্দো বিনিস্সৃতঃ ॥ 8 ॥
তাং দৃষ্ট্বা রাঘবঃ ক্রুদ্ধাং বিকৃতাং বিকৃতাননাম্ ।
প্রমাণেনাতিবৃদ্ধাং চ লক্ষ্মণং সোঽভ্যভাষত ॥ 9 ॥
পশ্য় লক্ষ্মণ যক্ষিণ্য়া ভৈরবং দারুণং বপুঃ ।
ভিদ্য়েরন্ দর্শনাদস্য়া ভীরূণাং হৃদয়ানি চ ॥ 10 ॥
এনাং পশ্য় দুরাধর্ষাং মায়াবলসমন্বিতাম্ ।
বিনিবৃত্তাং করোম্যদ্য় হৃতকর্ণাগ্রনাসিকাম্ ॥ 11 ॥
ন হ্য়েনামুত্সহে হংতুং স্ত্রীস্বভাবেন রক্ষিতাম্ ।
বীর্য়ং চাস্য়াং গতিং চাপি হনিষ্য়ামীতি মে মতিঃ ॥ 12 ॥
এবং ব্রুবাণে রামে তু তাটকা ক্রোধমূর্ছিতা ।
উদ্যম্য় বাহূ গর্জংতী রামমেবাভ্যধাবত ॥ 13 ॥
বিশ্বামিত্রস্তু ব্রহ্মর্ষির্হুংকারেণাভিভর্ত্স্যতাম্ ।
স্বস্তি রাঘবয়োরস্তু জয়ং চৈবাভ্যভাষত ॥ 14 ॥
উদ্ধূন্বানা রজো ঘোরং তাটকা রাঘবাবুভৌ ।
রজোমোহেন মহতা মুহূর্তং সা ব্যমোহযত্ ॥ 15 ॥
ততো মায়াং সমাস্থায় শিলাবর্ষেণ রাঘবৌ ।
অবাকিরত্সুমহতা ততশ্চুক্রোধ রাঘবঃ ॥ 16 ॥
শিলাবর্ষং মহত্তস্য়াশ্শরবর্ষেণ রাঘবঃ ।
প্রতিহত্য়োপধাবংত্য়াঃ করৌ চিচ্ছেদ পত্রিভিঃ ॥ 17 ॥
ততশ্ছিন্নভুজাং শ্রাংতামভ্য়াশে পরিগর্জতীম্ ।
সৌমিত্রিরকরোত্ক্রোধাদ্ধৃতকর্ণাগ্রনাসিকাম্ ॥ 18 ॥
কামরূপধরা সদ্য়ঃ কৃত্বা রূপাণ্যনেকশঃ ।
অংতর্ধানং গতা যক্ষী মোহয়ংতীব মাযয়া ॥ 19 ॥
অশ্মবর্ষং বিমুংচংতী ভৈরবং বিচচার হ ।
ততস্তাবশ্মবর্ষেণ কীর্যমাণৌ সমংততঃ ॥ 20 ॥
দৃষ্ট্বা গাধিসুতশ্শ্রীমানিদং বচনমব্রবীত্ ।
অলং তে ঘৃণয়া রাম পাপৈষা দুষ্টচারিণী ॥ 21 ॥
যজ্ঞবিঘ্নকরী যক্ষী পুরাবর্ধতি মাযয়া ।
বধ্যতাং তাবদেবৈষা পুরা সংধ্য়া প্রবর্ততে ॥ 22 ॥
রক্ষাংসি সংধ্য়াকালেষু দুর্ধর্ষাণি ভবংতি বৈ ।
ইত্য়ুক্তস্তু তদা যক্ষী অশ্মবৃষ্ট্য়াভিবর্ষতীম্ ॥ 23 ॥
দর্শযন্ শব্দবেধিত্বং তাং রুরোধ স সাযকৈঃ ।
সা রুদ্ধা শরজালেন মায়াবলসমন্বিতা ॥ 24 ॥
অভিদুদ্রাব কাকুত্স্থং লক্ষ্মণং চ বিনেদুষী ।
তামাপতংতীং বেগেন বিক্রাংতামশনীমিব ॥ 25 ॥
শরেণোরসি বিব্য়াথ সা পপাত মমার চ ।
তাং হতাং ভীমসংকাশাং দৃষ্ট্বা সুরপতিস্তদা ॥ 26 ॥
সাধু সাধ্বিতি কাকুত্স্থং সুরাশ্চ সমপূজযন্ ।
উবাচ পরমপ্রীত স্সহস্রাক্ষঃ পুরংদরঃ ॥ 27 ॥
সুরাশ্চ সর্বে সংহৃষ্টা বিশ্বামিত্রমথাব্রুবন্ ।
মুনে কৌশিক ভদ্রং তে সেংদ্রাস্সর্বে মরুদ্গণাঃ ॥ 28 ॥
তোষিতাঃ কর্মণাঽনেন স্নেহং দর্শয় রাঘবে ।
প্রজাপতের্ভৃশাশ্বস্য় পুত্রান্ সত্যপরাক্রমান্ ॥ 29 ॥
তপোবলভৃতো ব্রহ্মন্ রাঘবায় নিবেদয় ।
পাত্রভূতশ্চ তে ব্রহ্মংস্তবানুগমনে ধৃতঃ ॥ 30 ॥
কর্তব্য়ং চ মহত্কর্ম সুরাণাং রাজসূনুনা ।
এবমুক্ত্বা সুরাস্সর্বে হৃষ্টা জগ্মুর্যথাগতম্ ॥ 31 ॥
বিশ্বামিত্রং পুরস্কৃত্য় ততস্সংধ্য়া প্রবর্ততে ।
ততো মুনিবরঃ প্রীতস্তাটকাবধতোষিতঃ ॥ 32 ॥
মূর্ধ্নি রামমুপাঘ্রায় ইদং বচনমব্রবীত্ ।
ইহাদ্য় রজনীং রাম বসেম শুভদর্শন ॥ 33 ॥
শ্বঃ প্রভাতে গমিষ্য়ামস্তদাশ্রমপদং মম ।
বিশ্বামিত্রবচঃ শ্রুত্বা হৃষ্টো দশরথাত্মজঃ ॥ 34 ॥
উবাস রজনীং তত্র তাটকায়া বনে সুখম্ ।
মুক্তশাপং বনং তচ্চ তস্মিন্নেব তদাহনি ॥ 35 ॥
রমণীয়ং বিবভ্রাজ যথা চৈত্ররথং বনম্ ।
নিহত্য় তাং যক্ষসুতাং স রামঃ প্রশস্যমানস্সুরসিদ্ধসংঘৈঃ ।
উবাস তস্মিন্মুনিনা সহৈব প্রভাতবেলাং প্রতিবোধ্যমানঃ ॥ 36 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে ষড্বিংশস্সর্গঃ ॥
