শ্রীমদ্বাল্মীকীয় রামাযণে অয়োধ্য়াকাংডম্ ।
অথ একোনষষ্টিতমস্সর্গঃ ।
ইতি ব্রুবংতং তং সূতং সুমংত্রং মংত্রিসত্তমম্ ।
ব্রূহি শেষং পুনরিতি রাজা বচনমব্রবীত্ ॥ 1 ॥
তস্য় তদ্বচনং শ্রুত্বা সুমংত্রো বাষ্পবিক্লবঃ ।
কথয়ামাস ভূয়োঽপি রামসংদেশবিস্তরম্ ॥ 2 ॥
জটাঃ কৃত্বা মহারাজ চীরবল্কলধারিণৌ ।
গংগামুত্তীর্য় তৌ বীরৌ প্রয়াগাভিমুখৌ গতৌ ॥ 3 ॥
অগ্রতো লক্ষ্মণো যাতঃ পালযন্রঘুনংদনম্ ।
তাংস্তথা গচ্ছতো দৃষ্ট্বা নিবৃত্তোঽস্ম্যবশস্তদা ॥ 4 ॥
মমত্বশ্বা নিবৃত্তস্য় ন প্রাবর্তংত বর্ত্মনি ।
উষ্ণমশ্রু প্রমুংচংতো রামে সংপ্রস্থিতে বনম্ ॥ 5 ॥
উভাভ্য়াং রাজপুত্রাভ্য়ামথ কৃত্বাহমংজলিম্ ।
প্রস্থিতো রথমাস্থায় তদ্দুঃখমপি ধারযন্ ॥ 6 ॥
গুহেন সার্ধং তত্রৈব স্থিতোঽস্মি দিবসান্বহূন্ ।
আশয়া যদি মাং রামঃ পুন শ্শব্দাপয়েদিতি ॥ 7 ॥
বিষয়ে তে মহারাজ রামব্যসনকর্শিতাঃ ।
অপি বৃক্ষাঃ পরিম্লানাস্সপুষ্পাংকুরকোরকাঃ ॥ 8 ॥
উপতপ্তোদকা নদ্য়ঃ পল্বলানি সরাংসি চ ।
পরিশুষ্কপলাশানি বনান্য়ুপবনানি চ ॥ 9 ॥
ন চ সর্পংতি সত্ত্বানি ব্য়াসা ন প্রচরংতি চ ।
রামশোকাভিভূতং তন্নিষ্কূজমভবদ্বনম্ ॥ 10 ॥
লীনপুষ্করপত্রাশ্চ নরেংদ্র কলুষোদকাঃ ।
সংতপ্তপদ্মাঃ পদ্মিন্য়ো লীনমীনবিহংগমাঃ ॥ 11 ॥
জলজানি চ পুষ্পাণি মাল্য়ানি স্থলজানি চ ।
নাদ্য় ভাংত্যল্পগংধীনি ফলানি চ যথাপুরম্ ॥ 12 ॥
অত্রোদ্য়ানানি শূন্য়ানি প্রলীনবিহগনি চ ।
ন চাভিরামা নারামান্পশ্য়ামি মনুজর্ষভ ॥ 13 ॥
প্রবিশংতময়োধ্য়াং মাং ন কশ্চিদভিনংদতি ।
নরা রামমপশ্য়ংতো নিশ্শ্বসংতি মুহুর্মুহুঃ ॥ 14 ॥
দেব রাজরথং দৃষ্ট্বা বিনা রামমিহাগতম্ ।
দুঃখাদশ্রুমুখস্সর্বো রাজমার্গগতো জনঃ ॥ 15 ॥
হর্ম্য়ৈর্বিমানৈঃ প্রাসাদৈরবেক্ষ্যরথমাগতম্ ।
হাহাকারকৃতানার্য়ো রামাদর্শনকর্শিতাঃ ॥ 16 ॥
আযতৈর্বিমলৈর্নেত্রৈরশ্রুবেগপরিপ্লুতৈঃ ।
অন্য়োন্যমভিবীক্ষংতেঽব্যক্তমার্ততরাঃ স্ত্রিয়ঃ ॥ 17 ॥
নামিত্রাণাং ন মিত্রাণামুদাসীনজনস্য় চ ।
অহমার্ততয়া কিংচিদ্বিশেষমুপলক্ষয়ে ॥ 18 ॥
অপ্রহৃষ্টমনুষ্য়া চ দীননাগতুরংগমা ।
আর্তস্বরপরিম্লানা বিনিশ্শ্বসিতনিস্স্বনা ॥ 19 ॥
নিরানংদা মহারাজ রামপ্রব্রাজনাতুরা ।
কৌসল্য়া পুত্রহীনেব অয়োধ্য়া প্রতিভাতি মা ॥ 20 ॥
সূতস্য় বচনং শ্রুত্বা বাচা পরমদীনয়া ।
বাষ্পোপহতয়া রাজা তং সূতমিদমব্রবীত্ ॥ 21 ॥
কৈকেয়্য়া বিনিয়ুক্তেন পাপাভিজনভাবয়া ।
ময়া ন মংত্রকুশলৈর্বৃদ্ধৈস্সহ সমর্থিতম্ ॥ 22 ॥
ন সুহৃদ্ভির্নচামাত্য়ৈর্মংত্রয়িত্বা ন নৈগমৈঃ ।
ময়াযমর্থস্সম্মোহাত্ স্ত্রীহেতো স্সহসা কৃতঃ ॥ 23 ॥
ভবিতব্যতয়া নূনমিদং বা ব্যসনং মহত্ ।
কুলস্য়াস্য় বিনাশায় প্রাপ্তং সূত যদৃচ্ছয়া ॥ 24 ॥
সূত যদ্যস্তি তে কিংচিন্ময়া তু সুকৃতং কৃতম্ ।
ত্বং প্রাপয়াঽঽশু মাং রামং প্রাণাস্সংত্বরয়ংতিমাম্ ॥ 25 ॥
যদ্যদ্য়াপি মমৈবাজ্ঞা নিবর্তযতু রাঘবম্ ।
ন শক্ষ্য়ামি বিনা রামং মুহূর্তমপি জীবিতুম্ ॥ 26 ॥
বৃত্তদংষ্ট্রো মহেষ্বাসঃ ক্বাসৌ লক্ষ্মণপূর্বজঃ ।
যদি জীবামি সাধ্বেনং পশ্য়েয়ং সীতয়া সহ ॥ 27 ॥
লোহিতাক্ষং মহাবাহুমামুক্তমণিকুংডলম্ ।
রামং যদি ন পশ্য়েয়ং গমিষ্য়ামি যমক্ষযম্ ॥ 28 ॥
অতো নু কিং দুঃখতরং সোঽহমিক্ষ্বাকুনংদনম্ ।
ইমামবস্থামাপন্নো নেহ পশ্য়ামি রাঘবম্ ॥ 29 ॥
হা রাম রামানুজ হা হা বৈদেহি তপস্বিনি ।
ন মাং জানীত দুঃখেন ম্রিযমাণতমনাথবত্ ॥ 30 ॥
স তেন রাজা দুঃখেন ভৃশমর্পিতচেতনঃ ।
অবগাঢস্সুদুষ্পারং শোকসাগরমব্রবীত্ ॥ 31 ॥
রামশোকমহাভোগস্সীতাবিরহপারগঃ ।
শ্বসিতোর্মি মহাবর্তো বাষ্পফেনজালাবিলঃ ॥ 32 ॥
বাহুবিক্ষেপমীনৌঘো বিক্রংদিত মহাস্বনঃ ।
প্রকীর্ণকেশশৈবালঃ কৈকেয়ীবডবামুখঃ ॥ 33 ॥
মমাশ্রুবেগপ্রভবঃ কুব্জাবাক্যমহাগ্রহঃ ।
বরবেলো নৃশংসায়া রামপ্রব্রাজনাযতঃ ॥ 34 ॥
যস্মিন্বত নিমগ্নোঽহং কৌসল্য়ে রাঘবং বিনা ।
দুস্তরো জীবতা দেবি ময়াঽয়ং শোকসাগরঃ ॥ 35 ॥
অশোভনং যোঽহমিহাদ্য় রাঘবং দিদৃক্ষমাণো ন লভে সলক্ষ্মণম্ ।
ইতীব রাজা বিলপন্মহাযশাঃ পপাত তূর্ণং শযনে সমূর্ছিতঃ ॥ 36 ॥
ইতি বিলপতি পার্থিবে প্রণষ্টে করুণতরং দ্বিগুণং চ রামহেতোঃ ।
বচনমনুনিশম্য় তস্য় দেবী ভযমগমত্পুনরেব রামমাতা ॥ 37 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একোনষষ্টিতমস্সর্গঃ ॥
