ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² பஞ்சசத்வாரிம்ஶஸ்ஸர்க:³ ।
ஸர்வாம்ஶ்சாஹூய ஸுக்³ரீவ: ப்லவகா³ன் ப்லவக³ர்ஷப:⁴ ।
ஸமஸ்தானப்³ரவீத்³பூ⁴யோ ராமகார்யர்த²ஸித்³த⁴யே ॥ 1 ॥
ஏவமேதத்³விசேதவ்யம் யன்மயா பரிகீர்திதம் ।
தது³க்³ரஶாஸனம் ப⁴ர்துர்விஜ்ஞாய ஹரிபுங்க³வா: ॥ 2 ॥
ஶலபா⁴ இவ ஸஞ்சா²த்³ய மேதி³னீம் ஸம்ப்ரதஸ்தி²ரே ।
ராம: ப்ரஸ்ரவணே தஸ்மின்யவஸத்ஸஹலக்ஷ்மண: ॥ 3 ॥
ப்ரதீக்ஷமாணஸ்தம் மாஸம் யஸ்ஸீதாதி⁴க³மே க்ருத: ।
உத்தராம் து தி³ஶம் ரம்யாம் கி³ரிராஜஸமாவ்ருதாம் ॥ 4 ॥
ப்ரதஸ்தே² ஸஹஸா வீரோ ஹரிஶ்ஶதவலிஸ்ததா³ ।
பூர்வாம் தி³ஶம் ப்ரதியயௌ வினதோ ஹரியூத²ப: ॥ 5 ॥
தாராங்க³தா³தி³ஸஹித: ப்லவங்கோ³ மாருதாத்மஜ: ।
அக³த்யாசரிதாமாஶாம் த³க்ஷிணாம் ஹரியூத²ப: ॥ 6 ॥
பஶ்சிமாம் து ப்⁴ருஶம் கோ⁴ராம் ஸுஷேண: ப்லவகே³ஶ்வர: ।
ப்ரதஸ்தே² ஹரிஶார்தூ³லோ தி³ஶம் வருணபாலிதாம் ॥ 7 ॥
ததஸ்ஸர்வா தி³ஶோ ராஜா சோத³யித்வா யதா²தத²ம் ।
கபிஸேனாபதீன்முக்²யான்முமோத³ ஸுகி²தஸ்ஸுக²ம் ॥ 8 ॥
ஏவம் ஸம்போ³தி⁴தாஸ்ஸர்வே ராஜ்ஞா வானரயூத²பா: ।
ஸ்வாம் ஸ்வாம் தி³ஶமபி⁴ப்ரத்த்ய த்வரிதா ஸம்ப்ரதஸ்தி²ரே ॥ 9 ॥
நத³ந்தஶ்சோன்னத³ந்தஶ்ச க³ர்ஜந்தஶ்ச ப்லவங்க³மா: ।
க்ஷ்வேலந்தோ தா⁴வமானாஶ்ச வினத³ந்தோ மஹாப³லா: ॥ 1௦ ॥
ஏவம் ஸம்போ³தி³தாஸ்ஸர்வே ராஜ்ஞா வானரயூத²பா: ।
ஆனயிஷ்யாமஹே ஸீதாம் ஹனிஷ்யாமஶ்ச ராவணம் ॥ 11 ॥
அஹமேகோ ஹனிஷ்யாமி ராவணம் ப்ராப்தமாஹவே ।
ததஶ்சோன்மத்²ய ஸஹஸா ஹரிஷ்யே ஜனகாத்மஜாம் ॥ 12 ॥
வேபமானாம் ஶ்ரமேணாத்³ய ப⁴வத்³பி⁴: ஸ்தீ²யதாமிதி ।
ஏக ஏவாஹரிஷ்யாமி பாதாலாத³பி ஜானகீம் ॥ 13 ॥
வதி⁴ஷ்யாம்யஹம் வ்ருக்ஷான் தா³ரயிஷ்யாம்யஹம் கி³ரீன் ।
த⁴ரணீம் தா³ரயிஷ்யாமி க்ஷோப⁴யிஷ்யாமி ஸாக³ரான் ॥ 14 ॥
அஹம் யோஜனஸங்க்²யாயா: ப்லவிதா நாத்ர ஸம்ஶய: ।
ஶதம் யோஜனஸங்க்²யாயாஶ்ஶதம் ஸமதி⁴கம் ஹ்யஹம் ॥ 15 ॥
பூ⁴தலே ஸாக³ரே வாபி ஶைலேஷு ச வனேஷு ச ।
பாதாலஸ்யாபி வா மத்⁴யே ந மமாச்சி²த்³யதே க³தி: ॥ 16 ॥
இத்யேகைகம் ததா³ தத்ர வானரா ப³லத³ர்பிதா: ।
ஊசுஶ்ச வசனம் தத்ர ஹரிராஜஸ்ய ஸன்னிதௌ⁴ ॥ 17 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ பஞ்சசத்வாரிம்ஶஸ்ஸர்க:³ ॥
