শ্রীমদ্বাল্মীকীয় রামাযণে কিষ্কিংধাকাংডম্ ।
অথ পংচচত্বারিংশস্সর্গঃ ।
সর্বাংশ্চাহূয় সুগ্রীবঃ প্লবগান্ প্লবগর্ষভঃ ।
সমস্তানব্রবীদ্ভূয়ো রামকার্যর্থসিদ্ধয়ে ॥ 1 ॥
এবমেতদ্বিচেতব্য়ং যন্ময়া পরিকীর্তিতম্ ।
তদুগ্রশাসনং ভর্তুর্বিজ্ঞায় হরিপুংগবাঃ ॥ 2 ॥
শলভা ইব সংছাদ্য় মেদিনীং সংপ্রতস্থিরে ।
রামঃ প্রস্রবণে তস্মিন্যবসত্সহলক্ষ্মণঃ ॥ 3 ॥
প্রতীক্ষমাণস্তং মাসং যস্সীতাধিগমে কৃতঃ ।
উত্তরাং তু দিশং রম্য়াং গিরিরাজসমাবৃতাম্ ॥ 4 ॥
প্রতস্থে সহসা বীরো হরিশ্শতবলিস্তদা ।
পূর্বাং দিশং প্রতিযয়ৌ বিনতো হরিয়ূথপঃ ॥ 5 ॥
তারাংগদাদিসহিতঃ প্লবংগো মারুতাত্মজঃ ।
অগত্য়াচরিতামাশাং দক্ষিণাং হরিয়ূথপঃ ॥ 6 ॥
পশ্চিমাং তু ভৃশং ঘোরাং সুষেণঃ প্লবগেশ্বরঃ ।
প্রতস্থে হরিশার্দূলো দিশং বরুণপালিতাম্ ॥ 7 ॥
ততস্সর্বা দিশো রাজা চোদয়িত্বা যথাতথম্ ।
কপিসেনাপতীন্মুখ্য়ান্মুমোদ সুখিতস্সুখম্ ॥ 8 ॥
এবং সংবোধিতাস্সর্বে রাজ্ঞা বানরয়ূথপাঃ ।
স্বাং স্বাং দিশমভিপ্রত্ত্য় ত্বরিতা সংপ্রতস্থিরে ॥ 9 ॥
নদংতশ্চোন্নদংতশ্চ গর্জংতশ্চ প্লবংগমাঃ ।
ক্ষ্বেলংতো ধাবমানাশ্চ বিনদংতো মহাবলাঃ ॥ 10 ॥
এবং সংবোদিতাস্সর্বে রাজ্ঞা বানরয়ূথপাঃ ।
আনয়িষ্য়ামহে সীতাং হনিষ্য়ামশ্চ রাবণম্ ॥ 11 ॥
অহমেকো হনিষ্য়ামি রাবণং প্রাপ্তমাহবে ।
ততশ্চোন্মথ্য় সহসা হরিষ্য়ে জনকাত্মজাম্ ॥ 12 ॥
বেপমানাং শ্রমেণাদ্য় ভবদ্ভিঃ স্থীযতামিতি ।
এক এবাহরিষ্য়ামি পাতালাদপি জানকীম্ ॥ 13 ॥
বধিষ্য়াম্যহং বৃক্ষান্ দারয়িষ্য়াম্যহং গিরীন্ ।
ধরণীং দারয়িষ্য়ামি ক্ষোভয়িষ্য়ামি সাগরান্ ॥ 14 ॥
অহং যোজনসংখ্য়ায়াঃ প্লবিতা নাত্র সংশয়ঃ ।
শতং যোজনসংখ্য়ায়াশ্শতং সমধিকং হ্যহম্ ॥ 15 ॥
ভূতলে সাগরে বাঽপি শৈলেষু চ বনেষু চ ।
পাতালস্য়াপি বা মধ্য়ে ন মমাচ্ছিদ্যতে গতিঃ ॥ 16 ॥
ইত্য়েকৈকং তদা তত্র বানরা বলদর্পিতাঃ ।
ঊচুশ্চ বচনং তত্র হরিরাজস্য় সন্নিধৌ ॥ 17 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে পংচচত্বারিংশস্সর্গঃ ॥
