ஶ்ரீமத்³வால்மீகீய ராமாயணே பா³லகாண்ட³ம் ।
அத² த்³வாவிம்ஶஸ்ஸர்க:³ ।
ததா² வஸிஷ்டே² ப்³ருவதி ராஜா த³ஶரத²ஸ்ஸுதம ப்ரஹ்ருஷ்டவத³னோ ராமமாஜுஹாவ ஸலக்ஷ்மணம் ॥ 1 ॥
க்ருதஸ்வஸ்த்யயனம் மாத்ரா பித்ரா த³ஶரதே²ன ச ।
புரோத⁴ஸா வஸிஷ்டே²ன மங்க³லைரபி⁴மந்த்ரிதம் ॥ 2 ॥
ஸ புத்ரம் மூர்த்⁴ன்யுபாக்⁴ராய ராஜா த³ஶரத:² ப்ரியம் ।
த³தௌ³ குஶிகபுத்ராய ஸுப்ரீதேனாந்தராத்மனா ॥ 3 ॥
ததோ வாயுஸ்ஸுக²ஸ்பர்ஶோ நீரஜஸ்கோ வவௌ ததா³ ।
விஶ்வாமித்ரக³தம் த்³ருஷ்ட்வா ராமம் ராஜீவலோசனம் ॥ 4 ॥
புஷ்பவ்ருஷ்டிர்மஹத்யாஸீத்³தே³வது³ந்து³பி⁴னிஸ்வனை: ।
ஶங்க²து³ந்து³பி⁴னிர்கோ⁴ஷ: ப்ரயாதே து மஹாத்மனி ॥ 5 ॥
விஶ்வாமித்ரோ யயாவக்³ரே ததோ ராமோ த⁴னுர்த⁴ர: ।
காகபக்ஷத⁴ரோ த⁴ன்வீ தம் ச ஸௌமித்ரிரன்வகா³த் ॥ 6 ॥
கலாபினௌ த⁴னுஷ்பாணீ ஶோப⁴மானௌ தி³ஶோ த³ஶ ।
விஶ்வாமித்ரம் மஹாத்மானம் த்ரிஶீர்ஷாவிவ பன்னகௌ³ ॥ 7 ॥
அனுஜக்³மதுரக்ஷுத்³ரௌ பிதாமஹமிவாஶ்வினௌ ।
ததா³ குஶிகபுத்ரம் து த⁴னுஷ்பாணீ ஸ்வலங்க்ருதௌ ॥ 8 ॥
ப³த்³த⁴கோ³தா⁴ங்கு³லித்ராணௌ க²ட்³க³வந்தௌ மஹாத்³யுதீ ।
குமாரௌ சாருவபுஷௌ ப்⁴ராதரௌ ராமலக்ஷ்மணௌ ॥ 9 ॥
அனுயாதௌ ஶ்ரியா தீ³ப்தௌ ஶோப⁴யேதாமனிந்தி³தௌ ।
ஸ்தா²ணும் தே³வமிவாசிந்த்யம் குமாராவிவ பாவகீ ॥ 1௦ ॥
அத்⁴யர்த⁴யோஜனம் க³த்வா ஸரய்வா த³க்ஷிணே தடே ।
ராமேதி மது⁴ராம் வாணீம் விஶ்வாமித்ரோப்⁴யபா⁴ஷத ॥ 11 ॥
க்³ருஹாண வத்ஸ ஸலிலம் மா பூ⁴த்காலஸ்ய பர்யய: ।
மந்த்ரக்³ராமம் க்³ருஹாண த்வம் ப³லாமதிப³லாம் ததா² ॥ 12 ॥
ந ஶ்ரமோ ந ஜ்வரோ வா தே ந ரூபஸ்ய விபர்யய: ।
ந ச ஸுப்தம் ப்ரமத்தம் வா த⁴ர்ஷயிஷ்யந்தி நைர்ருதா: ॥ 13 ॥
ந பா³ஹ்வோஸ்ஸத்³ருஶோ வீர்யே ப்ருதி²வ்யாமஸ்தி கஶ்சன ।
த்ரிஷு லோகேஷு வை ராம ந ப⁴வேத்ஸத்³ருஶஸ்தவ ॥ 14 ॥
ந ஸௌபா⁴க்³யே ந தா³க்ஷிண்யே ந ஜ்ஞானே பு³த்³தி⁴னிஶ்சயே ।
நோத்தரே ப்ரதிவக்தவ்யே ஸமோ லோகே தவானக⁴ ॥ 15 ॥
ஏதத்³வித்³யாத்³வயே லப்³தே⁴ ப⁴விதா நாஸ்தி தே ஸம: ।
ப³லாத்வதிப³லா சைவ ஸர்வஜ்ஞானஸ்ய மாதரௌ ॥ 16 ॥
க்ஷுத்பிபாஸே ந தே ராம ப⁴விஷ்யேதே நரோத்தம ।
ப³லாமதிப³லாம் சைவ பட²த: பதி² ராக⁴வ ॥ 17 ॥
வித்³யாத்³வயமதீ⁴யானே யஶஶ்சாப்யதுலம் த்வயி ।
பிதாமஹஸுதே ஹ்யேதே வித்³யே தேஜஸ்ஸமன்விதே ॥ 18 ॥
ப்ரதா³தும் தவ காகுத்ஸ்த² ஸத்³ருஶஸ்த்வம் ஹி தா⁴ர்மிக ।
காமம் ப³ஹுகு³ணாஸ்ஸர்வே த்வய்யேதே நாத்ர ஸம்ஶய: ।
தபஸா ஸம்ப்⁴ருதே சைதே ப³ஹுரூபே ப⁴விஷ்யத: ॥ 19 ॥
ததோ ராமோ ஜலம் ஸ்ப்ருஷ்ட்வா ப்ரஹ்ருஷ்டவத³னஶ்ஶுசி: ।
ப்ரதிஜக்³ராஹ தே வித்³யே மஹர்ஷேர்பா⁴விதாத்மன: ॥ 2௦ ॥
வித்³யாஸமுதி³தோ ராமஶ்ஶுஶுபே⁴ பூ⁴ரிவிக்ரம: ।
ஸஹஸ்ரரஶ்மிர்ப⁴க³வான் ஶரதீ³வ தி³வாகர: ॥ 21 ॥
கு³ருகார்யாணி ஸர்வாணி நியுஜ்ய குஶிகாத்மஜே ।
ஊஷுஸ்தாம் ரஜனீம் தத்ர ஸரய்வாம் ஸுஸுக²ம் த்ரய: ॥ 22 ॥
த³ஶரத²ன்ருபஸூனுஸத்தமாப்⁴யாம் த்ருணஶயனேனுசிதே ஸஹோஷிதாப்⁴யாம் ।
குஶிகஸுதவசோனுலாலிதாப்⁴யாம் ஸுக²மிவ ஸா விப³பௌ⁴ விபா⁴வரீ ச ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்³வாவிம்ஶஸ்ஸர்க:³ ॥
