ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஸப்தவிம்ஶஸ்ஸர்க:³ ।
ஏவமுக்தா து வைதே³ஹீ ப்ரியார்ஹா ப்ரியவாதி³னீ ।
ப்ரணயாதே³வ ஸங்க்ருத்³தா⁴ ப⁴ர்தாரமித³மப்³ரவீத் ॥ 1 ॥
கிமித³ம் பா⁴ஷஸே ராம வாக்யம் லகு⁴தயா த்⁴ருவம் ।
த்வயா யத³பஹாஸ்யம் மே ஶ்ருத்வா நரவராத்மஜ ॥ 2 ॥
ஆர்யபுத்ர பிதா மாதா ப்⁴ராதா புத்ரஸ்ததா² ஸ்னுஷா ।
ஸ்வானி புண்யானி பு⁴ஞ்ஜானா: ஸ்வம் ஸ்வம் பா⁴க்³யமுபாஸதே ॥ 3 ॥
ப⁴ர்துர்பா⁴க்³யம் து பா⁴ர்யைகா ப்ராப்னோதி புருஷர்ஷப⁴ ।
அதஶ்சைவாஹமாதி³ஷ்டா வனே வஸ்தவ்யமித்யபி ॥ 4 ॥
ந பிதா நாத்மஜோ நாத்மா ந மாதா ந ஸகீ²ஜன: ।
இஹ ப்ரேத்ய ச நாரீணாம் பதிரேகோ க³திஸ்ஸதா³ ॥ 5 ॥
யதி³ த்வம் ப்ரஸ்தி²தோ து³ர்க³ம் வனமத்³யைவ ராக⁴வ ।
அக்³ரதஸ்தே க³மிஷ்யாமி ம்ருத்³னந்தீ குஶகண்டகான் ॥ 6 ॥
ஈர்ஷ்யாரோஷௌ ப³ஹிஷ்க்ருத்ய பு⁴க்தஶேஷமிவோத³கம் ।
நய மாம் வீர விஸ்ரப்³த:⁴ பாபம் மயி ந வித்³யதே ॥ 7 ॥
ப்ராஸாதா³க்³ரைர்விமானைர்வா வைஹாயஸக³தேன வா ।
ஸர்வாவஸ்தா²க³தா ப⁴ர்து: பாத³ச்சா²யா விஶிஷ்யதே ॥ 8 ॥
அனுஶிஷ்டாஸ்மி மாத்ரா ச பித்ரா ச விவிதா⁴ஶ்ரயம் ।
நாஸ்மி ஸம்ப்ரதி வக்தவ்யா வர்திதவ்யம் யதா² மயா ॥ 9 ॥
அஹம் து³ர்க³ம் க³மிஷ்யாமி வனம் புருஷவர்ஜிதம் ।
நானாம்ருக³க³ணாகீர்ணம் ஶார்தூ³லவ்ருகஸேவிதம் ॥ 1௦ ॥
ஸுக²ம் வனே நிவத்ஸ்யாமி யதை²வ ப⁴வனே பிது: ।
அசிந்தயந்தீ த்ரீன்லோகாம்ஶ்ச்சிந்தயந்தீ பதிவ்ரதம் ॥ 11 ॥
ஶுஶ்ரூஷமாணா தே நித்யம் நியதா ப்³ரஹ்மசாரிணீ ।
ஸஹ ரம்ஸ்யே த்வயா வீர வனேஷு மது⁴க³ந்தி⁴ஷு ॥ 12 ॥
த்வம் ஹி ஶக்தோ வனே கர்தும் ராம ஸம்பரிபாலனம் ।
அன்யஸ்யாபி ஜனஸ்யேஹ கிம் புனர்மம மானத³ ॥ 13 ॥
ஸஹ த்வயா க³மிஷ்யாமி வனமத்³ய ந ஸம்ஶய: ।
நாஹம் ஶக்யா மஹாபா⁴க³ நிவர்தயிதுமுத்³யதா ॥ 14 ॥
ப²லமூலாஶனா நித்யம் ப⁴விஷ்யாமி ந ஸம்ஶய: ।
ந தே து³:க²ம் கரிஷ்யாமி நிவஸந்தீ ஸஹ த்வயா ॥ 15 ॥
இச்சா²மி ஸரிதஶ்ஶைலான்பல்வலானி வனானி ச ।
த்³ரஷ்டும் ஸர்வத்ர நிர்பீ⁴தா த்வயா நாதே²ன தீ⁴மதா ॥ 16 ॥
ஹம்ஸகாரண்ட³வாகீர்ணா: பத்³மினீஸ்ஸாது⁴புஷ்பிதா: ।
இச்சே²யம் ஸுகி²னீ த்³ரஷ்டும் த்வயா வீரேண ஸங்க³தா ॥ 17 ॥
அபி⁴ஷேகம் கரிஷ்யாமி தாஸு நித்யம் யதவ்ரதா ।
ஸஹ த்வயா விஶாலாக்ஷ ரம்ஸ்யே பரமனந்தி³னீ ॥ 18 ॥
ஏவம் வர்ஷஸஹஸ்ராணாம் ஶதம் வாஹம் த்வயா ஸஹ ।
வ்யதிக்ரமம் ந வேத்ஸ்யாமி ஸ்வர்கோ³பி ந ஹி மே மத: ॥ 19 ॥
ஸ்வர்கே³பி ச வினா வாஸோ ப⁴விதா யதி³ ராக⁴வ ।
த்வயா மம நரவ்யாக்⁴ர நாஹம் தமபி ரோசயே ॥ 2௦ ॥
அஹம் க³மிஷ்யாமி வனம் ஸுது³ர்க³மம் ம்ருகா³யுதம் வானரவாரணைர்யுதம் ।
வனே நிவத்ஸ்யாமி யதா² பிதுர்க்³ருஹே தவைவ பாதா³வுபக்³ருஹ்ய ஸம்யதா ॥ 21 ॥
அனந்யபா⁴வாமனுரக்தசேதஸம் த்வயா வியுக்தாம் மரணாயனிஶ்சிதாம் ।
நயஸ்வ மாம் ஸாது⁴ குருஷ்வ யாசனாம் ந தே மயாதோ கு³ருதா ப⁴விஷ்யதி ॥ 22 ॥
ததா² ப்³ருவாணாமபி த⁴ர்மவத்ஸலோ ந ச ஸ்ம ஸீதாம் ந்ருவரோ நினீஷதி ।
உவாச சைனாம் ப³ஹு ஸன்னிவர்தனே வனே நிவாஸஸ்ய ச து³:கி²தாம் ப்ரதி ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஸப்தவிம்ஶஸ்ஸர்க:³ ॥
