Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.2𑍭 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌸𑌪𑍍𑌤𑌵𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌵𑌿𑌂𑌶𑌸𑍍𑌸𑌰𑍍𑌗𑌃 ।

𑌏𑌵𑌮𑍁𑌕𑍍𑌤𑌾 𑌤𑍁 𑌵𑍈𑌦𑍇𑌹𑍀 𑌪𑍍𑌰𑌿𑌯𑌾𑌰𑍍𑌹𑌾 𑌪𑍍𑌰𑌿𑌯𑌵𑌾𑌦𑌿𑌨𑍀 ।
𑌪𑍍𑌰𑌣𑌯𑌾𑌦𑍇𑌵 𑌸𑌂𑌕𑍍𑌰𑍁𑌦𑍍𑌧𑌾 𑌭𑌰𑍍𑌤𑌾𑌰𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 1 ॥

𑌕𑌿𑌮𑌿𑌦𑌂 𑌭𑌾𑌷𑌸𑍇 𑌰𑌾𑌮 𑌵𑌾𑌕𑍍𑌯𑌂 𑌲𑌘𑍁𑌤𑌯𑌾 𑌧𑍍𑌰𑍁𑌵𑌮𑍍 ।
𑌤𑍍𑌵𑌯𑌾 𑌯𑌦𑌪𑌹𑌾𑌸𑍍𑌯𑌂 𑌮𑍇 𑌶𑍍𑌰𑍁𑌤𑍍𑌵𑌾 𑌨𑌰𑌵𑌰𑌾𑌤𑍍𑌮𑌜 ॥ 2 ॥

𑌆𑌰𑍍𑌯𑌪𑍁𑌤𑍍𑌰 𑌪𑌿𑌤𑌾 𑌮𑌾𑌤𑌾 𑌭𑍍𑌰𑌾𑌤𑌾 𑌪𑍁𑌤𑍍𑌰𑌸𑍍𑌤𑌥𑌾 𑌸𑍍𑌨𑍁𑌷𑌾 ।
𑌸𑍍𑌵𑌾𑌨𑌿 𑌪𑍁𑌣𑍍𑌯𑌾𑌨𑌿 𑌭𑍁𑌂𑌜𑌾𑌨𑌾𑌃 𑌸𑍍𑌵𑌂 𑌸𑍍𑌵𑌂 𑌭𑌾𑌗𑍍𑌯𑌮𑍁𑌪𑌾𑌸𑌤𑍇 ॥ 3 ॥

𑌭𑌰𑍍𑌤𑍁𑌰𑍍𑌭𑌾𑌗𑍍𑌯𑌂 𑌤𑍁 𑌭𑌾𑌰𑍍𑌯𑍈𑌕𑌾 𑌪𑍍𑌰𑌾𑌪𑍍𑌨𑍋𑌤𑌿 𑌪𑍁𑌰𑍁𑌷𑌰𑍍𑌷𑌭 ।
𑌅𑌤𑌶𑍍𑌚𑍈𑌵𑌾𑌹𑌮𑌾𑌦𑌿𑌷𑍍𑌟𑌾 𑌵𑌨𑍇 𑌵𑌸𑍍𑌤𑌵𑍍𑌯𑌮𑌿𑌤𑍍𑌯𑌪𑌿 ॥ 4 ॥

𑌨 𑌪𑌿𑌤𑌾 𑌨𑌾𑌤𑍍𑌮𑌜𑍋 𑌨𑌾𑌤𑍍𑌮𑌾 𑌨 𑌮𑌾𑌤𑌾 𑌨 𑌸𑌖𑍀𑌜𑌨𑌃 ।
𑌇𑌹 𑌪𑍍𑌰𑍇𑌤𑍍𑌯 𑌚 𑌨𑌾𑌰𑍀𑌣𑌾𑌂 𑌪𑌤𑌿𑌰𑍇𑌕𑍋 𑌗𑌤𑌿𑌸𑍍𑌸𑌦𑌾 ॥ 5 ॥

𑌯𑌦𑌿 𑌤𑍍𑌵𑌂 𑌪𑍍𑌰𑌸𑍍𑌥𑌿𑌤𑍋 𑌦𑍁𑌰𑍍𑌗𑌂 𑌵𑌨𑌮𑌦𑍍𑌯𑍈𑌵 𑌰𑌾𑌘𑌵 ।
𑌅𑌗𑍍𑌰𑌤𑌸𑍍𑌤𑍇 𑌗𑌮𑌿𑌷𑍍𑌯𑌾𑌮𑌿 𑌮𑍃𑌦𑍍𑌨𑌂𑌤𑍀 𑌕𑍁𑌶𑌕𑌂𑌟𑌕𑌾𑌨𑍍 ॥ 6 ॥

𑌈𑌰𑍍𑌷𑍍𑌯𑌾𑌰𑍋𑌷𑍌 𑌬𑌹𑌿𑌷𑍍𑌕𑍃𑌤𑍍𑌯 𑌭𑍁𑌕𑍍𑌤𑌶𑍇𑌷𑌮𑌿𑌵𑍋𑌦𑌕𑌮𑍍 ।
𑌨𑌯 𑌮𑌾𑌂 𑌵𑍀𑌰 𑌵𑌿𑌸𑍍𑌰𑌬𑍍𑌧𑌃 𑌪𑌾𑌪𑌂 𑌮𑌯𑌿 𑌨 𑌵𑌿𑌦𑍍𑌯𑌤𑍇 ॥ 𑍭 ॥

𑌪𑍍𑌰𑌾𑌸𑌾𑌦𑌾𑌗𑍍𑌰𑍈𑌰𑍍𑌵𑌿𑌮𑌾𑌨𑍈𑌰𑍍𑌵𑌾 𑌵𑍈𑌹𑌾𑌯𑌸𑌗𑌤𑍇𑌨 𑌵𑌾 ।
𑌸𑌰𑍍𑌵𑌾𑌵𑌸𑍍𑌥𑌾𑌗𑌤𑌾 𑌭𑌰𑍍𑌤𑍁𑌃 𑌪𑌾𑌦𑌚𑍍𑌛𑌾𑌯𑌾 𑌵𑌿𑌶𑌿𑌷𑍍𑌯𑌤𑍇 ॥ 𑍮 ॥

𑌅𑌨𑍁𑌶𑌿𑌷𑍍𑌟𑌾𑌽𑌸𑍍𑌮𑌿 𑌮𑌾𑌤𑍍𑌰𑌾 𑌚 𑌪𑌿𑌤𑍍𑌰𑌾 𑌚 𑌵𑌿𑌵𑌿𑌧𑌾𑌶𑍍𑌰𑌯𑌮𑍍 ।
𑌨𑌾𑌽𑌸𑍍𑌮𑌿 𑌸𑌂𑌪𑍍𑌰𑌤𑌿 𑌵𑌕𑍍𑌤𑌵𑍍𑌯𑌾 𑌵𑌰𑍍𑌤𑌿𑌤𑌵𑍍𑌯𑌂 𑌯𑌥𑌾 𑌮𑌯𑌾 ॥ 𑍯 ॥

𑌅𑌹𑌂 𑌦𑍁𑌰𑍍𑌗𑌂 𑌗𑌮𑌿𑌷𑍍𑌯𑌾𑌮𑌿 𑌵𑌨𑌂 𑌪𑍁𑌰𑍁𑌷𑌵𑌰𑍍𑌜𑌿𑌤𑌮𑍍 ।
𑌨𑌾𑌨𑌾𑌮𑍃𑌗𑌗𑌣𑌾𑌕𑍀𑌰𑍍𑌣𑌂 𑌶𑌾𑌰𑍍𑌦𑍂𑌲𑌵𑍃𑌕𑌸𑍇𑌵𑌿𑌤𑌮𑍍 ॥ 10 ॥

𑌸𑍁𑌖𑌂 𑌵𑌨𑍇 𑌨𑌿𑌵𑌤𑍍𑌸𑍍𑌯𑌾𑌮𑌿 𑌯𑌥𑍈𑌵 𑌭𑌵𑌨𑍇 𑌪𑌿𑌤𑍁𑌃 ।
𑌅𑌚𑌿𑌂𑌤𑌯𑌂𑌤𑍀 𑌤𑍍𑌰𑍀𑌨𑍍𑌲𑍋𑌕𑌾𑌂𑌶𑍍𑌚𑍍𑌚𑌿𑌂𑌤𑌯𑌂𑌤𑍀 𑌪𑌤𑌿𑌵𑍍𑌰𑌤𑌮𑍍 ॥ 11 ॥

𑌶𑍁𑌶𑍍𑌰𑍂𑌷𑌮𑌾𑌣𑌾 𑌤𑍇 𑌨𑌿𑌤𑍍𑌯𑌂 𑌨𑌿𑌯𑌤𑌾 𑌬𑍍𑌰𑌹𑍍𑌮𑌚𑌾𑌰𑌿𑌣𑍀 ।
𑌸𑌹 𑌰𑌂𑌸𑍍𑌯𑍇 𑌤𑍍𑌵𑌯𑌾 𑌵𑍀𑌰 𑌵𑌨𑍇𑌷𑍁 𑌮𑌧𑍁𑌗𑌂𑌧𑌿𑌷𑍁 ॥ 12 ॥

𑌤𑍍𑌵𑌂 𑌹𑌿 𑌶𑌕𑍍𑌤𑍋 𑌵𑌨𑍇 𑌕𑌰𑍍𑌤𑍁𑌂 𑌰𑌾𑌮 𑌸𑌂𑌪𑌰𑌿𑌪𑌾𑌲𑌨𑌮𑍍 ।
𑌅𑌨𑍍𑌯𑌸𑍍𑌯𑌾𑌪𑌿 𑌜𑌨𑌸𑍍𑌯𑍇𑌹 𑌕𑌿𑌂 𑌪𑍁𑌨𑌰𑍍𑌮𑌮 𑌮𑌾𑌨𑌦 ॥ 13 ॥

𑌸𑌹 𑌤𑍍𑌵𑌯𑌾 𑌗𑌮𑌿𑌷𑍍𑌯𑌾𑌮𑌿 𑌵𑌨𑌮𑌦𑍍𑌯 𑌨 𑌸𑌂𑌶𑌯𑌃 ।
𑌨𑌾𑌹𑌂 𑌶𑌕𑍍𑌯𑌾 𑌮𑌹𑌾𑌭𑌾𑌗 𑌨𑌿𑌵𑌰𑍍𑌤𑌯𑌿𑌤𑍁𑌮𑍁𑌦𑍍𑌯𑌤𑌾 ॥ 14 ॥

𑌫𑌲𑌮𑍂𑌲𑌾𑌶𑌨𑌾 𑌨𑌿𑌤𑍍𑌯𑌂 𑌭𑌵𑌿𑌷𑍍𑌯𑌾𑌮𑌿 𑌨 𑌸𑌂𑌶𑌯𑌃 ।
𑌨 𑌤𑍇 𑌦𑍁𑌃𑌖𑌂 𑌕𑌰𑌿𑌷𑍍𑌯𑌾𑌮𑌿 𑌨𑌿𑌵𑌸𑌂𑌤𑍀 𑌸𑌹 𑌤𑍍𑌵𑌯𑌾 ॥ 15 ॥

𑌇𑌚𑍍𑌛𑌾𑌮𑌿 𑌸𑌰𑌿𑌤𑌶𑍍𑌶𑍈𑌲𑌾𑌨𑍍𑌪𑌲𑍍𑌵𑌲𑌾𑌨𑌿 𑌵𑌨𑌾𑌨𑌿 𑌚 ।
𑌦𑍍𑌰𑌷𑍍𑌟𑍁𑌂 𑌸𑌰𑍍𑌵𑌤𑍍𑌰 𑌨𑌿𑌰𑍍𑌭𑍀𑌤𑌾 𑌤𑍍𑌵𑌯𑌾 𑌨𑌾𑌥𑍇𑌨 𑌧𑍀𑌮𑌤𑌾 ॥ 16 ॥

𑌹𑌂𑌸𑌕𑌾𑌰𑌂𑌡𑌵𑌾𑌕𑍀𑌰𑍍𑌣𑌾𑌃 𑌪𑌦𑍍𑌮𑌿𑌨𑍀𑌸𑍍𑌸𑌾𑌧𑍁𑌪𑍁𑌷𑍍𑌪𑌿𑌤𑌾𑌃 ।
𑌇𑌚𑍍𑌛𑍇𑌯𑌂 𑌸𑍁𑌖𑌿𑌨𑍀 𑌦𑍍𑌰𑌷𑍍𑌟𑍁𑌂 𑌤𑍍𑌵𑌯𑌾 𑌵𑍀𑌰𑍇𑌣 𑌸𑌂𑌗𑌤𑌾 ॥ 1𑍭 ॥

𑌅𑌭𑌿𑌷𑍇𑌕𑌂 𑌕𑌰𑌿𑌷𑍍𑌯𑌾𑌮𑌿 𑌤𑌾𑌸𑍁 𑌨𑌿𑌤𑍍𑌯𑌂 𑌯𑌤𑌵𑍍𑌰𑌤𑌾 ।
𑌸𑌹 𑌤𑍍𑌵𑌯𑌾 𑌵𑌿𑌶𑌾𑌲𑌾𑌕𑍍𑌷 𑌰𑌂𑌸𑍍𑌯𑍇 𑌪𑌰𑌮𑌨𑌂𑌦𑌿𑌨𑍀 ॥ 1𑍮 ॥

𑌏𑌵𑌂 𑌵𑌰𑍍𑌷𑌸𑌹𑌸𑍍𑌰𑌾𑌣𑌾𑌂 𑌶𑌤𑌂 𑌵𑌾𑌽𑌹𑌂 𑌤𑍍𑌵𑌯𑌾 𑌸𑌹 ।
𑌵𑍍𑌯𑌤𑌿𑌕𑍍𑌰𑌮𑌂 𑌨 𑌵𑍇𑌤𑍍𑌸𑍍𑌯𑌾𑌮𑌿 𑌸𑍍𑌵𑌰𑍍𑌗𑍋𑌽𑌪𑌿 𑌨 𑌹𑌿 𑌮𑍇 𑌮𑌤𑌃 ॥ 1𑍯 ॥

𑌸𑍍𑌵𑌰𑍍𑌗𑍇𑌽𑌪𑌿 𑌚 𑌵𑌿𑌨𑌾 𑌵𑌾𑌸𑍋 𑌭𑌵𑌿𑌤𑌾 𑌯𑌦𑌿 𑌰𑌾𑌘𑌵 ।
𑌤𑍍𑌵𑌯𑌾 𑌮𑌮 𑌨𑌰𑌵𑍍𑌯𑌾𑌘𑍍𑌰 𑌨𑌾𑌹𑌂 𑌤𑌮𑌪𑌿 𑌰𑍋𑌚𑌯𑍇 ॥ 20 ॥

𑌅𑌹𑌂 𑌗𑌮𑌿𑌷𑍍𑌯𑌾𑌮𑌿 𑌵𑌨𑌂 𑌸𑍁𑌦𑍁𑌰𑍍𑌗𑌮𑌂 𑌮𑍃𑌗𑌾𑌯𑍁𑌤𑌂 𑌵𑌾𑌨𑌰𑌵𑌾𑌰𑌣𑍈𑌰𑍍𑌯𑍁𑌤𑌮𑍍 ।
𑌵𑌨𑍇 𑌨𑌿𑌵𑌤𑍍𑌸𑍍𑌯𑌾𑌮𑌿 𑌯𑌥𑌾 𑌪𑌿𑌤𑍁𑌰𑍍𑌗𑍃𑌹𑍇 𑌤𑌵𑍈𑌵 𑌪𑌾𑌦𑌾𑌵𑍁𑌪𑌗𑍃𑌹𑍍𑌯 𑌸𑌂𑌯𑌤𑌾 ॥ 21 ॥

𑌅𑌨𑌨𑍍𑌯𑌭𑌾𑌵𑌾𑌮𑌨𑍁𑌰𑌕𑍍𑌤𑌚𑍇𑌤𑌸𑌂 𑌤𑍍𑌵𑌯𑌾 𑌵𑌿𑌯𑍁𑌕𑍍𑌤𑌾𑌂 𑌮𑌰𑌣𑌾𑌯𑌨𑌿𑌶𑍍𑌚𑌿𑌤𑌾𑌮𑍍 ।
𑌨𑌯𑌸𑍍𑌵 𑌮𑌾𑌂 𑌸𑌾𑌧𑍁 𑌕𑍁𑌰𑍁𑌷𑍍𑌵 𑌯𑌾𑌚𑌨𑌾𑌂 𑌨 𑌤𑍇 𑌮𑌯𑌾𑌽𑌤𑍋 𑌗𑍁𑌰𑍁𑌤𑌾 𑌭𑌵𑌿𑌷𑍍𑌯𑌤𑌿 ॥ 22 ॥

𑌤𑌥𑌾 𑌬𑍍𑌰𑍁𑌵𑌾𑌣𑌾𑌮𑌪𑌿 𑌧𑌰𑍍𑌮𑌵𑌤𑍍𑌸𑌲𑍋 𑌨 𑌚 𑌸𑍍𑌮 𑌸𑍀𑌤𑌾𑌂 𑌨𑍃𑌵𑌰𑍋 𑌨𑌿𑌨𑍀𑌷𑌤𑌿 ।
𑌉𑌵𑌾𑌚 𑌚𑍈𑌨𑌾𑌂 𑌬𑌹𑍁 𑌸𑌨𑍍𑌨𑌿𑌵𑌰𑍍𑌤𑌨𑍇 𑌵𑌨𑍇 𑌨𑌿𑌵𑌾𑌸𑌸𑍍𑌯 𑌚 𑌦𑍁𑌃𑌖𑌿𑌤𑌾𑌂 𑌪𑍍𑌰𑌤𑌿 ॥ 23 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌸𑌪𑍍𑌤𑌵𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: